الثلاثاء، 30 سبتمبر، 2008

العيد فرحه

كل سنه وانتم طيبين يا مدونين ومدونات وكل الناس وربنا يجعله عيد سعيد وخير عليكم كلكم يارب

بكره العيد يا جماعه يعنى العيد فرحه مش فرخه وفته ولحمه .

بجد افرحوا وفرحوا كل الى حواليكم . والىمخاصم حد يصالحه فرصه ان فى عيد .خلوه سبب للخير كده والصلح
وعيدوا وانتم فرحانين بالعيد وباهاليكم واصحابكم .

والى مزعل مراته ولا مراته مزعلاه حتى ولا مزعله جوزها ولا غيره ياريت تعيدوا وبعدين تكملوا خناق وزعل مافيش
مشكله بس عيدوا وافرحوا بالعيد .


والى ناوي يعمل خير يلا بسرعه قبل ما تعدي ايام الخير وتكون سبب فرحة اي بنى ادم فى العيد ده .

والى عايز بالونات يجى ياخد من عندي ياااااالا انشاله ما حد حوش . ولو ان مريم قاعده ورايا اهو تنفخ البالونات ومش عاجباها وبتقولي دى صينى واي كلام .

كل سنه وانتم طيبين وبالف خير وسعاده وربنا يعيد عليكم الايام الحلوه وانتم بصحه وهنا يارب

هناك 30 تعليقًا:

Appy يقول...

كل سنه وانتى طيبه انا جايه المنصوره وهقعد انادي عليكي علشان البالونات

صبرني يارب يقول...

تنوري يا جميل

تعالى والله

احنا فاتحين النهارده كمان روحي المحل وخدي كيس بالونات هديه مني يا جميل

بس آبي بس اه عشان مش الكل يروح بقى وهيصه

كل سنه وانتي طيبه يا قمر

Anonymous يقول...

كل سنه وانت طيبه-انا اول مره ااقراالبوست بتاعك-بس بصراحه عجبنى قوى-وقريت كل المواضيع الى كتبتيها-وان شاء الله مش اخر مره هاعلق على مواضيعك-داليا-من دبى-

mohamed يقول...

كل سنه وانتى ومريم طيبين وكل أحيائك

(احمد سكر ) يقول...

كل سنه وحضرتك طيبه

ومريم كمان بتنفخ بلالاين

علشان محمد ومحمود


عاوزين البالونات

كل سنه وانتم دايما بخير

عيد سعيد مبارك عليكم

احمد

حسن حنفى يقول...

كل سنه وحضرتك طيبه وبالف خير

عيد سعيد

الباحث عن الحقيقة يقول...

العيد فرخة وبطه ووزره
كل سنة وانتي طيبه والاولاد جميعا بخير

د/اجدع بنوته يقول...

كل سنه وانتى بالصحه والسلامه

انا بنفخ ف البلالين اهو

لما قفصى الصدرى اطبق

هابى عييييييييييييييد

قوس قزح يقول...

رضي الله عنكى وأرضاكى
وهداكى وأغناكى
وعافاكى وشفاكى
ووفقك لخير الدعاء
وأجاب لكى الرجاء
وأحبك بلا ابتلاء
وجعلك ساعية للخير
مؤثرة في الغير
وكل عام وانتى بخير

جنّي يقول...

السلام عليكم ورحمة الله وبركاته

عيدكم مبارك

تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر

كل عام وأنتي منصورة يا أمتي

أخوكم
سعيد

blue-wave يقول...

كل سنه وانتى طيبه
ويارب نقدر نعمل بالنصيحه

مصري بالغربة يقول...

كل سنة وانت طيبة يا امرأة غير مطحونة

وسلامي ل مريم

مهندس / محمود

ahmed_k يقول...

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

romansy يقول...

كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات

ojg يقول...

كل سنة وانتي طيبة
كلامك ودعوتك منتهى الرقة
تسلم ايديكي
:)

mahasen saber يقول...

..عيد سعيد...
عليكى وعلى اسرتك
وعلى كل من تحبين
وعلى مريم بالاخص ربنا يباركلك فيها
وكل سنه وانتوا بالف الف خير
وربنا يسعدكوا ببعض..
اللهم امين

واحب اشكرك جدا على زيارتك الكريمه لمدونتى وتهنئتك الرقيقه بالعيد
بجد من قلبى الف الف شكر
وجزاكى الله كل خير
وربنا يباركلك فى ملاكك الصغير مريم..
عيد سعيد

FaceMoon يقول...

كل سنة وانتى طيبة ومريم كمان طيبة وعيد سعيد حبيت اعيد عليكى واقولك بجد وحشتينى اوى ومواضيعك وحشتنى حقعد اقرا اللى فاتنى كلة العيد بقى جة وفيه اجازة فضيتلك بقى
وحشاااااااااااانى

صبرني يارب يقول...

داليا من دبي

نورتي يا حبيبتى والله وان شاء الله تنوري على طول
وكل سنه وانتى طيبه وبخير

صبرني يارب يقول...

أحمد سكر
كل سنه وانت بالف خير وصحه وسعاده وربنا يخليلك محمد ومحمود

والبلالين نوصلها لحد البيت يا استاذنا عنينا لهم

صبرني يارب يقول...

الاخ محمد

كل سنه وانت طيب وبألف خير وسلام

صبرني يارب يقول...

حسن حنفي
==========
وانت طيب وبالف خير يارب


الباحث عن الحقيقه
================
بطه ووزه وفرخه وفسيخ وحياتك كل سنه وانت طيب ومنور


اجدع واجمل بنوته
===============

كل سنه وانتى طيبه يا جميل والف سلامه على صدرك يا جميل
هابي عيد يا قمر


قوس قزح
========
كل سنه وانتى طيبه يا جميل ربنا يكرمك

صبرني يارب يقول...

الاخ سعيد (جني )
==============

كل سنه وانت بالف خير وسلام يارب انت وعيلتك وحبايبك كلهم والمسلمين اجمع ونورت

بلو ويف
=======
يارب كل الناس تعمل بنصيحتى لانها فعلا فرصه وسبب عشان نتصالح ونتصافى
وكل سنه وانت طيب ونورت

مصري بالغربه
============
وانت طيب وبخير يا اخ محمود ونورت

صبرني يارب يقول...

الاخ احمد :
=========
كل سنه وانت طيب وبخير وهنا وسعاده ونورت وربنا يكرمك على الدعاء

رومانسي
========
كل سنه وانت طيب وبخير ونورت المدونه وصاحبتها ودايما يارب

صبرني يارب يقول...

ojg
====
كل سنه وانتى طيبه يا جميل ونورتينى وتسلمى يارب

محاسن صابر
==========
وانتى طيبه يارب انتى وكل حبايبك وتسلمى

فيس مون حبيبتى
=============
انتى كمان يا جميل واحشاني والله وكل سنه وانتى طيبه وانا كمان ان شاء الله هاحاول افوق شويه للمدونه اصل انا بجد قصرت فيها كتير الايام الى فاتت .
نورتي يا جميل وكل سنه وانتى طيبه

mostafa rayan يقول...

كل سنةوانتي طيبة

canary يقول...

وكل سنه وانت طيبه وينعاد عليكى

بالخير وربك يصلح الاحوال ومش بعيد

يتغير كمان ويبقى فيه امل

صبرني يارب يقول...

كناري

ايه النور ده

كل سنه وانتى بالف خير يا جميل

صبرني يارب يقول...

مصطفى ريان

وانت طيب وبخير وسلامه يارب ونورت

بنت سيناء.. يقول...

وانتى طيبة ويارب تكونى سعيدة زى ما حسيت فى البوست بتاعك السعادة

صبرني يارب يقول...

بنت سينا
حبيبتى الحمد لله انا فى فضل ونعم
ما حدش بيخلى من المنغصات لكن طبعا عموما انا الحمد لله سعيده وراضيه

ودعوتي لكل الناس انهم فى العيد ياخدوا اجازه من الهم ويفرحوا لايام ويبقوا ينكدوا على بعض بعدين