الاثنين، 27 ديسمبر 2010

قائمة طعام كافيه بامبو (لقاء المنصوره )

انا جبتكلم  يا قوم قائمة طعام الكافيه الى هانقضي فيه باقي اليوم لانهم اعتذروا ان يكون كل شيء حاضر هما اصلهم الدنيا هاديه عندهم يعنى مش زحمه
يعنى غالبا مش هايكون هناك غيرنا اصلا  وده احسسسسسسسن هانحتله بقى
المهم يلاا ختاروا بسرعه

قائمة كافيه بامبو

سندوتشات
كفته بانيه – هامبورجر – هوت دوج- فراخ بانيه سوبر بريمو-فاهيتا مكسيكى- فراخ فرايداي – شيش طاووق – كبده اسكندراني
كل السندوتشات دي تقريبا فى حدود عشره جنيه الواحد


حواوشي  بامبو  5.5


____________________

اطباق سريعه
مكرونه فتوتشينى == 18 جنيه
مكرونه بلوينز == 7.5
مكرونه بالسي فود === 35
مكرونه بالجمبري === 25
مكرونه بشاميل ===  مش مكتوب J

فتة سوري فراخ ===35

فته موزه بالخل والتوم ===35
نصف فرخه مشويه مع ارز بالخلطه ===30
طبق خضار مشكل ====7
____

ثم نأتي للمطبخ الفلاحي

معمر
طواجن خضار فى الفرن
فته  بالكوارع
ممبار
 ( ايه ده احنا راحين مسمط ولا ايه  نيهاهاهاهاها )

فطير مشلتت فلاحي ( جبنه قديمه + جبنه قريش + عسل + قشطه + بيض )  35 جنيه

الشيف الى هناك قالي الفطيره ممكن تكفي فردين ... وبرضه مش عارفه من ضمن تمنها الحاجات الى بتنزل معاها دي ولا ايه ... مكسله اسأل بقى بلاش رخامه J

فى اصناف كتيره متكوبه فى المينو بس مش عليها اسعار فمش عارفه اساسا هى بتتقدم ولا ايه

المهم كفايه عليكم كده مش هاتنهبوا بقى J

 اه وفى قايمه كريبات كامله  كمان  بس برضه مش عارفه اسعارها
فى العموما المكان اسعاره معقوله اوي

فى قايمةعصاير
وقايمه حلويات ... ام علي  كريم كراميل  فروت سلات  ايس كريم  الى الخ الخ الخ

وفى مشروبات طبعا بقى ساخنه وبارده ابقوا عيشوا بقى

ياريت كل حد جميل ناوي يجى  اللقاء يقولي هياكل  ايه او يستحسن ذلك بدل ما يفضل باصص لنا فى اللقمه وكده واحنا بناكل

وطبعا الى مش عايز يتغدى برضه براحته عااااتي

المهم تقلولي قبل يوم الخميس عشان ابلغهم فى الكافيه

واشوفكم على خير ان شاء الله يومها

والى ما يعرفش تفاصيل اللقاء ينزل تحت شويه على البوست الى فات هايعرف

بس خلاص

هناك 13 تعليقًا:

فاتيما يقول...

بسم الله الرحمن الرحيم
الاجابة تونس

الله
ايه دا
لأ انا جيت البرنامج غلط

دى قناة فتافيت شكلها
طييييييب

يا ست الصبصوبات
اعملوا حسابى ف
(1) سندوتش فراخ بانيه
(1) حواوشى
و خلاص كدا

انا عملت الواجب اهو
و قولت قبل يوم الخميس
وكمان عملت تحديث عشان البشر
تعمل حسابها وتعلق عندك
شوفتى بقى انا شطورة ازاااااى !!!

:)


انا فرحانة قوى انى جايلكم
وانى هشوفك يا صبصب
انتى وكل حد جميل شوفته عندكم
بلدكم وحشتنى
ونيلها كمان وحشنى قوى
وجوها الدافى


اشوفكم على الف خير
ان شاء الله

غير معرف يقول...

أنا عايز سندوتشات ميه سائعه

mayada يقول...

ازيك ياام مريم وحشاني ياجميل
بقولك هو انا لو الظروف قفلت معايا قوي علشان انا هسافره يوم الجمعه لان عندي امتحانات الاحد ومعرفتش احضر ممكن يوم الخميس اقابلك وممكن اجيلك في اي مكان تقولي عليه معنديش مشكله (سوري بتعبك)
وان شاء الله احاول احضر يوم الجمعه علي قد مااقدر بس لو ممكن بليز عرفيني
يلا سلامو عليكم ياجميل

shimaa elkholy يقول...

فاتيما

والله ما قصرتى ميه ميه يا معلم

احلى سندوتش بانيه واحلى حواوشي عشانك يا جميل

shimaa elkholy يقول...

مصري جدااا

اوك اتفقنا والى يرجع فى كلاااااااااااامه

shimaa elkholy يقول...

مياده يا حبيبتى

طب انتى عايزه تقبلينى ليه

يعنى فى حاجه عايزه تبعتيها

طيب بصي كلمينى على تليفون اللقاءات انا فتحاه من دلوقتي للقاء

لو عذبتوني هاقفله لما اكون نايمه او مش فاضيه
:)))))
0126379796

sony2000 يقول...

اعااااااااااااااا

أبو فارس يقول...

بارك الله فى روح الجمعه
وفقكم الله فى كل خير
ودمتم نجوما فى سماء التدوين
وكل عام وانت وجميع المودنين بالف خير وسلام
ويارب تكون سنه حلوه على الجميع
تقبلى مروري الاول

دمت فى حفظ الرحمن

الطائر الحزين يقول...

ان شاء الله يكون هناك فرصة واجى

هى القعدة لازم بالأكل مينفعش نقعد من غير ما ناكل ولا ايه

عموما ربنا ييسر الاحوال

واشرف بالتواجد معكم

shimaa elkholy يقول...

سوني
اعمل فيكى ايه طيب ادي ماما منوم وتعالي :)

shimaa elkholy يقول...

ابو فارس

شكرا لك ربنا يخليك

ونورت المدونه يا فندم

shimaa elkholy يقول...

الطائر الحزين

يا فندم تشرفنا

لا طبعا براحتك مش عايز تاكل مافيش مشكله

بس القاعده بالمشاريب على حسابنا ولايهمك :)))

غير معرف يقول...

سلام عليكم:)
يارب تكوني بخير
أنا سعيدة إنك من المنصورة:)

أم يوسف قالت إن نأكد الحضور هنا:)
فأنا بعتذر،إني في عالم التدوين فعلا فشلت، فمحدش عارفني، في عالم التدوين يمكن:)


بسيب كل شيء يمكن، مش عارفة أكون عالم فيه:)
لكن أتمنى إني أسلم عليكم
وخصوصا اني في اجتماع كنت قابلت الناس وأتمنى أرحب بيهم واسلم عليهم من جديد

فبستأذن

يمكن لو مقدرتش أشارك
فإني بس آجي أسلم على الناس وأرحب بأم يوسف والجميع وأستأذن
أختك إيمان:)