السلام عليكم يا حلوين
بعد البوستات الى فاتت الى كلها ضرب نار
تعالوا نرغي بقى رغي خفيف شويه
النهارده السبت عارفه ما لحقتش انزل البوست ده امبارح خلاص بقى
ايه بقى حكاية النهارده الجمعه قولوا بابا
دلوقتي كل ام فى الدنيا خصوصا لما يبقى عندها 3 اطفال ظراف لطاف خفاف كده زي الى عندي
لو عدت كده هي بيتقال لها كام مره فى اليوم ماما
ممكن يطلعوا خمسه سته مليون ماما
عارفين فى المعتقلات ؟
ايوه ايوه ربنا يبعدنا عنها يارب
مش فى بلدنا نو نو نو على راي الرايق
احنا ما عندناش معتقلات اصلا
المعتقلات الى فى شومبونجو
عشان ياثروا على الشخص المعتقل ويقر ويعترف بكل الى عمله والى ما عملوش
وشركاؤه وابوه وامه وكل الى يعرفهم
لازم يفقدوه التركيز ويتلفوا اعصابه
ازاي ؟
خد عندك بقى قلة نوم وممنوع التركيز فى اي شيء لاكتر من دقيقه
بصوت عالي بخضه بجردل مايه على راسه
بكلاب معاه فى الاوضه
وكل ما ينام يصحوا لحد ما يجيله انهيار عصبي كده يبقى جاهز بقى للاستجواب
ده برتوكول عالمي مش فى شومبونجو بس يعنى
اهو هو ده الى بيحصل بقى معايا ومع كل واحده مكاني فى الغالب
ماما ماما مامااااااااا ماماااااااااا مامااااااااااااااااااااااااااااااا
حتى وانا نااااااايمه
ده لو اتهبلت فى عقلي وقررت انام وهما صاحيين يعنى
لدرجة مره اخو جوزي بيتغدى معانا فلقى كل الى على السفره ماما هاتي كذا ماما عايز كذا صبرني هاتي كذا
قالي هو اي حد عايز حاجه هنا بيقولك انتى ؟
قلتله : اه
قالي : طب انا عايز اتجوز
هههههههههههههههههههههه
المهم قررت بقى ان اخد اجازه من هذ الانهيار العصبي
الا وهى يوم الجمعه
طبعا طبعا مش اجازه اوي يعنى لا هيهات انهم يسبوني فى حالي
انما باستمتع بقى بهذه العباره : النهارده الجمعه ... قولوا باااااااااباااااااااا
وطبعا ده لما حد يجيلى ماما مريم مش عايزه تدينى المسطره وانا مسطرتي اتكسرت و و و و ..............
الى هو دور القاضي ده
اقوله النهارده الجمعه قولوا بابا
واستمتع انا بقى انى اقعد متفرجه يوم من نفسي
ماهو طول ا لاسبوع حتى لو موجود بيبقى متفرج برضه
مافيش مانع انه ساعات يلاقي حد بيغزه فى جنبه كده ويقوله زعق بدالي شويه والنبى
وطبعا اجازة يوم الجمعه دي مستأصل منها وقت الصلاه ووقت النوم الى هو حوالي 20 ساعة نوم
وكمان جايز يكون فى وقت مستقطع مع اصحابه
بس يعنى اهو الواحد يستمتع بالمقوله
النهارده الجمعه قولوا بابااااااااااااااااااا
يارجااااااااااااااااااااااال
الله يصلح حالكم ارأفوا بحالنا شويه
والله احنا بنى ادمين زيكم ولنا نفس ناخد اجازه ولو ساعه
ولنا نفس نقابل اصحابنا
والله العظيم نرغب فى الخير كما ترغبون
وكمان والله العظيم دول ولادكم برضه مش استنسخناهم مننا ولا حاجه
ولا شاطرين بس لما العيال تكبر
تقوله انا ابوك يااااض انا الى ربيتك وعملتك بنى ادم
اسمع كلام ابووووووووك يا ولدي
لازم تستحملوهم بصحيح وهما صغيرين عشان يستحملوكم وانتم كبار
تستحملوهم وتربوهم مش تصرفوا عليهم بس
مش وظفيتكم تكونوا بنك فى البيت بس
ولا انكم تزعقوا بس وتقرفوا فى العيال وامهم باوامر
لا طبعا
اسمعهم وقاضي ما بينهم وشيلهم والعب معاهم
واهتم تعرف التفاصيل من مامتهم مهما كانت صغيره او مش مهمه
وانت طبعا مهم ومش معقول تفكر فى الحاجات الصغيره دي
بس معلش تعالى على نفسك شويه
واسمع قصة المدرسه الرخمه الى زعقت للولد النهارده
والبنت السخيفه الي زعلت بنتك في المدرسه وقالتلها يا كلبه
واندهش وقولها هااااااو ديد لازم تقولي للميس عليها
واحضر حفلة اخر السنه الى بنتك مشتركه فيها ما تبقاش خنيق
واسمع شكاوي مراتك وطبطب عليها وقولها معلش
من حقك ومن حقهم ومن حقها والله تلاقي حد يشاركها مشاكلها حتى لو كانت فى نظرك صغيره
الا ان صدقنى المشاكل الي انت شايفها هايفه دي ممكن تغير مسار ابنك او بنتك
ومن موقعي هذا يا حريم
عايزه اطالب بحقوقنا فى اجازه ولو شهريه
بلاش اسبوعيه احنا مش طماعين
يعنى بالذمه مش من حقنا مره مثلا فى الشهر كده نخرج ولو نص يوم بلاش يووووووووم
نص يوم مع اصحابنا لواحدنا من غير عيال ؟
ويتحمل هو مسؤلية ولاده نص يوم ما يروحش يحدفهم عند مامتك ولا مامته ؟؟؟
لحنا حق ولا ما لناااااااااااااش حق
اشمعن هما بيخرجوا مع اصحابهم يعنى
اعضاء جمعية المرأه المتوحشه اجمع عندي قولوا رايكم
هناك 84 تعليقًا:
السلام عليكم ورحمة الله وبركاته
اختى صبرنى يارب زميلة الكفاح الاسرى
ربنا معاكى ومع كل ام دا احنا وربنا يعلم العيال هتجننا خلاص
بس معاكى فى موضوع الاجازة ده بس هنبقى برضه بنفكر فيهم يا ترى وياترى وياترى الامومة بقى هنعمل ايه
ربنا يخليلك اولادك
تحياتى واحترامى
قربت شويه يامسهل المره الجايه هجى بدرى شويه
اقرأ وارجع اعلق تانى
مامة مازن
معلش نفكر حاجه ويجيلنا انهيار عصبي حاجه تانيه
نورتي يا جميل والله
ابو زيد اوك ربنا يسهل وتلحق اول تعليق من نفسك يا اخويا
ههههههههههههههههه
وصل طريقة الممبار يا سيدى ؟:
تصدقى يا ام خالد انتى بنت حلال لسه امبارح كنا فى نفس القصه وقررت اشوف عيلين واحده سنتين ونصف واحد 10 شهور ممكن يتعبو فى ايه قلت لمودام الجمعه دى انا بقى هثبت ان الموضوع شهل وبسيط وبدا اليوم من 9 تقريبا وخدى عندك بقى اصطباحة بالعياط عشان احمد صحى قبلها طيب دى احلها ازاى شويتين وابنك بيشد شعر وانا مش عاوزة اضربه المهم بعد عناء استمر 12 ساعه على فكره هما نامو على 12 بعد انا ما هربت من البيت بحجه مشهور مهم نافوخى هيطير عيلين مفعوسين لسه اكبرهم بيعمل بيبيه على نفسه يخلى الواد يصوت بجد والله كان الله فى عونكم انا اشتغل 48 ساعه متصله ولا يوم واحد فى البيت مشاكل تافهه بس تجيب شلل رباعى ومش بيزهقوا عشان هو ده الطبيعى بتاعهم وانا واحد ربنا هداه وسكت بتاع 3 دقايق التانى يكون مستعد لماتش ياخد بتاع ساعه بس بجد ربنا يخليهم ويحفظهم الواحد من غيرهم حياته كانت صعبه اوى هما متعه بكل المقايسس وربنا يهدى ولادنا وولاد المسلمين وعلى فكره خلاص يوم الجمعه اتسجل عندنا باسم( يوم الملكه) يعنى الست بتاخد اجازة وتتدخل بس قب الكوارث نوع من انواع التقدير لحرمنا المصون فى اسرتنا الصغيره وعلى راى ستى يارب يهدى سرك يابنتى ويجعله عامر
بسم الله
ربنا يستر
انا داخا اهوه بأدبي وياريت اخرج برده ببرستيجي كامل
اعضاء جمعية المرأه المتوحشه! اخبارهم ايه النهارده؟ مزاجهم عامل ازاي؟
بصي انا معاكي ان لازم يكون فيه مشاركه
ومفيش مانع من فكرة يوم يقولوا فيه بابا
بس انا كمان هنا بسجل اعتراضي الشديد (وربنا يستر) على الرجاله اللي لما بتتجوز بينسوا اصحابهم خالص وحتى التليفةن ممنوع, قال ايه المدام بتغير (من ايه يعني لاموأخذه)
احنا اصحاب الكليه, اللي بيتجوز فينا بنعمله حفل توديع وبيتكل على الله
الموضوع ده حصل مع أكتر من واحد من الشله اللي كانت متتفرقش ابدا
ليه بأه يعني الستات لما تتجوز بتعتبر أصدقاء الزوج هما هدفها الأول
انا بطالب برضه بيوم يبأه من حق الزوج يقابل فيه أصحابه ويكون يوم كامل (وش مطلع لسانه) مش نص يوم ولا لغاية الساعه خمسه بس
ليكي حق يامااااااااااماااااااا مالكيش ليه
حاولي انتي بس تاخدي حقك ده
واستحملي النكد اللي هايحصل
هاتقولي هم العيال اهون
بس انا من موقعي هذا اللي هو بيت بابا بطالب بأجازه يوم كاااااااااااااااااااااامل شهريه وساعه رضاعه يوميا اجازه لكل متزوجه من العيال وابو العيال اللي خلفوا العيال ومن البيت كله
ترجعوا انسات من غير همهم لمده يوم واحد بس وبعدين ترجعي ماما ومراته وامه كمان لو حب
اهئ اهئ
مش ممكن البوست ده رائع كان بيحصلى بس من خمسه وعشرين سنه كنت بعد اليوم بالثانيه لا بالفيمتو ثانيهوطبعا مش عايزه ارسم لك صوره من اللى هتبقى عليه لما توصلى لمرحلتى عموما واجب عليا اطمنك عارفه سمير غانم لما بيوصف واحد بعد اكله فول محبشه هو دا انادلوقتى وبعدين هيفضل النداء ده عرض مستمر بس حسب عدد الاولادمضروب فى متوسط مثلا اتنين شوفى بقى السعاده اللى هتحسى بيها وخصوصا لما الباشا يطلع معاش هتلاقى ماما بس بصوت تانى خالص والنهارد احلى بكتير من بكره وياسلام لما ييجى يقول بفكر اخد اجازه تلاقينى فى ثانيه مجهزه الشنطه ومعاها اابتسامه بعرض الكون مع السلامه ياحبيبى
هههههههههههههه
بوست يجنن والله
بس انا هاقول النهارة الاحد قولو بااااابااااا
اصل اجازته الاحد ما انتى عارفه
صح لازم تجمع لاعضاء المرأة المتوحشة ويكون الهتاف بتاعنا
(من حقنا من حقنا ... يوم اجازة لنفسنا )
والله لازم اخلى جوزى يقرأ البوست دا
اصل جوزى دا شايل ايده من البنوتات خاااااااالص
عسولة دائما كالعادة
والنبى ياماما ماتنسيش الاضراب ..دا احنا من غيرك نلوص
انهيار عصبى
عدم تركيز
بحلقة فى السقف
واحيانا نقول عكس الكلام اللى عايزين نقولة يعنى نكون عايزين نقول اه نروح قايلين لا تعال هنا تبقى امشى روح اوضتك وغيرة وغيرة
بس يا صبرنى مش نص يوم كتير علينا برضو
خلينا نقول ساعة ولا ساعتين بس هم برضو يسبونا فى حالنا فيهم
عارفة المشكلة مش فى الاولاد ولا الباباهات بس
المشكلة اننا احنا كمان لو خرجنا
مش هنعرف نكون فى كامل تركيزنا واستمتاعنا لانهم هيفضلوا فى علقنا يا ترى اكلوا طيب شربوا يا ترى نامو
فى ميعادهم
ومفيش مانع من 4 او 5 اتصالات كل تلت ساعة للاطمئنان
يعنى ضاعت الخروجة
هو كدا مادام ربنا رزقنا باطفال ضاع التركيز والهدوء والاستمتاع بالطبيعة والمرح
هنعمل اية لازم ندفع ثمن كلمة ماما :)
ربنا يخليهوملنا
تقبلى مرورى
ابو زيد
انا برضه جوزي رغم انه ما جربش يوم بحاله ولا حاجه
الا انه عارف ودايما يقولي اشتغل يومين ولا اقعدش ساعه فى وسط العيال دي لواحدي
هههههههههههههه
ربنا يخليلك المدام ويكرمكم ويهدي سركم على راي تيته
ابو العلا
انا اول جوازي كنت بره وفى بلد مسافرين فيها سوا مافيهاش اصحاب لجوزي خالص انا كنت صاحبه الوحيد هناك
هههههههههههههههه
اول لما رجعنا اجازه كنت بجد باغير من اهتمامه باصحابه واقوله ايه ده انت بتحبهم اكتر مني
واقرب واحد فيهم ليه كان رضا مسميه ضرتك
هههههههههههههههههه
بس بعد شويه لما كلهم اتجوزوا وانا اتعرفت على زوجاتهم وبقينا اصحاب
وبنتقابل كلنا مع بعض بقى الموضوع عادي
ما عنديش اي اعتراض انه يروح لاصحابه زي ما هو عايز بس كمان مش معقول يعنى ابقى انا ماشوفتوش لا انا ولا العيال شهرين متواصلين وبعدين اول ما اصحابه يشاوروا يتوجد الوقت والجهد والتكلفه
ده تبقى حاجه تنقط بقى
وبعدين ياعم انت بالذات لما تتجوز مراتك هاتديلك يومين فىالاسبوع لاصحابك عشان تستريح منك
ههههههههههههههههههههه
نورت يا باشمهندس
عاشقه وغلبانه
عارفه هو بيقولي ماشي ماعنديش مانع
بس انا عارفه هو هايعمل ايه
هياخد العيال يرميهم لماما وبعدين ماما تهزأنى انى سبتلهاالعيال كلهم وخرجت
هههههههههههههههههههه
عطش الصبار
هههههههههههههههههههههههههههههههههههه
موتينى من الضحك
اصل ده حال ماما دلوقتي
وبابا كل شويه يقولها انتى مش طايقاني فى البيت انتى بتوزعينى
واشتغل بعد المعاش والله بعد ما قعد فى البيت سنتين
الصراحه طلع مجانينا كلنا
هههههههههههههههههههههههههههه
وكان تعبان نفسيا جدا
بس لا كلا البت انا مش ممكن استسلم انا لازم اخرج مع اصحابي
واعيش شويه من غير كلمة ماما
والله يا اختي مره خدهم فى العيد الكبير يحضروا الدبيح قعدوا بره خمس ساعات
مش عايزه اقولك كان بقالي يومين ما نمتش ومع ذل ما جاليش نوم
من الفرحه بقى
وهو يقولي ده انا كنت قاعد هناك اقول ااااااااه زمانها قاعده هناك راااااااايقه ومش مصدقه نفسها واحقد عليكى
شوفتي الرجاله ؟
نورتي يا جميل ويارب دايما تنورينى
حنعيش يعنى حنعيش
د اسلام
طيب يعنى ينفع اجيب يومها دلفري ولا ده فساد
ههههههههههههههههههههه
انا بافكر اتبنى الشعب المصري وخلاص
ريم
لا يا ماما انتى جوزك انا هاكتبله بوست لوحده
هههههههههههههههههههههه
طبعا خليه يقرا البوست
حلو اووووووي الشعار ده يا ريم
من حقنا من حقنا يوم اجازه لنفسنا
انا هاكتبها واطبعها واعلقها على الباب عندي
ههههههههههههههههههههه
أوافق على اجازة للزوجة
ومش كل شهر لااااااا
كل أسبوع يوم الجمعة ولمدة أربعة وعشرين ساعة كاملة ومتواصلة
وبالمرة تاخد العيال معاها
فية حاجة
منا وافقت اهه
احساس طفله
لا لا ده احساس اول طفله بس
انما بعد كده لما يبقوا 3 ان شاء الله
ما هتصدقي تفري فرارا
بس مافيش مانع افكر فيهم واتصل عليهم وكل حاجه
بس برضه على الاقل كل نص ساعه
وانا الى باتصل
مش كل دقيقه ماما ما ما ماما
عااااااااااااااااا
مصري جدا
ايوووووووووووووووووووووه
ماهو ده منى عينكم يا اخويا
لا بعيد عن شنب جنس الرجال كلهم
هى حته واحده كلها بعضها جوزا وانتخه وعيال وست
الى عاجبه على كده عاجب والى مش عاجبه يخليه من غير ازاز
شوف انا بقى الى كتير باقوله كده
عايز تخرج اووووووك مع السلامه والقلب داعيلك عيالك على كتفك وبالسلامه
طبعا بتنتهي بماشي اخد العيال بس انتى معانا
اه طبعا امال يعنى مين يتقاله ماما
اااااااه يا دماغي
هههههههههههههه
ههههههههه
فعلا جمعية المراة المتوحشة
بس بصراحة ربنا يكون فى العون وخصوصا لو اطفال
انا عندى همس واحدة وبكون موجود سويعات وبتجننى بصراحة
بس هى مخليه البساط احمدى مرة تقولى بابا وخمسين يا خالد من غير بابا
عيال اخر زمن بس الحمد لله انا بالى طويل وبعرف اتعامل مع الاطفال عكس مامتها نرفز بسرعة منها
بس الحمد لله اغلب الوقت بره البيت فى الشغل يعنى الواحد بتحمب شوبة
هههههههههه
تحياتى
خالد همس الاحباب
طب الحمد لله ان باااالك طويل هايبقى انت وبالك بقى
شوف برضه الرجاله الى تبع العنصر الانوي المتانتخ
يعنى انت اساسا ما بتقعدش معاها ومصمم ان مراتك هى الى نرفز وانت الى بالك طويل
طيب انت بالك طويل فى النص ساعه الى بتقعدهم معاها ومامتها موجوده
شيلى وحطي وغير واكلي وسكتي
طب انا عايزه اشوف بالك وطوله وجماله بعد 15 ساعه متواصل من ايء وميء وعياط واكل وشرب وغلاسه
وورينى بالك هايبقى طويل ازاي وهاتبقى نرفز ولا لا يا اخويا
رجاله تفررررررررررس
اي خدمه يا ام همس
نيهاهاها ها
السلام عليكم ورحمة الله وبركاته
انا شايف ان الموضوع مش سببه الأب ولا الأم الموضوع بيرجع للأولاد هم في سن معين بيحسوا بأن الأم عندها القدرة علي حل مشاكلهم وان هي بتسمع لهم احسن من الأب وفي مرحله متقدمة عند الثانويه كده لما الواضيع بتبدا تكبر هتلاقيهم بداوا يتجهوا في الشكوي للأب أكثر
وربنا يسعدكوا ويباركلكوا في اولادكم انتوا وكل أب وأم
هههههههههههههههه
ربنا يعينكم عنجد الاطفال يجننوا لما بتيجي اختي عندي تزورني وعندها بنتين وولدين ربنا يحفظهم
مش بنعرف نتكلم ولا نعمل حاجة غيره نجري وراهم لغاية مابنزهق وببقى عاوزة ارميهم من الشبااااااك هههههههههههه
ربنا يعينها يجننوا بلد وعلطول ماما ماما ماما ماما وانا بعقد اشد بشعري منهم هههههههههههههه
ومن هذا المنطلق ومن موقعي هذا
اطالب بربع يوم استراحة على الاقل هههههههههههههههه
ربنا يخليلك اولادك وربنا يحميهم
تحياتي ياقمر
ياعيني ع الكلام المظبوط
كلام جميل كلام معقول ماقدرش اقول حاجه عنه
ياسلام لوالرجاله ينضربوا ف نافوخهم ويستمعوا لدعوتنا اللطيفه والله هنسعد جدا والله
ربنا يخليلك عيالك وزوجك وتفرحي بيهم كلهم ومعاهم :)
مووووووواه
جعلوني مريضا نفسيا
يعنى ايه العيال هما الى طلعوا غلطانين فى الاخر ولا ايه
هههههههههههههههههههههههه
لا انا اختلف معاك
ماهو الطفل فعلا ذكي بيشوف مين يسحمله ومين يسمعه ومين متعود انه طول النهار لازق فى وشه
الام طبعا
انما لو كان دور الاب متفعل وبيسمع ويستحمل وشويه متواجد اكيد العيال هايقولوا بابا شويه على الاقل
ربنا يكرمك ان شاء الله
نواره
خليكى جدعه وخليهم نص يوم
هههههههههههههههه
ربنا يخليلك ولاد اختك ويارب تجيبى نص دسته يا جميل ونفرح فيكى
موني الشريف
يا اختي لو كان على خبطه فى نافوخهم نحن لها بس تجيب نتيجه
ههههههههههههههههه
والله يا موني الى بيبعد عن بيته وولاده هو الى بيندم فى الاخر صدقينى
معاكِ ..
معاكِ ..
معاكِ ..
نؤيدك بكل ما أوتينا من قوة ..
انا لسه ما جبتش اطفال بس بطالب الصراحة بيوم اجازة ..
نفسى افضل نايمة طول النهار مايبقاش فى غسيل او اكل ..
اروح اقضى يومين فى حتة ..
بعيد عن البيت ومسؤلياته ..
وانا بقول كده وانا لسه .. فمابال بعد كده ..
ربنا يستر عليا D:
بس بجد شئ سخيف لما يكون الراجل مطلع ايده من كل حاجة والمشكلة الاكبر لما يكون حاسس انه شئ مش يخصه ..
ربنا يهدى الرجالة كلهم ..
دمتِ بخير حبيبتى صبرنى ..
انا بقى لا اتجوزت لسه ولا عندى ولاد بس كل كلامك يمشى ،اه طبعا انا برفع شعار اجازه للزوجه ده بأعلى صوت،اصل الرجاله يا اختى طالعين الايام دى بموال انهم لازم ياخدوا اجازه زوجيه يقضوها مع اصحابهم يسافروا يومين يغيروا جو عشان روتين الجواز الخنيق،و ماله مع السلامه،بس لما يرجعوا بقى الحلوين ياخدوا العيال ولو يوم واحد عشان الزوجه تخرج مع صاحباتها يقضوا الداى بره،ولا هى الخنقه لناس وناس لأ
ازيك
ايه الجمال ده يعني اضراب وكمان عصيان منزلي :)
انت ناويه علي ايه
بس فكره حلوه بجد
انت فين بقا حضرتك
لجين
لنا الله يا اختي
طيب يا بنتى ما تخرجي خدي جوزك واخرجي فى احلى من كده ؟؟
وبعدين ايه مانعك تاخدي اجازه ان شاء الله
الا يكون هو الى مانعك يا اختي لا لا تبقى عايزه تاخدي كورسات تقويه
بسنت
ده اون ما بادي يا حلوه
قال يومين قال
والي قاعده فى البيت دي يعنى بنت البطه السوده
فيها لاخفيها طبعااااااااااااااااا
قالي مع اصحابه قال
اه لما يبقى يعدمني
هععع
شموسه
اه شوفتي
رضا بيقولي انتى هاتعملي ثوره فى البيوت انتى فاكره كل الناس زيي
تقوليش بقى انا الاجازات نازله ترف على راسي ؟؟
مش هاقولك هو حصله ايه بقى بعد البؤين دول
المهم انا يا شموسه دخلت مدونت ميت مره النهارده عشان اعلق مش عارفه ايه الى بيحصل وما اعلقش
احدهم ان النور قطع مرتين
بس جيت وقريت والله يا جميل
جيااااالك ان شاء الله يا جميل
السلام عليكم
طلبات معقولة .. بس والله بيصحل كتير منها والعيال بتصدعنا برضه ..
بس انا متأكد انك مش ها تستحملي تبعدي عن اولادك ولو نص يوم وها تبقي متوغوشة عليهم وكل شوية تتصلي علشان تطمني عليهم .. صح ولا لأ ؟
وعمر الاب ما هتبقى زي الام من ناحية الحنية واستحمال اولادها وعمر الاب ما ها يوصل لهذه الدرجة من الحب والحنية على الاولاد ..
سؤال مهم جداااااااااا
هو حضرتك تعرفى ماما
ولا بتتكلمى بلسانها كدا احساس وروح واحدة
كوكيتا
يا حياتي ده احساس كل ماما فى الدنيا
هههههههههههههههههه
كلنا ماساه واحده والله
جني
كام مره فى العمر حصلت ؟؟؟
عد كده وفرحني
هههههههههههههههههههه
ماشي يعنى بنستحمل بس احنا مش حديد احنا والله دم ولحم
لنا نفس نزهق ونتعب وكل حاجه
نوووووورت
لييييييييييييييييييه بس دا احنا ملايكة
اومال لما نغيب عن عنيكم دقايق تبقوا هتموتوا ليه
بصفتى واحده من اعضاء جمعيه المرأه المتوحشه برئاسه ستيه هانم الحمش وعضويه حضرتك وناس تانيه مش فاكراهم
احب اقول بالاصاله عن نفسى والنيابه عن زملائى
انى اتفق معاكى انك تاخدى اجازه شهريه بس مش يوم
لا
اسبوع
اه
اسبوع معاه هو وعياله
واسبوع استجمام
كده الحياه تبقى تمام
وبما ان مفيش حد بيطلب حاجه الا منك انتى وبصفتك صاحبتى
يبقى لازم اطلب انا كمان
اشمعنى انا يعنى هى جت عليا؟
انا عايزه اتجوززززززز
جوزينى ياابلتى الله يخليكى
جوزينى بدل ماانتحر واجيبلك مصيبه
ده اخر انذار ياتلحقينى يامتلحقينيش
(:
الله يسامحك يا ام اخالد
المودام عرفت الموضوع وعاوزة يوم اجازة اقولها ما انتى عندك يوم الملكه بتكونى فيه ملكه بجد وبتامرى طول النهار تقولى لا انا عاوزة يوم اسمه (النهارده الجمعه..... قولوا بابا)ياستى دى واحده مدلعه وجوزها طيار وعمها سفير وخالها وزير وناس جامدين قوى تقولى نعم نعم نعم وانا اللى جايه من الشارع والجديد كمان عاوزة تعمل مدونه قولت اشطه كملت كده ربنا يسامحك يا ام خالد شكلى هتنرفز وانتى السبب... انتى السبب... انتى السبب.... يجعله عامر
انا شخصيا كراجل موافق
بس بشروط
يكون فى يومين اجازة للرجالة واظن دة الشرع
كل شىء يكون جاهز للاولاد كل طلباتهم
متجيش تحكى على الى حصل مع اصحابك
وطبعا بالمقابل متطلبوش احنا كمان عملنا اية
مش لاننا هنعمل حاجة وحشة لسمح اللة بس نوع من التغير
اقتصاد فى النفقات علشان متطلبوش مصارف ادارية خلال اليوم العطلة
تصدقي؟ أنا لسا عندي بنت واحدة بس و لسا يادوب بدأت تتكلم بس هتجنني بقولة ماما ماما ماما ماما ماما مامااااااااااااا طول الليل و النهار عايزة دا و هاتي دي
و فعلاً ساعات بحس بالانهيار العصبي و اني هتجنن خلااااااااااااص و اني فعلاً في المعتقل و بتعذب وببقى عايزة أقول و الله هعترف بكل حاجة بس شيلوها من قدامي
ربنا يخليل لك أولادك و يقدرنا على تربيتهم اللهم آمين
كوكيتا
ايوه يا اختي باجنحه عااااارفه
ماهو دي الوكسه البنى الى احنا وقنا فيها نبحث عن شقائنا
هههههههههههههههههه
عاشقه
يخرب عقلك
يا بت ما صيحيش بقى قدام الخلق خلاص هانتصرفلك بقى ما تعمليش فى نفسك كده يا اختي
يا جماعه مافيش هنا طيب وابن حلال واسكندراني ويقدس الحياه الزوجيه
هههههههههههههههههه
ابو زيد
طب وايه يعنى لما تعمل مدونه ؟؟؟؟
مالهم المدونات
يا بنات مش عاجبه ان مراته تبقى مدونه محترمه جميله لطيفه زينا كده حبسك عليه الراجل ده
هههههههههههههههههه
نفسي اكون
يا استاذنا ما ينفعش لازم كل ما ترجع من بره تقعد على كرسي الاعتراف
هما كرسيين مافيش غيره كرسى الاعتراف او الكرسي الكهربائي
اختااااااروا بقى
وبعدين تاخدوا اجازه من ايه ان شاء الله
خدوا يا اخويا يعنى هى تفرق
بيبرس
اه احنا نقومهم ليه
احنا ننيمهم ونسمعهم موشح طاعة الزوج واحسان فراشه بس يا ضنايا نصل الحقيقه بس حلوه كفايه
وطبعا خدي العيال روحي عند ماما
اهم حاجه تاخدي العيال الى استنسختيهم منك
لحد لما يبقوا رجاله يبقوا تبعك بقى مش تبعها
كائن انوي طبعا هاتقول ايه
ام هاجر
طيييييييييب انا بافتكر ايام ما كان معايا مريم بس
واقول ياااااه ده الواحد كان فاضي ورااااايق
عقبال ما تجيبى ربع دسته على الاقل يا جميل
والنبى ياماما انا كمان عايز اجازة شهر من الشغل ممكن تتوسطى لرئيس التحرير والنبى ياماما
يوميات شاب منوفي
والنبى ياريته كان ينفع الواحد ياخد اجازه
اصل اجازه يعنى مالكش دعوه بحاجه
انما احنا ما ينفعش ده احنا امهات حتى واحنا نايمين ومرفوع عننا القلم
صبرنى يا جميله انا معاكى على طووووووووول الخط لان اللى بتقوليه عندى بالضبط و مش عارفه الحل و اللى زايد اليومين دول الامتحانات و حاسه ان روحى فى صباع رجلى مش مناخيرى و الباشا فى الطراوه مبصدق ازنق الواد عشان يذاكر يروحمشغل الكمبيوتر يروح جارى عنده و اما ازعق يقوللى كده توتريه و طبعا هو فى الطراوه و اللذاذه خاااااااالص
و من هذا المنطلق انا انضم لحركه التحرر اللى دعيتى ليها
صيدلانيه
حزب نون النسوه يا يعيش
جمعية المراه المتوحشه تا تعيش
الدعوه للحريه نص يوم فى الشهر تا تا تا تعيش
نورتي
هو اللى انتى بتقولى علية اصلا فى ان الزوج يسمع لمشاكل اطفالة الصغيرة دة واجب علية علشان يعرف يتواصل معاهم ويقدر يبقى صديقهم ويعودهم يحكولة
هى الابوة بالساهل يعنى وللا ايه؟
وبعدين متتراجعيش فى رايك يا صبرنى.. يوم كل اسبوع الستات تستوريح من زن ماما ماما ماما ماما ماما ويوم كل شهر تاخد راحة وتخرج مع صاحباتها
سلام يا قمر
مانوش
يسمع منك ربنا يا اختي
لا يا حبيبتى الرجاله اليومين دول عايزين يناموا ويانتخوا وبعدين بقى لما يبقى عنده 45 سنه كده يدوروا على عيالهم بقى
لما بقوا رجاله وبنات كبار
استهبال انوي حاد
ياااه دا صنف الرجاله ده أعوذ بالله ... بيعملوا عمايل ..... فظيعة:)
دا يوم الجمعة ده أحلى يوم علشان الواحد يلعب براحته والبيت فاضي :) هو في أحلى من دوشة الأولاد وغتاتة الأولاد ... وسخافة الأولاد ... وشقاوة الأولاد ؟؟؟ ياااه على الأولاد ... حد يشتكي من الاولاد برضه ؟؟؟
علشان كده يوم الجمعة الاولاد عند حماتي :)
تامر علي
اااااااااااه والله العظيم اول لما شوفت اسمك
قلت ااااه هايتراوق بقى اهو عشان انا عارفه ان العيال عندك بيبقوا عند جدتهم
ههههههههههههههههههه
ماشي ماشي نشوف الموضوع ده مع الحكومه واقنعها تغيره تخليه السبت وتفضااااااالك الجمعه يا حلو
نورت
أسعد الله صباحك يا أم خالد ..
طبعا قاضى العيال شنق نفسه و ده مثل قديم و صادق و ولقعى ..
بجد كان الله فى عون الأمهات عونا كبيرا لا قبله و لا بعده لأنهم بيلاقوا الأمرين من أطفالهم خاصة أيام الدراسه و مووايل المسطره اللى أنكسرت و الأستيكه اللى ضاعت و الكراسه اللى بقدرة القادر اٍختفت و غالبا حتلاقيها واقعه ورا ضهر الكنبه بعد سجالات و معمعانات لا قبل لأحد بمواجهتها سوى ماما ..
أحب أضيف حاجه بعد اٍذنك أن المولى جل شأنه قد هيأ المرأه جسديا و نفسيا أن تتحمل ما لاطاقة للرجل به أن يتحمله ..
و بصى كده هل فيه رجل مهما كانت قوته الجسديه أن يتحمل أوجاع المخاض و الولاده ؟؟
العلم أثبت أن المرأه تقدر و الرجل لأ ..
هل فيه رجل يقدر على سهر الليالى ما بين اٍرضاع النونه و تكريعه و تغيير البامبرز و الواء واء ننه هووو ننه هووو لحد ما يطلع الصبح فتقوم الأم برضو رغم سهرها و تعبها تباشر أعمال البيت ؟؟
أبدا مافيش رجل يقدر على هذا الصبر اللى من لدن حكيم عليم ..
و قيسى على كده ..
قصدى أقول لك أن للمرأه خصائص غير متوافره للرجل تمنحها القدره و الصبر على تحمل مصاعب تربية العيال و تربية الزوج أيضا و تقليم أظافره و كبح جماحه و تفصيل لجام على قد بوزه اللى غالبا بيتلوى لما بيلاقيها مشغوله عنه بتلبية طلبات العيال رغم أنهم عياله برضو ..
كان الله فى عونكن و فى عون الأزواج كمان و فى عون عم العيال اللى عاوز يتجوز و تقبلى خالص تقديرى ..
صبصب حبيبة قلبي
لا تقلق يا معلمي
ماهو السبت اجازة و بنعوض الجمعة
و اهه مايبقاش فيه صلاة جمعة بأه ولا رغي قصاد الجامع ولا اي حجة تانية
بس بيني وبينك انا بخاف علي العيال معاه لوحدهم
اه و الله بخاف عليهم منه
ده مابيعرفش ياخد باله من نفسه مابالك بعيال معاه كمان
و لو حصل نزاع بينهم
طبعا طبعا طبعا هينصر الست (لي لي)علي اخوها علي طول الخط لانه مابيقدرش يقاومها ابدا
و لما اشتكيلة من الإنهيار العصبي منهم طول اليوم
يقعد يقوللي دانت في نعمة
حد يطول يقعد مع ولاده طول اليوم
يا بختك
و لو قعد معاهم 10 دقائق علي بعض يصرخ بأعلي صوته
ابعدي العيال دول عني
الله المستعان
صبرنى
وحشتينى جدا جدا ..
بجد والله تجننى ..
يوم الجمعة قولوا بابا
حقك ولا بد ان تتمسكى به
يمكن يحس الاباء اد ايه دور الام منهك وقاتل .. وينوء عن حمله الرجال
تحياتى لقلمك
حبى لخفة دمك
واعتذر عن التاخير
استاذ عمرو
يا ما شاء الله يا ما شاء الله
كلهم يا اخواتي متخرجين من مدرسه واحده
اليك ملخص ما قلته حضرتك فى جمله واحده بيقولهالي
انتم عندكم قدرات خاااااااصه
طيب ماشي قدرات خاصه نستحملهم طول العمر
استلفوا انتم نص القدرات واستحملوهم اربع خمس ساعات فى الشهر يحصل ايه يعنى ؟؟؟؟؟؟؟
بلااااااش ساعه كل اسبوع
ماهو يعنى مش سوبر احنا بقى
والى مش عاجبه انشغالها ما كانش يخلف من الاول ما يعذبناش بقى
ههههههههههههه
وبالنسبه لعم العيال خلاص الحمد لله كتب كتابه والفرح فى العيد عقبال حبايبك
نورتنا يا فندم
موني
حلو كويس ان فى السبت الحمد لله يا ربي عشان بس نفرح فى تامر
وايه بتخافي على العيال دي
ليييييييييه يعنى
اينعم انا باخاف برضه عادي
بس يعنى مش للدرجه دي بكره لما يكبروا شويه لازم يتعودوا على كده
خصوصا الولد
ده انا نفسسسسسسسي خالد يكبر شويه عشان ازقله بقى بعيد عني شويه
وطبعا حجتي معاياااااا
ايوه لازم الواد يقعد مع رجاله الا هو دلوقتي بيتكلم مؤنث من كتر قاعدته مع البنات
ههههههههههههههههههههه
وطبعا مش بيستحملووووهم ولا دقيقه
ده كلااااااام بتاع يا بختك والحركات دي
عارفاهاااااااا
نورتي يا جميل
القدر وانا
يا حبيبتى والله انتى الى وحشاني
انتى تيجى وقت ما تحبي يا قمر بس ما تغبيش علينا عشان النور فى المدونه بس بيتاثر
هههههههههههههه
نورتي يا جميل
طب يا صبرنى ماقلتيش لما الراجل قالك عايز اتجوز انت عملت ايه ولا قلتى له ايه ؟
اقل واجب يعنى كنت تسيبى اللى فى ايديك
وتورحى تدورى له على عروسة بالمواصفات اللى هوعايزها ...
الراجل ضيف عنك يعنى هههههههههههههههههه
- تانى حاجة انا معاكى فى حوار الاجازة دة
بس قبل ما تخرجى طبعا لازم تكونى عاملة الاكل وموضبة الشقة وكدة وكمان تقولى على المكان اللى انت رايحاه افرضي الراجل حب يخرج
يروح قهوة ولا سينما ولا يتمشى ويقعد على الكافيه فى سيتى ستارز شوية يفوتلك العيال علشان يعرف يستمتع بالخروجة وماحدش يزعجه
هههههههههههههه
(وش بيطلع لسانه)وربنا يستر عليا
تحياتى ليكى دايما
لابجد ياصبرنى ماتنكريش ان اجمل كلمة الست بتسمعها هى كلمة ماما وياما ستات كتير دفعوالوفات علشان يسمعو الكلمة دى
وبعدين يا صبرنى الام عطاءلا ينتهى
تحياتى لك
مصطفى ريان
ماش ماشي طلع لسانك اوي
هو يعنى حد قال انى لما اخرج هاجوعهم
هههههههههههههههه
وبعدين ايوه اجمل كلمه ماشي ياعم
الحمد لله على نعمته
الام عطاء اه لا ينتهي
بس النفس يا اخويا بينتهي
يعنى تطلعوا روحنا بقى اديكم
نوووووووووورت
ماشي ياصبرنى
بس يعنى الراجل لما يقولك عايزة اتجوز تدورى له على عروسة وكمان تدورى لعاشقة الرومانسية على عريس بمواصفتها المطلوبة وبالمرة انا كمان عروسة ( مش هوصيكى حاجة بياض وحلاوة وشعر ناعم وسن صغير حاجة من وش القفص يعنى ) وكمان تكون صبورة وبتسمع الكلام وكمان بتعرف انجليزى وبتكتب على الورد ( بسرعة ودقة .. امال يعنى مين اللى هيكتبلى شغلى ) واهم حاجة مانكونش مشتركة فى الجمعية بتاعتكو بتاعة المراة المتوحشةدى عايزنها ظريفة لطيفة خفيفة هادية ونادية كدة
هههههههه
تحياتى ليكى
(وربنا يعديها النهاردة من غير اصابات )
طيب نعمل أيه اِذا كانت هى دى خلقة ربنا ؟؟
ربنا خلق الزوجه تستحمل و خلق الزوج يجيب فلوس و يغلس ..
لا تعترضى و لا تجادلى يا أخت صبرنى :)
السلام عليكم
فعلا الام دى بتتعب جدا مع اولادها
والاب علشان مريح دماغه من الوش ده بيقول اشتغل ..اعمل اى حاجة لكن وش العيال ده وش تانى خالص
حتى يوم الجمعة يا عينى ..معلش معلش
انا من موقعى هذا وبما انى مش متجوز فأنا من المؤيدين لفكرة الاجازة الشهرية لحد ما اتجوز وبعد كده نتفاهم
وانا شايف ان يوم واحد قليل اوى ..ليه ما يبقاش اكتر من يوم
بجد والله اكيد الاب بيبقى مشغول معظم الوقت فى شغله وبالتالى علاقته بالولاد بتبقى مش ولا بد فلازم والله نعمل يوم نفرض عليه الولاد غصب عنه علشان:
يعذر الام
الولاد يحبوه اكتر وهو كذلك
يقول ولا يوم من ايام العذوبية ويندم انه اتجوز طبعا
وتقبلى تحياتى
واااااااااااااااااو
انا عايزة ابقى معاكم فى جمعية المرأة المتوحشة
اينعم انا لسة مش اتجوزت بس لازم اتعلم من دلوقتى اخد حقى
موضوعك لذيذ اوى
وربنا يخليلك ولادك ويبارك فيهم
مصطفى ريان
ايه ده عنيه يا باشا
بس ماليش دعوه لازم تكون من اعضاء الجمعيه
انا ضميتهم كله خلاص
باتغاظ اوي من كلمة واحده بتسمع الكلام دي
عايز فلبينيه انت
ايه الناس دي
عايز واحده من الاعضاء قول واناا شوفلك
غير كده مافيش
هههههههههههههههههههه
استاذ عمرو
ايه ده ما نقدرش نعترض على امر ربنا
انما عمر ابدا ما كان امر ربنا ان دور الرجل هو انه يجيب فلوس بس
دريم كويييييين
خلااااص اعتبري نفسك عضوه فى فريق الناشئين امااااااااال يعنى احنا بنلعب
نورتي يا جميل والله
بنجاواتي
احلى كلمه قلتها
عشان يعذر الام
نوووووووورت المدونه بس على الله ده يفضل رايك بعد ما تتجوز يا اخويا
لا يا ستى يفتح الله انا هشوف اللى على مزاجى بعيد عن جمعيتكو دى
انا عايز اتهنى واخش دنيا مش اخش جوة بق الوحش
وبعدين مش هما المفروض برضو انهم جنس لطيف اجيب انا المتوحش لنفسي ليه
انا زوجة تدلعنى مش وحش يخوفنى
ههههههه
- لا بجد سيا صبرنى انت ليه بتتضايقى من كلمة تسمع الكلام رغم ان دةالطبيعيى
وكمان فى حديث نبوى بالمعنى دى( اذا امرها اطاعته واذا نظر إليها سرته ...)
تحياتى ليكي
مصطفى ريان
عشان بيقولوها بطريقه رخمه
وفاهمين الطاعه غلط
وفاهمين القوامه غلط
عاملين بالظبط زي الي بيستغل ان مثلا الموظف الى تحت ايده مش هايقدر يقوله لا فبيغلس عليه
بتستغلوا الطاعه دي احيانا بتعنت ورخامه
وفاهمين ان الطاعه انها تقولك حاضر من غير ولا بم
مع ان زوجات الرسول كانوا بيراجعوه ويناقشوه وكل حاجه
وقالت حفصه والله لنراجعنه
والواحد فيكم بتنحصر امانيه دايما انه يجيب واحده صغيره فى السن ويربيها على ايده عشان تسمع كلامه وتبقى حماره طيبه ومريحه وما تقرفوش
ومعتقد ان دي السعاده بقى
مع ان مش دي الحقيقه ابدا
وان سعدت سنه مش هاتستمر لانك بعد فتره مش عايز حماره مطيعه عايز انسانه عاقله ومفكره تشاركك حياتك كلها مش حاجه واحده بس
صبرنى العزيزة
يعنى هى ماتفعش تكون عاقلة ومفكرة مطيعة وصغيرة وزي القمر فى نفس الوقت ... اعتقد ينفع وموجودين كتير
- وبعدين ياصبرنى مين اللى قال ان الزوجة حمارة أو إن الراجل عايز حمارة دى بنى ادم ربنا كرمه بالعقل والفكر والانسانية
الراجل مش محتاج ابدا حمارة تشاركه حياته لكن محتاج زوجة تقف معاه فى وقت الفرح ووقت الشدةوتكون سنده وعكازه ووشمسه وقمره ونوراة بيته و حياته والصدر الحنين اللى بيلجأ له والكف الحنين اللى بيطبطب على كتفه والعقل اللى يفهمه والقلب اللى يسامحه هى دى الزوجة اللى اي راجل بيحلم بيها وبيدور عليها
بس انت واضح انك متحاملة عليهم ومش قادرة تفهميهم صح
اسعد الله ايامك وبارك لك فى زوجك واولادك يا اختى الكريمة
مصطفى ريان
طيب انا جبت حاجه من عندي
اهو رص كل الى هو عايزه
جابش سيرة بقى الى هو المفروض يعمله
؟؟؟؟؟؟؟؟؟؟؟؟؟؟؟؟؟؟؟؟
نفسي نفسي نفسي
كائن انوي الرجل ده
هههههههههههههه
صبرنى
ممكن سؤال في مناقشتنا دى
هو يعنى ايه كائن انوى ؟ مش فاهم معناها دى
بس انا ياصبرنى ماكنتش برص انا كنت بس برد عليكي
اما اللى المفروض اعمله انى اكون لمراتى كل الحاجات اللى عايزاها تكونها ليا
دة جواز وحب وعشرة وتفاهم واتنين بيبقو واحد مش حرب ولا تحدى العمالقة يا صبرنى
يارب تكونى فهمتينى
تحياتى ليكي
مصطفى ريان
يا ولاد هو الواحد ما يعرفش ينزل بوست يكون كده خفيف على القلب وما حدش يناحي فيا
هههههههههههههههههه
باهزر ياعم باهزرررررررررررررر
بس ده ما يمنعش انكم كائنات انويه
شوف يا سيدى الشرح الميتافيزيقى ده
كائن انوي دي كلمه مشتقه من كلمة انا
هههههههههههههههههه
واساسا اساسا كان يوسف وهبي بيقولها فى فيلم زماااااااااان
تقول ايه بقى ياعم فى الناس القديمه موت طحن
اصل انا من ايام القناه الاولى والتانيه وكده
بالنوسبه لموضوع الجواز اه طبعا مش حرب ولا عمالقه ولا اقزام
بس ده ما يمنعش ان اي حد مش بس الراجل لكن يعنى الرجاله زياده شويه
لو لقى فرصه انه يانتخ من ناحية العيال والبيت ويطلع نفسه منها ويبقى ضيف كريم على البيت ياخد ضيافته وينام او يخرج وكان الله بالسر عليم
هايعمل كده
وطبعا الواحد بيشوف رجاله حاملين هم العيال والبيت اكتر من الستات وبابقى نفسي اخبط الست فى وشها باي اله حاده عادي موجودين
لكن وضع انتخة الرجاله اكثر انتشارا
فى قرارة نفس هذا العالم ان الاولاد مش من مسؤلية الاب تماما هو يجيب فلوس وبسسسسسسسسسس
ويردد المقوله المشهوره
انتى جوه البيت وانا بره البيت كل واحد له ساحته يا هانم
فى حين انها لما بتساعده فى ساحته ما بيقولش لا يعنى ولا حاجه
ولا بيقول شكرا حتىىىىىىى
وصدقنى رجاله كتير لو طال يودي الست شغله بداله
خلاص بقى يا مصطفى هاجوزك واحده مطيعه يا لهوي عليييييييكم
اوك يا حماده
شكرا للدعوه
اولا بجد بوستك جميل اوى اوى
وثانيا ربنا يصبرك بجد ويقويكى عليهم
وثالثا والاهم ربنا يخليهم لك ويرعاهم
واخيرا ياريت تحاولى تاخدى اجازة نص يوم تخرجى فيه لوحدك من غيرهم هاتلاقى متعه بس يارب تتحملى وما تقلقيش عليهم
تحياتى وتوفيقى لكى بالخير
ميرا
يعتقوني هما بس وانا موافقه هو انا قلت لا
ههههههههههههههه
شكرا ليكى يا جميل
ونورتي
إرسال تعليق