كان يا ماكان فى سالف العصر والاوان كان فيه اخين توأم ولد وبنت
لما اتولدوا فكروهم كائن فضائي وكانوا هايرموهم اصلهم كانوا ملزوقين فى بعض
ايوه شكلهم غريب اوي بس الدكاتره قالولهم انهم ممكن ينفصلوا ويبقوا عاديين
فاهلهم استغربوا اوي اول مره يشوفوا اثنين لازقين فى بعض كده
واحتاروا يسموهم ايه سموهم اوشه وموشه وماكنوش مصدقين انهم هايعيشوا اصلا
وكانوا اوشه وموشه اول سيامي من نوع مختلف دايما السيامي بيبقى يا بنتين ولا ولدين
ويمكن ده خلاهم حاله مهمه بالنسبه للدكاتره
وفضلوا اوشه وموشه عايشين مع بعض سنه كامله ما شافوش بعض خالص لكن عايشين مع بعض
بيناموا مع بعض ويصحوا مع بعض حتى بيجوعوا مع بعض وكانوا لازم يرضعوا كمان مع بعض
وحلا للمشكله دي كانت مامتهم ترضع واحد من صدرها والتاني حد تاني قعد قصادها يرضعه بالبزازه
والرضعه الى بعدها يبدلوا
مش شايفين بعض بس سامعين بعض وحاسين بعض سامعين دقات قلب بعض
اديهم ما لمستش بعض لكن هما لامسين بعض من جوه . جوه جسمهم
جوه اوي اوي
اوشه وموشه بعد سنه من عمرهم عملوا عملية الفصل وبقوا كائنين منفصلين
لكن جسديا
بس فضلوا سامعين بعض وحاسين ببعض بيجوعوا فى نفس الوقت وياكلوا فى نفس الوقت
ويعيطوا فى نفس الوقت ويناموا مع بعض ويصحوا مع بعض
لا وبقوا شايفين بعض كمان
كان يوم غريب لما شافوا بعض اول مره
قعدوا يبصوا لبعض وكأنهم بيشبهوا على بعض
وتحس كل واحد فيهم بيقول للتاني ايه ده هو انت ؟؟
انت الى انا حاسس بك من يومها ؟؟
تصدق كأنى كنت بادور عليك مش لاقيك
على فكره هما كمان قالوا الكلام ده لبعض فى نفس اللحظه
وفضلوا عنيهم متعلقه بعنين بعض بتروح في نفس الاتجاه فىنفس الوقت
وكأنه عايزين يدخلوا جوا بعض من عنين بعض
اوشه وموشه كانوا بيلاحظوا بعض على طول مركزين اوي مع بعض
ومره كانت مامتهم وباباهم كل واحد مستلم واحد منهم وبيغيرله البامبرز
و اوشه بيبص لموشه كده وبيراقبها كعادته فى الخباثه فاتخض جدا وقال يااااااه ايه ده ؟؟؟!!
يا ترى مين عور موشه كده يا حرام ده شكلها مسكينه اوي طب دى بتعمل بيبى ازاي دلوقتي
قوم موشه لاحظت انه بيبص عليها قوم قالتله فى بالها ايه يا ابنى خليك فى حالك وفجأه هى كمان بصتله باستغراب
وعنيها برقت اوي وقالتله اييييييه ده يا مامي ايه الى طالعلك ده ؟؟؟!!! بس هى فتحت فى
الضحك بقى انت كنت بتشتغل رجل مطافي فى بطن مامي ولا ايه
هاهاهاهاهاهاها
قوم بصلها كده وقالها اجري اجري شوفي انتى مين عمل فيكى كده
تقوله عمل فيا ايه ما انا حلوه اهو ما تبصش انت على علبة اللولي بتاعي لو سمحت
اوشه قعد يضحححححك ويقولها ايه ؟؟ اسمها ايه يا اختي علبة اللولي ؟؟
موشه قالتله اه علبة اللولي مامي بتقول عليه كده وهى بتغيرلي مالكش دعوه انت وطلعتله لسانه وادته ظهرها
وهوب بدأت عياط جامد عشان مامتها تلبسها بقى وبلاش فضايح اكتر من كده
وهكذا اطفالي الصغار او الكبار مش مشكله
فضلوا اوشه وموشه عايشين كده مع بعض
سامعين بعض حاسين بعض شايفين بعض
بيكتشفوا الدنيا مع بعض ويعلموا بعض
ويعلموا على بعض
ما يبطلوش خناق مع بعض على كل حاجه
وما يبطلوش لعب مع بعض برضه
بس فضلوا شايفين بعض لأ مراقبين بعض
وسامعين بعض لا برضه
سامعين دقة قلب بعض
حاسين بعض وفاهمين بعض
كانت معكم نوتي الفتانه بالاشتراك مع الصديق العزيز جولدن
يا ريت الحميمية التي بين اوشة وموشة ,, تظهر في الأسر
ردحذفتظهر بين الازاوج ويسبوهم من الخرس الزوجي
تظهر بين الإخوات .. وميشكلوش بعض علي الفلوس والميراث ..
تسلموا علي أوشة وموشة .........
تحياتي
بما انك عارفة حالتي تماما
ردحذففكان مناسب لي جدا اقرأقصة قبل النوم
حلوة يا نوتي
حلوة قوي
هههههههههههههههههههههههههه
بجد طريقة حلوة جدا في الحكي..
ردحذفخلتينا نشوف الدنيا بعيون اوشه وموشه وكأننا فعلا (اصدقاءك الصغار)
خاصة وانا بأقرا البوست ده الرابعة فجرا...يعني قبل النوم :) :D
iiiiiiiiiiiiii
ردحذفههههههههههههههههههه
موشه
واوشه
جميله
القصه
بجد
يااااااااااااااااااااااااه
احنا كنا بنعمل كده
ونقول كده واحنا صغننين
بس
فى حاجه
كده
عاوز اقولها
محدش
بيحس بالتانى
فى الزمن
ده
وأحنا مالنا؟
ردحذفنوتى حبيبى وحشانى موتتتتتتتتتتتتتتتتتت
ردحذفالا مين جولدن ده ؟؟
ايه ده انت لاقيتى العفريت بتاعك يا سيدى يا معفرت :-)
طيب و ده عفريت ابو العيال و لا حد ثانى ؟؟؟ خلى بالك اصل العفاريت برضه عند العفريت المذكرة مخها ضارب و ممكن يحاول يخلص عليكى :-) بعتبر انك ملكه و ملكيش اختيار غيره بحق وضع اليد :-)
اوشة و موشة :-) بلاش اعلق خلينى ساكته احسن
بس البوست المعفرت ده عايزله مدونة رابعة لدردر :-)
والنبى يا نوتى زن عليها شوية كده
مهلبية
كستر
جيلى
اى حاجة حلوة بالكريم شانتيه :-)
للعيال علشان يشدوا حلهم فى الامتحانات و احنا كفايا علينا كعفريت نلحس المعلقة :-)
مستر بريزدنت
ردحذفياريت فعلا وده حقيقى الى انا قصدي عليه
متشكره لك اوي
ستيته
ردحذفايوه يا جميل عارفه كلنا لها
مبسوطه انها عجبتك
نورتي
تيمو
ردحذفاي خدمه نوما هنيئا
:)
متشكره لك اوي ونورت
باحث عن حب
ردحذفلا فى ناس بتحس ببعضها بس قليلين
بس الحمد لله انهم لسه موجودين
شكرا على الكلام الجميل
نووورت يا باحث عن الحب
مصري جدا
ردحذفازاي وانتوا مالكم
وبعدين اكتب الحقيقه تقلولي نكدتي علينا
ارفه عنكم تقولولي واحنا مالنا
اقطع نفسي بقى ولا ايه :)
وندا
ردحذفوحياتك عندي انا جبتلك نوتي مخصوص عشانك
وبالنسبه لجولدن ده صديق عزيز برضه اخدت فكرة البوست من كلامه وبعدين لما شاف الموضوع قبل ما انشره زود عليه كلام
فانا حبيت اقولكم ان صديقى العزيز جولدن كتب البوست ده معايا
وعونيه حاضر عاملكم حاجه حلوه فى المطبخ ولو ماليش مزاج اعمل حاجه حلوه والله مش عارفه ليه
بس نحاول عشان خاطرك
منوره يا وندتي العزيزه
جميله اوي
ردحذفتسلم ايدك
قصه بجد حلوه جدا وليها معاني كتير بس اللي يفهم
التوأم السيامي بقم قليلين جداً في الزمن ده والدكاتره بيقولوا قربوا ينقرضوا خلاص :)
ردحذفتحياتي :)
غير معرفه
ردحذفمرسي يا جميل ربنا يخليكى
تامر علي
ردحذفطب ما تيجى انا وانت ناسس جمعيه للمحافظه على السيامي من الانقراض
:)))))
عموما ما دام لسه في سيامي يبقى لسه فى امل انه ما ينقرضش
هههههههههههههههه
ردحذفموتينى من الضحك والله
---------------
طب دى بتعمل بيبى ازاي دلوقتي
====
وعلبه الوللى
=---
يادى الفضايح
ههههههههههههههههههه
ابداع يا ناس
تحياتى
حلوة يافندم ودمها خفيف
ردحذفتحياتى
السلام عليكم
ردحذفولكي يكون الحب حقيقي لابد ان نكون جميعا توائم سيامية .. ولكن كيف يكون ذلك ؟
سهلة وبسيطة عندما آخي النبي صلى الله عليه وسلم بين المهاجرين والانصار كان هناك الحب الحقيقي ..
ولو علمنا انه لكي نكون في ظل الله يوم لا ظل الا ظله ان نحب في الله الحب الحقيقي :
عن أبي هريرة عن النبي صلى الله عليه وسلم قال سبعة يظلهم الله في ظله يوم لا ظل إلا ظله .. منهم : ورجلان تحابا في الله اجتمعا عليه وتفرقا عليه .. صحيح البخاري ..
تحيتي
قلب حزين
ردحذفمتشكره اوي ربنا يخليك
علبة اللولي دي مصطلح اقتبسته من واحده ست كبيره اوي فى السن
نووووووورت
ابو حميد
ردحذفمتشكره اوي ربنا يكرمك
جني
ردحذفاستاذ سعيد
والله هو ده قصدي فعلا
نحب بعض ونحس بعض كاننا جوا بعض
والف شكل على الاحاديث الى حضرتك قلتها والى فعلا فى محلها عن كلامي ومتشكره اوي اوي لك على تعليقك الجميل
فكره مبهرة
ردحذفمحمد عبد الغفار
ردحذفمتشكره يا فندم ربنا يخليك
نورتنا
حلوة وفكرتها حلوة
ردحذفبس كنت طول الوقت مستنى انهم يطلعوا حاجه انهم يكونوا اطفال
بس بصراحه ماجبتش الوصف وهما بيغيروا البنبارز يعنى شايفه مش اضافه للقصة
او انتى ليكى وجهة نظر ممكن اعرفها؟
اسلوبك فى الحكى يشد جدااااااا ويجبرنى انى اتابع للاخر
محمد فؤاد
ردحذفانا كل كلمه فى البوست لها معنى عندي طبعا
يعنى مش لازم تفهموا كل حاجه بقى هى هيصه ولا ايه
ههههههههههههههههههههه
طبعا دي لها معنى بس ده موال طويل اوي عايز بوست لواحده عشان اشرحه
طب لما اشوفك على الميل بقى