السبت، 16 مايو 2009

اضراب 17 مايو .... لا تفسد اجمع عندي مدونينا


السلااااام عليكم


طبعا كلمتكم قبل كده عن الاضراب وفكرته وكان فى البوست ده


والنهارده بافكركم ما تنسوش الاضراب يوم الاحد ان شاء الله


ومش عايزه حد فيكم يقولي انا مش مفسد


بشكل او بآخر احنا متحملين جزء من الفساد ده


ارجوكم فكروا بايجابيه شويه بلاش حكاية التملص من المسؤليه ده


فى تصرفات بنعدها صغيره ومش بناخد بالنا منها


زي كده وصلة التى في مثلا الى اساسا هى مسروقه من المحطات المشفره


لما انا اشترك فيها ده جزء من الفساد


لما تهمل فى بيتك وعيالك وتنفضلهم ده فساد


لما تنمي وتغتابي الناس ده فساد


لما تفقعي زميلتك فى الشغل مقلب عن المدير ده فساد


لما تقعد على النت تكلم بنات وتكذب عليهم على الاقل ده برضه فساد


حاجات كتير اوي اوي اوي


د. اسلام صاحب فكرة الاضراب والدعوه له




عمل سلسله بتتكلم عن الاضراب وبتشرحه اكتر بعنوان من فينا الظالم


وكمان عمل بوست يقولكم تشتركوا ازاي فى الاضراب ده هتلاقوه هـــنــــــــــــــــــــــــــــــا



طيب مطلوب منكم ايه بقى كمدونين متحملين مسؤلية التدوين


انكم على مدوانتكم من دلوقتي حالا اول ما تقرا البوست ده تتفضل تورينا الهمه


انك تعمل بووووووست ينزل فيه بانر الاضراب الى فووووق ده


وتحتيه سطرين دعوه للاضراب وشرحه فى كلمتين


مفهوووووووم ايها المدونين الجدعان اوي بالصلاه علىا لنبى ؟؟


عايزه البلوج كله ان شاء الله بكره يكون لونه ازرق زي البانر الى فوق


وطبعا تسيبوا البوست ده لحد يوم الاحد بالليل


وشكرا يا حلوين عايزه اشوف الهمه من فضلكم

هناك 23 تعليقًا:

مصري جدا يقول...

حاضر
دة ااقل ما يجب

عاشقه الرومانسيه يقول...

انا حاطه البانر عندى على المدونه
من ساعه ماكان الاضراب ده مجرد فكره
ربنا يجعله فى ميزان حسناتكم انتى ودكتور اسلام

صبرني يارب يقول...

انت ايه الى جايبك هنا يا شاطره


طب يلا زي بعضه خشي برجلك اليمين
هههههههههههههههه








نورتي يا بت

MaNoOoSh يقول...

من عنيا يا صبرني
انا كنت ناوية انزل بوست اكتئاب بعد شوية.. بس خلاص مش هنزلة لجل البانر يبان.
كدة هينوبك ثواب انك رحمتى الناس من بوست الاكتئاب المفتخر اللى كنت ناوية انزلة
هههههههههههههههههه

صبرني يارب يقول...

مصري جدا

الله يكرمك

صبرني يارب يقول...

منوش

الحمد للللللللله انى لحقتك

ليه الاكتئاب يا بنتى طب تعالى على الاميل وانا اخليكى تكتبى بوست نكت
هههههههههههه

نورتي يا جميل

تامر علي يقول...

ماشي يا فندم .... فكرة جميلة وأقل ما يجب هو المشاركة بإيجابية

تحياتي :)

حنعيش يعنى حنعيش يقول...

رجالة طول عمرك يا بلدنا رجالة ....حتى فى وقت الزنقة...بناتك بتبقى ارجل من الرجالة ....ايوة كدة ايد فى ايد الخير اكيد حيزيد وترجع لنا مصر بالسلامة وتطلع بقى من غرفة العناية المركزة

فشكووول يقول...

رحت عند اسلام لقيت بنر وكلمتين وخلاص وطبعا انا مشارك فى الاضراب بان رميت شوية ورق من البلكونه وغير كدا مش ممكن اكون مصرى
تحياتى

صبرني يارب يقول...

تامر علي


تحياتي لك يا فندم ونورتنا

صبرني يارب يقول...

حنعيش يعنى حنعيش

اعترض اعترض اعترض

ايه يعنى هو المجدعه والايجابيه والشغل مش موجود الا فى الرجاله

انا لن اتنازل ابدا ابدا عن ستاتيتى وافضل ست وجدعه وايجابيه وشغاله صح ان شاء الله
ايه رجاله يعنى
هههههههههههههههههههه

باهزر ياعم ما حدش يطقش فيا


بس برضه اعتز بستاتيتى جدا مش عايزين نبقى رجاله

ويارب مصر ترجع

بسنت صلاح الدين يقول...

معاكى ان شاء الله وانا من اول ماقريت البوست اللى كتبتيه المره اللى فاتت وانا حاطه عندى البانر،بالتوفيق

صبرني يارب يقول...

بسنت صلاح

الله يكرمك يارب

ليكى عليا يوم الاضراب اغنيلك بسبوسه بسبوووووسه بتاعة شاديه

نوووووووورتي يا جميل

صبرني يارب يقول...

استاذ فشكول

ليه كده بس

طيب ماشي معترض على ايه بس فهمنى

نورت يا استاذنا

ঔღঔ نـــوارة ঔღঔ يقول...

فكرة ختيرررررررررة

وانا معاكم طبعاااا

اروح الحق بقى اركب البنر

سي يو (•̮̮̃•̃)

تحياتي ياقمر

بنجاواتى يقول...

حاضر حاضر

انا مستعجل اما الحق بسرعة

نومستا سريعة

عمرو يقول...

وجب يا أم خالد ..
و ياريت ما يبقاش بكره بس .. يا ريت يبقى سلوك على طول ..
تحياتى ليكى على همتك و تقديرى لشخصك ..

صبرني يارب يقول...

نوااااره

ختير مشلتت يا قمر يلا بسرعه

صبرني يارب يقول...

بنجاواتي

ايه ده مش قالين الكلام ده من زمان ولا ايه

يلا بقىىىىىىىىى

صبرني يارب يقول...

عمرو


يااااااااااااااريت

بس مين يسمع ومين يفهم

شمس النهار يقول...

اضراب تاني
مش كان في اضراب قبل كده ياريسه

عموما انا مريضه وليس علي المريض حرج

اوعدك لما اخف اعمل اضراب لوحدي كده علي خفيف

بس بكره الاحد في ناس اجازه كتير

صبرني يارب يقول...

شمووووووسه

مااااالك الف الف سلامه عليكى

اجيلك يا جميل

ابقى طمنينى عليكى بقى يا حجوجتي

مسدس صغير يقول...

فكرة جميلة
نرجو ان تطبق على ارض الواقع
وليس عبر المدونات فقط
جزاكم الله خيرا