الاثنين، 13 أبريل، 2009

صور الفرح .... وعش اليمام

السلام عليييييييكم

وربنا بتوحشوني يا جودعان

طبعا انا عندي حوالي دستين بوستات رغي على فكره
بس قلت لما ارفه عنكم

وافرجكم على صور الفرح بتاعنا اولا

فرح المدعو تامر على الحلوه الى قاعده جنبه دي امل

وتامر يبقى ابن اخت رضا


اتحايلت عليه يا جماعه يقلع النظار اصر اصرارا انه يسيبها قائلنا ده انا عملها جديده دافع فيها دم قلبي غير انى ما اشوفش مترين قدامي لو قلعتها انجزي وصوري
ههههههههههههههههههههههه
البت العروسه دي بت زي العسل بجد انا حبيتها كده من اول ما شوفتها من قبل ما الواد تامر ده يخطبها
ربنا يبارك لهم يارب ويصلح حالهم وعقبااااال الى ما اتجوزوش كلهم يارب نفرح فيهم
وعقبال ولادكم وحبايبكم يا الى اتجوزتم


اما هذه الصوره فدي الانسه رحمه كريمتنا واخده رضا وبيرقصوا وبتبصلي بالشماته الى انتم شايفنها دي




وده مستر خالد ابنى الصغير منهمك طبعا وبيقدم نمرته وبيرقص

وده ابو رياض ومعاه خالد (طبعا انتم عارفين رضا انا مصيتاه من زمان )




ودول مريم ورحمه بيرقصوا باخلاص وتفااااااني
بس لعلمكم البست فى الوقت ده كان كله بنات ااااااااه معلش يعنى
ده كان شرط مريم عشان ترقص مش هيصه هي



بث خلاص خلص الفرح
تعالوا بقى افرجكم على حاجه جميله اوي اوي
مش باقوووووووولكم هاشهيصكم انا النهارده
دي صورة عش يمام عندي على شباك المطبخ
اكتشفته بالصدفه
انا كنت باسمع صوته بس كنت فاكراه حمام وبيقف بس على الشباك او المدخنه بعدين كانت عندي مشكله مريعه
هى ان خالد سمع صوته مره
وبابا قاله دي صوت حمامه يا خالد وبتقول اذكرووووو ربكم
بسسسسسسسسسسسسس
قعد العبيط ده كل يوم يعيط ويقولي انا باخاف من البطه الى بتقول اذكروا ربكم
يا ابنى دي حمامه
لا دي بطه
طب ياعم بطه بس مضايقاك فى ايه
كده بتقول اذكروا ربكم
طيب ما تقول قول انت لا اله الا الله
يقولي لا اله الا الله بس انا باخااااااف
المهم مره قلت افتح الشباك كده عشان اطمنه يعنى ان مافيش حاجه
قوووووم ليه بافتح الشباك الى هو اصلا صغير جدا وعالي ومقفول نصه بالشفاط
ولقيت الشيش نصه مقفول بامد ايدى افتحه وطبعا كرسي بقى واجراءات كتيره يعنى عشان اوصله
الاقي حاجه طارت فجأه
طبعا انا صوووووووووت
طبعا الواد اترعب زياده ومن هنا كتشفنا انه عش وخالد هو الى طلع فوق وبص وقالي ان فى بيضتين
وبعدين بعد شويه رضا بص وقالي ده يمامه مش حمامه
طبعا انا زي الهبله روحت حطيت لهم اكل
هههههههههههههههههههه
رضا ضحك عليا وقالي مش هاياكلوه رز ا يه الى انتى حاطاه
وفعلا ما كلهوش مش عارفه ليه
بس من يومها وانا باعيش ماساة
انا باخااااااااف يا ماماااااااا البطه بتقول اذكروا ربكم
بس طبعا مش هامشيها يعنى ولا ارميلها البيض لازم هو يتعود ما يخافش
واول ا مبارح وقافه اغسل الاطباق سمعت صوت صوصوه ندهت لرضا بقى عشان يبص عليهم
ولقينا اليمامتين الامورتين دوووووول





شوفوا جمالها والنبى يا اختي عليها






دول بقى بعد ما اعتدينا علي عشهم ورضا نزلهم فى المطبخ على الارض
طبعا كان فى فى المطبخ سيرك عالمي





بس بيقولوا قال ده فال حلو ورزق وحركات من دي
طيب بركاااااااتك يا يمامه هااااااانم










هاسيبكم بقى تتابعوا هذا السيرك العالمي

واي تريقه على صوت المصوراتيه الى صوتها رايح من الفرح ممكن اعوركم على فكره




والى اللقاء بقى فى الرغي القادم يا حلوين

هناك 84 تعليقًا:

الطائر الحزين يقول...

الف مبروك

قوس قزح يقول...

هههههههههههههه
و الله انتى مطرقعة انتى و ولادك

خصوصا خالد اللى ادها رقص ده

و على فكرة هو ممكن يكون خايف من فكرة ان فى طائر بيتكلم مش اكتر

فهميه بالراحة ان الصوت ده مش بيفهمه الا الطيور و الملايكة و ربنا طبعا

بس شكل اليمام سكر اوى

و يارب يكون فال حلو لكم يارب
مثلا يكون بشارة لحمل فى توءم ولا حاجة ههههههههههههههههههههه


اياااااك تدعى عليا .. انا بهرج
هههههههههههههههه

لجين أبو الدهب يقول...

ياااااااااااربى

عسل عسل عسل ..

ولادك دول ما شاء الله عسل بجد ..

احلى حاجة انهم مهتمين بلببى بتاع اليمامة اوى D:

بجد الفيديو ضحكنى جدا عسل اوى وهم بيكتشوفها كده كأنهم كائن فضائى ..

وألف مبروك لقريبكم ..

وعقبال اولادك ان شاء الله يكبروا وتشوفى فرحهم ..

دمتِ بخير حبيبتى ..

احساس طفلة محبة للرومانسية بس واقعية يقول...

عايزة اقول يا اختى كاميلة
خلصت البوست ولقيت نفسى ببتسم
وسومة جنبى فرحانة زى

اولادك زى العسل انا مشاء الله
عارفة حكاية الشماته دى البنات
بيتبسطوا اوى لما يغيظونا ويتدلعوا على باباهم بس على مين عندك خالد ربنا يحميهوملك

ربنا يبارك للعروسين ويوفقهم فى حياتهم

انا مرة زماااااااان كنت مكان الاولاد زى كدا وماما لقت عش يمام جنب شباك المطبخ برضو ومرة عش عصافير
حاجة ليها فرحة خاصة ومن ذكريات الطفولة

ربنا يبارك لكم ويرزقكم
:)

تقبلى مرورى

صبرني يارب يقول...

لجين

الله يكرمك يارب

نورتي يا جميل

صبرني يارب يقول...

الطائر الحزين

الله يبارك فيك يارب
نورت

صبرني يارب يقول...

دووووووولي

طيييييييب ماااااااااشي

انشاله يا اختي والله ما اقول لا

ويبقى مش قراري وهارضى به وابقى فرحانه كمان

هههههههههههههههههههه

بس نبقى جماعه يا حلوه ان شاء الله
هههههههههههههههههههههه

وبالنسبه لخالد وربنا قولت يا اختي كل حاجه مافيش فايده

نورتي يا قمر وحشااااااااني يا بت يا وحشه انتى والله

صبرني يارب يقول...

احساس طفله

ايوه يا اختي مريم ورحمه دول ضرايري عادي

خصوصا البت مريم اجارك الله

وعلى فكره انا كنت فرحانه اكتر من العيال
ههههههههههههههههههههه

نورتي يا قمر وبوسيلى سومه

ঔღঔ نـــوارة ঔღঔ يقول...

هههههههههههههههه
ههههههههههههه

اولادك يجننوا ربنا يحفظهم

عسل وربي

وخالد عسووووول مووت وهو حامل اليمامة هههههههههههههههه

المقطع كله تووووحفة تسلم ايدك عالتصوير ^ـ*

والف مبرووووك عالفرح

ربنا يوفقهم ويرزقهم الذرية الصالحة

دمتِ بالف خير

ابوزيـــــــــــــــــــــــــد يقول...

اولا نقول مشاء الله على ولادك وبجد نفسى اعمل مدونه زيك كده انا عندى حاجات كتير مش رغى ممكن نسميها مذاكرات مغترب وعندى بنت عفريته ولد مسيه الفار نظرا لانه اى حاجه بقرضها بزوج الاسنان بتوعه هرينى حفاظات لما بيوقع فى كميه قبل الاستخدام بيدمرها لكن للاسف مش عارف الاخطوات ايه عشان انشأمدونه وعندى على فكره يمامه زى دى عايشه من سنه فى المكيف من بره وعاوز افك التكيف يعشان اشحنه فريون بس متفأل بيها وايه كل يوم تقول اليمامه راحت تجيب مم لولادها من الاخر يجعله عامل ومبروك على اليمتين وعلى الفرح

ابوزيد يقول...

التعليق ده للمطبخ بس معرفتش انزله هناك جبته ويبقى اتصرفى بقى يا ام مريم
فكرتينى بايام زمان ايام ما كنا عندنا مواشى كانت الحاجه بتعمل البتاعه بتاعتك دى بس كنا بنسميها سرسوب بس بجد خطيره ملهاش حل وكنا لازم نوزع على الجيران كرم بقى ههههه وبالهنا يارب بس كنا بنعملها على وقود طبيعى خشب يعنى ولازم اناء فخار او تعملها على الكانون اكيد هتلاقى الكلمه دى فى مصطلحاتك طالما فيها ام محمد يبقى لازم تعرفى المصطلح ده وبساطه الكانون هو البوتجاز بتاع الناس الفقرا بتوع زماااااااااان بس وقوده طبيعى ودمتم

صبرني يارب يقول...

نواره

الله يكرمك يارب وتسلمى

لا ده انا مصوراتي قديم

ههههههههههههههههههه

نورتي والله يبارك فيكى

ذو الوجه المبتسم يقول...

السلام عليكم
اسمحى لى بالزيارة لاول مرة
على فكرة الفرح شكله كان جميل
وكمان العريس شكله محترم قووى بس تفتكرى لو قلع النظارة هيشوف حاجة
هههههههههههههه
بنا يوفقهم ويبارك لهم هو والعروسة الجميلة
وكمان زوجك واولادك زي العسل
ربنا يبارك لك فيهم

تقبلى تحياتى

صبرني يارب يقول...

ابو زيد

الله يكرمك يارب

بس لازم تشحن المكيف يا عمنا الحر على الابواب ههههههههههههههههههه

بالنسبه لانشاء مدونه

الامر سهل جدا
افتح صفحة المدونه بتاعتي الرئيسيه وهاتلاقي فوق مكتوب انشاء مدونه

اعمل كليك وامش تبع الخطوات واي سؤال اناتحت امرك يا فندم


وبالنسبه للكانون والله انا عمري ما شوفته

بس كانت جدتى الله يرحمها تقولي من بعد الكانون ما تلاقيش المحشي له طعم بقى
ههههههههههههههههههه

وايوه فعلا ام محمد بتقول على اللبه دي سرسوب وساعات صلايه

وعلى فكره انا جيت احاسبها عليها ما رضيتش ابداااااا وقالتلى دي ما بتتباعش

فماما قالتلى ان الست الى كانت بتجيب لها لبن زمان قالت لها انهم بيعتبروا بيعها فأل وحش يعنى على البيت

وانهم لازم يوزعوها كده على الحبايب

وليه ما عرفتش تعلق فى طابخين ايه النهارده

هاروح اشوف مالهاا لتعليقات هناك

تحياتي لحضرتك ونورت

بنت مصر يقول...

ماشاء الله ربنا يباركلك في اولادك

للعلم انا اصلا معرفش الفرق بين الحمام واليمام

ومبروك عليكم الضيوف الجداد على البيت

تقبلي مروري

صبرني يارب يقول...

ذو الوجه المبتسم

تحياتي لك ولابتسامتك

ومتشكره اوي على كلامك الجميل

ونورت والله المدونه وصاحبتها

صبرني يارب يقول...

بنت مصر

معقوووووووله دي

اليمامه بتكون حجمها اصغر ولونا بنى فاتح زي الى فى الصوره دي

وبيكون راسها اصغر كتير من الحمامه

وكمان اكتشفت بقى مؤخرا ان صوت هديل اليمام مختلف عن الحمام فعلا

تحياتي ليكى ونورتي يا قمر

ساره يقول...

صبرين العزيزه

صور الفرح حلوه :)
والعروسه قمر ما شاء الله .. الله يسعد تامر ويهنيهم امين

وعقبالي طبعا :)

اولادك يجننون الله يحفظهم يارب :)

يــوم جــديد يقول...

يا الله على السكر ما شاء الله عليهم
تعرفي ماشاء الله أنا مفتقدة القعدة دي جدا
أب قاعد مع أولاده بيتكلموا ويضحكوا ويفهمهم ويسألوه نفس السؤال 100 مرة ويجاوبهم
من زماان أوي ماشفت قعدة زي دي
ربنا يحميهم ويبارك لك فيهم ويطمن خالد :)

hasona يقول...

السلام عليكم

أولا : ألف مبروك

وعبقال الجميع

سواء كده أو كده
بس يتجرأ بقي

،،،،،ــــ،،،،،

الاطفال اهتموا باليمام الصغير
احساس متبادل
والاجمل ان اليمام متعايش


بس انت رعبتيه
كان لازم تصوتي


،،،
ان شاء الله هيكون هناك أخبار سعيدة
لأن اليمام لما تشوفيه في الحلم غير ما تشوفيه علي الشباك
ههههههههههههه

MaNoOoSh يقول...

الف مبروك للعرسان وعقبال اولادك الصغيرين ربنا يحميهم
وشجاعة جامدو منهم انهم يمسكوا اليمام الصراحة
انا كان زمانى جريت وسيبتلهم المطبخ
ههههههههههههههههه

عمرو يقول...

بسم الله ما شاء الله
اللهم صلى على سيدنا النبى :)
العريس و العروسه زى القمر و لايقين على بعض ربنا يبارك لهم و يفرحهم بالخلف الصالح ..
عيالك دول بقى باين عليهم الذكاء و اللماضه يعنى زيك كده :)) و باباهم واضح أنه شديد الطيبه و الحنان ربنا يخليكم لبعض ..
و الله كانت فرصه حلوه و عجبتنى فكرة أنك عرفتينا بالصوت و الصوره على أسرتك الكريمه و عشنا معاكم لحظات سرور أدامها الله على الجميع ..
يقال اٍن اليمام يحمل معه الفأل الحسن و طبعا كل شىء عند الله قدرا مقدورا و لكن عن نفسى أنا أحب هذا الطائر الجميل الوديع و خاصة لما بيأنس للاٍنسان و أحيانا بيلازمه و بيزوره و ده حقيقى ..
بس رز أيه يا أم خالد اللى عاوزه تأكليه لليمام ؟؟ هو حتى اليمام عاوزه تبوظى له نظامه الغذائى ؟! :))
تقبلى تحياتى ليكى و للأستاذ رضا ..

ستيته حسب الله الحمش يقول...

ما شاء الله الله اكبر
ما شاء الله لا قوة الا بالله
العروسين قمر والواد رئم ونقى واختار يا اختي العروسة قمر
ربنا يؤدم ذات بينهما وشكله يا اختي عسولة بالنضارة

البنت رحمة دي شبه حد أعرفه والا انا بتخيل
ومرمر برستيج يا ماما .. هي شكلها في الصور برستيج وهيبة كده
الا الواد خالد ربنا يحميه يا رب مش ممكن انا عمالة اتفرج وها اتجنن اعضه

آه اصلي شريرة بحب اعض العيال الصغنونة

وايه اللي عملتيه ده
جبتي اليمام وعمله حفلة راقصة على شرفهم؟
والله انت ست روشة طحن
أنا عندي عش فوق فراندة المطبخ بس ده بقى مش بقول عليه يااختي جماله حلو
ده عاوزة اضربه بالنار بس خايفة من ربنا
لأن غسيلي كله بيتنقرش من البلاوي اللي بيعملوها وارجع ادخل الغسيل تاني
فرحتيني بالبوست ده
بس انا عاوزة نشرة اخبار الفرح والا لن اسامح غيابك الطويل
هو احنا باعتينك مبعوثة رسمية علشان اربع خمس صور
احكي وفكي عن نفسك يا شاااااااااااااااابة

ممممممممممممممممممممممممممممؤ
دي لخالد مش ليكي

reem يقول...

صبرنى
وحشتينى مووووووووووت موت

ازيك ياقمر ؟

الف الف مبروك والعروسة عسولة خالص والعريس طبعا وبعدي برافو عليه انهمش قلع النظارة عسوله عليه اوي

اما بئى للعسولين ولادك ماشاء الله عليهم ربنا يخليهم لك يارب هما وباباهم
وانتى ست دماغك زى العسل والله دماغك
حلوة بجد

بس على فكرة انا زى رحمة بخاف جدا يعنى اليمام دا لو عندى هاترعب امسكه

ممكن بئى تبوسيلى خالد بوسااااااات كتيييييييير اوى لانه ماشاء الله عليه انا بموت في طريقة الكلام بتاعته دى في الاطفال

ربنا يحميهم لكي ولباباهم

كيــــــــــــارا يقول...

الف الف مليون مبروك وربنا يبارك لهم في حياتهم بس هو لازم يلبس النضاره :)

حواء يقول...

والله انتي طقه انتي وعيالك
ههههههههههههههههههههههههه
مبروك علي العريس والعروسه
وربنا يهديهم
وبعدين مالها النضاره
ده الراجل مكلفها اكيد علشان يوم زي ده تيجي انتي بكل بساطه اقلعها
ياسلام
بلد شهااااااااادات

همس الاحباب يقول...

الف مليون مبروك
وعقبال اولادك يا ام مريم
وعيب يا خالد تخاف
كفاية ان اسمك خالد
ههههههه
ربنا يسعدكوا وتفرحوا دايما
تحياتى

واحدة مفروسة يقول...

اولا مبروك على الفرح و عقبال بناتك
ثانيا مامة اليمامتين زمانها بتدور على ولادها و زعلانة
و تلاقيها مش بتقول وحدو ربكم و بتعيط
اليمام جميل و رزق
رجعيلها ولاده

الشموع البيضاء يقول...

الف مبروووك ربنا يسعدهم ويبعد عنهم كل سوء ويرزقهم الذريه الصالحه
اليمام زى العسل بجد شكله هادى وعسول ولو انى بخاف امسك اى حاجه فيها روح او بتتحرك
ولادك زى العسل ربنا يحفظهم يارب ويبارك فيهم
تحياتى

حرروف يقول...

ana mabsota gedn any geet 3andek
i read this post its make me happy
rbna ykremk ya rab
sorry my computer not write arabic

احاسيس آيوشه يقول...

مبارك للعروسين وربنا يزقهم بالذرية الصالحة وربنا يحفظ اولادك ماشاء الله زى القمر

القدر و انا يقول...

صبرنى
الف كبروك للعرسان
وعقبال اولادك الطعمين دول
ممكن اخطب رحمة لشرفنطح ابنى
واد تمام جسم فى السابعة وعقل فى السبعين
اليمام دا جميل وفعلا يقال ان وجوده فى مكان يرتبط بالخير
تحياتى

حاجات جوايا يقول...

مبروك للعرايس يا جميل
العروسة ما شاء الله قمورة
بس ايه ده انتوا صيفتوا ليه ؟؟
لسه بدرى يا اختى


اليمام ما شاء الله شكله عسول
بس انا مقدرش اعمل زيكوا والمسه بتاتا البته
اى حاجة حية لا يمكن ابدا امد ايدى عليها

ربنا يبعتلكوا رزقه ان شاء الله

خالص ودى
سالى

حاسوباتيه يقول...

الف مبروك للعروسين والصوره حلو خالص واولادك امورين قوي ربنا يخلي يارب واليمامه حلوه قوي قوي بجد ويارب تكون خير زي ماقولتي ان شاء الله

KHALED يقول...

هههههههههههههههه

آية الفرح إللى أنتم عاملينوا دة فى المطبخ بزعامة الأخ رضا ...

ألف مبروك للعروسين

صبرني يارب يقول...

يوم جديد

يا حبيبتى ربنا يديكى كل ما تتمنيه يارب

نورتي يا جميل

صبرني يارب يقول...

ساره

عقبااااااالك يارب انتى وكل حبايبك وحبايبى

من قلبي اوي الدعوه دي والله

ربنا يكرمك ونورتي

صبرني يارب يقول...

حسونه

سواء كده او كده ؟؟؟

اوبااااا بتلعب انت فى عداد عمرررررك

عموما عادي الى عايز يتجوز تاني يتجوز ولا يلومن الا نفسه

وبعين هو مرعوب جاهز يعنى جت عليا بقى
هههههههههههه

صبرني يارب يقول...

مانوش

الحكايه مش محتاجه شجاعه والله هى تعود

وبالنسبه للطفل هو بيستقى الاطمئنان من تصرفات الكبير الى بيثق فيه

يعنى لما رضا طمنه اخد ايده ومسكه اليمام مسكه عادي

نورتي يا قمر

صبرني يارب يقول...

استاذ عمرو

والله انا متشكره لكلامك الي كله ذوق ده وكتير عليا

وربنا يفرحك بحبايبك يارب

وبعدين هو الرز برضه يبوظ الدايت
هههههههههههههههههه

ده حاجه بسيطه يعنى

هابدأ انا الدايت من بكررررررررررره هاصومكم معايا على المدونه
ههههههههههههههههه

صبرني يارب يقول...

سوتيته حياتي

اها هى حكاية الغسيل دي الى رخمه بس انا برضه ما اقدرش يا اختي امشيهم حرام والنبى ده حلوين

رحمه لا مش شبهي يا ستيته والله

تصدقي انا ماحدش فى ولادي شبهي العيال دول جايين من الملجأ باين

مريم شبه حماتي
ورحمه شبه اختي الى هى اساسا الوحيده فى اخواتي مش شبهي
وخالد شبه رضا
وانا طلعت اوانطه يا اختي من المولد ده
نشرة اخبار الفرح ؟
طيب ما بالاااااااااااش
ده كده هاقعد ارغي سنتين

ههههههههههههههههههههه
ان شاء الله عونيه

شمس النهار يقول...

الف الف مبروك للعروسين الاتنين مااعرفش ليه بيقولوا كده اصلا ويتكوا علي العروسين
المهم الولد والبنت امامير
واولادك طبعا كمان
وفرحت جدا بموضوع اليمام انا بحب العصافير والحمام واليمام
بس تعالي هنا انت فين وسيباني احارب لوحدي ويساندني بقوه عمرو بدر وكيارا
تعالي ياماما ارجعي الي ارض المدونه
عووووووودي

صبرني يارب يقول...

كيارا

وحشاني يا كوتي انتى فين

والله ما رضي الواد الجبان ده

صبرني يارب يقول...

ريم

لا بصي العروسه اه حلوه

انما الواد تامر اسود ومفلحس بس طيب وابن حلال وجدع والله
ههههههههههههههههههههه

وخالد يلا شدي حيلك وهاتلنا حاجه على اده ياعم
هههههههههههههههههه

أمبارح كان عمرى عشرين يقول...

هههههههههه ولاادك دول عسل ربنا يخليهم
ومبروك للعرسان

دمت بكل خير
سلام

صبرني يارب يقول...

حواء

ايوه عادي ماله الطققان بس

ده جميل
ههههههههههههههههههه

Ahmed يقول...

يعني ايه يقلع النضاره
طبعا لأ
انتي مش عارفه يعني ايه النضاره
ديه حياته وأمله في الدنيا
هههههه

العش يجنن

وبصراحه ياريتني اخبط في عش كده قريب مني

صبرني يارب يقول...

همس الاحباب

الله يكرمك يارب وعقبال همس

صبرني يارب يقول...

مفروسه يا حياااااتي


والله يا قمر رجعتهم كانهم تاني

انتى ما شوفتيش الفيديو للاخر

رضا طلع رجعهم تاني

بس لما يكبروا شويه بقى ويبدأوا يطيروا هاخدهم
ههههههههههههههههه

كده كده هي بتطردهم عشان تبيض غيرهم

انه ترتيب الكون يا سيدتى

صبرني يارب يقول...

الشموع البيضاء

الله يكرمك يارب ونورتي والله

فشكووول يقول...

الله يحظك يا ام خالد
ويخلى لك ولادك وجوزك ويكبروا وتجوزيهم ويجيبوا صبيان وبنات وتبقى جده لهم وساعتها تفتكرى فشكول وتقولى كان بيقولى حتبقى جده الله يرحمك يا فشكول
وربنا يخلى رضا ... الله يساعده عليكم هو حيجرى عشانكم ولا عشان اليمام كمان
وعلى فكره ممكن اليمام يتعود عليكم وتعملوا مزرعة يمام واليمام يبيض ويفقس ويجيب يمام تانى وتبيعوا بقى وتبقى سبوبه حلوه وتبقوا اصحاب اول مزرعة يمام فى العالم
ربنا يبارك فيكم

صبرني يارب يقول...

حروف

يا حياتي انتى نورتي

ولا يهمك اكتبي زي ما تحبي يا قمر

صبرني يارب يقول...

ايوشه

الله يبارك فيكى يارب ويكرمك

صبرني يارب يقول...

القدر وانا

الله يخليكى يارب ويكرمك ونورتي

صبرني يارب يقول...

حاجات جوايا

والله يا قمر الجو حر وانا باموت من الحر

وولادي طلعتهم زيي

بس القاعه كانت مغلقه فدافيه يعنى

وبالنسبه لليمام والله انا كمان كده
مش بامسك اي حاجه فيها روح

امبارح رضا جري ورايا لما طلعهم تاني للعيال
وانا اصووووووووت
بعدين قالي العيال خاااااااافت هاتي اييييييييييدك
اديته ايدى وانا بابصله بكل حقد وتوعد
وبعدين بقى حطهالي فى ايدي واول ما حسيت بنفسها طالع نازل كنت هارميها واطلع اجري
وزمجرت بقى وقلتله وانا باجز على سناني خدهااااااااااااااااااااااااااااااااااا

نورتي يا قمر

صبرني يارب يقول...

حاسوباتيه

عقبالك يا جميل ان شاء الله

تسلمى يارب ونورتي

صبرني يارب يقول...

خالد

الله يبارك فيك

ايوه بنحتفل بالمواليد الجديده

صبرني يارب يقول...

شموسه

روحت يا حجوجتي والله واثبت حضور ونقاش وتقطيع
هههههههههههههههههه

نورتينى يا قمر

صبرني يارب يقول...

احمد ابو العلا

اتحمقت انت على النضاره اوي

طب ياعم ابقى اعمل انت عدسات قبل الفرح بتاعك
هههههههههههههههههههه

صبرني يارب يقول...

امبارح كان عمري عشرين سنه

تحياتي لك وانت نورتنا

صبرني يارب يقول...

استاذنا الغالي فشكول

ربنا يديلك طولة العمر يارب
وان شاء الله لما اكون انا تيته هابقى اجي ازوركم بقى فى فرح اول حفيده لك ان شاء الله
وتكون انت بقى زي الفل واقولك ام اسامه موافقه انى اجيبلك عروسه خلاص
هههههههههههههههههه

ربنا يديلك الصح وطول العمر يارب

واليمام ياااااااريت
بس ما بيترباش
ههههههههههههههههههه

جنّي يقول...

السلام عليكم

اولا الف مبارك الفرح وربنا يجعل كل ايامكم افراح يارب ..

ثانيا ايه حكاية اليمام اللي ماشية في المدونات اليومين دول دانا كاتب بوست من عدة ايام عن اليمام ها يعجبك ..

بس ياريت ترجعوهم للعش تاني

حفيدة عرابى يقول...

ربنا يخلى لك ولادك ويبارك لك فيهم وتفرحى بيهم دايما ---اما بالنسبة لليمام انا مرة عمل عش ليه فى ناحية من الالوميتال ماكنتش بفتحها خالص وحقيقى كنت بستغرب جدا من طريقة بنائه لعشه--ولا اجدع مهندس والله فعلا تبارك الله احسن الخالقين

عاشقه الرومانسيه يقول...

كان عندى يمامه زمان وقت من العش بتاعها وانجرحت فى جناحها
اخدتها وربيتها
لحد ماكبرت وبعدين هى ماتت لوحده
كنت باحبها جدااااااااا
وكنت باحط لها الميه فى بوقى واحط منقارها جوا بوقى وتشرب منه
زى امها ماكنت بتعمل
اللى علمتنى كده ماما
وكنت بابقى فرحانه قووووى بيها
الفيديو فكرنى بايام ما كنت بالعب بيها كده
ربنا يسعد قلبك ويبارك لك فى اولادك
انا متقدمه لخالد اطلب ايده
موافقه؟
طيب خدى رأى عمو رضا وانا مستنيه الرد

المعلم محمد صاحب المطعم - طعمية سخنة يقول...

ههههههههه
اليمامتين دول حلوين اوي
بس مش لازم يعني الاعتداء الغاشم علي العش ده عشان يفضلوا معششين

صبرني يارب يقول...

جني

معقوله ما شوفتش انا البوست ده

اكيد نزل ايام ما كنت مشغوله فى حاجات كتير وقعت مني

هاروح اشوفه ان شاء الله
نورتنا يا فندم

صبرني يارب يقول...

لقد خلقنا الله احرارا


تعرفي فعلا ابهرني جدا كمان اختياره للمكان

فى بدايتهم لما عششوا كنا لسه فى البرد فاختاروا المكان ده لانه شمس ودافي وعملوا العش كمان على الخشب عشان بيفضل دافي حتى بعد ما الشمس تغيب
ناهيكى عن الدفى الصناعي بقى بتاع الفرن بتاعي الى باشغله كتير

وكمان مؤكد هما راقبوا المكان الاول
لان الشباك ده منه ناحيه مش بتتفتح خالص الشفاط قافل عليها
واساسا انا مش بافتحه لانه فوق وبعيد عني ولا حتى باعرف انضفه
لما تجيلى واحده من الى بينضفوا تكون خفيفه كده اخليها تطلع على المطبخ نفسه وتعمله
ولما رضا مسكهم لقيناهم واكلين ما شاء الله وحوصلتهم مليانه اكل
سبحانه عليه الارزاق

حقيقى سبحان الله

صبرني يارب يقول...

بيبرس

انا برضه الى غيبه طويله

انت الى فين كده مختلفي يا اخويا

اوعى يكون فى احكام عرفيه ولا حاجه

حشرجه ايه ده لا انا مش بادخن ولا حاجه
هههههههههههههههه

بس انا لازم بعد كل فرح كده تلاقينى صوتي رايح مش عارفه ليه مع انى مش بازغرد ولا بتاع يعنى

وايه رايك فى الولاد طيب
تحجز ؟؟

ولو ان حمااااااااهم هايبقى صعب ومتعب
هههههههههههههههههه

صبرني يارب يقول...

عاشقه الرومانسيه

يا حبيبتى ماااااااشي موااااافقه
خديه من دلوقتييييييييي

ده مطلع مجانينى وربنا طول النهار

باعد على صوابعي عشان اوديه الحضانه يحل عن سمايا شويه

وعلى فكره حلوه حكاية اليمامه دي

ورضا برضه لما كان مربي حمام كان بيقعد يخلي مريم تشربه وحاجات من دي
وخالد باس اليمامه من بؤها زي ما رضا عمل
ههههههههههههههههههههههه

بس تاني يوم بقى كانت الشجاعه زياده

وعلى فكره اليمامه ماتت لان اليمام ما بيترباك وما بيتحبسش بيقولوا انه لو اتحبس بيموت فعلا
والله اعلم

سبحان الله

صبرني يارب يقول...

طعميه سخنه

ايه النور ده

فكرتنى وربنا عايزه انقي الفول وانقعه واعمل طعميه

هههههههههههههههههههه

ام هند

يا سيدى مافيش اعتداء خاشم والله احنا بنلعب بيهم شويه وهنرجعهم تاني
عادي يعنى اصحاب اصحاب اثنين اثنين

شمس النهار يقول...

صباح الخير
شفت ياريس كل حاجه
واصتبحنا والملك لله

بنت الغربة يقول...

عسل قوى ولادك ياصبرنى
ربنا يخليهوملك يارب..ومبرووك ياستى على اليمامه...ده رزق من ربنا على فكره..
والف مبروووك صحيح على جواز ابن اخت جوزك...على فكرة هو شبه جوزك شويه..
بس مريم اموووورة قوى ورحمه كمان ..وخالد بقى ده اللى عسسسسسسسسسسسسل..بيفكرنى بابنى الصغير..
انا ابنى الكبير عنده 11 سنه وبعد كده بنتى عندها 8 سنين واخر واحد عنده 4 سنين...ومطلعين عينى بس باموووت فيهم..
على فكرة بنتى شبه بنتك مريم قوى..
وبرضه بتحب ترقص زيها لما البيست يبقى فاضى....
بجد بوست زى العسل...
تحياتى ليك ياقمر

المعلم محمد صاحب المطعم - طعمية سخنة يقول...

خلاااااااااااص
انا هغير اسم المدونة انا لسه مغير شكلها و شلت الهيدر اللي فيه صورة الطعمية كده و كان متظبط

انتي اول واحدة متكونش جعانة ! بس فكرتك برضه بالطعمية !

النور نورك !

عابرة السبيل = ام بقلظ باشا يقول...

السلام عليكم

احنا كمان كان عندنا عش يمام على الشباك
بس صحينا فى يوم لاقيناه اختفى !!!!!!!!!

ربنا يخليكى ليهم ويباركلك فيهم

maioya يقول...

ماشاء الله ولادك عسلات اوي
ربنا يخليهملك
والفيديو بجد تحفه
محسسني انهم فعلا اكتشفوا
كائن فضائي :lool:

صبرني يارب يقول...

شموسه
صباح الخيرات يا جميل

يا عامل قلق فى البلوج انت

صبرني يارب يقول...

بنت الغربه

بقى الواد تامر الاسود المفلحس ده يا بت يا مخنوقه شبه رضا

تعالى ده انا هاعورك

ده الواد ده وصمة عار اساسا
ههههههههههههههههههه

ده لو ما كانش فى شبه كبير من ابوه كنت قلت لمامته انه اتغلط فى المستشفى

حرام عليكى يا مخنوووووووووقه

ههههههههههههههههه

لا اختي رضا احلى منه

وربنا يخليلك ولادك يارب

طيب 11 سنه ده ينفعني احجزهولي مش عارفين بعد عشر سنين هانلاقي عرسان ولا ايه
هههههههههههههههههههه

وتسلمى يارب ونورتي يا جميل

صبرني يارب يقول...

طعميه سخنه

اللللللله مش انت الى مسمي نفسك اكل
ولعلمك برضه نسيت انقع الفول
ههههههههههههههه

نووووووورت

صبرني يارب يقول...

عابرة سبيل

اولا نورتينى يا فندم


والعش بتاعكم ممكن يكون جه هوا شديد هو الى عمل كده

صبرني يارب يقول...

مايويا

اه والله فعلا حصل كده

كنت برضه باقول لرضا نفس الكلمه

هما اكتشفوا كائن فضائي ولا ايه

ههههههههههههه

نورتينى يا جميل

تامر علي يقول...

خلاص حيث ان مفيش بط ولا فراخ ممكن ناكل اليمامتين دول وخلاص ... نزغطهم ولما يكبروا شويه نحشيهم ...هانعمل ايه بس طالما الأفراح مفيهاش بط .... على ايامنا مكنش في فرح الا فيه لكل معزوم بطة ده غير باقي الأكل .... ليت الزمان يعود يوماً.. فأنبئه إن مفيش بط دلوقتي :)

صبرني يارب يقول...

تامر علي

طيب انا هاعملك الة زمن مخصوص واجي عندكم زمان بتاعكم ياعم ما دام لكل معزوم بطه يعنى

وكده ترسم على اليمام

اه كاااااااسي وهاناخدهم من مامتهم
ههههههههههههههههههه

نورت يا فندم

اصحى يا مصر : اسلام جاويش (ديو) يقول...

هههههههههههههههه
البوست جميل
والفرح اجمل
ويارب يكون ايامنا كلها فرحة

عندىىىىىىىىى ليكىىىىىىىى مفجأة انتى منتظراها من سبع تلاف سنة انا عارف انى قصرت

بس معلش ولله كان طرووق والشغل واخدين دمى وكل حاجة

يلا علشان المفجأة هتترفع فى بوست النهارضة مستنيكى
تحياتى

ديووووووووو

صبرني يارب يقول...

اوعى تكووووووون صوووووورتي

طب انا روحت ما لقيتش حاجه

طب هاقوم انام شويه ومن الفجر تلاقينا هنا

انجز بقى
ههههههههههههههههههه
بنتأمر كمان