السلاااااام عليكم
من غير لوك لوك لوك كتير هاقولكم بؤين كده فى السريع
انا سمعت نص الحديث تقريبا وحتى وانا كنت باغسل الفراخ يعنى مش فاضيه انا لاوباما
ههههههههههههههههه
المهم اليكم رايي وانا اساسا باعتبر نفسي ما باعرفش اي حاجه فى السياسه
اولا زي ما قلت فى العنوان فلح ان صدق
شوفوا الراجل ده يا اما بيثبتنا تثبيته جامده جدا يا اما صادق
وفى حال انه صادق لا اعتقد انه هايعمل الى قاله ده بسهوله كده مش هايسبوه
هما مين الى مش هايسبوه كتييييييير اوي فى العالم يهمهم الاحلام الورديه دي تحصل
ممكن ده يحصل بقى يا حلوين لو كان ربنا بقى رضي على المجتمع العالمي وهاينصلح حالنا يعنى
ولووووو نسبيا
مش عايزه افكار سووووده والنبى
خلونا كده متفائلي ولككككككككن متوجسين خيفه ماشي ؟؟
اينعم انا كنت فى بعض الجمل عايزه امد ايدى من الشاشه افقع عين اوباما ( زي كلامه عن مشكلة الاقباط فى مصر ولزقها دوغري فى المارونيه فى لبنان مش عارفه ايه وجه الشبه )
الا ان الراجل محترم وفاهم ودارس كتير عننا يا جودعان
وقال بؤين حلوين
وفلح ان صدق
وامشوا بقى عشان مش فاضيه مش معقول الرغي ده
هناك 45 تعليقًا:
هاهاهاهاهاهاهاهاها
هو مقلش حاجة وحشة بالعكس
يعنى لو صدق خيييير
ولو مكنش وبس كلام بيضحك بية علينا
برضو عادى كلها يومين والحكاية تخلص
ما احنا قاعدين مش بنعمل حاجة غير اننا نسمع ونمشى وراء الناس
نأجر زرع نرصف الشواروع ويمين ونكسرها عادى ندهن العواميد والمبانى
دى الحاجة الوحيدة اللى مش هينفع ترجع بس الشعب هيتكفل بيها وكلها يومين ويتكتب عليها اسواء العبارات
المشكلة اكبر من كلمتين اوباما يجى يقولهم
اهم حاجة قوليلى الفراخ طلع طعمها اية ؟
تقبلى مرورى
الراجل بكل اختصار و احترام قال كلمتين زى الفل و مشى ،و الاعمال بالنيات بقى
احساس طفله
والله يا اختي ما كلناش الفراخ لسه ده بجيب الفراخ واغسلها على مراحل متعدده وبعدين اعينها نضيفه على الحله على طول
ههههههههههههههههههه
انا كلت عن ماما النهارده
بالنوسبه للشوارع
يلا يا سيتى اهو ا لقاهره غسلت وشها على حسه اهو حلو برضه
وزي ما قلتلك فلح ان صدق
بسنت
واحنا قلنا حاجه يا اختي
بس برضه ما لناش حق نتوجس خيفه ؟؟
الى اتلسع من بوش ينفخ فى قرعة اوباما
هههههههههههههههه
الراجل ده لن يفلح ولن يصدق ... السياسة لها دهاليزها ...خلينا احنا في الفراخ ...بكام الكيلو عندكم ؟؟؟
نتمنى ذلك
احييكى على الفراخ اقصد على البوست
هههههههههه
اية ياعم مرة فراخ ومرة مكرونة بالبشمل ..انى المفروض تغيرى اسم المدونة وتخلية مطبخ صبرنى العالم ....نتكلم جد يصدق اوباما ولا مايصدقش ...مرة بقى نكون فعل مش رد فعل ...احنا حنعمل ايييييييييييييييييييييييييييييييييييييييييية
والله يا صبرني سواء صدق أو لم يصدق.. احنا مش المفروض نتكل علي سياسة كل رئيس في أمريكا علشان ينقذنا ويحل مشاكلنا ويأكلنا ويشربنا ويفسحنا.
شعب بحاله ياكل الزلط ويهد جبال مستني نفر ينقذه من الضياع؟؟؟؟؟؟؟؟؟؟؟؟؟؟؟؟؟
مش مستوعباها الصراحة
السلام عليكم و رحمة الله و بركاته
عارفة يا صبرنى
اصله مش ماشى بمزاجه
دى سياسة يا امى
و الناس دى اكتر حاجة فعلا بيعملواه و بتعجبنى
ما بيتكلمش كلام من السما زى هنا
تحسى ان المسئولين فى دنيا و انتى فى دنيا تانية
زى مانكون من كوكب اخر
لالالالا
الناس دى درساك كويس اوى
و عارفة نقط ضعفك فين
و تدخل لك منين
عشان كدا تحسى انهم عارفين اكتر من بتوعنا
ههههههههههههه
على العموم كله كلام
لحد ما تثبت الايام
دمتى بكل ود يا جميل
بصى يمكن يكون رايك رأى البعض
بس صدقينى الكتير اعجبوا بالحديث
انا شخصيا عجبنى حديثة ونتمنى جميعا
تنفيذ القرارات اللى تناولها فى الحديث
وبعدين لو ما قدرش على فصل الفلسطنين عن اسرائيل ودة كان قرار جامد فى قرار تانى كان جامد وهو سحب القوات الامريكية من العراق واعتقد ان تنفيذ القرار دة فى ايده مش فى ايد حد تانى
وعلى العموم ندعى انه ينقذ ما قاله
تحياتى
صعب ان ميكونش فيه تشاؤم
الراجل ده شديد الذكاء وعارف مصلحته ومصلحة بلده مع مين
بس هوا بيسعى انه ميستعديش حد ولا يستفز حد
وده اللي بينمنا احنا
على كل حال اذا كان صادق ولا كاب احنا محتاجين نعرف احنا هنعمل ايه مش نستنى نشوف هوا هيعمل ايه
شوفى بقى بالضبط زوجى قال الراجل ده جاى يثبتنا ويمشى اقوله لا مش معقول ده قال كلام كويس قال احنا عايزين افعال لا اقوال
الكلام جميل
والشعارات براقة
والامنيات كتير جميلة
بس مع الاسف اين التنفيذ
اوباما ليس المهدى المنتظر ولا صلاح الدين الجديد
وان غدا لناظره قريب
وبالهنا والشفا الفراخ
تحياتى
هوه أنا كل ما أدخل مدونة ألاقي بن حسين ده في وشي
أنا خايف أدخل المطبخ ألاقيه طالعلي من الفرن
حضرتك جبتي من الأخر
أفلح إن صدق
دة الميل بتاعى
raniarachad@yahoo.com
ابعت لى الميل بتاعك وقولى فيه انك صبرنى يارب عشان ابعت لك دعوة لقراءة مدونتى لانها اتقفلت للعامة وبقت مفتوحة للى عندهم دعوات بس
سلام عليكم
مسدس صغير
كنت فى بلدكم امبارح يا ابنى ما لاحظتش النور ولا حااااااااااجه
ترانزيت بس يا اخويا مش كنا بندور عليك ولا حاجه
ههههههههههههههه
تامر علي
والله يعنى اعتقد ان البلدي عامله بتاع عشره جنيه ونص
وقال يا اخويا الفراخ البيضا بيقولوا بقت اغلى شوفت الوكسه البني
ايه سوق الثلاث الى احنا فيه ده
السياسه لها دهاليزها اه
بس يعنى ما نتعشمش مره واحده ان اللعبه السياسيه تكون فى مصلحتنا من غير ما يقصدوا مره ؟؟
مره واحده مصلحتهم السياسيه ما تتعارضش مع مصالحنا يا سيدى قول يارب
عم قول يارب
حنعيش يعنى حنعيش
يا باشا ما انا عندي مدونه تانيه عاملاها مطبخ ما زورتهاش قبل كده ولا ايه
زورنا تجدوا ما يسركم او يجوعكم عادي
ههههههههههه
قولي انت بقى نعمل ايييييييييييييييه ؟؟
مانوش
هو مش جاي ينقذنا من الضياع انتم الى مش فاهمين الموضوع
هو جاي يثبت قواعد عرشه او بالاحرى عرش امريكا الى اتهز بقوه فى الفتره الاخيره سياسيا واقتصاديا
سول
انتي عارفه ايه خلاني متفائله بالحديث بتاعه
انه مش جاي يقول والنبي يا جودعان ده انا حلو وباحبكم وتعالى لحمو يا ولا
لا لا
ده جاي بيقول والله احنا شوفنا يعنى ان ما دام انتم لما بقيتوا فى الحضيض واحنا عملنا كل حاجه تخليكم بقر ونجحنا
بس لما بقيتوا بقر ضرتونا وعاملين دوشه وبتجعروا كتير
يعنى طالع منكم ارهاب بقى ووجع قلب
فاحنا يلا زي بعضه هنساعدكم تنضفوا حبه عشان مش تصدعونا
بصراحه انا شوفت المعنى ده فى كلامه
وده شيء يخلينى اقول والله ممكن برضه واي نوت
ميرا
تمااااااام الله ينور عليكى
قراره بسحب القوات ده جامد فعلا
بس مش عشان العراق صعبت عليه نو نو نو
ده عشان هو اصلا مقدم الكلام ده فى خطته الانتخابيه ووعد به الشعب الامريكى الى مش عايز الحرب اصلا غالبيتهم على الاقل
وبالنسبه للكلام الى قاله عند فلسطين
يا بيثبتنا
يا بتكلم جد ولو ده حقيقى يبقى يلحق يكتب وصيته
مش هايسبوه
احمد ابو العلا
طيب من وجهة نظرك المفروض نعمل ايه ؟؟؟
هو شديد الذكاء اه
بس زي ما قلتلك الراجل ما قالش انا جاي اوديكم الرماجيح فور فري بالعكس
مامة مازن
ايووووه اسم عليه يا ختي
افعال لا اقوال
ادينا قاعدين لما نشوف اخرته ايه
هههههههههههه
نورتي يا جميل
همس الاحباب
تماااااااام ادينا قاعدين لما نشووووف
تاخد ورك يا ابوهمس وما يبقاش عينك فى الفراخ ماشي ؟
سبهلله
عيييييييينى يا جميل
شكرا على الدعوه
بس وات هابند قافلتيها ليه
د. ياسر
اه والله ده دوشه
انا ما باحبش اكتب فى السياسه
بس كنت لسه بقى مخلصه الفراخ قصدي الخطاب طازه قلت ارغي معاكم بشأنه
احم احم هائحم بصى ياضنايا اقوللك حاجة تعددت الوجهات والسياسة واحدة ممكن نغير الوشوش اة كل فترة بوش مرة اوباما مرة خالتك عنايات تمسك رئاسة امريكا ماشى بس الشياسة الامريكية مهياش شخص واححد السياسة الامريكية هيا مجموعة كبيرة قوى من تكوينات وطبقات الشعب الامريكى اوباما دا ممكن يكون عندة كاريزما فى التحدث كويسة وممكن يكون فعلا فى نيتة انة يكون كويس
لكن ياترا الليراليين والمحافظين الجدد هيبسيبوة يعمل دا اى دونت ثينك سو ذات هواى ياعم اقول هواى عشان اللوبى اليهودى مسيطر تمام السيطرة على امريكا الراجل دا من وجهة نظرى الشخصية هيتعب جدا يا اخوانا او مش هيعمر فى الرئاسة او ممكن يغتالو
وسعتها علية العوض ومنة العوض يعنى هوا اتكلم كتير كويس وقال مشاكل مع انى كان نفسى يتكلم عن مشكلة فى بالى لية الفراخ سعرها على كدا من بعد انلفونزا الخنازير ودكر البط البلدى بقا ب 40 جنية دا حتى المكسوفى بقا غالى هوا والخضيرى يلا مفيش نصيب بقا
مراسلكم من امام احدى عشش الفراخ
عتريس قلب الاسد
جاجور
طيب ما انا قلت كده برضه
فلح ان صدق
ولكن باقول ولئن صدق فسيقتلونه باذن الله
ونقعد نغني جت الحزينه تفرح ما لقتلهاش اوباما
شكرا لك يا عتريس ونورت
فراخ قال يعنى عاوزة تعرفنا الهانك انها بتعمل فراخ
فعلا كلامه عجبني وكان زي الفل
برأيي حتى لو ما استفدنا منه ومن وعوده
كفاية انه حاول يرضينا ومعتقدش انه هيفكر يعمل حروب خالص ودا كفاية علينا
انا متفائلة جدا
وربنا يجيب الي فيه الخير
يا أم خالد أى رئيس أمريكى أوباما أو غيره ما هو اٍلا موظف بينفذ سياسة الدوله و بيمثلها ليس اٍلا ..
يعنى مافيش رئيس أى رئيس أمريكى بيحكم من دماغه و باٍرادته الشخصيه و لو حاول يخرج عن الدور اللى مرسوم له بتبقى ليلته كوبيا و مش فايته و بيتشال بفضيحه مدويه ..
أمريكا بتحكمها مؤسسات كثيره لها مصالح مختلفه و الرئيس هناك وظيفته أنه بيحافظ على هذه المصالح عن طريق تنفيذ جدول موضوع له من قبل هذه المؤسسات ..
دى حاجه ..
الحاجه التانيه و الأهم و الأخطر أنه فى خطابه ماقلش حاجه جديده ..
ماقالش مثلا قرار جديد يساعد على تغيير وجه العالم الكئيب الحالى ..
بالعكس ..
ده برر غزو أفغانستات و العراق .. و ردد نفس الكلمتين بتوع سلفه بوش عن الاٍرهاب و الى مش معانا يبقى علينا ..
ماقلش حاجه جديده ..
ماقلش حاجه عن مجازر غزه و العراق و أتكلم عن محارق اليهود رغم أنه قال مش عاوزين نفتح الماضى !!
طيب ما أنت أهو فتحته و بتفكرنا بمحارق اليهود و بتأنبنا عليها !!
طيب ما تروح تقول الكلمتين دول للغرب اللى تسبب فى هذه المحارق فى الوقت اللى كان فيه اليهود ناس محترمين فى بلاد العرب بل و كان منهم وزراء زى يوسف قطاوى فى مصر !!
هو لا حيصدق و لا نيله و اللى جاى زى اللى راح و أهم كلهم زى بعض ..
مستنيينه اٍحنا علشان يفكرنا بعظمة العرب و الاٍسلام ؟؟ و لا أهمية تعليم المرأه ؟؟؟
هههههههه
جاجوار
لا والنبى يا اخويا مش عايزه طبعا عشان ما تجوش تاكلوها
هههههههههههههه
نواره
طيب وكفايه انه مش معادينا برضه
لعله خير الله اعلم
عمرو
طيب ما احنا عارفين الكلام ده والله وعارفين انها جايز تكون تثبيته
بس برضه بنقول ياريت
مش يمكن ربنا هايرضى عننا
وجايز احنا كمان نغير ونشيل الاثارات على راي ستيته ونخش على الاوبشنز الجديده ؟؟
من عنده التدابير
الا صحيح استاذ عمرو
بجد عاوزه حضرتك فى حاجه مهمه اعثر عليك ازاي انا دلوقتي
وعليك غرامة تاخير والمواضيع جامده يعنى
هههههههههههههه
نورت
صبرنى يا صبرنى يا وحشانى يا صبرنى
اخنا هنستنى من اوباما يعملنا حاجه مش هنبطل بئه نستنى من اى حد اى حاجه يعملهالنا ونبدأ نعمل احنا لنفسنا المعطوبه دى بئه
وبعدين الراجل بينفذ سياسة بلده ومش عايزين ننسى انه بيحكمه ولبرسمله خططه وقراراته اللوبى الصهيونى فى امريكا
وبعدين لو عايز يعمل حاجه عدله للعالم الاسلامى والعربى يقفل سجن ابو غريب يطلع الابريا اليى هدم بيتوهم واغتصب ستاتهم ووطنهم ورماهم لجنوده يطلعوا عقدهم فيهم
والنبى اسكتى يا صبرنى اصلى مرارتى اتفئعت خلاص
وهاتى حته من الفراخ دى وزوديلى الشوربه ام لمون من فضلك
صبرنى يا صبرنى يا وحشانى يا صبرنى
اخنا هنستنى من اوباما يعملنا حاجه مش هنبطل بئه نستنى من اى حد اى حاجه يعملهالنا ونبدأ نعمل احنا لنفسنا المعطوبه دى بئه
وبعدين الراجل بينفذ سياسة بلده ومش عايزين ننسى انه بيحكمه ولبرسمله خططه وقراراته اللوبى الصهيونى فى امريكا
وبعدين لو عايز يعمل حاجه عدله للعالم الاسلامى والعربى يقفل سجن ابو غريب يطلع الابريا اليى هدم بيتوهم واغتصب ستاتهم ووطنهم ورماهم لجنوده يطلعوا عقدهم فيهم
والنبى اسكتى يا صبرنى اصلى مرارتى اتفئعت خلاص
وهاتى حته من الفراخ دى وزوديلى الشوربه ام لمون من فضلك
محاسن
عنيه يا اختي والنبى وشوربه حلوه لعلمك شوربة فراخ بلدي وطبيخى يعنى مش اي حاجه
ههههههههههههههه
سلامة مرارتك يا اختي انا بقى عملت حسابي
شلت المراره من خمس سنين
ههههههههههههههه
جاهزه يعنى
نورتي يا جميل
يا رب ياختى يصدق
بس تصدقى انا عندى يقين انه مش هيصدق
وربنا المعين
المهم الف هنا على الفراخ ممكن حته صدر ؟؟؟
حنين القلب
فاضل الكبده والقنصه ماشي ولا ايه
هههههههههههههههههههه
استنى فى جناح اهو تاخدي ؟
نورتي يا جميل
مش عارف بس حسيت ان اوباما ده بكلامه واثق مليون في المية ان الدين افيونة الشعوب فعلا علشان كده كتير من ايات القرآن قوي عمل زي مرسي الزناتي لما قال ان الراجل بيتكلم صح لمجرد انه قال اسمه احنا عملنا كده ناس كتير قالت انه بيتكلم صح لمجرد انه قال كام آيه من القرآن
شكله كده رئيس صايع حبتين
:)
تحياتي
ازيك يامودام صبرني يارب عليكي
انت فين
سيبك من او باما شت شت شاه ده
انت جايه والا رايحه والا مختفيه فين
طلبتك اطمن علي البنت التليفونين مغلق
ايوه ياجماعه هي اقطاعيه ومعاها تليفونين
ده غير البيت
:)
شموسه حياتي
ايه ده مقفول امته تلاقيه كان فاصل شحن ماانا هبله يعنى ممكن اسيبه كده طول اليوم على ما اخد بالي
وبعدين انا بقالي اسبوع عايزه اكلمك بس على اتفرغ للرغي فى التليفون الاقي الوقت مش مناسب
هاكلمك انا يا جميل
انا حر
صااايع حبتين
قول عشره يا شيخ
وطبعا ما دخلتش عليا البؤين الى قالهم بالعربي والقرآن والحركات دي
عاملي نفسي نابليون ولا ايه
فاشل صحيح
ههههههههههههههههه
قبل ما نبدى الكلام بنبعت الف سلام للمرأة غير المطحونة ، مدونتك حلوة و رغيك مفبد ، لكن نفسى اسالك
انتى إمراة غير مطحونة إزاى يعنى ؟؟؟
تقصدى انك ما بتشتغليش ؟؟؟
طيب ما هو حتى ست البيت إمرأة مطحونة ، يا عزيزتى سيدات مصر اى كان موقعهم كلهم المطحونات فى الارض ،
المهم احب اتعرف عليكى و باذن الله لنا لقاء ع النت .
نجوى
إرسال تعليق