الأحد، 3 أغسطس 2008

جهزوا ودانكم وخبوا عيالكم صبرني اهي جاتكوا ..... عدنا

اخواني المدونين والمدونات عدنا بسلام الى ارض الوطن ولله الحمد
واحب اطمنكم عليا وعلى زمارة رقبة رضا الحمد لله كله تمام
الكمبيوتر بتاعي رجع لارض الوطن سالما ولله الحمد واشتغل بعد العذاب والضنا اينعم انا اتقلبت فى هارد وماوس وطابعه وشاشه
بس يعنى الحق يقال انا طلعت من الموضوع ده بشاشه جديده نوووووووووفي بالسلوفانه بتاعتها صحيح الماوس بتاعتي بقالها يجى خمس قرون اه ما انا طلعت اول ماوس شوفتها في حياتي على ما يحن عليا ابو رياض ويوصل للمخزن الى ورانا ويفتح المخزن ويعمل مجهود خارق للعاده ويجيبلي ماوس جديده من الى ما حدش عايز يشتريهم .
ومش مهم ياعم الطابعه والهارد التاني يلا حلال عليهم انشاله ما حدش حوش . اه اه لا حرام جابلي باد جديد للماوس عقبااااااااااااال الماوس يارب .
يلا احنا هانطمع بقى ولا ايه المهم ان انا الحمد لله عدت اليكم من جديد بافكر اعمل نيو لوك للمدونه بقى عشان نكسر الدنيا
وانتم بجد واحشني ومش عارفه عايشين ازاي انتم من غير ما اكل دماغكم رغي .
طبعا حصلتلى اشياء عديده ومريعه وشنيعه بافكر احكيهالكم بس دي عايزه كتاب والله . المهم هابقى احكيلكم على مقطفااات عشان ما اقدرش اخبي عليكم .
يومين كده يا كتاكيت اظبط نفسي وانزل البرامج بتاعتي واظبط عده الشغل واجيلكم بقى جهزوا وادنكم وخبوا عيالكوا صبرني اهي جاتكووووووو(اه طبعا مش عايزه اشوف عيال مش ناقصه صداااااااااااع)
سلوا وقتكم بقى واقروا عن حفصة بنت عمر بن الخطاب زوجة الرسول عليه الصلاة والسلام فى الرؤيه الاسلاميه خاصتي .

هناك 10 تعليقات:

محمد عبد الغفار يقول...

عود أحمد

صبرني يارب يقول...

محمد عبد الغفار

تسلم يارب ونورت

mony يقول...

ياااااااا

وحشتينا و الله يا ام مريم

كل شوي كنت بدخل اطل اشوف ايه اخبارك بس ماكنتش بلاقيكي كتبتب حاجة



ايوه كده طمنينا عليكي حتي من غير رغي




ماتغيبيش بأه تاني

صبرني يارب يقول...

تعيشي يا موني ربنا يكرمك يارب

FaceMoon يقول...

وحشتينى كتير اوى خالص
ومبروك على الشاشة الجديدة عقبال الباقى بقى
تحياتى

Ali-7ob يقول...

ام مريم
ينفع الكلام ده يعنى
يتاخد الجهاز بتاعك وفى الاخر يرجعلك بشاشة جديدة بس
اقل من لاب توب ماتقبليش يا امى
يالا
ما هو اللى مالوش ضهر يضرب على شاشته
احنا جايين نهدى النفوس بس ههههه
على العموم الف مبروك على الشاشة ويالا نزلى البرامج وخلى السما تمطر بوستات ولو فى برنامج عايزه قوليلى وانا اجيبهولك
ايه اخبار الرؤية الاسلامية المتواضعة
انا داخل اقرا البوست الجديد
تحياتى ليكى
على حب

Amgad يقول...

اوكي جهزنا وداننا
منتظرين جديدك

mayada يقول...

ام مرررررررررريم
انت فين انا مجهزه الواد احمد بن اخويايلا ارجعي بسرعه

mohamed يقول...

مبروك على البادة
مبروك على الشاشة
قلبى معاك يا أبو رياض
دة مصير كل واحد أتجوز
أم مريم أبقى احكى لنا بس من وجهتى النظر بالحق والعدل
فى انتظارك على أحر من الجمر

بنت سيناء.. يقول...

تحياتى ليكى وان شا الله ازورك تانى وتالت وعاشر