الاثنين، 22 سبتمبر 2008

تااااااااج مظبوط وصلحه

السلام عليكم

جاني تاج يا جماعه من استاذنا الغالي ahmed-k صاحب مدونة دردشة بالعربي الف شكر لك يا استاذنا على التاج المتييييين قصدي الجمييييل ده

وطبعا انا لسه شافاه حالا وحيث ان من استاذنا احمد ما اقدرش اتأخر عليه بتاتا البت . رغم انى والله ما شايفه قدامي يعنى انتم وحظكم كل واحد يحافظ على صوابع رجليه ممكن ادوسه .

نبدأ فى التاج بالحلاوه كده :

بدأت تدون من إمتى ؟ ودخلت العالم ده إزاي ؟

بدأت التدوين تقريبا فى يوم 15 /2/2008 .
ودخلت العالم ده بعد نيه دامت يجي كام شهر كده كالعاده انتم عارفين الوقت عندي مشكله . لكن صد نفس عن التدوين والبحث فيه فى الاول بعض المدونات الى كنت باتكعبل فيها فى صفحات السيرش لانى بادعبس كتير اوي .
لكن رجعت فكرت فيه لانى كنت محتاجه مكان اكتب فيه . جربت منتديات كتير وحصلتلي مشاكل كتير وقرفت جدا من المنتديات ومشاكلها .
وفى مره كانوا فى التلفزيون جابوا سيرة التدوين مش فاكره ايه وافتكرت وقلت اروح ادعبس فيه تاني ودعبست وجيت على طووووووووول .



أيه كان إنطباعك في البدايه ؟

أول ما بدأت دعبسه ووصلت لمدونه عن طريق السيرش برضه كانت تقريبا عايزه اتجوز وبعدين بعدها برضه روحت عند فرنسا ومن عند فرنسا عرفتكم كلكم تقريبا .
وكنت كتبت بالفعل كام موضوع . ودعيت فرنسا وغيرها انهم يشرفوني . وكنت هاموت من الفرحه حيث انى لقيت مجتمع مثقف وعاقل ومحترم وصفحات خاصه بيا اكتب فيها وافرغ دماغي عشان ما تفرقعش


من أكثر شخص بتهتم بتعليقه على بوستك الجديد ؟

طبعا اي حد فى الدنيا يعدي من على المدونه بتاعتي ولا من قدام بابها مهم عندي . لكن احب الحد الى يناقشني ويعارضني بعقل وذكاء وعلم مش عن هبل وجهاله طبعا .


ما هو أهم شيئ تعلمته من عالم التدوين ؟

ان كلمات الحق والعقل لابد لها من مكان تنصهر فيه واتمنى انها في يوم تمثل ضمير المجتمع
ما هو أكثر شيئ كرهته في عالم التدوين ؟
انى فى ناس راشقه مناخيرها فى التدوين وهما مش بيقولوا حاجه محترمه .
انا احب اسمع كل ما يعبر عن رايه وعقله ولكن المشكله ان فى ناس ما لهاش راي وما لهاش عقل ما عندهاش الا لسان ملوث بس .

هل تشعر أن التدوين له تأثير؟
اشعر طبعا انه له اثر مهم والا ما كنتش اكون انا فيه . وان شاء الله هايكون له دور اوسع

تهدي التاج ده لمين ؟
اه تهدي التاج لمين يا صبصب وتدبسيه زي ما الاستاذ احمد دبسك ؟؟؟؟!!! هاروح ادور كده يمينا ويسارا واجي
اول واحد احب ادبسه وبشششده هو عبده الرايق
وثاااااااني متدبس يا بشوات جنـــــي
وثالثا المره دي متدبسه وهي خليفتى فى الملاعب ميااااده
ورابعا تقولوا ميييييييين ؟ لقوس قزح وآبي بلانت مدونة بيكيا للبيع
وبس على كده كفايه تدبيس وشكرا يا استاذنا الفاضل احمد ونرجوا ان نكون قد اسعدانكم ويادوب الحق اصحي مريم للمدرسه سلام يا قطاقيط

هناك 18 تعليقًا:

حسن حنفى يقول...

اجابات جميله

ويارب حضرتك تحققي كل اللي بتتمنيه

تحياتي

blue-wave يقول...

حلو اوى التاج
ربنا يكرمك بالتاجات كدا على طول

صبرني يارب يقول...

بلو ويف

تعيش يارب ونورت المدونه وصاحبتها

صبرني يارب يقول...

حسن حنفي

الله يكرمك يا اخ حسن ونورت

Appy يقول...

ليه كده مش انا حببتك وبنت بلدك كمان تدبسينى طيب التاج ده بقى ضيق على راسى اعمل ايه ههههههههههههه
كل سنه وانتى طيبه يا حبييبتى وربنا يهدى كل واحد وكلنا نستفيد من اللى بنعمله

طوبه فضه وطوبه دهب يقول...

جميله اوى ردودك واجاباتك فعلا تدل علىشخصيه متفتحه ومثقفه اسعدتنى زياره مدونتك وسعدت اكتر بتشريفك مدونتى تحياتى

صبرني يارب يقول...

طوبه دهب وطوبه فضه

الله يكرمك يا رب وانا الى اتشرفت بمعرفتك ووجودك

صبرني يارب يقول...

انتى منصوريه يا آبي والله ما خدت بالي اجدع ناس يا جميل

اها امال ادبس مين طيب انا ليا غيركم يا جميل نورتي يا قمر

mayada يقول...

ياام مريم مش انا خليفتك في الملاعب
ليه تعملي فيه كده التاج ده هيقلب علي المواجع هههههههههههه
المهم كل تاج وانت طيبه ياحبيبتي
واستلمت التاج وهتوج
كل سنه وانت طيبه

صبرني يارب يقول...

ميوده حبيبتى انا ليا غيرك ادبسه يا قمر

كل سنه وانت فى الف هنا وسعاده
نورتي

(احمد سكر ) يقول...

هههههههه

نفس التدبيسه

من نفس الشخص

ربنا يصبرنى واعرف لنفد منها

زى انتى مانفدتى

اجابه موفقه

واحنا بنشكر رخامة المنتديات

اللى خلتك تعملى مدونه

نتعرف بيها على قلمك

سكرر

صبرني يارب يقول...

سكر

تعيش يارب انا كمان باشكر الظروف الى جابتنى هنا واتعرفت على الناس الجميل الى هنا

عايش... ولكن !!!! يقول...

حلوه اجاباتك وعديتى من الاسئله بدبلوماسيه
اسعدنى مرورك وان شاء الله يدوم التواصل بينا

جنّي يقول...

السلام عليكم

اولا اشكر حضرتك جدا على اهدائك
بس لو سمحتي يكون الحل بعد رمضان ان شاء الله ..

وتاجين في الراس يوجعوا كمان عندي تاج من اختكم في الله ومؤجل لبعد رمضان
العون من عند يارب

بس تعرفي لو جاوبت ها يكون فيه كتير من اجابتك نفس الشعور والأحاسيس
يعني هناك تشابه وتوارد خواطر

صبرني يارب يقول...

جني

حضرتك على راسنا يا استاذنا

وما تغشش بقى من التاج بتاعي وتقول توارد خواطر ههههههههههههه

وطبعا براحتك جاوب وقت ما تحب

صبرني يارب يقول...

عايش ولكن

شكرا لك ربنا يكرمك انا الى اتشرفت بحضرتك والله

ahmed_k يقول...

أيه الإجابات الفل دي
وعلى كده أنا إتعرفت على مدونتك وإنتي في بدايات التدوين شفتي بقه

شاطره يا أم مريم وتستاهلي 10/10
يلا إن شاء الله ما حد حوش

وأشكرك جدا على كلمات مقدمتك الجميله
ربنا يبارك فيكي

وأشكرك على سرعة إستجابتك
وعقبال الباقي

سلااااااااااام

مواطن مصرى نايم يقول...

اجابتك حميلة
و حكاية الناس اللى راشقه مناخيرهم دول زادوا اوى
حتى البلوجات بقت عبارة عن موقع اعلانى

المهم ان لسه فى حد زيك
تحياتى ليكى

اسلام