الاثنين، 7 يوليو، 2008

محمد رجع البيت الحمد لله

السلام عليكم يا حبايبي يا حلوين



انا بس جايه على السريع اقولكم خبر الحمد لله كويس . محمد خرج من المستشفى اول امبارح طبعا مؤقتا لكن الحمد لله كل الناس بتقول ما دام خرج يبقى الخطر قل جدا وهو فعلا احسن كتير .


صحيح هو العلاج الكماوي يا حبيى بهدله وخلاه بقى جلد على عضم وشكله مقطع قلبي . فضلا عن رجله الى الدكتور الفالح الى اداله حقنه فى النخاع اصاب عصب رجله وعنده الم فيها جامد وبيعمل جلسات وما بيمشيش عليها . لكن طبعا الحمد لله قضى اخف من قضى



وهو راجع تاني القاهره بكره هايقعد هناك 4 ايام له كورس جديد كل يوم هايروح ياخد حقنه بس ويمشي . مع متابعات وتحاليل وكده .



وهايفضل فى متابعات كده تتباعد بتحسن الحاله ان شاء الله واملنا فى ربنا كبير . ودعواتكم معانا بقى ان ربنا يتم شفاه على خير هو وكل مرضى المسلمين يارب . ولا يكتب المرض اللعين ده على حد ابدا .




وكمان يا جماعه عايزه اعتذر للجميع على انى ما بقيتش ازورهم والله مضغوطه اوي اليومين دول ولسه قدامي كده شويه كمان حتى لسه التقيل جاي ورا .


لكن اول ما اقدر ان شاء الله هاجي ازوركم وابوسكم واحده واحده اه البوس عند البنات بس الرجاله زي بعضه ممكن نقولهم سلام عليكم



والبوست الجديد ساحاول جاهده بعد هذا اليوم العصيب اخلصه وانزله النهارده او مكره الصمح على الاكثر .


وادعولي يا جدعان اصل انا قربت اخلص من الناس دي خلاص .


هناك 4 تعليقات:

أليس في بلاد العجائب يقول...

الف حمدا لله علي سلامته وان شاء الله ربنا يعافيه و يجعل ألمه دا في ميزان حسناته

صبرني يارب يقول...

شكرا يا اليس الله يكرمك

بنوته مصرية يقول...

الف سلامه علية

ربنا يتمم شفائه علي خير

Liberal Muslim يقول...

الف مليون حمد الله علي سلامته
وإن شاء الله ربنا يكرمه بأن يتم شفاءه ويرجعه لأهله سالماً ان شاء الله تعالي
اللهم رب الناس أذهب الباس واشفه انت الشافي المعافي