الجمعة، 16 أبريل، 2010

بدون كوب ماء

بدأ يومها كالعاده بجرس التنبيه المعتاد

فتحت عيونها بصعوبه لتطفيء الصوت نظرت حولها تتبين معالم المكان ثم تمتمت (أصبحنا واصبح الملك لله )

وغادرت فراشها ببطيء وهدوء وبعض الكسل

واهتمت بشؤن البيت والاولاد والزوج بهمه ونشاط وفتور فى أن واحد

ثم ذهبت  الى عملها  لتبدأ المعركه فى ساحه  اخرى بنفس الهمه ونفس الفتور

فتور نفسي هى تشعر انها تفعل كل شيء وفى نفس الوقت فهي لا تفعل شيء

قلبها؟
لا تعرف  كان ينبض ..... ولكن هى لا تعلم ماباله هو الاخر اصبح ينبض كمن فى بيات شتوي بالكاد ينبض

اما زوجها فهو الاخر على نفس الحال غير انه يمر بحالات عنيفه من التمرد  تنتهي دايما بعبارة منها (مطلوب مني ايه اعمله ؟؟)

 يشعران الوحده وهما الى جانب بعضهما ووسط ابنائهم واهليهم

حقا هى لا تدري ماهو المطلوب منها ولا حتى منه

قد تصب اعتراضاتها على أي شيء يفعله الزوج او لا يفعله حتى ولكن فى الحقيقه ليس هذا هو السبب  فما السبب ؟ لا تعرف

فد يصب غضبه وثوراته ايضا على ما تفعله هى او ما لا تفعله ولكن ايضا  بعد كل مشكله يوقن انه كان ممكن الا تحدث المشكله اصلا وليس سبب المشكله هو سبب ثورته الحقيقيه
فما هو السبب الحقيقى ؟؟ لا يعرف


اصبحا الاثنين عازفين عن بعضهما عن سعادتهما
بالاحرى عازفين عن الحياه
ولكن يحيووووها  فقط بلا حياه


هل حقا لا يدرون المشكله اين ؟

قد ينظر اليهم البعض قائلين (احمدوا ربنا ) وعيشوا

وبالفعل هم كاسره لديهم الكثير وهذا ما يجعل البيت قائما رغم كل شيء

قد يسألون انفسهم هل  العقد الرابع يحمل فى طياته حياه فاتره بطبعه ؟


ماذا يفعلون ؟
هل يرضون ويعشيون وتمر ايامهم وحسبهم عند ربهم ؟؟؟؟

بل ان الامر يستحق ان يقفوا وجها لوجه باحثين عن مشكلتهم الحقيقيه ومحاولين حلها
ومحاولين  ان يحيوا حياتهم  لا ان يجبرون انفسهم على بلعها حتى بدون كوب ماء  ؟؟؟؟

( ان علمت انه يتبقى لك فى العمر اياما معدوده فارجوك احرص على انت تحياهم دون الم على الاقل )

قال رسول الله صلى الله عليه وسلم : اعمل لدنياك كأنك تعيش ابدا واعمل لاخرتك كأنك تموت غدا
صدق رسول الله صلى  الله عليه وسلم

هناك 42 تعليقًا:

norahaty يقول...

(اصبحا الاثنين
عازفين عن بعضهما
عن سعادتهما بالاحرى
عازفين عن الحياه ولكن يحيووووها فقط بلا حياه)
وللأسف كثير منا هكذا يحيا
حياة بلا طعم ولا رائحة
ولا لون حتى!

فتاه من الصعيد يقول...

الانشغال الروتيني ... الروتين المنشغل :)

اين توجد السعاده ... تلك هي المشكله :)

تحياتي

لولا وزهراء يقول...

ندى

-*-*-
ايه الحكايه هو ده اللى بيطلق عليه اكتئاب الربيع ....
ليه اصبحنا عايشين بمنطق عيشه والسلام !!!!!!

هى حياااااااااه واحده نحيا فيها لابد ان نحصل فيها على ما يسعدنا
مش عارفه ليه كل الجو يشعرنى بالياس والاحباط وانه مافيش فايده

هو ليه كلنا بنقول اللى ننام فيه بنصحو فيه ....
وماذا بعد ؟؟؟؟


زهراء

مجرد بنت يقول...

ساعات حياتنا وظروفنا هى الى بتجبرنا على اننا نعيش من مبدا عيشة والسلام وكل ما نحاول نبقى احسن نلاقى نفسنا بنرجع تانى لورا

حنعيش يعنى حنعيش يقول...

تصدقى انا اكتر واحد ممكن يكون عايز يعيش ودة يبان حتى من اسم المدونه .... بس السؤال اللى بقالى فترة باساله .... حنعيش نعمل ايه اكتر من اللى اتعمل...والواضح كدة ان احنا نعمل مدونه المكتئبين ...ونلم بعضنا ...وهاتك يا نكد ...على فكرة ...ساعات الواحد بيبقى مشكلته انه ماعندوش مشكله
عموما الحمد لله ويارب تبقى مشاكلنا دايما ان ماعندناش مشكله...

الجواز و سنينه يقول...

ندى يا قمر
الحاله اللى انتى بتوصفيها دى مع الاسف حال الناس كلها
مافيش وقت نستمتع بالحياه
نستمتع بالصحبه الحلوه
حتى فى البيت ادام التلفزيون
يا النت
حتى لو الناس كويسه
ماعندهاش ثقافه الاستمتاع بالحياه
كفايه اوى انها ماشيه و هانعمل ايه اكتر من اللى بيتعمل
زعم ان حلها سهل
ضحكه صغيره جميله حصن رقيق بيحلى الحياه
لغايه ما ناخد اجازه من الدنيا
نسمتع فيه لوحدنا بوجودنا مع بعض

شمس النهار يقول...

ازيك
عاملة ايه
يارب تكوني بخير يارب

ايه البوست المكتأب ده


مبروك انك خلصتي التوضيب

علي فكرة اي اتنين لو بيحبوا بعض اوي

وعايزين يكملوا مع بعض هيتمسكوا ببعض جدا
وهيقعدوا يشوفوا الغلط فين ويصلحوا مع بعض

سلامي

Che يقول...

روتين يومى و مرحله الثور و الساقيه
لكن يظل الحب ليهونهاو ليتمكنوامن بلع الحياه بدون كوب ماء

صوت من مصر يقول...

ياللى بتسال على السعادة قولى فين هى السعادة

صيدلانيه طالعه نازله يقول...

مش عارفه فعلا ايه السبب
بس انتى وصفتى حالى و حال معظم الناس فى الزمن اللى احنا فيه
و على الرغم اننا حاسين المشكله بس مش عارفين نحلها لاننا مش قادرين على المواجهه للاسف

خايفين تبقى المواجهه جارحه او صادمه
بس لازم تحصل

احنا بنسكت و نعدى و نستحمل و للاسف بنلقى نفسنا فى الاخر ماشيين لاتجاه اهى عيشه و السلام

تحياتى على البوست الموجع

غير معرف يقول...

الحياه لو انا عارفه اني هموت بكره يبقي لازم اعيشها في منتهي السعاده بما لا يغضب الله عز وجل
ولازم افكر الاول في نفسي ثم من حولي
وليس العكس
لانه لو كان العكس يبقي عمري مهقدر ارضي كل من حولي وبالتالي لا استطيع اسعد من حولي
يبقي زي مبتقول ستيته لا اعرف اسباب النجاح ولكني اعرف اول خطوات الفشل وهي محاولة ارضاء كل الناس
تحياتي

ندى الياسمين يقول...

norahaty

طب لازم نحل الازمه مش معقول تفضل كده

ندى الياسمين يقول...

فتاه من الصعيد

السعاده مش لازم تبقى على طول ومش لازم تبقى ميه فى الميه

بس اهو يعنى لما نلطش فيها يوم ولا ساعه ولا دقايق تبقى حلوه برضه
زي كوباية المايه كده

ندى الياسمين يقول...

لولا وزهرا

لا لا خالص يا زهرا يا اختي

ما عنديئ اكتئاب

انتى شيفاني اليسا عشان اقولك عيشه والسلام

ولكن دي حاله انا عارفه انها موجوده عند كتير

والسؤال بجد
يعيشوها والسلام ولا يحاربوا ويجاهدوا ويتغيروا ؟؟؟

ندى الياسمين يقول...

مجرد بنت
انا عارفه الحياه صعبه

بس لازم ندور على لمسة دفا فى عز البرد على نسمه بارده فى عز الحر

على كوباية مايه نبلع بيها الحياه المره دي

ما ينفعش نستسلم

نورتي

ندى الياسمين يقول...

حنعيش يعنى حنعيش

يا لهووووي حتى انت يا دوك

ينفع كده يعنى امال حنعيش وحنعيش وكده يعنى

اه هو المشكله ان الواحد ما يكونش عنده مشكله لعلمك

بس برضه مهما كانت الحياه بلا مشاكل اهو برضه المنغصات شغاله

لازم نلاقي كوباية مايه نبلع بها الحياه الرخمه دي


ومدونة المكتئبين دي فكره جميله الحقيقه
ههههههههههههههههههه

ندى الياسمين يقول...

الجواز وسنينه
الله يفتح عليكى

هو ده الى انا اقصده

كوباية مايه يا ناس نبلع بيها

حلوه اوي كمان كلمتك بتاعة ثقافة الاستمتاع

فعلا ما عندناش

عارفه لو خدنا اجازه من الشغل ندور على حاجه ننغص بيها حياتنا ونقعد مبوزين طول الوقت عادي
هى دي مصر يا عبله

ندى الياسمين يقول...

شموسه

ما كانش قصدي وربنا اعملكم اكتئاب

هو عندك حق فعلا لو عازين يكملوا هايتفهاموا ويكملوا

بس صدقينى الحب لواحده مش كفايه محتاج معاه عقل واعي وروح معافره عشان تستمر الحياه فعلا بسعاده
وحشاني موووووت
ومرسي يا جميل

ندى الياسمين يقول...

تشي

يا سيدى خلينا نعتبر ان الحب واللمسات الجميله منه الحب هو كوب الماء

منور يا باشا

ندى الياسمين يقول...

صوت من مصر

السعاده فى الرضا اولا وشوية حاجات فوق بعض

ندى الياسمين يقول...

صيدلانيه

ليه جارحه

ليه ما نتعلمش نواجهه من غير ما نجرح
نواجه بحب
نواجه من تحت لتحت

نواجه نفسنا حتى

والنبى يا اختي ما كان قصدي اوجعكم والله

ندى الياسمين يقول...

غير معرف

اه فعلا
احنا على فكره سوقنا فينا واعتبرنا ان اي تفكير فى النفس يبقى انانيه

مع ان مش دي الحقيقه
فى فرق بين الاهتمام بالنفس والانانيه

وفعلا انا دايما باقول اهتم بنفسك عشان ما حدش تاني هايعبرك على فكره

أحمد عاطف يقول...

هي الحياة كده

وياللي بتسأل عن الحياة

خدها كده زي ما هي

فيها ابتسامة وفيها اه

وفيها زوجة نكديه

sony2000 يقول...

قال رسول الله صلى الله عليه وسلم : اعمل لدنياك كأنك تعيش ابدا واعمل لاخرتك كأنك تموت غدا
صدق رسول الله صلى الله عليه وسلم
بجد عندك حق
لو كل حد بص علي حياتو وحاول يصحل الغلط
بجد هيفرق كتير اوي ليهم وكمان علي نفسيه اولادهم اللي بيلاحظو كل حاجه
ربنا يهدي الجميع يارب

لولا وزهراء يقول...

ندى الياسمين
معلش انا ممكن اجاوب على سؤالك
يعيشوها والسلام ولا يحاربوا ويجاهدوا ويتغيروا ؟؟؟؟

مغافيش حاجه اسمها عيشه والسلام وطبعا اليسا مين يا ستى انتى قمر طبعا وكفايه روحك الجميله

الواحد المفروض يحاول يستمتع بحياته بكل لحظه لاننا هنعيش حياه واحده على هذا الكوكب بما اننا مش بنعلم حاجه حرام ومش بنضر اى حد يبقى خلااااااص نستمتع ... نحارب ... نجاهد لغاية ما فعلا نقدر نتنتع بكل لحظه فيها
سورى انى علقت تانى بس انتى برضه اختنا حبيبة قلبنا
زهراء

غير معرف يقول...

( ان علمت انه يتبقى لك فى العمر اياما معدوده فارجوك احرص على انت تحياهم دون الم على الاقل )
ممتاز
عبد الجليل

ندى الياسمين يقول...

احمد عاطف
فى ابتسامه وفيها اه
معاك والله

بس هى يبقى فيها ابتسامه من القلب ضحكه من القلب هاتعد وهاتبقى فل

وزوجه نكديه

بشر على نفسك بشرررررر يا اخويا

والزوج النكدي ما نزلش فى الكتاب ؟

ندى الياسمين يقول...

سوني

مرسي يا جميل اوي

فعلا هاتفرق كتير

ندى الياسمين يقول...

زهرا

يا ماما علقي خماشر تعليق
والله تنوري مدونتك وزياده

يعنى مش لازم نستمتع بكل اللحظات

بس يعنى لمسه دفا فى عز البرد تصبر برضه

ندى الياسمين يقول...

استاذنا الجليل

متشكره ربنا يخليك

ايه رايك ننفع نقول حكم ؟؟
هههههههههههه

نورت يا فندم

ومغيب ليه يارب تكون بخير

عطش الصبار يقول...

ندى الياسمين
بحب الاسم ده جدا
الحياه الزوجيه ممكن تبقى زى النهر عطاء وتجدد وثوره وهدوء تبقى ممكن تستمر
لكن لو اتحولت لبركه راكده تنو فيها الطحالب وتصير لمياهها رائحه
يبقى النهايه
من الافضل اننا نجدد حياتنا بالافكار نبقى زى النهر نتقبله هادرا حينا
هادئا احيانا المهم التجديد
تحياتى

star in the sky يقول...

تعرفى لسة كاتبة من شوية

" اننى لا احيا ولكننى ادعى الحياة "

احيانا الحياة بتبقى ممللة بيتهالى بسبب الروتين لكن لو كل يوم حاجة جديدة اكيد الايام هتكون احلى

همس الاحباب يقول...

ههههههههههه
الف مبروك المدونة الجديدة
تصدقى مش عرفت غير دلوقتى ان ده بيتك الجديد
سبحان الله ندهن الشقة نغير المدونة
ده شىء رائع جدا
الف مبروك واسف على التاخير جدا
تحياتى

:) QŁp 7āZēŋ يقول...

المشكله احنا عاريفينها بس مش عايزين نحلها
ولو هموت بكره هحاول ع قد ما اقدر اسيب ذكرى حسنه للناس تفتكرنى بيها
وطبعا مش اغضب ربنا
اول زياره لمدونتك الجميله
تحياتى ومودتى

غير معرف يقول...

انتي فين
غبتي ليه
معقوله كل ده لسه مفرشتيش البيت

جنّي يقول...

السلام عليكم

كيف حالك اختنا الكريمة لعلك والاسرة بخير والحمد لله ..

لابد من نكأ الجرح حتى ينظف جيدا والا تسمم ..

تحيتي

ندى الياسمين يقول...

عطش الصبار

ربنا يخليكى عقبال ما احبه انا كمان

وكلام حضرتك صح وميه ميه فعلا

بس المهم نتعلم نواجه ما نهربش

ندى الياسمين يقول...

ستار ان ذا ا سكاي

ادعي الحياه
حلوه بجد والله التعبير ده

مش الروتين بس بينى وبينك بيبقى فى حته كده فى القلب جوه مش راضيه عن حاجه بس احنا بنهرب منها

ندى الياسمين يقول...

همس الاحباب

ابو همس ازيك

ايه ده معقوله كده ده قربت انزل العنوان الجديد فى الجرايد يا راجل

متشكره لك ونورت

ندى الياسمين يقول...

قلب حزين

اولا ايه بس خلى قلبك حزين وانت لسه ورور كده

ولا احنا عايزين نحلها بس مش عارفين وخايفين نبدأ نحلها

وانت نورت يا باشا

ندى الياسمين يقول...

غير معرف

مش عارفه مين بس باخمن يعنى
بس انا فرشت الحمد لله من كام يوم وخلصت

بس كان عندي شوية مناسبات عديده وملعبكه شويه فى بعضها

شكرا على السؤال

لو كنتى من اخمن اشوفك على الميل

ندى الياسمين يقول...

جنى

استاذنا ربنا يخليك
الحمد لله احنا تمام

حضرتك يا استاذ سعيد بجد قلت كلمه انا باحبها جدا جدا

لا بد من نكأ الجرح حتى ينظف جيدا

تحياتي انا لحضرتك بجد انا مؤمنه جدا بالمبدأ ده