الخميس، 10 فبراير 2011

مدونة ثورة الغضب

السلام عليكم
البلوج بتاعي وحشنى اوي يا جماعه والله بس اعذوروني مش عارفه اركز واكتب اي حاجه مع انى عندي كلام كتير اوي اوي عايزه اقوله وكاتبه كلام كتير من ايام ما كان النت مقطوع
بس مش قادره اكتب وانشر دلوقتي حاسه انه مش وقت كتابه وقرايه خلاص مبحلقه فى الاخبار طول النهار

باكتب كلمات بسيطه على الفيس بوك والتويتر على اساس انهم اسرع

المهم ربنا يعديها على خير يارب ويتسرها مع ولادنا وابطالنا الى فى التحرير والى فى كل ميادين مصر ونصرنا ان شاء الله

انا كلمت النهارده المدون ادم نبيل وهو مرابط فى التحرير ربنا يجازيه خير هو وكل الى معاه
المهم هو طلب مني اعمل مدونه واسميها ثورة الغضب عشان ينزل وا فيها كل الصور والفيديوهات الى معاهم وكده
وطبعا انا عملتها فى ساعتها وده اللنك بتاع اهو http://www.thawrt25eg.blogspot.com/


وان شاء الله هنحاول نحط فيه اكبر كميه من الكليبات والصور والاخبار وليسجل الزمان ملحمتنا العظيمه

تحياتي لكن وادعولهم ارجوكمط
ط

هناك 10 تعليقات:

الازهرى يقول...

فلنسجل ليكون ذلك شاهدا لمن يأتى بعدنا كى يكمل المشوار ولا ينسى

ربنا يجزيكى خير

شمس النهار يقول...

ايوة ماهو طلب مني وانا قلت له حاضر
بس اللي يعرفوني كويس يعرفوا اني ماليش في موضوع الكمبيوتر اوي
وكنت مستنيه شيكو لما تصحي تعملها

الحمد لله انك عملتيها
تمي جميلك بقا وعرفيني انشر الصور ازاي عليها ده انا مصوره صور
يجي تشليون كده وانتي طالعه

:)

عندما نحب يقول...

دخلت يا ندى و قبلت الدعوه ربنا يسهل ونقدر نعمل حاجه

shimaa elkholy يقول...

ايوه يا ازهري محتاجين نعمل كده فعلا

الموسوعة الحرة يقول...

تحية طيبة...
تمنياتنا جميعا بالنصر للثورة المصرية الخالدة...
سررت بزيارة المدونة والتعرف على مواضيعها المتنوعة...تمنياتي بالنجاح
دمت بخير...

shimaa elkholy يقول...

شموسه حياتي انا اهو يا قمر قوليلى بس

وبالنسبه لموضوع الصور

انتى على صفحة النشر هاتلاقي فوق مربع كده صوره اقفي عليه هايكتبلك صوره كليك هاديلك شاشه تختاري منها مكان الصوره ولما تترفع قولي اختيار تنزل على طول يلا بقى شغل

shimaa elkholy يقول...

عندما نحب انتى لولا؟

طب اوك اشتغل يا حبيبىاشتغل

shimaa elkholy يقول...

اوبن بوك شكرا لك ربنا يكرمك

الطائر الحزين يقول...

مبرووووووووووووووووووووووووووووك
مبرووووووووووووووك
مبروووووكووك
مبروووك

جنّي يقول...

السلام عليكم

صباح العزة والكرامة..

صباح الثورة والحرية والفخار ..

والخلود لشهدائنا..