الأربعاء، 1 يوليو 2009

رسالة من حواء مدونة ست من الصعيد الجواني

تحديث :
حواء عملت اكونت جديد يا شباب
ومدوووووونه جديده بالصلاه على النبى
مبروك عليكى يا اوختشي
وادي لنك المدون
************************************************************************
سلام عليكم
عندي لكم رساله من الاخت حواء صاحبة مدونة ست من الصعيد الجواني
ان فى شخص سخيف سرق الاكونت بتاعها
وفيما يبدوا انه حذف المدونه اصلا
فهي بتبلغكم يعنى ان الاكونت دلوقتي مش معاها عشان مش ضامنه هذا السخيف ممكن يعمل ايه
وكل واحد يخلي باله من مدونته بقى
استرها يااااااارب
واعرفوا ان الى بيسرق الاكونت ده فى الغالب بيدخل من على جهازك من خلال فايرس على جهازك
دايما استخدم الانتى فايرس وحدثه واعمل اسكان كل فتره
استرها يااااااااارب
الى هايعمل كده معايا انا هادعي عليه باقولكم اهو ماليش دعوه بقى

هناك 24 تعليقًا:

مطلق يقول...

رساله متاخره اوي

ده مطلع ايماني من الصبح

Me7'o يقول...

ده أنا لسه معلق عندها مفيش ساعة
هو لحق البعيد
الله يخرب بيته

كل واحد بقى يخلى باله من أكونته الحكاية مش ناقصة

حواء يقول...

جزاكي الله خير
وحسبي الله ونعم الوكيل
ده انا يادوب كنت بعلق علي ستيته عندي وروحت انيم فاطمه وجيت لقيت الجهاز كالعاده مقفول
فتحته اني اعرف ادخل تاني علي الاكونت مفيش وشويه ولقيت المدونه مش لقيها قولت اكيد حد سرق الاكونت واقفل المدونه
لكن عرفت بعد كده من صبرني انها اتمسحت
منه لله كنت لسه منزله بوست جديد
ومسكتش علي كده ابن اللذينه
لا ده كمان مغير في ملف التعريف وشتمني
حسبي الله ونعم الوكيل

وده واحد لطخ ممكن يشتم اي حد لانه واضح انه قليل الادب
انا اسفه ياجماعه والله

هعمل سكان الاول واضبط الجهاز وبعدها هعمل مدونه جديده واكونت جديد بنفس الاسم إن شاء الله
تحياتي

حواء يقول...

والله الواحد مش عارف يقول ايه

انا اسفه
واسفه للي ممكن يتشتم تاني

بس طلب بس من كريم يمسح الشتايم المكتوبه بإسمي ياريت

صبرني يارب يقول...

طيب يا حواء هاسيبلك البوست انتى تردي على الناس كلها

حبيبه سى السيد يقول...

انا بردة استغربت

لاقيت بوست جديد عند حواء رحت عشان اقراه
لاقيتها محذوفة

قلت يمكن دة كان بوست انها هتحذفها ولا حاجة

لاقيت ان العنوان مش يدل على كدة

معلش يا حواء متزعليش
واعملى واحد جديد وامرك على الله

حنين القلب يقول...

علم وينفذ

وانا كمان هدعى معاكى يا حبيبتى

mahasen saber يقول...

اه ربنا يستر

طب بعدين هحاول اعمل اليى قلتى عليه ده

ربنا يستر بئه

ঔღঔ نـــوارة ঔღঔ يقول...

حسبي الله ونعم الوكيل

معلش ياقلبي ربنا يصبرك عليه

بنجاواتى يقول...

ربنا يستر

حواء يقول...

حبيبة سي السيد
اه كنت كاتبه بوست طالع من نغاشيش قلبي كده من الحته اللي جوه اوي
ههههههههههههههه

ربنا يستر علي الجميع


حنين القلب
محاسن صابر
نواره
وبنجواتي
جزاكم الله خيرا وكل واحد يخلي باله من اكوانته ويعمل اللي صبرني قالت عليه
وحسبي الله ونعم الوكيل

مسدس صغير يقول...

ربنا يستر علينا

شمس النهار يقول...

ايه ده لا حد ياجماعه من الناس اللي فاهمه كمبيوتر كويس يقول ايه اللي بيحصل عشان كل واحد ياخد باله من مدونته
وشكرا لك ياصبرني يارب
والا اقول استرها يارب
:)

.. هعزف لنفسي يقول...

حسبنا الله ونعم الوكيل
بس اظاهر وشي وحش علي مدونة حضرتك
لاني اول مرة ادخلها انهاردة
وجاي ادخلها من شوية بيقول المدونة محذوفة
الحمدلله علي كل حال

حاسوباتيه يقول...

شكرا جدا وربنا يرجعهولها

ستيته حسب الله الحمش يقول...

الى حواء
عوووووووووووووو
هل تسمعني
حول

انا يادوب كتبت رد على المسلسلات وقصة الأطفال معها وكل الرغي اللي كان عشر صفحات اللي انت راغياه

وهوب
جاية افتح لقيت المدونة بتقفل الباب في وشي

انا بصراحة افتكرت حاجات تانية كتير غير موضوع السرقة ده خالص
وقلعت راسي وفضلت ادعي لك

بس خير خير

واحد داخل يسرق اكونت؟
شفتوا فضى وتفاهه اكتر من كده

معلش يالا اعملي مدونة تانية وبخريها وحصنيها

شكرا يا صبصب يا مثقفانا ومربطه علاقتنا الدبلوماسية
صباح الفل

Appy يقول...

موصلش ليه لسه لو جه عندى هعضه لا تكلكى

حــــــــــواء يقول...

يلا مبروك عليا الاكونت الجديد

حــــــــــواء يقول...

وادي لنك المدونه الجديده
http://fatmaweeman.blogspot.com
جزاكم الله خيرا

تعالي ياصبرني استلمي مدونتك
وجزاكي الله خيرا

صبرني يارب يقول...

العفو يا حواء

اي خدمه يا جميل


شكرا للجميع


وشكرا يا سوتيته يا حياتي ربنا يكرمك يارب

بسنت صلاح الدين يقول...

سلام قول من رب رحيم ههههه استرها معانا يارب

Ahmed يقول...

مفيش حد بعيد عن السرقه يافندم
كلنا بنتسرق

عشان كده اللي يتسرق اول حاجه يعملها يحاول يغير الباسوورد بتاعته وياريت يخليها صعبه وملهاش معنى (بلاش باسوورد انا بحب ماما وبابا وجدو ديه الله يكرمكم)

والمفروض اصلا اننا نغيرها كل فتره بس احنا كلنا بنكسل

كيــــــــــــارا يقول...

حتي انتي ياحواء

ربنا يستر علي مدونتي مش طالبه انها تروح مني تاني

eng يقول...

طيب المدونه بتاعتها ,, أنا متابعها من الأول ,, بس لما حبيت أدخل قاللي اني مش مدعو ,,
فياتري ياهل تري ,,, هل فيه حل اني اتابع المدونه ولو قرأءه فقط
وعلي فكره ,, أنا مهتم لقراءه المدونه دي لأني صعيدي برضو
وأنا علي قد مازعلان من اللي حصلها , ( قسمه ونصيب ,, ويارب يخليلها بنتها ) ,, ألا اني فرحاااان جدا
لأن دي بجد أول محاوله تدوينيه ( أنا أشوفها) لحد من الصعيد أساسا ,, فمابالك بأمراه صعيديه
مره تانيه أنا أتمنالها كل توفيق ,, وربنا يحفظها من شر ولاد التيييت ,, اللي مش مخلين حد في حاله
والله الموفق