الجمعة، 31 ديسمبر 2010

ملخص لقاء المنصوره

السلام عليكم


بتهيئلي ماحدش لسه لحق يكتب عن اللقاء عشان لسه ماحدش لحق يروح اصلا

اليوم كان جميل اوي يا جماعه مش معقول الجمال ده بجد

اممم نبتدي من اول اليوم

الاول اقولكم الحضور
فاتيما كتبتلي ورقه بالحضور وانا ضيعتها ايووووووون انا شاطره بقى يا فاتيما ؟؟
ويعنى انا عذبت فاتيما طول اليوم وانا ناسيه الاسامي كلها واقولها اسمها ايه  لمالخبطها هى شخصيا
المهم

اولا وفد القاهره
فاتيما  روح  قلب ماما   روح قلبي انا اصل
خالد همس الاحبا ب
ابو احميد
عبد الحميد من بورسعيد

حروف من اسكندريه
أ. ايهاب  الطائر الحزين
سما ليساندرا دمياط

وبتوع المنصوره
الغرباوي
ساره طوبار
امجد القهوجي
محمد متولي
ابراهيم العدوي
دعاء سلطان
الاء
مصطفى  فك زنقه
اسماء واختها هنا
مياده
ايمان سما مصر
 وطبعا طبعا اهم واحد فى الحضور :) رضا ... ايون اهم عاجبكم  ولا لا

طبعا بما انى من المنصوره بلد اللقاء فانا  روحت متاخره عن بتوع القاهره هههههههه بس معلش حصل خير

طبعا لان كان معايا شيل كتير فاستنيت رضا يوصلني
وروحنا لقينا وفد القاهره فى انتظارنا
وخدناهم وروحنا نصلي الجمعه الاول
وبعد ما خلصنا الصلاه نزلنا نلم فى المدونين قطعه قطعه
حيث ان هناك وفد من المدونين الخائنين راحوا دار بن لقمان بدوووونننا ايووون حصل  بس يلا زي بعضه مسامحنهم J وانبسطوا وشوفنا الصور على كاميرا سما

وبعدين لقينا مياده بتكلنا وبتقول انقذووووني انا فى المؤسسه بقالي ساعه مستنياكم ههههههههه
فدخلنا لها  ومعانا كل الحاجات  بتاعة البنات
والحقيقه هناك استقبلونا استقبال حاااااااااااافل
هههههههههههههههه

دخلنا لقيناهم بيتخانقوا  هههههههههههه
ايوه واحده من البنات بتتخانق مع المشرفه وبشده وصوت عالي ووقفت اسلك الخناقه واتحايل عليهم يبطلوا زعيق  وعيب كده يا جودعان طب استنوا لما نمشي وهما ابدااااا

واحده من البنات خطيبها جاي يزورها وعايزين يقعدوا فى مكان غير الى المشرفه بتقول عليه  يعنى خلاف فى وجهات النظر

الحقيقه البنت كلمت المشرفه وحش جدا والولد كمان خطيبها وقح جدا

المهم مش موضوعنا خالص هما اساسا مواضيع هناك كومبليكس

احنا سلمناهم الحاجات  بتاعتهم ولقيت بنت هناك فرحها بعد اسبوعين ندهت عليها تقولي ناقصها ايه
وقالت ان ناقصها  هدوم
وان شاء الله انا هاروح لها الاسبوع ده واخدها وانزل اشتري لها هدوم باذن الله

والخير الى جمعنا الحمد لله كان حوالي 2000 جنيه نقدي  وغير المساعدات العينيه  الى راحت مؤسسة البنات

والسخان الى الشباب اخدوه ودوه لمؤسسة الولاد   وطبعا انا باحب اسلم حاجات عينيه فاشتريت شوية قبل اللقاء ووديناه
والباقي الى جه النهارده لسه هانزل اكمل حاجاتهم واوديها

بجد يا جماعه احساس الخير ده جميل اوي اوي

ربنا يكرمكم ونكون دايما متجمعين  على خير يا اصدقائي الاعزاء

بعد ما خلصنا المؤسسات  لمينا بعض كده زي الشطار  وطلعنا على بامبو

طبعا ركبنا احنا الحريمات فى عربيتنا وعربية دعاء وبعنا الرجاله وده العادي طبعااااا هههههههههههه

ولسه البيعه الكبيره فى الاخر بقى

الجو الصبح كان مشمسسسسسسس وعلى الظهر كده قلب والدنيا بقت هوا وحاجه فل اوي

المهم روحنا بامبو انا بصراحه مازلت عاجبنى المكان

احنا كعواجيز الفرح هههههههه انا وفاتيما وابواحميد وخالد  وايهاب قعنا جوه ايون ما نسحملش البرد يا اخوانا العضمه كبرت

وطلبنا  الاكل  وكل الناس يا عينى نزلها الاكل ما عادا ابو احميد وخالد  هههههههههههههه
كانوا طالبين فراخ مشويه وهما يا عينى  جعانين وكل الناس نزلها الاكل هما اكلهم اتاخر يجى ساعتين
معلش يا جماعه عندي دي يعنى  برضه احنا صبرناكم بالكيك J

بعد ما الشباب اكلوا طلعوا بقى بره وركبوا خيل وانتشروا فى المنطقه ودعاء بصراحه ولدت لتكون فارسه
حتى المدرب بتاع الخيل قالها انتى عندك استعداد وهى هاتفكر تروح تتعلم

ابراهيم بقى الى تاعبنى دايما ههههههههه ركب خيل وهو نازل رجله شبكت فى السرج تقريبا  وقع وجه مصطفى يا ضنايا يلحقه راحت نضارته مكسوره
معلش يا مصطفى دفع ابراهيم تمنها

امممم فاضل ايه

حاولنا نعزم امجد يقعد معانا عشان ابو احميد يشرحله نظرية التحول ( والى بتقول ان الستات بيتحولوا بعد الجواز) بس ساره رفضت مش عارفه ليه J

وسمعنا شعر من امجد ومن الطائر الحزين
ورغينا انا وفايما كتير
كلنا اتكلمنا مع بعض كتير اوي  والوقت عدى مش عارفه ازاي  وكان وقت جميل اوي بجد

بجد الصحبه كانت جميله اوي يا ناس  ومتشكره اوي انكم جيتوا ونورتونا

ولما جينا نروح بقى البيعه الكبيره ايوه
متولي جاب لنا عربيات وركبنا كلنا وفضل يا عينى متولي وابراهيم مش لقينا لهم مكان ومش عارفه روحوا ازاي  هو انا صحيح كنت عايزه ابراهيم يروح ماشي ههههههههههه
بس متولي حرام تعب معايا الاسبوع ده خالص

وبعدين ركبنا مع دعاء نحن البنات ودعاء وصلتنا كلنا وما توهناش ولا اي حاجه ولا لفينا الكبري ورجعنا اني لا خالص خالص
ودعاء حافظه الشواااارع جداااا هههههههههههههه

الناس الى قابلتهم جديد النهارده
الاستاذ  ايهاب : انت  ما تعرفش اد ايه انت من الناس الى انا باحب اقرالهم جدا جدا والى عندهم فكر عميق فعلا ولما قابلت حضرتك النهارده  ايقنت ان كان عندي حق حضرتك حد محترم فعلا  وذوق ومهذب وكلامك بيشع منه الفكر والعقل المتزن .. وعلى فكره ده راي رضا برضه

حروف من اسكندريه : انتى عسوله اوي اوي بجد جايز ما اتكلمناش قبل كده كتر لكن اول لما شوفتك استريحت ليكى جداا

الناس الى ما عرفوش يجوا  لظروف  كان نفسكم معانا وافتقدناكم بجد

التليفونات
احمد سكر ..... الى احنا حظنا وحش عشان ما افضاش لكن كان معانا بنفسه

ريم .... الى عندها برد خاااااااالص يا عينى وحرارتها عاليا ربنا يشفيها

ستار ...... كنت حاسه انها  هاتنط من التليفون تيجى عندنا

الجواز وسنينه ... ما عملتش انقلاب زي ما قلتلها عشان تيجى الللقا ء

داليا قوس قزح ..... دولي حيااااتي كانت القاعده ناقصاااكي والله بجد  بس معلش ربنا يكتب لنا لقى قريب


اممممم مين تاني
يارب ما اكونش نسيت حد  ورقة فاتيما ضااااعت اهيء اهيء

كل الناس الى جم اللقاء فعلا وبجد شكرا  لكم ونورتونا واسعدتونا

ولكل المدونين  شكرا  انكم فى حياتي وشكرا انكم اصدقائي

وعقبال كل مره متجمعين فى الخير  دايما

هناك 21 تعليقًا:

still-searching يقول...

لقاء عسول خالص يا شوشو
بس في حد اتصل بيا وقالي اوصل للجميع سلامه
بس انتي وفاتيما كنتو بترغو فقلت لكله وانتو مسمعتونيش

هي soul whisper

المهم انى مبسوطة خالص باليوم ده

وكل مرة وانتو طيبين

غير معرف يقول...

أنا جيييييت
اليوم ده فلتة بجد
رائع جداااا
دعاء فعلا حافظة المنصورة ;-)
أنا داخلة فون ومش عارفة أطول
بس بجد كان يوم تحفة
وعجبني بامبو جدا بجد
المكان مميز فعلا
بما إني من الخونة اللي راحو دار ابن لقمان ;-) فأحب أقول إنها كانت فرصة جميلة أوي وجت بدون ترتيب
هاجي تاني لما النت يوصل .
وشكرا لليوم الأكتر من رائع والصحبة الأحلي من جميلة .
Lyssandra
Sma

أبو حميد يقول...

يا جماعة والله مش عارف أقولكم إيه على اليوم وجماله
أنا صحيح مروح خلصان بس مبسوط جدا جدا جدا

شكرا يا مدونين المنصورة وشكرا لكل الناس الجميلة اللى قابلتها النهارده

samamasr يقول...

سلامي عليكم:)
أنا فعلا بعتذر، يمكن إني جيت خمس دقايق واستأذنت ورحت مشوار بعدها، أنا بعتذر
لكني سعيدة فعلا إني شفتكم وسلمت عليكم بجد:)
هي ميادة جت؟
أنا فعلا كان نفسي اشوفها من لقاء السنة اللي فاتت
جت بجد؟ :)

انا زعلانة اني معرفتش اشوفها بجد
ربنا يكرمكم بكل خير ان شاء الله:)


ولا ميادة أخت أخرى :) أنا أقصد ميادة اللي في المنصورة جت:)
الله يسعدهم يارب لو ميادتين يارب:)أنا آسفة
ربنا يكرمكم بكل خير يارب :)

ربنا يكرمكم جميعا بألف خير:)

samamasr يقول...

بقول لأن يبقى كدة زعلانة قوي إني معرفتش أشوفها :)

samamasr يقول...

الله يكرمكم:)

samamasr يقول...

ويكرم اللي جم من اسكندرية والقاهرة ودمياط والجميع
والجميع ان شاء الله يوصلوا بألف سلامة ان شاء الله
ربنا مع الجميع يارب
وربنا يوقكم إن شاء الله:)

الطائر الحزين يقول...

جزاك الله خيرا

ربنا يبارك فيك سلامى الخاص لاستاذ رضا
ويارب فى الخير متجمعين

- اللهم اجعلنى خيرا مما تظنون

رحــــيـل يقول...

متجمعين دايما على خير

فعلا كان يوم حلو

تسلمي يا شيماء على اليوم ده بجد

مجرد حلم صغنتوت يقول...

هههههههههههههه

حلوة اوي ولدت لتكون فارسة دي :D
ربنا يخليكي يا شوشو
بجد تسلمي على اليوم الجامد ده.. يعتبر كان احلى يوم عدى عليا في 2010 كلها

ثم احنا حافظين خريطة المنصورة وضواحيها كويس اوي بقى ومتهناش ولا حاجة ..هتخلي الناس تشمت فينا
ههههههههههههههههههههه

فاتيما يقول...

كده اديكى الورقة تضيعيها ؟!!


يا لهوى على ست ستات المنصورة
وجمالها
خلاص ولا يهمك
البوست عندى فيه كل الأسامى
يا ستى
واللى عاوز يعرف تفاصيل
ابعتيه عندى
---------------------------
http://ro7albmama.blogspot.com/2010/12/blog-post_31.html
----------------------------
ومعلش البوست مقعدش كتير
لأن حادث الأسكندرية فرض نفسه
للأسف علينا كلنا
وضرب كرسى ف كلوب الوطن




ومين دول اللى عضمة كبيرة ؟!!!
شنعى علينا بقى
دنا لسه بنت تمنأشر سنة
كدا هتخلى الناس تاخد
فكرة غلط عنى ؟!!



عقبال كل مرة
انا عارفة قِرفة المنصورة حلوة
وكل مرة بنجيلكم بنمشى مبسوطين
واليوم فعلا كان جميل وهادى
و انجزنا فيه
و البركة ف ربنا
وفيكى
انتى تقريباً عملتى كل حاجة
يا ست انتى
ولسه هتعملى انا عارفة
وربنا يباركلك

انا اسفة لأنى إتأخرت ف التعليق
بس البرد بعيد عنك مخلص عليا
ومخلى اللى يشوفنى جاية
يفتكرنى رايحة


بوسات وحضونات قد كدا
ليكى وللعيال
وسلامى للاستاذ رضا الغالى
:)

ندى الياسمين يقول...

الاء

اه فعلا ماسمعتكيش فى موضوع سول

ياجميله انتى نورتينا

ندى الياسمين يقول...

سما

بصوا بقى ماليش دعوه انا عايزه الصوور صلحي النت يا ستى ماليش دعوووووووووووووووووه

نورتينا يا جميل ومسمحينك على الخيانه
هههههههههه

ندى الياسمين يقول...

ابو احميد

ربنا يخليك يارب

بجد انتم كنتم منورنا

ندى الياسمين يقول...

سما مصر

انتى نورتينا الشويه الصغيرين دول

ومياده ايوه جت بس برضه شويه صغيرين ومشيت قبل ما انتى تيجى

نورتينا

ندى الياسمين يقول...

الطائر الحزين

ربنا يخليك ونشوفك دايما فى اللقاءات

وبجد انا سعيده انك شرفتنا

وشكرا لك يا فندم ويوصل السلام

ندى الياسمين يقول...

رحيل

ربنا يخليكى يا ساره متشكره اوي

شكرا لكم انتم

ندى الياسمين يقول...

دعاء
ههههههههههههههه يا بت بلاش ضواحيها
ههههههههههههه

انتى عسل يا دعاء ربنا يكرمك

ابقى خلينى اشوفك يا بنتى

ندى الياسمين يقول...

فاتيما


حيااااااااااااااااااااتي

الف الف سلامه عليكى ربنا يشفيكى يا قمر

عرفتى ان العضمه كبرت برضه ههههههههههههههههه
عضمتي انا يعنى ههههههههههه

انتى نورتينا يا جميل والله واللقاء كان حلو بيكم

وشكرا ليكى بجد

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر