الخميس، 3 مارس 2011

اقالة شفيق ...لماذا ؟؟


الحقيقه انا مش قادره افسر لحد الان ليه بعض الناس والمفكرين او من يدعون ذلك مصممين يحجروا على راي الثوره ..راي الشباب ..بالاحرى راي الشعب

هما نفس الناس الى كانوا بيقولوا اصبروا  على مبارك لما مدته تخلص وكفايه

هما نفسهم الى قالوا هييييه خلاص اتنحى كفايه بقى

هما نفسهم الى قالوا سيبوا الوزاره كفايه بقى

هما نفسهم الى قالوا طب عملوا تعديل وزاري كفايه بقى

وهما نفسهم الى بيقولوا شفيق سبوه وكفايه بقى

ومالهمش تبرير مقنع ابدا والتبرير الابدي هو ...اصل البلد هاتخرب

نعم ؟؟  هى كانت ايه ؟؟؟ شمعه منوره ؟؟ ماهي كانت خربانه اصلا

الى بيقولك الاسعار زادت والى بيقولك الدولار غلي والى بيقول مش هانلاقي ناكل ؟؟!!!

فى ايه يا ناس ؟؟؟ الله هى ثوره ولا لعبه هى ؟؟ اشمعن ايام زمان شديتوا الحزام لما موتوا

واشمعن استحملتوا الحروب بصبر ؟؟  ما تصبروااااااااا ما تستحملواااااااااا

والاسعار ووالدولار يا جدعان انااوعلى الاقيهم بيعلوا ايه المصيبه دي ؟؟؟

ما علينا خلينا فى شفيق

شفيق : ليه عايزين نقيله ؟؟

احنا داخلين على مرحله خطيره جدا جدا جدا  لو ما كانش الى ماسك الى البلد دي خايف عليها بكل امانه فعلا ومتفاني فعلا لانقاذها ..هانقع ..هانقع واقعه جامده جدا

الى بيقولوا طب ما نسيبهم عشان البلد ما تقعش ...ده هما دول الى يهمهم يوقعوها اصلاااااا ..عشان يثبتوا ان الثوره فاشله ويفضلوا جاثمين على انفسنا

وبالنسبه لحبايبى الحلوين الى بيقولوا على شفيق اصله ده كان راجل محترم ( اعرفوا ان مافيش وزير محترم قدر يستمر فى الوزارت المشبوهه ولا سيما وزارتي نظيف  اكتر من شهور ) اصل كم الفساد يا ناس فظيع ريحته لا تطااااااااااق فى كل الوزارات  ما تقوليش واحد محترم يستمر سنين لا يمكن هايبقى شوكه فى ظهرهم لو هو استحملهم هما مش هاستحملوه
وان يكن شخص شفيق يا سيدى فله وشمعه منوره وما يهمناش غير كفاءته ان كان فى كفاءه  لان لا يخفى عليكم ان مصرللطيران تاسع اسوا طيران فى العااااااالم .. وكسه بنى  يا سيادة وزير الطيران السابق .

طب هو فله وشمعه منوره بس وزراته ما احنا عارفنها ومش هو الى مشكلها ده مشكلها حسنى وسوزان وجمال وكلنا عارفين كده ...خلعناهم ؟؟ طب لازم نخلع الباقي ....الضرس لو ما جاش من جدوره يعمل خراج يا جدعااااااان

ما ينفعش والله يا ناس

طيب بلاش كل ده ...انا عايزه افهم هو احنا عملنا ثوره ولا بتنجان ؟؟؟ ثوره طبعاااا

طب مين الى عمل الثوره دي ؟؟ اي واحد يرفع راسعه ويقول انا هاقطعله راسه

الى عمل الثوره الشعب ..طيب الشعب طلع لكم يقول اقالة حكومة شفيق ...يبقى اقالة حكومة شفيق

ليه لان الى بيقود البلد الان الشرعيه الثوريه ....مافيش اي شرعيات تاااااااانيه

يبقى الى يقول عليه الناس الى بتطلع التحرير بالملايين هو الى يتحقق والي له شوق فى حاجه يختار ميدان تاني ويطلع يقول رايه ...بس ما يكونش راكب جمال وخيول زي مناصري المخلوع

طيب ايه الى هايحصل لو اقلنا شفيق ؟؟ هانموت ؟؟
اوفكورس نوت ..... هانشكل وزاره جديده من ناس محترمين  لا خلاف عليهم ...ما حدش يقولي مين ومنين
البلد ملياااااانه ناس محترمين فاهمين ؟؟؟


نقيل الوزراه والى يمسك البلد فى الفتره الى جايه حد قلبه عليهااااا مش عايزين تنميه وعلاوه وبتنجان عايزين انقااااااذ
الاقتصاد ممكن يقع طبعا والبورصه ممكن تنهار والجنيه ممكن ينهار والشعب ممكن يجوع ......صدقونى هو ده الى هايحصل بالظبط فى حالة استمرار حكومة شفيق لحد الانتخابات البرلمانيه ولا الرئاسيه زي ما بيقولوا

وساعتها هايقولوا نعمل ايييييييه ماهى الثوره هى السبب

الامل الوحيد صدقوني اقالة شفيق وعصابته وناس محترمين يمسكوا البلد

الايام ان شاء الله ستثبت لكم ان كلامي صح

حاجتين لو ما اتنفذوش هاتبقى مصيبه والثوره هاتموووووت وهانرجع اسوأ مما كنا بمرااااحل

1.    اقالة حكومة شفيق .... وتشكيل حكومة انقاذ كفاءات او متخصصين الى هى التكنو قراط

2.    تفكيك جهاز امن الدوله ومحاكمة رموزه ...لانه جهاز قوي ومتشعب جدا وفى اديه خيوط خطيره

ويا انا يا امن الدوله ده بالذات فى البلد دي بقى

ويكون فى علمكم بقى انا عشمي فى ربنا كبير اوي وكل ثقه ان الحاجتين دول هايتنفذوا ان شاء الله

وارجوكم الى فيكم متلخبط يلزم مكانه ويتابع ويقرا ويفكر وبعدين يقرر هو رايه ايه

عشان خاطري بلاش تثبيط الهمم والعزائم وتشتيت الناس ارجوكم

واصحاب المطالب الفؤيه المنتهزين للفرصه والى ربعه مظلومين والباقي ما بين منتهزين للفرصه وما بين هبل وبينفذوا مخطط الحزب الوطني بكل هباله وهما مش حاسين

لو قعدت اتكلم من هنا للصبح مش هابطل على فكره عندي كمان كلمتين عن الدستور والتعديلات خليهم المره الجايه


عندي دعائين عشان خاطري ادعوهم دايما

اللهم ارنا الحق حقا وارزقنا اتباعه وارنا الباطل باطل وارزقنا اجتنابه
اللهم انا حسبنا اليك ترد علينا حقوقنا وترد كيد الظالمين الى نحورهم وترنا فيهم اعظم اياتك . انك على كل شيء قدير .

يااااااااااااااااااااارب ثقتى فى عدلك ما لهاش حدود

*********************
ملحوظه : الكلام ده انا كتبت اغلبه قبل ما اشوف حلقة شفيق النهارده ....يخربيت كده بجد ... والله العظيم حراااام كده البرنس نظيف بعديه شفيق  حرام بجد دول يبقوا رؤساء وزاره مصر ده افترا .... كنت مصره على اقالة وزارة شفيق بعيدا عن شخص شفيق حاليا انا مصره على الاقاله على الصعيدين شخصه ووزارته

هناك 11 تعليقًا:

الازهرى يقول...

الموافق على هذا القرار يتفضل برفع يده
موافقة

اللى بعده

الازهرى يقول...

هتيجى بكره ؟

وردة الجنة يقول...

اللهم ارنا الحق حقا وارزقنا اتباعه وارنا الباطل باطل وارزقنا اجتنابه
اللهم انا حسبنا اليك ترد علينا حقوقنا وترد كيد الظالمين الى نحورهم وترنا فيهم اعظم اياتك . انك على كل شيء قدير .

بجد كلامك مقنع جدااا جدااا وانا معنديش تعليق غير الموافقة عليه وبشدة

تحياتى لكلماتك المشرقة ....

الازهرى يقول...

http://www.facebook.com/photo.php?fbid=196257663727824&set=a.191412130879044.43504.191115070908750&theater

sony2000 يقول...

يالله ياولي الصابرين
يارب ارحمنا برحمتك
ملحوظه:
اللي جي يرفع ايدواااااااا

ثـــوره الــغضب يقول...

والله الناس دلوقتى ابتدت تخاف من بكرا وفكرين او ابتدو يشوفو ان شباب الثوره كل يوم بمطالب الاعلام ابتدى يروج ويقدم برامج ويجيب ناس عشان يبتدى بل تلميح على شباب الثوره انهم كدا ممكن يخربو البلد او يعملو حاله من الهبوط الحاد فى الاقتصاد شيئ رهيب واكيد الشعب المصرى اغلبيه طيبين جدابيسمعو ويصدقو ويشيعو

ملحوظه انا فى تحرير حد جى

شمس النهار يقول...

مبروك ياصبرني شفيق مشي

وكلامك ده قلت فيه بختصار ان الثورة كاش مش تقسيط

والثورة ثورة
والتصحيح تصحيح

واحنا في ثورة

ابني صاحب مدونةالشاعر كان بيسأل عن الفيس اللي فيه المدونين
واتفقنا نعمل جروب علي الفيس للمدونين
وان شاء الله لما يعمل الجروب نعمل له اعلان علي المدونات
ويبقا في اكتر من ادمن بحيث نتبادل الاشراف علشان مايبقاش في ضغط علي حد لوحدة

:)

الطائر الحزين يقول...

رئيس وزراء ايه اللى طالع يقول هنشوف هنبحث هنجتمع
قابلنا الولاد فى الفورسيزونز ياعم ابوس رجل اللى خلفوكم عاوزين قرارات سريعة

السرعة مرارتنا مش مستحمله

قلم رصاص يقول...

تكسب المره دي ياحنفي
ههههههههههههه
بس دا مش تراجع خدي بالك
انا كان تقديري لفكرة التغيير الوزاري كل شويه واثره في عمل بلبله في الشارع

لكن مفيش حد فوق الحساب ..سواء شفيق او غيره ..

طيب بما ان الدكتور عصام شرف جه وبما انه اصلا كان مع الثوره ..رغمممم انه كان وزير سابق في نظام مبارك الا اننننني متفائل جدا

ربنا يولي من بصلح
أهم حاجة الوقتي ندي فرصه للحكومه ولو ايام تاخد نفسها عشان تعرف وتقدر تلبي بقية مطالب الثوره

وشيلي ايدك من على الزرار بتاع التغيير شوية هههه

:)

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام