الأربعاء، 11 أغسطس 2010

رمضان كريم

كل سنه وانتم طيبين يا اصدقائي الاعزاء

ويارب يكون رمضان خير عليكم وينعاد عليكم وانتم بصحه وهنا وسعاده يارب

وتكونوا  جبتوا الياميش انشاله يارب نص كيلو فول سوداني  بقشره

واسفه انى ما لحقتش اعدي عليكم فردا فردا فى مدونته اقوله كل سنه وانت طيب مشغوووووووله والله خالص

وعلى ما يبدو انه سيظل هو ده الحال طول رمضان ولا ايه

دعواتكم معانا الله يخليكم

ويا ستيته يا حياتي انا عملت نيو لوك للمدونه بتاعة المطبخ عشان نبدأ شغل بقىىىىىى
وطلعتلكم الحلويات بره وكده  اي خدمه يا جميل  ما اتحرمش من تشجيعك يا قمر

هناك 48 تعليقًا:

mrmr يقول...

كل سنه وانت طيبه يا قمر

رمضان كريم

ومرسى ليكى خالص لاستضافت وظائف عندك
ربنا يجازيكى خير

adel يقول...

كل سنة و انتي طيبة
رمضان كريم عليكم كلكم :)

adel يقول...

صحيح
هتفطريني ولا هتقلبيني ؟

اهو نعمل زي شيخ الازهر و البابا
وانا مدي علي بابا جامد علي فكرة :):)

momken يقول...

وحضرتك بخير وسعاده


تحياتى

قوس قزح يقول...

أقر الله عينك فى رمضان
بلذة الأسحار وصحبة الاخيار
ورحمة الغفار وجنة الأبرار


رمضان كريم

P A S H A يقول...

كل سنة وحضرتك طيبة وبألف خير وصحة وسلامة إن شاء الله

:)

رمضان كريم

حنعيش يعنى حنعيش يقول...

كل سنه وانت طيبه ... على فكرة انت اوحيتى لى بفكرة العروسه الرابعه ... والله كنت محتار ... شكرا على مدونة الطبيخ

فاتيما يقول...

و لا يهمك يا صباصيبو

خليكى على راحتك

كل سنة و انتى بالف خير يا حبيبتى

رمضان كريم عليكى يا رب
و ع العيال و الأستاذ رضا

۩ ٭ ۩ ٭ ۩

صيدلانيه طالعه نازله يقول...

و انتى طيبه يا صبصب يا قلبى
وحشتينى مووووووووت و نفسى ارغى معاكى للصبح
ياللا الايام جايه كتير

Unknown يقول...

كل سنة و حضرتك بصحة و سلامة ، و كويس انك هاتبدأي ف مطبخ ندي الياسمين انا كنت قربت انساه من انعدام البوستات :)

shimaa elkholy يقول...

مرمر

وانتى طيبه يا جميله ربنا يخليكى

وعلى ايه بس عيب يا جميل ده والله ياريت اعرف اعمل اكتر من كده

shimaa elkholy يقول...

عادل
كريم على الدنيا كلها يا سيدى

وهافطرك طبعاااا يا بابا احنا نقدر بس شوفلنا حته نفطر فيها انا وانت بقى هههههههههههه

shimaa elkholy يقول...

ممكن
ربنا يخليك متشكره اوي

shimaa elkholy يقول...

قوس قزح

دولي معقوله النور ده يا ولاد شكرا يا جميل ورمضان كريم

shimaa elkholy يقول...

باشا

وانت بخير وسلامه يارب الف شكر

shimaa elkholy يقول...

حنعيش يعنى حنعيش

طب يلا بسرعه بقى هات العروسه الرابعه
والعفو اي خدمه

shimaa elkholy يقول...

فاتيما

مرسي يا جميل ربنا يخليكى وكل سنه وانتى بالف خير والسنه انتى ويوسف وماما وكل حبايبك

shimaa elkholy يقول...

لوليه والله وانتى كمان وحشااااااني اوي بصي هاخلص العزومات واشد معاكي رغي بس الحقينى قبل الكحك بقى
يعنى بين الشوطين هههههههههههههه

shimaa elkholy يقول...

المستفز

والله انا غصب عني بس ان شاء الله هارجع اشتغل فيه

تحياتي ونورت

قلم رصاص يقول...

وانتي طيبه ورمضان كريم عليكم جميعا

منتظر الحلويات هنا في المدونه ان شالله مضغوطه بالوينرير هههههههههه

ربنا يبارك لكم

غير معرف يقول...

كل سنه وانتي بالف خير وسلامه

رمضان كريم :)

iHibo يقول...

رمضان كريم للجميع ^^
كل سنة وانت طيبة

باحث عن حب يقول...

كل عام انتى بكل خير

فارس عبدالفتاح يقول...

الأخت الفاضلة / ندى الياسمين

تحية واحترام ،

أنا لا أقصدك بهذا الكلام طبعاً بقصد أي إنسان يخالف الشرع ويخاف العرف والقيم الإنسانية المطلقة تنطبق عليه هذه الأمور ..!

من يحدد الضرورة هم العلماء وليس الشيوخ ، العلماء بالشرع وفقهه ..

اعتقد لا حرج في أن تذهب إلى أصدقاءها وأهلها والى من تشاء ولكن بالضوابط المنصوص عليها من العلماء الكبار .. وهذا أمر ليس فيه أي حرج ولكن المقصود بخروج المرأة إلى العمل واختلاطها بالرجال .. فهل العمل ضرورة لها بمعنى أن إذا لم تخرج من بيتها كل يوم وفي أي ساعة بسبب العمل هل ستتعرض للفقر والعوز بسبب عدم وجود من يكفها ، فهل خروجها واختلاطها ضرورة أم لا .

ايام الرسول كانوا يخرجوا لحاجاتهم اليومية وكان المجتمع العرب في المدينة أو في مكة أو في أي قبيلة عربية مجتمع قبلي بدائي وليس مجتمع مثل مجتمعاتنا الآن يا أستاذة ،، في المدينة أو القبيلة في البادية أولاد عم وعصبية واحدة لهذا كان احتكاك المرأة بهذا المجتمع القبلي أيضا له ضوابط قبل الإسلام واقصد هنا المرأة الحرة كريم الأصل بعرف القبيلة وعرف العصبية القبلية ، ولما جاء الإسلام أيضا كانت هناك ضوابط ولم يكن يخرجن للحاجة وغير الحاجة ( كده عمال على بطال ) كانت هنا أمور اجتماعية قبلية تشارك فيها المرأة سواء في الإسلام أو قبل الإسلام . . وكانت هناك الضوابط العرف والدين .

والله أنا فعلا اقصد الصوت العالي وأيضا الخضوع بالقول ،، ولكن لا يحضرني نص الحديث الآن الخاص بالصوت العالي ،، ولكن إن شاء الله سوف آت به وبسنده ومتنه في القريب العاجل .. أعدك بهذا

أمام الضرب الأرجل واقصد بها الكعب العالي وكل ما يلفت الانتباه وهنا تقصد الآية ليس إخفاء الزينة وإنما شد الانتباه وإذا كان شد الانتباه بالكعب العالي أو الخلخال والشوز الفلات وأي شي يصدر تصوت يشد الانتباه .


ولكم جزيل الشكر والعرفان


فارس عبد الفتاح .. قومي عربي

Tamer Moghazy يقول...

كل سنة وكل رمضان وانت طيبة يا ندى..

Mano يقول...

كل سنة وانتي طيبة
ورمضان كريم

shimaa elkholy يقول...

قلم رصاص

وانت طيب وبخير يارب

ماشي مستعده ابعتلك فايل الصور كله
هههههههههههههه

shimaa elkholy يقول...

فتاه من الصعيد

كل سنه وانتى طيبه يا قمر

shimaa elkholy يقول...

هيبو

تسلم يارب كل سنه وانت طيب

shimaa elkholy يقول...

محمود

وانت طيب وبالف خير وسلامه

shimaa elkholy يقول...

فارس

اولا مش العلماء الى يحددوا الضروره يا فندم

كل واحد ادرى بحاله

يعنى مثلا هل ترى ان الضروره الوحيده فى حياتنا دلوقتي الجوع ولا ايه ؟؟

بقى في تعليم العيال مثلا الى بقى بحر مهما تحط فيه بياخد

تفتكر لو واحده بتخرج تشتغل مش عشان تاكل وتاكل عيالها لا عشان تعلمهم تعليم كويس تبقى دي مش ضروره ؟؟

او حتى لو اشتغلت يا سيدى وجابت ديش وشر هى حره هى شافه ان ده ضروري لها

المهم تلتزم بالقواعد هنا نقدر نتكلم معاها ونقولها كده غلط

مش مقتنعه خالص خالص بكلام حضرتك عن القبليه والعصبه والكلام ده معنى ذلك اننا هانقول الست فى الريف تخرج تشتغل انما فى المدينه لا ؟؟

مافيش حاجه تقول كده ابدا

وهاستنى حديث الصوت العالي ان شاء الله

وعموما انا باحب وضع الامور فى نصابها فيما يخص الدين

صوت الكعب حاجه والضرب وابداء الزينه حاجه

بمعنى اثارة الانتباه شيء وابداء ما هو مخفي شيء تاني

ماشي الاثنين غلط بس دي حاجه ودي حاجه مهمه اوي المعاني والفروق دي خلي بالك

كمان فى فرق بين يخضعن بالقول وبين الصوت العالي
لازم تعرف ان الفروق دي مهمه ولازم نفهمها

وبرضه فهمنى يعنى ايه عمال على بطال ؟؟

هو انت يعنى شايف الناس ولا الستات فاضيين ورايقين بيخرجوا كل يوم يشموا الهوا فى الكازينو ؟؟

يا اخويا بخت نلاقي حد يعمل الى احنا بنعمله بره البيوت ويقضي مشاوير البيت والعيال ويودي التحفيظ والتدريب والمدرسه والدروس واحنا كنا نقعد فى التكييف ونشرب شاي وعصير لمون ونروق

بس هانعمل ايه يعنى نقطع الرجاله 15 قطعه ولا نعيش فى عصر الظلمات ونخيب العيال جمبنا

مازلت مصره ان الضروره يحددها الشخص بينه وبين ربنا فى امور عده

تحياتي لحضرتك ونورت

shimaa elkholy يقول...

فارس

صحيح نسيت اقولك بما ان برضه الزمن غير الزمن والدنيا بقت وحشه والستات الوحشين المتبرجين ماشيين فى الشارع

اعتقد ان الرجاله يمشوا مغمين عنيهم فى الشارع أو ما يخرجوش الا للضروره برضه ماهو اصل كان زمان بيخرجوا عادي كانت الستات محترمه مش زي دلوقتي :)

تحياتي

shimaa elkholy يقول...

تيمو

كل سنه وانت طيب وبخير

shimaa elkholy يقول...

مانو

متشكره وكل سنه وانت طيب وبخير

Unknown يقول...

الاخت ندى

كل عام وسيادتك وكل الاسرة الكريمة فرد فرد والامة الاسلاميه بكل خير
تقبلي وافر أحترامى

م/ علي يونس

Unknown يقول...

الاخت ندى

انا لسة شايف البوست الجميل بتاع أنا الزوجة تخدم او تساعد أم زوجها فضلا ليس أمرا
كلامك جميل وهو دة ما كنت أقصدة من البداية فين الفضل وفين أبتغاء مرضاة الله

العلماء قالوا بالنسبة لاى أنسان من عوام المسلمين كان يسئلهم عن حكم شيئ يعطوا له الحكم الذي يرونه صواب من الاخر ولا يدخلوه في تفاصيل الادلة الشرعية وخلاف العلماء

المعني طلما تتحدثيت لجموع الجمهور كونى حذرة في الكلام والتعبيرات والمواضيع يعني مش الكل هيفهم حكم ربنا ويطبقة كدة لا دا ممكن يخدوا اتجاهات أخري وانا اعي ما اقول لك جيدا

بالسبة لقولك

ومن فضلكم يا ازواج اتقوا الله تعالى ولما يكون عندك ست بتخدم امك ربع خدمه بوس ايدها كل يوم وقولها شكرا

والله يا ستي لو زوجتي عملت كدة انا مش ابوس ايديها بس لا دا انا ......

تحياتي لك
اسف علي الاطالة

م/ علي يونس

KHALED يقول...

أنا سبت تهنئة برمضان إمبارح و مش لاقيها ....
واضح إنى علقت فى حتة تانية خالص وانا فاكر إنى باعلق هنا ...
معلش صيام و حر بقة ... ههههههههههه

كل سنة وانتى و أسرتك و كل من تحبى بألف خير و سعادة و ربنا يجعلكم الخير فى رمضان و طول السنة .. قولى أمين

تحياتى

KHALED يقول...

أة نسيت ............

حلو النيولوك الشامل دة

أوعى تكونى هربانة من الضرايب

ههههههه

UncŁē Sam يقول...

كل سنه وانتى طيبه
ويارب كل سنه تبقى احسن واحسن
معلش جت متأخر

قوس قزح يقول...

كما تعودنا منك على فعل الخير
ندعوك للمشاركة فى يوم خير جديد
التفاصيل هنا
http://kouskoza7.blogspot.com/2010/08/blog-post_12.html
و هنا
http://hams07.blogspot.com/2010/08/blog-post.html

جنّي يقول...

السلام عليكم

كل سنة وانتي والاستاذ رياض والاولاد بكل خير ورمضان مبارك عليكم ..

غير معرف يقول...

وانتي طيبه ياقمر وبخير يارب

shimaa elkholy يقول...

م علي يونس

وانت طيب وبخير وسلام يارب


وانا ما قلتش لا على الفضل بس يظل الامر فضل مش اكراه ابدا

ونحتفظ لها بالحق انها تقولي اسفه يا جماعه ما اقدرش اعمل كده كل واحد حر

بالظبط كده زي صلاة النوافل مثلا تفتكر لو حد ما صلاش النوافل يؤثم ؟
لا طبعا
انما لو صلى النوافل يثاب عليها طبعا

دى نفس الفكره بالظبط


وما تقوليش مش الكل هيفهم حكم ربنا ويطبقة كدة لا دا ممكن يخدوا اتجاهات أخري

هاتعمل ايه يعنى هاتقول لا مش هاخدمها برضه حقها


وبعدين وحياتك عندي كله كلااااااااام

كان فى واحد اعرفه من بعيد :) بيقول زيك كده بالظبط
وفى النهايه اخر ما نناله لو قلنا بس اجازه ساعتين ولا يعنى تفضفض ولا تفك على نفسها بكلمتين طابقين على صدرها تاخد اجدع بوووووز
ههههههههههههه

عارفاكم انا وعجناكم وخبزاكم

تحياتي يا فندم وان شاء الله بافكر اتكلم المره الجايه عن ان الست كمان مش ملزمه تكنس وتنضف وتغسل وتعمل شغل الخدامين ده لواحدها يعنى
هههههههههههههههه

اي خدمه

shimaa elkholy يقول...

خالد

كل سنه وانت طيب وبخير وسلام


ولا يهمك يا باشا اعتبر التهنئتين وصلوا

والله يبارك فيك ايوه هى بالظبط كده الضرايب
ههههههههههههههههههههه

shimaa elkholy يقول...

سولو

وانت طيب وبخير ابدا مش متأخره ولا حاجه نووووورت

shimaa elkholy يقول...

دولي

عندي احساس انك سايبالي التعليق ده تغيظينى عشان عارفه انى مش هاعرف اجي
ههههههههههههههههههه

كلك خير يا وش الخير

shimaa elkholy يقول...

جنى

متشكره يا استاذ سعيد وكل سنه وانت بالف خير انت واهلك وحبايبك كلهم

shimaa elkholy يقول...

غير معرفه

تسلمى يا جميل وانتى بخير وسلام يارب وربنا يطمنا عليكى