الثلاثاء، 17 أغسطس 2010

ما بقاش انسان

ما باخافش انا من عفاريت ولا جان
انمـا جــايـز اخــاف مـن الانـســـان
اصـلــه بـقـى طـمـــاع وجــبــــــان
يـقـتـل اخــوه عــلـشـــان فـــــــدان
قـلـبــه؟ .. ده بـقـى حـجـر صــوان
ما يهموش فلان  تعبان ولا جعــان
نـخـوتـه؟ .. ما راحـت مـن زمـــان
مابقاش يهمه لو لحمه يبات عريان
ولا يفكر مين زعلان ومين غلبــان
باختصار الانسان ما بقاش انسـان
بـقـى كومــة غــدر عـلـى نكـــران
عرفتـوا ليه بقى ضاع الامــــان ؟؟


هناك 33 تعليقًا:

adel يقول...

بصي انا مليش مزاج اتكلم علي الوزن و القافية و كل ده
!!!

انا المعني واجعني الايام دي
وده كفاية قوي


رمضانك بيضحك :)

Unknown يقول...

الاخت ندى الياسمين

انت طباخة ولا شاعرة ولا مشاكسة ولا اية حكايتك بالضبط

علي العموم كلمات جميلة وصادقة وحقيقية تعبر عن الواقع الاليم

م / عي يونس

هتشوفوا يقول...
أزال المؤلف هذا التعليق.
الازهرى يقول...

الوضع أصبح فعلا لا يطاق
ضاع الدين وضلعت كل القيم والأخلاق وأعراف المجتمعات المحترمة من داخلنا فأصبح الوضع عى ما نرى

إن الله لا يغير ما بقوم حتى يغيروا ما بأنفسهم

Ramy يقول...

كتر خير الناس


الحمد لله

الحمد لله

ربنا يهدى

iHibo يقول...

كلمات جميلة تصف الى ما وصل اليه الانسان
هو واقع خططته في كلمات
سلام

خواطر شابة يقول...

نعم صحيح ما ذكرته اصبح هو السائد لكن من رحمة ربنا بنا ان الخير لاينعدم في هذه الامة للابد ودوما تجدين في محيطك نماذج مشرقة مثال للانسان الطيب الخلوق الخدوم قد لاتكون هي الالبة لكنها موجودة
دمت بكل ود عزيزتي

شمس النهار يقول...

انتي لسه ماكنتيش تعرفي ان الانسان مابقاش انسان

ده كله بيخدع كله
وناس لابسه الف وش ووش
كان زمان بيقولوا فلان ده بوشين
دلوقتي بقوا كتيييييير
واللي تحسبه موسي يطلع فرعون
طب ونبي فرعون جنبهم غلبان
:))

ستيتة يقول...

اسكتي اسكتي
مش انا كل شويتين تلاتة كده اقع بالقدر المحض في انسان
اه
من الأنواع النادرة اللي اسمها انسان بحق وحقيق
وانا ألاقي انسان يا اوختشي واكلبش فيه زي القراض او الخفاش حسب جماله وحلاوة تربية اهله

راجل ست ولا بيفرق معايا
الحمد لله هيييييييه لقيت انسان

المخلوق المنقرض ده ابن الأصول اللي نفسه سوية اكتر منها مريضة
عارفاه ده؟
الشهم الجدع اللي مش بيدس مناخيره ام فتحه واحده فيما لا يعنيه
البني ادم هذا المخلوق المساعد اللي ربنا اداه من اسمه الرحيم
انا اهم شيء في البني ادم جدعنته
ان انتفت يا اوختشي
فليذهب مع الأبراج إلى الجحيم

ايه قلبتي عليا المواجع والبطاطس
والكوسة بالباشميل تنفع برضه

mrmr يقول...

الشكل ده كتير عندنا
الانسان مابقاش انسان
والمسكات بتشتغل والانسان على كل لون يا بطسته
لكن مش يمنع اننا لما ندور نلاقى ..

ح نلاقى انسان بجد

انسان بمعنى الكلمه
الشهامه والجدعنه بتاعه اهل البلد واول ما نلاقى الانسان ده نتمسك بيه مش نفرط ابدا مهما كان
وبالمحبه نبلعله الزلط

شكرا يا شاعره

رمضان كريم

غير معرف يقول...

عندك حق

الانسان لما يمارس شره بيكون اسوء من الشيطان

تحياتي

shimaa elkholy يقول...

عادل

انت تعرف عني برضه ان بتاعة وزن وقافيه وكلام من ده

بس مش معقول كل ماانزل حاجه شبه الشعر اقولوكم يا جدعان انا ماليش هى كلام بيجى على بالي وخلاص

تصدق يا عادل انا كمان المعنى ده واجعني اوي وناقح عليا اوي

shimaa elkholy يقول...

م علي يونس

انا سبع صنايع يا باشا هههههههههههههههههههه

بس البخت مش ضايع الحمد لله

بس انا فى اساس الاساس مشاكسه يعنى
هههههههههه
نورت يا فندم

shimaa elkholy يقول...

الازهري

ادينا بنحاول نغير يا ازهري ايدك معانا

shimaa elkholy يقول...

رامي

كتر خير الناس اه كتر خيرهم يارب

طوبه فضه وطوبه دهب يقول...

للاسف هكذا صار الانسان فى هذا الزمان
كل سنه وانتى بالف خير وصحه وسعاده

shimaa elkholy يقول...

هيبو

متشكره اوي ونورت

shimaa elkholy يقول...

خواطر شابه

اه فعلا انا عارفه كده بس للاسف يا خواطر السيء بقى كتير والحال بقى يدمي القلب فعلا

shimaa elkholy يقول...

شمس النهار

ههههههههههه اه والله فرعون جمبهم غلبان
ولعلمك لايقه على الكلام المفروض نزودها على الابيات

shimaa elkholy يقول...

ستيته

بالظبط كده يا جميل معاكي

لسه فيه انا عارفه ولعلمك انا زيك برضه ما اصدق الاقي انسان

ولعلمك كمان انا بس اشوف منه جانب ابيض واقول كده تمام اوي نبرز الجانب الابيض اساعده مش مهم بس المهم يفضل انسان

كلبشي يا خالتي كلبشي
هههههههههه
نورتي يا جميل

shimaa elkholy يقول...

مرمر
والنبى بلاش شاعره دي اصل انا شعوري بيوجعنى هههههههههه

كل سنه وانتى طيبه يا جميل وايوه فعلا طبعا بنلاقي بنى ادمين

shimaa elkholy يقول...

فتاه من الصعيد

ايوه الشيطان بيقول يا ابيه هههههههههههههه نورتي يا قمر

shimaa elkholy يقول...

طوبه فضه وطوبه دهب

متشكره اوي ربنا يكرمك ورمضان كريم

جنّي يقول...

السلام عليكم

نظم جميل للكلمات ومعبر جدا ..

والحمد لله انا جنّي بس انسان ..

ومهما كانت الصورة قاتمة .. هناك ناس بتمنى اكون زيهم ..

ربنا يحفظنا

KHALED يقول...

أية دة رباعيات ندى جاهين ....

على فكرة ضغوط الحياة و الوضع المستفز الأيام دى فى البلد مخلى الناس مش طايقة نفسها

ربنا يرحمنا برحمتة

mrmr يقول...

صباااااح الخيراااااات
ايه الجمال ده
نيولوك رائع
مبرووووووووووووووووووووووووووووك

ع نوتة يقول...

مدونة رائعة فعلا


ارجو زيارتى


تحياتى لكى

غير معرف يقول...

انتي ياست انتي غاويه تفكريني
ده من زمان
اما دلوقتي من كت رما الواحد بياخد علي قفاه ويمكن من اقرب الناس لقلبه بقي خلاص نسي معني كلمه الثقه في حد
بقي لازم كل واحد تاخدي حذرك منه
وللاسف ده هيوصل ناس كتير للجنون والقتل والانتقام بصفه عامه
ربنا يعافينا

shimaa elkholy يقول...

جني

طبعا يا استاذ سعيد دائما وابدا هايفضل فى ناس كويسين برضه

نورت يا فندم

shimaa elkholy يقول...

خالد
لا والنبى الله يصلح حالك هاحس انك بتتريق عليا كده
ههههههههههههه

الاوضاع ايوه مستفزه بس برضه الناس بقى فيهم حاجه غلط لا حاجات كتير غلط والله

نورت

shimaa elkholy يقول...

مرمر

تعيشي يارب ايوه هديه من منونه لسه هاشكرها على الملأ دلوقتي
هههههههههه
نورتي

shimaa elkholy يقول...

ع النوته

حاضر والله عنيه ناس كتير عايزه ازورهم بس مش لاقيه وقت فى رمضان

اعذروني يا جماعه لتاخريى عليكم

كل سنه وانتم طيبين

shimaa elkholy يقول...

غير معرفه

بالظبط كده لا انسانيه فعلا فى كل حاجه

بتوصل فى النهايه للجرايم والقتل قانون الغابه