الأربعاء، 1 أغسطس 2012

شبح فارس الاحلام


استقيظت صباحا وغسلت وجهها ورفعت وجهها الى المرآه  عارٍ
بلا مساحيق ولا زينه ولا اقنعه ايضا

فتسمرت قليلا  وقالت ما هذا لقد اشتقت الي فعلا 

اشتقت للحقيقه  اشتقت لاصلي

وتأملت صورتها ثم صرخت من انا وكم مضى من عمري  وماذا فعلت فيما مضى

وهل ما تبقى يكفي لتحقيق امالي ؟؟

اغمضت عيناها فى حسره ومرت امامها مشاهد متلاحقه وسريعه من حياتها كل مشهد مر كبرقه سريعه فى سماء عقلها

فهذا زميل الدراسه الذي احبته بقلب غض وهى تفارقه بلا  عوده

وهذا يوم تخرجت فى كليتها بتفوق عازمة على الا تلقي بالا لمعوقات النجاح جميعا ولا سيما امور القلب الخادعه

وهؤلاء وجوه مجتمع المثقفين الذين لا طالما شجعوها على التقدم والنجاح وتايد منطقها فى  الحياه

وهؤلاء وجوه الرجال الذين طالما تقربوا اليها سابقا وخطبوا ودها فى حلال ومعه وجهها الرافض دائما لهذا النوع من المعوقات .

وهذا وجه ابيها رحمه الله وهو يترجاها ان تقبل باخر من تقدم لها فى حياته حتى يطمأن عليها

وهذه وجوه  زميلاتها   والتى قابلتهم على مر السنون وقد زخمت حياتهم بالعمل والمسؤليات والاطفال والمشاكل  والنجاح والفشل ... والسعاده ايضا .

وهذا وجهها فى المرآه ظهرت  عليه خطوط زمن ووحده وجليد

وهذا قلبها قد انسته الخفقان فصار وهناً


وهناك في ركن منزوٍ   هذه شهاداتها وهذا مقعدها الوثير العالي المقام الذى طالما حلمت به ونالتة بالفعل .

وهناك فى مكان بعيد او قريب لا تعلم هى لوحه لوجه تعرفه جيدا

 صوره لفارس احلامها والذى كان يعلو فى المقام عام بعد العام

ولكنها اصبحت لا تراها بوضوح اصبحت مشوشه

اصبح شبح لفارس الاحلام .

افاقت على دقات الساعه وايقنت انها تاخرت على موعد عملها فقررت ان تذهب اليوم بلا مساحيق بلا زينه بلا  اقنعه
قررت ان تكون وحدها اليوم فى هذا العالم  بوجهها الحقيقى بقلبها الوهن وعقلها المثخن بالافكار
فمن يا ترى عساها ان تقابل
بل من سيقبلها ومن سيفهمها ...

وهل ستقابل يوما من يعيد الملامح للوحة فارس الاحلام

هناك 23 تعليقًا:

الازهرى يقول...

ستجد
حين يكون اوانه

تحياتى دوما

شمس النهار يقول...

اييييييييييه ده صبرني حدانا

اهلا اهلا
وكمان قصة قصيرة
يامرحبا يامرحبا
فين من ايام قلب ايمان

:)

البنفسج الحزين يقول...

حلوه اوي وبتعزف علي وتر مستخبي جوا كتير من البنات ....

حنعيش يعنى حنعيش يقول...

الحمدلله ... اخيرا خلصنا من فترة النقاهة ورجعنا نمارس حياتنا ونقول ونكتب ..
صدقونى ياعالم ... حنعيش يعنى حنعيش ... دا ايام حسنى وكنا عايشين ... مش حنقدر نعيش ايام المهيطل ....؟!!!
حمدلله على السلامة ....
على فكرة كان فيه حاجة اسمها ليالى مصرية .... ياترى فكرينها ؟؟؟؟
ولا لو عايزنا نرجع زى زمان قول للزمان ارجع يازمان

amr fadl يقول...

فارس الأحلام هي في صوورتها انعكاسها حين تنجح ليس موضوع ذكر أو أنثى ليس الموضوع حواس جسدية بل هو النجاح والفشل في تحقيق الذات

shimaa elkholy يقول...

الازهري
نورت :)

shimaa elkholy يقول...

شموووسه ازيك يا جميل اااااه فاكره ربنا ييسر ونرجع نكتب زي زمان
لا وايه اشتركت فى ال 100 تدوينه كمان انا شاطره بقى ؟ :)))

shimaa elkholy يقول...

البنفسج الحزين
شكرا يا جميل

shimaa elkholy يقول...

حنعيش يعنى حنعيش

انا ما خلصتش تفاهه عشان ما كانش عندي اصلا
والليالي ياريت بجد نرجع نكتب فيها بس محتاجه اقعد اراجع الى فات كله عشان نعرف نكمل
وما اقدرش اقول للزمان يرجع .عشان الي راح ما بيرجعش

shimaa elkholy يقول...

عمرو فضل الحكايه مش كده النجاح فى العمل مش هو النجاح الوحيد
النجاح فى جميع المجالات بالتالي المقصود ان الواحد ما يعليش جانب على جانب تاني
تهتم بعملها ماشي لكن كمان تهتم بباقي جوانب الحياه

غير معرف يقول...

من غير زعل، مش عاجباني- فكرتها مكررة شوية - المشكلة أنك حطيتي المقارنة بين حاجتين متكررين جداً، و المقارنة بينهم متكررة بشكل رهيب: العمل في كفة و الكفة التانية الزواج و الأنجاب.
الحصيلة النهائية: قسوة و جليد و وحدة! بعدين هو الزمن عدى عليها لوحدها؟ ما هو عدى على البقية كلهم..و مش دائما العيال بتستر :)
نتيجة تليفزيونية قوي و عاملة زي الدروس المستفادة بتاعت ظهور الكراريس.
بصراحة لو كان في عناصر أكتر في المقارنة..كانت فرقت

shimaa elkholy يقول...

عفوا سنكونح انت الى ما فهمتش النقط الى انا حبيت تظهر فى المقارنه
وعلى فكره هى مش مقارنه فى الاساس هى تصوير لحالات كتير شوفتهم على ارض الواقع
وحبيت بس ما اخليش الحكايه ضلمه اوي لان فى منهم كتير حتى على المستوى العملي ما حققوش حاجه تذكر
العيال ما بتسترش بس الوحده صعبه والى زنوا عليها وقالولها مش مهم الجواز ومش مهم العيال ومش مهم الاسره هما نفسهم لهم اسر ومشغولين عنها بالفعل
ولاحظ انى قلت ان شبح فارس الاحلام لك يوم بيعلا .. فكرة انها بتستخسر نفسها كل حد وبتحط شروط فى نظري هبله وفارغه ومظهريه اكتر من كونها جوهريه
يعنى ايا يكن هى مش عاجباك وانا ما قدرتش اوصلك المعنى الى قصدته :) مفيش مشكله نورتنا يا فندم

غير معرف يقول...

لا كدة وصلت شوية - بس تظل سحابة المقارنة مظللة عليها.و بعدين عادي نصايح الأصدقاء دائما سودة و مهببة و خاصة لو النصيحة جاية من صديق ذكر مش انثى :)

و في رأيي لازم الواحد يشوف وضعه ايه - هل عندك القدرة العقلية انك تعمل حاجة و لا هتبقى و لا حاجة؟

أميرة يقول...

السلام عليكم .. كل سنة وانتي طيبة

مشفتش تعليقك الا متأخر.. لعله خير انتي عندك حق وانا كان لي حق.. احنا عايشين علشان نعلم ونتعلم
وفي الاخر الحق احق ان يتبع..
عيد سعيد وربنا يكفينا شر كل خبيث

shimaa elkholy يقول...

كل سنه وانتى طيبه وبخير وسلام
واتمنى انك تنسي ما مضى وتكملي حياتك وتفكري فى الى جاي مش الى راح

Tamer Moghazy يقول...

كل غيد وانت بكل الخير يا ندى :)

مونتي بوكيه ورد يقول...

حاله يمر بها الجميع حاله برعتي في وصفها .. تحياتي

momken يقول...

.....

ذكرتنى كلماتك بكلمات اغنيه اللقاء الثانى لعلى الحجار
لولا ان اللقاء الثانى هنا كان لذاتنا
فكأننا انقطعنا عنا فتره ثم صادفنا انفسنا فاندهشنا بشده

( بتبدل الايام ملامحنا
تنعشنا.. ترعشنا... بتشوشنا
ياترى الى بيعيش الزمن احنا
ولا الزمن هو الى بيعيشنا )


تحياتى

shimaa elkholy يقول...

تيمو كل سنه وانت طيب وبخير وسلام واسفه للتاخر فى الرد ما خدتش بالي والله

shimaa elkholy يقول...

مونتي

تسلم يارب ونورت

shimaa elkholy يقول...

مونتي

تسلم يارب ونورت

shimaa elkholy يقول...

ممكن
هو بصرف النظر عن ان الاغنيه دي اصلا عظيمه اوي والفكره كمان بتاعة المسلسل كانت عظيمه
كمان وصفك لحالة القصه انها زي لقاء تاني بس ذاتي .. حلوه اوي عجبتنى :)

وحي القلم يقول...

السلام عليكم
بجد روعة تسلم الايادي