هاقولكم شوية حكم يا جماعه تحطوها حلقه فى ودنكم
وعقبالي احطهم برضه بس تقريبا كده خلاص هاحطهم عشان انا خلاص وداني اتخرمت من كتر ما سمعت
اليكم خلاصة الحكم بقى عشان تعيشوا فى هدوء
ما ينوب المخلص الا تقطيع هدومه
اخرة خدمة الغز علقه
يا داخل بين البصله وقشرتها ما ينوبك الا تشم ريحتها
ما دام انت عارف الى فيها ليه تحط ايدك فيهاااااااااااا ليييييييييييييييييه؟؟؟؟؟؟؟!!
من تعبه عقله تعبته رجليه
اصحاب العقول في راااااااااحه ..أه بس المجانين فى نعيم.
واعمل الخير ارميه البحر
وطنش تعش
وهاكونا ما تاتاااااااا على راي تيمون وبمبه
على فكره انا كانت لازمه فى كلامي دايما اقول صبرني يارب
بقالي فتره بقى غيرت باقول اللهم افرغ علينا صبراااااااا
اي خدمه ان ما كنتش اديلكم خلاصة تجاربي ادي لمين يا ولاد
هههههههههههههههههههههههههه
ردحذفحلوه ديه
بس انا ودني اتخرمت قبل كده من المثال والحكم دول
تعيش وتتخرم ودنك يارب
اها يا زوجه ما انا حافظاهم زي ما انتى شايفه
ردحذفبس ياريتنى عملت بهم
لالالالالالالالالالالالا
ردحذفتعملي بيهم ايه
انتي كده من غيرهم حلو
ديه امثال محبطه
أنا بقى أكتر مثل بيعجبنى رغم بساطته لكن بيحمل فكره عميقه
ردحذفجاموسه بتولد طيب التور بيحزق ليه ؟! قال : أهو تحميل جمايل !!
لا مؤاخذه يا أم خالد أمثال الفلاحين بتاعتنا أغلبها كده .. أو كيدهى ههههه
ههههههههه
ردحذفخلاصة الامثال والتجارب
ههههههههه
ونعم الامثال يا ام مريم
شاكرين مهللين
هى ودانا بازت غير من كتر الحكم والحلق اللى فى الودن
هههههههههههههه
ردحذفحكم دايما بقولها لنفسي
و ساعات كتير مش بعرف اسيطر علي نفسي و اعمل بيها
بس حلو اوي المثل بتاع عمرو ده
ههههههههههه
بصراحة اول مرة اسمعه
نياهاهاها
ردحذفتقصدي مين بالكلام ده؟
ههههه
هو لو كنا بنعمل بيها كان بقى ده حالنا
ردحذفزوجه
ردحذفماهو للااااااسف مش عارفه اعمل بها بس بحاول
عمرو
ردحذفهههههههههههههههههههههههه
حرام عليك يا استاذ عمرو هاموت من الضحك انا كده
ايه المثل ده اول مره اسمعه بس جامد اوعدك ينزل فى القاموس عندي
مالها امثال الفلاحين زي الفل
عشان اتكلمت عن البهايم مالهم البهايم
ما علينااااااااا
حد يسكتني بقى
نورت يا عمرو
همس الاحباب
ردحذفوالله يا ابو همس احترت واحتار دليلى من الناس
موني
ردحذفانا بقى نفسي اسيطر على نفسي واعمل بيها جداااااا
والله العظيم انا باتعب نفسي اونطه بس دايما اصبر نفسي واقووووول الى عند الله ما بيروحش
والمثل بتاع عمرو انا هانزله فى القاموس بتاعي خلاص
بس بافكر اخليها معزه وجدي عشان تبقى خفيفه فى الشيل يعنى
ههههههههههههههههه
اسامه عبد العال
ردحذفاصحك يا اخويا اضحك
الطائر الحزين
ردحذفاي والله يا طائر حسبنا الله ونعم الوكيل
الله ينور يا جميل دى ولا الحكم الصينيه حكم امرأه غير مطحونه
ردحذفوحشتينى يا جميله
اسيبك وااقرا البوست اليى عدانى شكله مرعب يا مرعب انتا
الا ولادك اخبارهم ايه
ربنا يباركلك فيهم
محاسن
ردحذفتعيشي يارب
ولادي الحمد لله كويسين
ادخلي على الرعب بقى ولا يهمك
مستنيه رايك اهو
إديها طناش ولا تتعشاش الحب طشاشا إن كنت عايزها ما تستناش
ردحذفدي حكمه جديده
تقبلوا مروري زيارتي الاولى وليست الأخيرة
تعرفي ان الأمثال والحكم نتاج خبرات شعبية ومنها الكثير صحيح بالفعل
ردحذفطيب ايه رأيك في المثل دا :
الخنفسة تشوف ولادها على الحيط تقول دا لولي ملضم في خيط ..
ولا المثل دا :
يا مستني السمنة من بطن النملة عمرك ما ها تقلي ..
شكرا وتحيتي
هههههههههههه
ردحذفبوست كلله حكم
أيه الموضوع يا أم مريم
بجد وأنا بأقرأ البوست مستني الموضوع
أتاري الموضوع كلله تخريم ودان ههههه
مشكوره على النصايح المفيده دي
والسلااااام ختام
ههههههههههههه بدخل مدونتك بستفيد جدا علشان انا على وش جواز وبحب حكمك بصراحه
ردحذفحلوين أوى
ردحذفبس ماتغلبيش نفسك صعب يتنفزوا عملي
أكل فول و أخرج قفاي عرض و طول و لا آكل كباب ووقفة الديانة ورا الباب
ردحذفآدينى حيه لما أشوف اللى جيه
ابن بطني يفهم رطني
ابنى فى ملكك و ملك غيرك لأ و احكم بطبعك و طبع غيرك لأ و ربي ابن ابنك و ابن بنتك لأ و الميه تنزل فى الواطي و العالى لأ
استعدل و لا تستعجل
اغسلى حلتك من دمعتك و لا تغسليهاش من زعلتك
ألف عدو برا الدرا و لا عدو جوا الدار
اللى بيعاير ما على باله من اللى داير
اللى ما لوش شغلة تشغله يفتح الباب و يقفله
اللى يعمل نفسه رده تنكشه الفراخ
ان وقعت يا فصيح ما تصيح
بعد ما كان بينام على المصطبة نجدله لحاف و مرتبة
البيض الجربان يلم على بعضه
دونى و دونك الميدان و القصير و الطويل بيان
الرغيف اللى يلمع للصاحب اللى ينفع
زرعت لو كان فى أرض لو كنت و سقيتها بمية يا ريت و طرحت ما يجيش منه
شحات و طماع و طالب طلب عالى يدوا له كحكة يقول دى عوجة غيروها لى
شيلنى ما لا أطيق و لا تمشينى مع الغشيم
الضحك على اصناف : يا كيد يا فقعة يا قلة أصناف
طلع عين الكلب و ارميها و اللى فيه خصلة ما يسليها
الطويلة تقضى حاجتها و القصيرة تنده جارتها
العايط فى الفايت نقصان فى العقل
الغجرية ست جيرانها ان ما خافوا منها يخافوا من لسانها
غراب ضمن حداية الاتنين طايرين فى طايرين
كل حماية بليفة أحسن من فرخة بتكتيفة
كل عيش حبيبك تسره و كل عيش عدوك تضره
لبس الخنفسا تبقى ست النسا
لولاكى يا جارتى لانفقعت مرارتى
لولا الخيط و الابرة لأصبحت الناس فى عبرة
ما تبكوش على اللى خابت زرعته ابكو على اللى خابت ذريته
ما تدعيش على الكافر وهو غافل
ما حدش اشتكى و لا قال آه الا لما الوجع جه فيه
ما ديق الزريبة إلا على الحمارة الغريبة
من باعك بيعه و ارتاح من قهره و ان كنت عطشان ما تورد على نهره
هفتكر منك ايه يا بصلة و كل عضة بدمعة
يا بخت من له يا شقاوة من عليه
يا خاين و عامل من الليل ستارة بكرة يروح الليل و تظهر الأمارة
يفوت عليا ما يقولش عوافى و أنا مربياه من لحم كتافى
_____________
يارب حاجة منهم تفرح حد
ربنا يجعلها في ميزان حسناته يارب
ميرسى وشكرا ومتشكرين وتسلمى على هذوه الحكم الغالية
ردحذفهههههههههههههههههههههه
ردحذفوالله مجموعة حكم من الأخر
تسلم دماغك
عبد الرحمن
ردحذفحلوه دي يا عبد الرحمن دي بقى امثال مستحدثه اكيد ما كانتش على ايمانا
هههههههههههه
نورت ودايما منور
ايمى
ردحذفتسلمى ونورتي
جني
ردحذفتعيش يارب اها عايزه المواهب كلها تطلع كده
نورت
استاذنا احمد
ردحذفاها والله كله تخريم ودان على رايك
بيبرس
ردحذفانت لسه ما تعرفنيش ما حدش يقدر عليه بفضل الله تعالى ونعمته
حاسوباتيه
ردحذفعنيه ليكى اي خدمه يا جميل
اليس
ردحذفيخرب عقلك ضحكتينى ضحك ايه الامثال دي كلها جبتيهم منين قيدى عندك يا بنتى على ما ابقى احفظهم حبه حبه
نورتي يا جميل
سنابل قمح
ردحذفنورتي ودايما منوره
فعلا صعب بس مش مع كل الناس فى ناس اساسا عايشين كده
بلو ويف
ردحذفالله يخليك تسلم انت وتنور دايما
انجي
ردحذفالعفو يارب حد يعمل بهم بدل ما يتقرف قرفي
نورتي ودايما منوره
حبيبتى ياصبرنى انت وحشتينى جدا وانا عارفه انى مقصرة معاك بقالى فتره بس اعمل ايه الشغل وامتحانات الاولاد مش مخليانى ابص قدامى - وفاتنى البوست الجميل الى قبل ده بس قريته دلوقتى وكان حلو ومفيد قوى -اما بالنسبه للامثال فانا مابعرفش امثال مصرى كتير لانى اصلا مولوده فى الغربه-بس ممكن ااقولك مثل خليجى ظريف وحاولى تترجميه ولو معرفتيش قولى لى وانا هاترجمه (يعيب القرد على الوزغه ويقولها ياسوده يامحترقه)بس الامثال المصرى اظرف ودمها خفيف - بس انت دمك خفيف دايما واكيد حد زعلك وخلاك تقولى الامثال دى كلها -سلمى على الامامير ولادك وتعالى دبى خليهم يلعبوا مع ولادى-احنا عندنا اجازة لمدة اسبوعين-تحياتى ليك ياقمر - داليا -
ردحذفانتي فين يابنتي
ردحذفاظهر وبان عليك الامان
لو على ريحة البصل ماشى و العلقة الواحد يستحمل .. لكن الا الهدوم يا اختى
ردحذفتقولى قبلت مين النهارده ؟؟
قبلت حد نفسه تعملى بالحكم دى اووى P:
بنت الغربه
ردحذفاخبارك ايه والله واحشاني ربنا يقويكى يا جميل
ويعنى ايه الوزغه دي يا اختي ؟؟
انا كنت عايشه فى الامارات بس طبعا مش فتره طويله وكمان كان احتكاكي بهم مش كتير اوي على قد صحباتي من العماره والحج وكانوا بيحاولوا يكلموني كلام قريب من المصري عشان افهمهم
وما حدش يقدر يزعلني يا دوللي انا ازعل بدل بزيها هههههههههههههههههه
ونفسي اجي دبي والله يا دوللي ليا فيها ذكريات حلوه اوي خصوصا خور بر دبي والمطعم المصري على على الخور فتافيت ده هييييييييه ايام بقى
والاجازه طبعا عشان عيد الاتحاد وعيد الاضحى جايين مع بعض
ايام ما انا كنت فى الامارات حصلت برضه بس كان عيد الفطر والعيد الوطني
اه خدي المعلومه دي على الماشي
الشيخ زايد الله يرحمه كان عيد ميلاده يوم واحد ديسمبر برضه
أنا شوفت صورة جواز سفره
تسلمى يا دليا ونورتي وفكرتينى بايام كان هلا حلاوتها وهدوئها
زوجه انا اهو يا اختي
ردحذفكنا بنصطاد سمك بس ما لقناش سمك اكبر من كي جي وان وساعات رضع وحياتك
قوس قزح
ردحذفلا انتى كده عايزه رد بينى بينك بقى الصبح اكلمك اقولهك هنا ما ينفعش هههههههههههههههههههه
ومين ده الى نفسه اعمل بالحكم دي اوي ؟؟؟
بكره هاقعدك على كرسي الاعترف اساسا تحكيلى التجمع كله
مش كان وداااااااني التجمع طيب ما روحنا ما لقيناش سمك عااااااااااااااا
بيقوله امثال تاني حلوة
ردحذفزي ضربني و بكى و سبقني و أشتكى
هههههههههههههههههههههههههههه
ردحذفاردب ما هولك لا تحضر كيله تتعفر ذقنك وما ينوبك غير شيله
ردحذفواجري يا مشكاح للقاعد مرتاح
واتصالح الفار على العرسه ونسيوا الكلام والهرسه
وأما شفي المريض نسى وصفة المداوي
بكرة تقوم القيامة و ينصبوا الميزان و يبقى المعدى يعدى و الشقى حيران
واهري يا مهري وانا على مهلي
هههههههههههههههههههههههههههه
يا قلبى فضك من خراب العقول زى ما يخش يقول يطلع يقول
ردحذفداخل بيت عدوك ليه قال حبيبى فيه
اللى يربط رقبته بالحبل كل الناس تجره
من رادك ريده ومن طلب بعدك من الجفا زيده
الضمانة أولها شهامة وآخرها غرامة
_________
دي باه امثال موردن حبة :)
قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو .
من طلب العلا يتفضل فى كابينه (4)
اللى بيته من إزاز ميغيرش هدومه فى الصالون
قال يامحشحشين يكفيكوا شر الكمين
وبكره ترجع ريما من عند خلتها فى مارينا
أكل العيش يحب الطعميه
ياخبرالنهارده بفلوس بكره ينزل عليه أوكازيون
وبكتفي لحد كده باه لحسن والله اروح اجيبلك شوية جداد تحتاسي فيهم :)
اليس
ردحذفيا واد انت يا بتاع القديم والجديد
هههههههههههههههههه
طب والله العظيم لعبة الامثال دي طلعت حلوه تصوري
بس جامدين مووووووت
في كمان
ردحذفطبخت الطبخة و ملحتها بتراب
و اسمع كلامك اصدقك اشوف امورك استعجب
لجل الورد يتسقي العليق
اها امثال جميله
ردحذفبص بقى للمرايه وقولهم تاني
اخيرا وصلت .... كل سنه وانتى طيبه يا ام مريم والنبى انتى عسل.....
ردحذف...
خدى بقا عندك
ردحذفكل شئ جايز حتى جواز العجايز
اسمع كلامك اصدقك اشوف امورك استعجب .. واهو ضل راجل ولاضل حيطة ... خنفسه شافت ولادها على الحيط قالت لولى ملضوم فى خيط .... والقرد فى عين امه غزال ... لاتعايرنى ولا اعايرك الهم طايلنى وطايلك .. هه هاخد نفسى وارجعلك
بس خلاص
ردحذفايه ده انا تعبتك باين على ما وصلتي انا عارفه الصفحه بتاعتي مليااااانه مدونات تتوه بس هاعمل ايه بقى على بال ما يكفوني كلام
نورتي يا جميل وتسلمى على الامثال ووقتي ما تحبي تيجى تعالى يا قمر
طب ليه ابص في المراية يا صبرني؟؟
ردحذفرد غريب جدا
انهي طبخة اللى انا ملحتها تراب دي؟؟
مش عارف حاسس ان بالرد ده داخلين على خناقة
ولا خناقه ولا غيره ياا حمد
ردحذفخلاص بقى كده كفايه امثال وحكم
وكمان كفايه عليا كده بقى
ولا انت شايف ايه ؟؟؟
ههههههههههههههه
ردحذفهاكونااا ماتاتااااا يا ام مريم