الاثنين، 17 يناير 2011

الثوره الفرنسيه


الاوضاع قبل الثوره

اجتماعيا :وجود ثلاث طبقات
طبقة رجال الدين
الطبقه الحاكمه  والنبلاء
طبقة الفقراء او العاملين او  الكادحين او الشعب بمعنى اصح

اقتصاديا : مشاكل اقتصاديه وفشل وافلاسات ...الخ الخ

سياسيا : كانت فرنسا مقاطعات مستقله تحت لواء ملك واحد تخللتها مشاكل عده بين المقاطعات وبعضها من ناحيه وبين حكام المقاطعات والملك من ناحية  اخرى .. واتسمت الحياه السياسيه ان ذاك بعدم الاستقرار  والتوحد تحت نظام واحد او ا لالتزام به


مراحل الثوره الفرنسيه

اولا  اندلاع الخلافات بين لويس السادس عشر  ملك فرنسا آن ذاك من جهه والنبلاء من جهه اخرى

حيث ان ما قدمه لويس من اصلاحات سياسيه داخليه لم تؤتي ثمارها وعليه اندلعت ثورة باريس عام 1789

والتى طالبت بحكم ملكي دستوري  استمر من 1789 الى 1792

حيث تاسست الجمعيه الوطنيه (ودي كانت القوه الحقيقيه وقتها )
والجبهه المعارضه للجمعيه الوطنيه ايضا

وكانت  اقتحام سجن الباستيلرمز الظلم والقمع للنظام الملكي  14يوليو 1789  هو ضربه حقيقيه موجهه للملك ونظامه ويحتفل الفرنسويين حتى الان بهذا اليوم


واستمرت الجمعيه الوطنيه والملكيه الدستوريه على هذا الوضع حتى عام 1792 حتى لحقت بهم الهزيمه امام النمسا وبروسيا ... فكان ذلك تفجيرا للموقف وتاكيدا على فشل الملكيه الدستوريه والجمعيه الوطنيه

حيث قامت الثوره مره اخرى واطاحت بالملكيه تمام وتم اعلان الجمهوريه  برياسة روبسبيير  والذي ترأس ثوره دمويه قويه اطاحت بكل  اثر للملكيه فقد اعدم لويس السادس عشر وزوجته ماري انطوانيت النمساوية  الاصل والتى كانت مكروهه من ا لشعب الفرنسي
وتوالت احكام الاعدام بمحاكمات غير حقيقيه  وقد كان يقول روبسبيير انه سوف يفصل بين فرنسا واعدائها ببحر من دم ... وتصاعدت مشاعر البغض والغضب عند الشعب الفرنسي وغذتها الثوره اكثر  واكثر واستمر حكم روبسبيير  على هذا الشكل حتى عام 1794 سادت خلال هاتين السنتين فوضى من القتل وحفلات للقتل بالمقصله يحضرها  الجميع وبحار دم لا تجف فى انحاء فرنسا
وعاشت فرنسا ما سمي بالحكم الارهاب وساد الخوف فى نفوس الجميع واطلقت الايدي للقتل لاسباب مختلقه(تفصيل يعنى )
حتى قامت ثوره اخرى فى يوليو 1794 اطاحت بروسبير  وتم اغتياله وقامت دوله دستوريه جديده  هدفها هو تحقيق السعاده والاستقرار واقرارحقوق المواطنه  من خلال دستور 1795

ولكن حتى هذه الفتره شهدت صراعات داخل الحكومه وانعدام الاستقرار ولم تتمكن من اسعاد المواطنين ولا حل مشكلات الدوله

بالتالي وصلنا الى انقلاب 1799 العسكري بقياده نابلوين بونابرت والذي عاد من جديد بالدوله الفرنسيه الى الامبراطوريه الفرنسيه وكان هو امبراطورها بالطبع

وبعدها استقر الحكم لنابليون وبدات تصدير ثقافة الثوره(ايون تصدير )   الذي كان يخشاه ملوك اوربا جميعا(ايون اوربا J) بمجرد اندلاع الثوره  والتمرد على الملكيه

وكان اول من استنشق رياح الثوره والحريه بعد فرنسا ايطاليا ثم بروسيا
(طول عمري احب الباستا واموت فى الباستا انا )
وبدأت سلسله من الثورات فى اوربا على الانظمه الحاكمه وبدأت اوربا فى عهد جديد من الحريات وحقوق المواطنه والاصلاح الشامل  والحروب ايضا  داخليا وخارجيا

هناك 10 تعليقات:

ستيتة يقول...

يعني انتي بتحللي الثورة الفرنسية وانا فاهمة

وانا النهاردة بقرأ عن محمد علي الماكر اللئيم اللي ضحك على الشيوخ والأشراف واول ما اتمكن أزاح الكل وقعد واتبطط على الكرسي بطوله
وعمالة اجيب مزايا حكمه بعد طول هطل العثمانين والمماليك
وعيوب حكمه

طب كده خير ان شاء الله

كنتي النهاردة وحشاني وافتكرتك وانا سايقة
انا اشتغل ايه؟
سواق يا ستو هانم :)
وحشاني جدا

فاروق سحير ( فاروق بن النيل ) يقول...

أقولك ياندى ولا ياصبصب ولا ندى الياسمين
إختارى الإسم اللى إنتى عايزاه ياست الكل عجبنى أوى طرحك للثورة الفرنسية
وتعرفى عزيزتى أن فرنسا كانت محتلة المغرب العربى والجزائر وتونس أما إيطاليا فكانت محتلة ليبيا
أحداث تونس كنت أود أن تشيرى إليها ولو إشارة بسيطة على ثورة 14 يناير بتونس الدنيا كلها مولعة وياريت تقرأى ماكتبته عنها عموما شكرا على المعلومات القيمة التى ذكرتيها بالبوست وأنا كمان بحب " الباستا"

محب روفائيل يقول...

موضوع جميل

فرنسااوروبا = تونس أفريقيا والعرب

شكرا لحضرتك

Ramy يقول...

نجاح الثورة الفرنسية

سببها توحد الشعب على هدف واحد

ارجو ان لا تذهب ارواح التونسيين هباءاً

عمرو يسرى يقول...

فرنسا صدرت الثوره الى باقى اوربا
فهل تونس هتصدر ثورتها لباقى العرب ؟
سؤال ستجاوب عليه السنوات القادمه

shimaa elkholy يقول...

ستيته

يا جميل انتى الى وحشاني بفظااااعه يارب مش بس اكلمك قريب اشوفك قريب مش عارفه ازاي بس اهو يارب وبس

انتى ناسيه يا خالتي انا وانتى والله على نفس الموجه

وليه افتكرتينى وانتى سايقه طيب اوعى اكون شبه سواق ميكروباص ههههههههههههههه
انتى اشتغلي ايه ؟؟؟ههههههههههه

shimaa elkholy يقول...

فاروق بن النيل

قولي الى حضرتك عايزه ما تفرقش كلهم انا
يا فندم هو انا مش متابعه الثوره التونسيه ولا ايه

ليه انا عايشه فين انا عارفه بالثوره التونسيه من قبلها ليوم كانوا عاملين دعوات على النت وشوفتها ومعلش انا ايدى فى السياسه قصيره حبتين اومر الاداره العليا بقى تقول ايه

وانا عارفه انكم هاتفهموني جميعاواهو قلنا بنحب الباستا:)
تحياتي يا فندم ونورت

shimaa elkholy يقول...

محب روفائيل

ماليش دعوه يا اخويا انا باتكلم على اوربا ما تجبوليش الكلام
هههههههههههههههه

اصل جوزي قايلى ما اسمعش صوتك على النت بتقولي بم

فقلت اتكلم عن الثوره الفرنسيه فى اوربا

اوعوا تفهموني صح

ههههههههههههههه

shimaa elkholy يقول...

عمرو يسري

لو نجحوا هاتتصدر غصب عن الجميع

ادعيلهم بس ربنا يسترها معاهم عندهم الوضع على صفيح ساخن ومش هاتستقر بسهوله

shimaa elkholy يقول...

رامي

يا ما انا خاااايفه يا رامي

ربنا يسترها معاهم بجد لان تخيل المنطقه كلها دلوقتي مش من مصلحتها الثوره دي تنجح

نقول ياااااااااااارب