الاثنين، 16 فبراير 2009

فبراير شهر العظماء .. والاحداث العظام برضه(تحديييث التورته اهي )

تحدييييييييييييييييييييييييييييييييييث
ادي التوووووووووورته اخيرررررراااااااا خلصت
وحاليا اتكلت والى كالوها ناااااااااااااموا
اه دي بالشيكولاته فى واحده تانيه بالفراوله بس على مدونة طابخين ايه النهارده بقى
وده باتيه بالجبنه وشويه نواشف وحوادق اهو الى نفسه تمووووع من الشيكولاته


وده عصير اهووووووووو

بس بما ان الجو برد عملتلكم كابتشينوا احسسسسسسسسسن



ما تقولوش بقى مخليه فى نفسكم حاجه اهو
بس الى طلعت به من هذا اليوم ان الي يسمع كلام اشرف العطار الى فى شارعنا اخرته وحشه زيي كده
ايووووووووووه لو كان حد فيكم ساكن فى شارع كلية الدراسات اللعين على راي خيخه ما يجيبش من عنده دقيق تورته عشان طلع وحش اوي
ولا كريمه سايبه عشان طلعت زفته خالص
وما يسمعش كلامه لما يقوله ام دينا بتستعملهم وبتطلع جميييييييييييييييييييييله
قال ام دينا قااااااااال
طلعت عينى بسبب الخامات الزفته بتاعته وقعته بني لما اروحله

اه وعلى فكره انا فرحانه بعيد ميلاد المدونه اوي مش بعيد ميلادي على فكره
السلاااااام عليكم



احبائي اعزائي فلذات اكباد عالم التدوين








حبايبى الحلوين








قلتلكم المره الى فاتت ان فبراير هو شهر العظماء . آآآآآينعم هو كذلك.








فطبعا محسوبتكم صبرني يارب اتولد فى مثل هذا اليوم الى هو انشاء الله 16 فبراير








وللصدف الباااااحته السعيده جدا انى اكتشفت ان كمااااااان مدونتي الشماااااء الغراااااااء حبيبتى دي اتولدت فى نفس ذات اليوم




وده يثبت ويعزز المقوله السابقه بان فبراير ده شهر العظماء








واي حد تااااافهه اتولد فى مثل هذا الشهر لازم يجيب اربع خمس شهود عشان نصدقه








وتطلعوا من الكلام الى فوق ده كله انى متواضعه جدا جدا جدا








فكل سنه بقى وانا طيبه ومدونتي طيبه








وبجد بجد مش مصدقه ان فات سنه على التدوين بتاعي عدت زي الهوا يا اخويا








سامعه واحده رخمه بتقولي بقى عندك كام سنه يا صبرني




دي مش هارد عليها خااااااالص




واقولها انتى البعيده نظرك ضعيف ؟؟؟ مش شايفاني يادوب 18




قصدي ابقى بصي فى البروفايل بتاعي








من غير ما نقول كلام مكرر انا فعلا باشكر ربنا انى عرفت عالم التدوين والمدونين وبقى ليا مدونات حلوه باشوف فيها ناس حلوه وباكتب فيها الى نفسي اكتبه بعد سنوات الضياع - لا لا مش التركي - الضياع فى المنتديات يعنى وكتبت ياما حاجات ما حدش قراها ولا فهمها زيكم يا حلوين








وبس بقى عشان هاعيط خلاص








وبعدين كان نفسي اعمل نيو لوك للمدونه بس ما عرفتش معصلجه معايا على الاخر يلا تخيلوا بقى ان المدونه اتغيرت








اه صحيح وتاكيدا لموضوع شهر فبراير الواد خالد ابني عيد ميلاده يوم 22 فبرااااير برضه يظهر انه هايبقى عظيم برضه هههههههههههههههههههه

















هناك 92 تعليقًا:

Sweet Violet يقول...

كل سنه و انتى طيبه ياقمر

و كل سنه و المدونة منورة كده بلوجر كله

و كل سنه و ابنك طيب مقدماً

الهدايا بقى لو سمحتى و التورتة شكولا بليز لا اقبل بغير ذلك ((:

تحياتى

Sweet Violet يقول...

ايه ده ايه ده و كمان اول تعليق على عيد ميلادك

يبقى جاتوه كمان بقى لو سمحتى مع الحاجات اللى فوق دول

(:

Sweet Violet يقول...

التالته تابته بقى ماشى ؟؟

خلاص خلاص من غير ضرب اخر تعليق و هجرى اهو من المدونة

ايه المعاملة دى )):

صبرني يارب يقول...

حبيبتى يا جميله هو انا برضه اقدر اضربك

براحتك تماما علقي خماشر تعليق

وانتى طيبه وبخير وهنا يااااارب

وتعالى بكره انا لسه ما عملتش حاجه والله

بس فى بغاشه تاخدي ؟؟؟

ahmed_k يقول...

كل سنه وأنتي طيبه يا صبرني
وكل سنه وخالد طيب
وعقبال مييييييية سنه وأنتم بخير وصحه وسعاده
وكل سنه ودونتك متألقه ومن نجاح لنجاح

challenger يقول...

كل سنة وانتي طيبة يارب

وعقبال يارب عمر طويل كله خير وسعادة وهنا وقرب الى الله

وان شاء الله السنة دي تكون احسن وافضل
وتحققي كل اللي بتتمنيه

كل سنة وانتي طيبة ام مريم

Sweet Violet يقول...

ماشى مش هقول لأ على فكرة

و اهى تصبيرة لحد بكرة (:

ربنا يخليكى ياجميلة يارب و الحمدلله مافيش ضرب

اصل انا دايما كده بيضربونى لما بعمل قلق فى التعليقات عااااااااااااااااااا

صعبت عليك .. صح ؟؟؟


كترى بقى الشكولا ماشى علشان صعبت عليك (:

كل سنه و انتى بخير و صحه و سلامة يارب

بنوته مصرية يقول...

كل سنه وانتي طيبه يا قمر

واعبال 100000سنه الا يوم واحد بس

يارب كل ايامك تبقي افراح وسعاده

والسنه دي تحققي اللي معرفتيش تحققيه

فين الجاتوه بقي
شكولاته لو سمحتي

عاشقه وغلبانه يقول...

عظيمه يامصر
ماهي كمان اتولدت في فبراير

بالنسبه لاغسطس ايه نظامه عظماء برضو ولا.....؟؟؟؟


كل سنه وانتي طيبه يارب وعقبال ماتمي العشرين بقي ياجميل

شوفتي انا ازاي بأكد علي موضوع ال18 سنه دول


فين الجاتوه والساقع


كل سنه والمدونه عمرانه بكتابات صاحبتها الرائعه

صبرني يارب يقول...

تشالنجر

يا رب ما اتحرم منك ابدا يا محمد ربنا يكرمك يارب

وربنا يكتبلك انت كمان كل خير ويبعد عنك كل شر

صبرني يارب يقول...

استاذنا احمد كيه

الله يكرمك يارب ويخليك

وكل سنه وانت بالف خير ومتشكره اوي

صبرني يارب يقول...

ضد التيار

طيب البغاشه اهي افتحي بؤك والله طلعت مالهاش حل واول مره اعملها هانزلهالكم بقى فى المدونه ان شاء الله

ام هند

ما حدش يقدر يضربك هنا يا جميل اعملي الى انتى عايزااااه

والشيكولاته اهو جااااااهزه

صبرني يارب يقول...

بنوته مصريه

الله يكرمك يارب بس اشمعن الا يوم واحد هو بعد الميت الف هادخل شريحه جديده ؟؟؟
ولا يكون العداد بيقلب عند الميت الف هههههههههههههههههههه

واتمنالك كل خير يا جميل

وايه حكاية الشيكولاته بقى

لا بصوا هو نص كيلوا شيكولاته خام جايباه من كام يوم عشان اعمل به التورته مش عايزه طمع بقى هههههههههههههههه

صبرني يارب يقول...

عاشقه وغلبانه

ايه ده بجد

تفتكري هى عظيمه عشان اتولدت فى فبراير ولا هى اكيد اتولد فى فبراير بما انها عظيمه
ههههههههههههههههه

اغسطس يا سسسسسستى لا لا معلش يا عاشقه الا الشهر ده انا ممكن اجاملك فى شهر تاني هههههههههههههههههه

رحمه بنتى مولوده فى هذا الشهر اوعى تكووووووووني زيها زنااااااااانه ونكديه وسلباطه ازعل منك اوووووووي وهاسميكى رحمه ههههههههههههههههههههه

دي مطلعه عيييييييينى ومجنناني
والجاتوا والساقع وكل اشي ومشي تعالى على المدونه التانيه خوديه

حسن حنفى يقول...

كل سنه وحضرتك طيبه انتي والمدونه

وان شاء الله دايما معانا في التدوين

أميرة الجنة يقول...

ايه الحلاوة دى
بس على فكرة انا دايمما اسمع انه شهر10
مش مشكلة عشان خاطرك نخليه فى 2 بلاش تضربى
تقبلى تحياتى
دمتى مبدعة

بحـــر الدموع يقول...

السلام عليكم

أولاً كل سنة وانتي طيبة وبأحسن حال
وإن شاء الله تكوني من العظماء للأمة ويكون على إيديكي الخير والصلاح لأمتنا وشعوبنا واجيالنا القادمة

وكمان مرة كل سنة وانتي طيبة
وبارك الله فيكي وجزاكي الله خيراً


لا تنسوا اخوانكم في غزة من دعائكم

||..بحــر الدموع..||

حاجات جوايا يقول...

كل سنة وانتى طيبة يا عظيمة ..ههههههههههه قصدى يا صبرنى
وكل سنة ومدونتك طيبة وخالد طيب وبخير يارب

انا سمعت فعلا انه شهر العظماء من يوم ما اتخطبت أصل جوزى مواليد نفس الشهر 21 فبراير ودايما يقول كده هههههههه
وابنى دودو كمان 12 فبراير
يعنى عظمة على عظمة كمان هههههههههه

مع انى كنت فاكره ان سبتمبر بس هو شهر العظماء لانى اتولدت فيه ههههههههه

كل سنة وانتوا طيبين كلكوا وبالف خير ياااااااارب

:: Salma Emad :: يقول...

كل سنه و انتي طيبه يا قمر

و عقبال مليون سنه يا جميله

بس مستنين بقي الحلويات و الجاتوهات

مش ينفع كده

(:

ربنا يكرمك يا جميله و يبارك في عمرك و يجعله في طاعه الله

بنت الغربة يقول...

كل سنه وانت طيبه ياصبرنى ياحبيبتى
وانا عارفه انك كملتى 20 سنه ياوحشه مش 18...ايه هنضحك على الناس ولا ايه؟؟؟
كل سنه والمدونه بالف خير ودايما منورانا والسنه الجايه تكونى زودتى مدونه جديده ...ونخليه مدونة حريم وبس..للرغى الحريمى فقط..
وممنوع الدخول او الاقتراب من الرجاااله....
وكل سنه وابنك طيب كمان
شكله طااالع عسل زى مامته...
بس لعلمك بقى شهر ابريل برضه بتاع العظماااء....
لان اتولد فيه هتلر وعادل امام والملكه اليزابيث و...انا
امال فين التورته؟؟؟؟
وجوزك جابلك هديه ولا لأ؟؟؟؟
عموما عيد ميلادك ده هنعديه كده بس لما انزل مصر ضرورى نتقابل وساعتها تجيبى معاكى تورته شيكولاته وخلى البلاك كوفى والكبتشينو على...
كل سنه وانت طيبه تانى ياجميل وعقبال 10000000 سنه
تحياتى ياعسل

ستيته حسب الله الحمش يقول...

هابي بيرثداي تو يو يا قمر وسنة احلى للمدونة كمان

هالبت مين اللي يقول ليكي عندك كام سنه؟ ماهو باين يعني .. مش البنت قالت ليكي يا انسة؟ يعني سننوكي وجوزوكي وانتي انطلقتي زي اي بنت مصرية بريئة وجبتي تلات عيال .. ايييييييييييييون هم 18 سنة واللي عاجبه

بحبك جدا جدا ودمك شربااااااااااات

واحدة مفروسة يقول...

ايه يا اختى عيد الميلاد الارديحي ده
امال احنا سايبينك تعملى مدونة للأكل ليه؟؟؟؟
مش علشان نحتفل فيها؟؟؟؟

كل سنة و انتى طيبة و مدونتك طيبة

احساس طفلة محبة للرومانسية بس واقعية يقول...

كل سنة وانتى طيبة يا صبرنى
وكل سنة تمر على مدونتك الجميلة بخير
وكل سنة وابنك خالد بخير وسعادة
وربنا يحميهولك
فى تقدم ونجاح دئما بأذن الله

تقبلى مرورى

حواء يقول...

كل سنه وانتي طيبه ياصبرني
وخالد كمان طيب
يلا هي جت عليه يعني
وبعدين ايه التواضع الرهيب ده
حسبي لتواضع يقع منك
ههههههههههه
وكل سنه كمان والمدونه بتاعتك طيبه وبخير
تحياتي ليكي ايست الكل

Appy يقول...

كل سنه وانتى طيبه يا جمر انت يا جمر

بس سؤال عظماء دول يعنى جايه من عظمه اللى هى من عند الجزار نيهاهاهاها

Che يقول...

كل سنه و انتى طيبه يا جميل و عقبال 100 سنه و على فكرة شهر فبراير ده شهر من الشهور القليله اللى باستريح مع الناس بتاعته لانى بما انى مواليد اجدع شهر اللى هو يونيو و اجدع برج اللى هو الجوزاء فبنقى الناس اللى تنفع معانا .. بس كفايه كلام عن نفسى و كل سنه و انتى طيبه او البتاعه اللى بالانجليزى اللى عمتى ستيته كتبتها دى

Ahmed يقول...

كل سنه وانت طيبه وبلوجك طيب وابنك كمان ياستي

من غير بص في البروفيل ولا غيره اهوه

يارب كل سنه تبقى أجمل من السنه اللي قبلها

محاولات مخنوقة يقول...

كل سنة وانتى طيبة يا صبرنى ياقمر
وكل سنة وخالد طيب وعقبال ماتشوفيه عريس يارب وتشوفي ولاده
وكل سنة ومدونتك كمان طيبة ومنورة ببوستاتك الحلوة وكلماتك الجميلة وان شاء الله تكون سنة سعيدة عليكى انتى واسرتك يارب
اه صحيح مش تعلقي على الجمع بتاعى في كلمة بوستاتك اصل انا كل الجمع عندى فيه مشكلة شويه هههههههههههه

أليس في بلاد العجائب يقول...

اخوتونا باه

هو كل يوم من دا

:)

الامر لله

كل سنة وانتم طيبين واللي عندنا طيبين

انتو اتنين واحنا عندنا 4 من نفس الشهر :)


بس أبي عندها حق الصراحة

عظماء اللي انتي كتباها دي عاملة زي عظمة و في اخرها مااااااء

يلا ما علينا

عايزة حتة من التورتة تجيلي لحد باب البيت .. انا بقولك اهو :)

صبرني يارب يقول...

اميرة الجنه

الله يكرمك يارب

وشهر عشره يا حبي طبعا طبعا شهر العظمه كله

ما انا اتجوزت فى شهر عشره برضه هههههههههههههههه

صبرني يارب يقول...

حسن حنفي

تسلم يارب وكل سنه وانت بخير وسعاده

صبرني يارب يقول...

حاجات جوايا

شوفتوا بقى مش انا بس الى باقول يا جودعان اهو ههههههههههههههههههههههههه

مريم عندي الى مواليد سبتمبر يلا عشان ابقى اعملك تورته معاها

صبرني يارب يقول...

بحر الدموع

يااااه انا كل ده احتمال برضه يوضع سره فى اطول خلقه هههههههههههههه

ربنا يكرمك يارب والمدونه نورت

صبرني يارب يقول...

سلمة عماد

والله يا جميل انا لسه ما عملتش حاجه بافكر اطنش نفسي بقى عشان مكسله بس لسه مش عارفه

ومتشكره اوي على الدعاء الجميل ده ربنا يكرمك

المستنصر بالله يقول...

كل سنه وحضرتك ومدونتك والاسرة الكريمه بالف خير وسعادة
ودايما بتستعدينا بموضوعاتك وتعليقاتك القيمه

تحياتى لحضرتك

صبرني يارب يقول...

بنت الغربه

على فكره انا فعلا فعلا فكرت فى حكاية مدونة الستات وفكرت اعمل حتى سلسلة بوستات مبوبه تحت عنوان وشوشة ستات وكنت بدات وكتبت بوست واحد وبعدين ما كملتش بس ان شاء الله اكممممممل

والهديه يا اختي لسه ما جاتش ربنا يفرجها يعنى هههههههههههههههههههه

كل سنه يقولي انتى دايما كده عيد ميلادك يجى مع الموسم اقوله حاضر هاكلم ماما فى الموضوع ده هههههههههههههههه

والتورتات عنيه اول ما اعمل التورتات هاكولها واقولكم هههههههههههههههههههههههههه

نورتي يا جميل وتسلمي يارب

صبرني يارب يقول...

ستيته

يارب ما اتحرم منك ابدا وانا كمان والله باحبك يا جميل ربنا عالم

وانتى كمان دمك زي العسل

وايوه يا اوختشي انا لسه قايله لجوزي كل الستات كده يادوب 29 سنه ويرد العداد بعدها على طول ل18 سنه ههههههههههههههههههههههههه

نورتي يا جميل وتسلمى يارب

صبرني يارب يقول...

طفله رومانسيه

حبيبتى ربنا يكرمك يارب ويخليكى

ونورتي يا جميل

صبرني يارب يقول...

واحده مفروسه
والله امبارح يا مفروسه فكرت انزل هناك تورته بس ما قدرتش بقى يا اختي

عملت عجينة بف باستري خلعت كتفي من الفرد وبعدين اخدت مسكن بقيت انام وانا قاعده هههههههههههههههههههههههههه

عنيه حالا انزلكم تورته على ما قسم لحد لما اعمل التورته بعد شويه

نورتي يا جميل

صبرني يارب يقول...

زوجه

ايوه يا بنتى ما انتى عارفاني متواضعه جدا يعنى ههههههههههههههههههههههههههههه

تسلمى يارب ونورتي



والنبى بس سؤال كل مره انسى اسألهولك هي ايه الصوره بتاعتك دي مش عارفه افشرها كويش خالص هى ايه
السن بقى يا اختي انتى عارفه

صبرني يارب يقول...

آآآآآآآبي

عظمات اه من بتاعة الجزار والنبى يا اختي اخر مره اداني عضمه صغيره اوي يا اختي هههههههههههههههه

طيب يا ابي هاعورك كل دماغك كده فى العظم واللحمه والخرفان ههههههههههههههه

صبرني يارب يقول...

che

ايه ده والنبى يا اخويا انا ما اعرفش فى الابراج ولا مين بيمشي مع مين هههههههههههههههههههه

بس الى اعرفه ان فبراير ماشي مع ديسمبر كويس اوي

متجربه يعنى يجى 13 سنه دلوقتي ههههههههههههههههههههههه

وانت برضه شكلك متواضع زيي هههههههههههههه

نورت

صبرني يارب يقول...

احمد ابو العلا

تعيش يارب وانت طيب وبخير

يا باشا بص براحتك فى البروفايل

عااااااادي احنا ولا يهمنا هههههههههههههههههه
نورت

صبرني يارب يقول...

محاولات مخنوقه

ههههههههههههه ماله الجمع بتاعك ما حلو اهو انا باقول بوستات برضه هههههههههههههه عادي ا نجليزى معرب ممكن نطلع قرار من المجمع اللغوي بالموضوع ده هههههههههههه

تسلمى يارب وشكرا على الكلام الجميل

صبرني يارب يقول...

المستنصر بالله

الله يكرمك يارب ويخليك وتنورنا دايما

صبرني يارب يقول...

اليس

ثانيه واحده اجيب المطوه
البت دي داخله بمطوتها كده ليه هههههههههههههههههه

مااااااااااء ماشي مااااااااشي انا هوريكى

ده انتى مصحيانى من النوم الساعه 9 صباحا عشان تقوليلى رن رن هههههههههههههههههههه

كل سنه وانتى طيبه يا جميل انتى و الشوباب الى عندك كلهم

وتسلمى يارب

Bondoka يقول...

كل سنه وانتىوالمدونه بخير وسعاده وازدهار
:)
وعقبال المليون سنه للمدونه وانتى تكونى 18 ونص
ههههههههههه

أليس في بلاد العجائب يقول...

الله .. ايه الناس دي

مش بقولك كل سنة وانتي طيبة

و بوكية ورد و حركات اهو


ههههههههه بس مااااء دي عجبتني اوي الصراحة


ال مصحياني 9 ال


ليه معندكمش مدارس ولا مغيبة العيال احتفالا بالمااااااااء P:

أليس في بلاد العجائب يقول...

وبعدين انتي هتقعديلنا هنا طول اليوم ولا ايه !!

اجري اعمليلك حاجة مفيدة ..

بس تكون برة الشارع والعمارة و العيلة اللي علي الجنبين :)

ما تجيبي رضا وتيجي :) واقلبي العيال عند ماما

نظبطلكم خروجة بالمناسبة بالمائية دي :)

همس الاحباب يقول...

كل سنة وانتى طيبة
ومدونتك طيبة
وعقبال 100 سنة
هانت طبعاكلها 25 سنة وتبقى 100
هههههههه
وكل سنة وخالد واخواته بخير وسعادة
تحياتى

همس الاحباب يقول...

بس ان شايف عيد ميلاد ناشف قوى كده ليه
ولا تورته ولا عصير
الواضح انك خلصتى عليهم كلهم
ولا نتوجه الى مدونة المطبخ نشوف حاجة تتاكل كده ولا كده
هههههههههه

nody يقول...

كل سنه وانتى طيبه ياست العظيمه

وعقبال مليون سنه ليكى وللمدونه

رئـــــيسـة حزب الأحلام يقول...

كل سنة وانتى طيبه
والمدونة بخير وابنك بخير
ويارب دايما فى سعادة وفرح
تحياتى

ساره يقول...

كل سنه وانتي طيبه
وان شاء الله تتحقق كل امنياتك واكثر

طيب هو الاحتفال ناشف كذا ليه لا كيكه ولا شكولا ولا عصيرات ... حطيهم صور واحنا راح ناكلهم لا تخافين :)

العمر كله ياقلبي

صبرني يارب يقول...

بندقه
تعيشي يارب ربنا يكرمك ونورتي

صبرني يارب يقول...

اليس

لا يا اختي وديتهم ورجعت نمت ما انتى عارفه

وبعدين تصدقي لسه باقول للبت اختي

يعنى عيد ميلادي اقف فى المطبخ انا الى اعمل التورته برضه ؟؟؟

طب خدو العيال وقوليلى روحي اقعدي لوحدك فوق حتى وانا هاقعد برضه عاااادي وتبقى دي هديتى

ما علينااااااااا ادينا باشد فى شعري تعالى شدي معايا

صبرني يارب يقول...

همس الاحباب

ماهو يا اعمل هنا يا اعمل فى المطبخ
هههههههههههه

خلينا نعمل فى المطبخ الاول

وانت طيب وبخير يارب

صبرني يارب يقول...

نودي

ربنا يكرمك يارب ونورتي

صبرني يارب يقول...

ساره

طيب هاروح بقى المدونه التانيه اعملكم عيد ميلاد هناك وامري لله
هههههههههههههههه
تسلمى يارب ونورتي

صبرني يارب يقول...

رئيسة حزب الاحلام

وانتى طيبه وبخير يا جميل واحلامك كلها وردي يارب

د/عرفه يقول...

كويس ان اول زياره ليا
اقولك كل سنه وانتى طيبه وان شاء الله متكونش الاخيره

صبرني يارب يقول...

د عرفه

وانت طيب وبخير وان شاء الله تنورني دايما

أليس في بلاد العجائب يقول...

انتي شربتي من الدقيق دا انتي كمان :(

امي لسه بتحكي مع مرات اخويا ان الشيف حسن قال ان الدقيق اللي في السوق اليومين دول وحش و بيبوظ الاكل اللي بيتعمل بيه

واياكي تسأليني الشيف حسن مين :)

انتو مش قاعدين في البيت زي بعض دلوقتي .. انا واحدة عاملة معرفش الحاجات دي :)

يلا بألف هنا وشفا .. عقبال كل سنة وانتم طيبين

صبرني يارب يقول...

لا يا اختشي ده مش دقيق

ده خلطه كده الى هى بتبقى جاهزه تحطي عليها البيض بس

وحركات من دي بس طلعت فاااااااشله

الا مين الشيف حسن

انا يا اختي مش متابعه التلفزيون كفايه انتم عليا بس انا استمر على كده

Sweet Violet يقول...

لالالالالا اعتررررررررض

انتى قولتلى بقى ان هاخد تورته بالشكولا

و بعدين بقى تنزلى واحده خلصت اصلا

انا عايزة بتاعتى بقى عاااااااااااااااااااااااااااااااااااااااااااااااااااااااااااا

مش ليا دعوة

عاااااااااااااااااااااااااااااااااااااااااااااااااااااااااااااااااا

^^^^

كل سنة و انتى طيبه ياقمر و شكل التورته مغرى على فكرة و كده ماينفعش نوهائى )):

أليس في بلاد العجائب يقول...

هههههههههه وانتي بتاعت جاهز بردة ؟؟؟؟

هتموتيني !!!!1

اللي بتعمل الجبنة في البيت .. تروح تجيب تورتة بوردة جاهزة !!

علشان تحرمي

ماله الدقيق و الزبدة و السكر و حبة فانيليا .. علشان تتبطري علي القديم تاني P:


الشيف حسن دا يا ستي من مشاهير التليفزيون المصري .. قناة الاسرة والطفل

احمدي ربنا اني مقلتلكيش حاجة من معجزات قناة فتافيت :)

بالف هنا وشفا بردة :)

صبرني يارب يقول...

اليس

وربنا انا رميت الجاهز ده وعملت بيتى

قال جاااااااااهز قال انا بتاعة كده فعلا؟؟؟

والله قلت كده لنفسي

صبرني يارب يقول...

سويت فيوليت

انا باشبه على عااااااااااا دي انتى ضد يا بنتى ولا مين

يلا مش مهم يلا اقفشي من التورته بقى لان لسه بقيتها فى التلاجه

Sweet Violet يقول...

هيييييييييييييييييييه فى لسه تورته هيييييييييييييييييييييييه

ايوة ياجميلة انا ضد بس عامله نيولوك بقى .. ايه رأيك (:

حلو صح عارفه عارفه بلاش بقى تحرجينى ((:

ماحدش يجى جنب التورته بتاعتى بقى انا بقول اهو

بدل ماغرق المدونة دموع هه بس

صبرني يارب يقول...

حلو يا بطله النيو لوك بس ايه اللخبطه دي

بصي اضربي بعينك ورايا

تلاقي طب التورته وطب الباتيه ورضا قاعد بيظبطهم
ههههههههههههههههه

بس لا تكلكي فى لسه برضه فى التلاجه

قوس قزح يقول...

كل سنة وانتى طيبة
و عقبال 10000 سنة و احنا ربنا مصبرناو مصبرك

جميلة التورتة .. هبقى استغلك و اخليكى تعلمينى بتتعمل ازاى

بالف هنا لكى و للولاد

حنون .. يقول...

حبيت اهنيكي بالذكرى الجميلة .. أدام الله قلمك صادحا بالحق ساعيا لرضى الله .. ورزقكِ الله الإخلاص في القول والكلم والعمل .. سعيدة لسعادتك :)

ويارب عقبال ما أكمل انا كمان نص سنة حتى :)

وكل سنة وخالد طيب وامه العسولة طيبة وعقبال 150 سنة

صبرني يارب يقول...

قوس قزح

حياااااتي اعملها واجبهالك لحد عندك والله

بس مش هاجيب الحاجات من عند اشرف

صبرني يارب يقول...

حنون

الله يكرمك يارب ويخليكى

ونورتي وعقبال ما تمي ميت سنه يارب

شمس النهار يقول...

كل سنه وانت طيبه ومدونتك طيبه
معلش جت متأخره بس كان عندي ظروف مش حلوه خالص
وكمان ماما عملت عمليه
ماتزعليش
يعني انت جتلك هديتين واحد فالنتين وواحده عيد ميلاد والا ظروفك ايه
ياصبرني يااختي

صبرني يارب يقول...

شموووووووسه

حياتي ما دام جت منك تبقى حلوه فى اي وقت يا جميل

والف الف حمد الله على سلامة ماما ربنا يطمنك عليها

ويارب تكوني بخير يارب ابقى طمنينى عليكى

وبالنسبه للهدايا ايووووووووان

جالي ورده فى عيد الحب وسشوار فى عيد ميلادي

اي خدمه هههههههههههههههههههه

انت تسال والكمبيوتر يجيب يقول...

عيد ميلاد سعيد
دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

mostafa rayan يقول...

كل سنة وانتي طيبة ويارب دايما في خير
وبالمناسبة العظيمة دي مش هعاتبك على الخيانة العظيمة دي انك تتطبخي الحاجات الجامدة دي وماتدليش رنة ولا حس ولا خبر
يلا حصل خير
وكل سنةوانتي ورغي الست غير المطحونة وحبيبة قلبي من جوةاللي طابخين ايه النهاردة بمليون خير وسلامة

Soul.o0o.Whisper يقول...

هههههههههههههههههههه

كل سنة و أنتى طيبة
و كل سنة و مدونتك بخير



و عقبال مليون سنة ليكو انتو الاتنين

و حاوزة سيكولاته مليس دحوة


هه

بس




:))





دمتى بود

Migo Mishmish يقول...

طيب كويس والله انا حظي حلو وجييت في العيد ميلاد
انا بحب تورته الشكولاته اللي تبقى متغطيه شكولاته ومحشيه شكولاته ومتزينه بالشكولاته
اصل غلاوة الشكولاته عندي من غلاوة ساندو بنوتي
انا رديت على تعليقك عندي على البوست بتاع اللدولة الدينيه. لو يهمك تعرفي وجه نظري اتمني انك تزورينا في البلكونة
كل سنه وانتي بخير وسعاده
Love,
MishMish

صبرني يارب يقول...

أنت تسأل والكمبيوتر يجيب


وانتم طيبين وبخير يارب وان شاء ا لله هاجيلكم

ثاااااانكس

صبرني يارب يقول...

سووول

تسلمى يارب ربنا يخليكى وعنيه ليكى كل الشيكولاته يا قلبي

صبرني يارب يقول...

مصطفى ريان

وانت طيب وبخير يا رب

طيب انا هاعمل جرس للمدونه لما ينزل عليها موضوعات ههههههههههههههههههههههههههه
نورت

صبرني يارب يقول...

مشمش ايه النور ده؟؟؟!!!

انا كمان احترم الشكيولاته اووووووووي


وانا شوفت رد ميجو عليا فى الدوله الدينيه وجيت ناكفت فيكم شويه بعدها باين ههههههههههههههههه

هاروح اشوف اهو اخر الانباء
نورتي

كيــــــــــــارا يقول...

وحشاني والله اوووووووووووي ونفسي اتكلم معاكي

كيــــــــــــارا يقول...

كل سنه وانتي والمدونة بالف خيييييييييييير

ومعانا دايمااااااااااااااا

امممممممممممممموه

عمرو يقول...

كل سنه و أنتى طيبه يا أم خالد و أتمنى ليكى عمر مديد و سعيد اٍن شاء الله
و كل سنه و مدونتك مزهزهه و منوره البلوجر
و على فكره شهر فبراير بيقولوا عليه فعلا شهر العظماء و له عندى معزه خاصه يعنى أنا و البنت الوسطانيه مواليد أول فبراير و الواد الوسطانى 15 فبراير و عيد جواز بنت أختى 14 فبراير و يوم السعد عندى 30 فبراير :)
ربنا يديم عليكى السرور بس ما تبقيش تجبيها تانى فى الدقيق علشان اٍحنا فاهمين الحركات دى كويس !!

صبرني يارب يقول...

البت كيارا دي بكااااااااااشه

بتغيب بتغيب وتيجى تبوس بقى

وانتى كمان يا بت وحشاااااااااني

هاتي بوسه امووووووووه

صبرني يارب يقول...

استاذ عمرو

الله يخليك يارب

شوفتوا يا جودعان مش انا قلتلكم شهر العظماء ههههههههههههههههههه


بس والله يااستاذنا الخلطه بتاعة الكيكه دي الى طلعت وحشه طب انا فى ساعتها قمت عملت كيكه وربنا غيرها وطلعت تحفففففففه بس بيتى صنع اديا مش خلطات وبتنجان ههههههههههههههههههههههههههههههههههه

يــوم جــديد يقول...

كل سنة وانتي طيبة ومدونتك طيبة وبخير ولينكها شغال :)
أنا كمان مدونتي مولودة في شهر فبراير
تفتكري هاتبقى عظيمة ؟؟

Unknown يقول...

انا من مواليد فبراير 16\2\1994

Unknown يقول...

انا من مواليد 16\2 برده :)