الأربعاء، 14 نوفمبر 2012

انا الشهيد يا بلد



انا الشهيد يا بلد

سقيت ارضك  بدمي  وفوت حلمي.. وابويا وامي والولد
انا الكفيف يا بلد
مليت شمسك بنور عينى ..وشوفت انا عتمه للابد
انا السجين يا بلد
رميت نفسي فى زنازينك ..وياما ظهري فيها انجلد
وليـــــــــــــــــــــه يا بلد
يضيع دمي يروح حقي والعدل فيك ما بينوجد
وفيــــــــــــــــــن يا بلد
فين فرسانك يا بلد فين الولد فين السند
وااااااااه يا بلد
قالوا الحريه بتتولد
فيــــــــن يا بلد فيــــــــن يا بلد
ما بقيتش فيكى غير عدد
ومات الولد.. مات الولد

هناك 5 تعليقات:

الازهرى يقول...

مات الولد فوق مدفعه

شمس النهار يقول...

شهيد مين ماخلاص

انسي

Tamer Moghazy يقول...

ما بقيتش فيكى غير عدد
ومات الولد..
مات الولد..!!

well يقول...

لسه فيه نور من الامل ..
والشهيد له حق ..
والحق مش هيضيع مدام الله هو الحق ..نور امل
..
تحياتى

وحي القلم يقول...

وهيموت الولد طول ما الاهمال موجود
الاهمال أسوأ من أي شيء
بس انا متفائل