الجمعة، 24 أبريل 2009

اتجوز تاني وما تصدعناش ... تاني




سلام عليكم


النهارده يا اصدقائي الاعزاء انا جبتلكم موضوع من ارشيف المدونه يعنى انا سبق ونشرته قبل كده من سنه واكتر لكن الباحث عن الحقيقه كان طلب مني من فتره موضوع عن التعدد لكن على الرؤيه الاسلاميه


وانا فعلا اوشكت على الانتهاء منه


بس قلت نتناقش شويه هنا ونرغي عن الموضوع ده ونقطع فى شعور بعض عشان لما نروح الرؤيه بقى نبقى خلصنا خناق


وارجوكم اي حد عنده نقطه متعلقه بالاحكام الشرعيه معلش يأجلها يومين ثلاثه على ما انزل الموضوع فى الرؤيه ونبقى نتكلم فيه هناك


عشان ما نقعدش نعيد ونزي فى الكلام .




يلا الى الرغي القديم يا اخواني


****************************************************************************************************






أنا جيت اخيراااااااااا . طبعا فكرتوني مت او تهت وانا جايه او دخان الطبيخ كتر عليا ؟؟؟




لا الحمد لله انا لسه متواجده بس كان عندي شويه حاجات كده باخلصها على السريع.




هاتتعودوا على اختفاءاتي كتير ده عادي.




بالاضافه الى التواجد المستمر لاولادي الهاديين جدا فى البيت يومي الجمعه والسبت بيبقى جو ملائم اوي للتركيز.




لحد دلوقتي مش عارفه لسه أنا هاتكلم عن ايه ؟؟؟؟!!!




شويه كده يمكن الهام تاهت وهي جايه .......!!!!!


اخيرا جاتلي فكره بس مش من الهام دى من الذاكره لانى كنت ا تكلمت عنها قبل كده فى منتدى مش فاكره ايه ولا فاكره قلت ايه لكن تعالوا نرغي حولها .




شوفوا هو الموضوع متعلق بالزواج التاني لكن بقى مش بموقفي تجاهه ولا بتفحيصه وتمحيصه وموقف الدين منه والكلام الذي قتل بحثا ده .




لا انا بقى عندي نقطه معينه ومحدده عايزه اتكلم فيها :




ليه الرجل مهما كانت ظروفه وافكاره ومشاكله بيداعب خياله دايما الزواج التاني ؟؟؟!!!!


مش فاهمين قصدي صح ؟؟؟


طيب نرغي الاول ،


دلوقتي انا باسمع كلام بابقى مش عارفه اضحك عليه ولا احدف الىبيقوله باي آله حاده؟؟؟


زي ايه ؟؟؟


والله انا بافكر اتجوز تاني ...... طب ماتجوز .




اصل بصراحه: (بداية الحجج بقى وتبرير المواقف مع انه مش مطلوب منه اي تبرير)




عد بقى الاسباب الجوهريه:::




اصل التعدد هو اصل الزواج لان الايه بدأت بكلمة مثنى (هايطلع على التاني على طول ) .




الى بعده : اصل التعدد سنه عن الرسول عليه الصلاة والسلام(خلص كل السنن ووقفت على دي واصلا مش صحيح لان الرسول قال خذوا عني امور دينكم )




. الثالث : اصل الستات عددهم بقى اكتر من الرجال ودى من علامات الساعه لازم بقى نعدد عشان نحل مشكلة العنوسه .


(اذ فجأة كده بقى قلبه على المجتمع وهايضحي عشانه وخلص كل الواجبات فاضل حاجه واحده)




وطبعا مش محتاجه اقول ان الكلام ده تعبان ومافيش خلل لسه فى النسب بين عدد الرجال والنساء فى مصر والعالم العربي بالذااااات وزي ما في نساء معنسين في رجال معنسين يبقى مش الحل هو التعدد. اوت دي كمان .




الرابع:


وده بقى مواله كبييييير لانه هايقولك كلام يقطع القلب:




انا مش مرتاح فى حياتي ، زوجتى العزيزه غرقت فى الحلل والاولاد ( تفتكروا مين غرقها اصلا)




وتركتنى حقى اتزوج بواحده تعوضنى افتقاد الحب.


(طب لما التانيه تغرق فى الحلل برضه هاتعمل ايه ؟؟؟




او يقول انا مراتي ما بقتش زي اول ما اتجوزنا اتغيرت بقت عامله زي طبق الملوخيه البايته الى ملحها قليل ؟؟؟!!




طب حضرتك مش ملاحظ انك زي طب الكشري البايت الى من غير دقه ؟؟؟




طب ولما تبات الملوخيه الجديده هاتعمل فيها ايه ؟؟؟!!




ايه رايكم ؟؟!!




اظن بعد ما يقنع نفسه ومن حوله بالكلام الجميل المسبك ده يبقى هو كده بريء وماحدش يلوم عليه والاهم هو نفسه ما يلومش نفسه لاي سبب من الاسباب .




مع ان ما حدش طلب منه ده ما الى عايز يتجوز يروووووووح يتجوز( الجدع فيكم يورينا نفسه)




هو لّّك فى الكلام وبس .




انت مش مطلوب منك تبرير عايز تتجوز روح اتجوز ماتصدعناش .


طبعا انا عارفه كويس ان الشرع اباح التعدد .


لكن انتم معايا فى كلمة اباح ؟؟؟ أه معايا طبعا مش بمزاجكم




أباح التعدد يعنى سمح بالتعدد ولكن لم يفرضه ولا بتاع.




والى بيتكموا اساسا فى النقطه دي من ناحية الشرع هم ابعد ما يكون عن تطبيق الشرع فيه او فى غيره بس اهى تمثليات على نفسهم وعلى الخلق .




وزي ما اعطى الاسلام الحق للزوج انه يعدد الزوجات




فكمان اعطى حق للزوجه انها ترفض الاستمرار معاه حتى بدون ابداء اسباب.




ومش حرام ولا حاجه عليها عادي جدا .




وطبعا مافيش اي مبرر من الى فاتوا يقول انه يتجوز فى السر من غير علم زوجته الاولى حتى لو برر لنفسه انه كده احسن لها هي ( انا مش عشااااااااني عشاني هو) عشان ما يجرحهاش (الواد حساس وعاطفي الاخر).




المهم دول بقى الناس الى لقت حجه نشوف التانين بقى دول يا عينى غلابه حالتهم تقطع القلب لانهم عارفين ان التعدد مش سنه ومش هايحل مشكلة العنوسه (متفتحين وفكرهم عالي )


وزوجاتهم ستات زي الفل وهما بيحبوهم جدا وكل شيء ميت فل واربعتاشر .




طب ايه ؟؟؟ فين المشكله ؟؟؟!!!


المشكله انهم رغم كل شيء فى داخلهم ولو فى مكان بعيد كده هايموتوا ويتجوزوا تاني ؟؟!!!!


ليه الله اعلم !!!!


حاولت اعرف على فكره بس ما قدرتش اليكم ما دار بينى وبين نفسي ::..




قلت يمكن لما يتجوز اثنين يمشي الرجل نافش ريشه ويثبت للناس كلها انه راجل ونص ؟؟!!!احتماااااال !!!..




او يمكن عشان يحس انه متفوق على غيره وخصوصا المرأه بانه متجوز اثنين وهى لا ؟؟ يممممممكن برضه ...




ويمكن برضه من باب استخدام الرخص والحقوق والاستفاده منها ؟؟




يعنى زي كده الى يلاقي علبة تونه وعليها عرض خاص اثنين بسعر واحده يشتريها وهو ما بياكلش التونه اصلا ؟؟؟ الله اعللللم !!!




المهم انى ما عرفتش اجاوب فى الاخر على السؤال وقلت اكيد هذه الاجابه تكمن فى بير مالوش قرار فى نفس الرجل (مسيرنا نوصله برضه ما وراناش الا هما).




بس اظاهر ان مش بس حلم الجعان عيش .....




لا ده حلم الشبعان برضه عيش




( هششششش شكلها من الاخر طفاسه وبس )




ما تقولوش قدامهم يا بنات والى لقاء اخر ان شاء الله




(بنات اسألوا عليا الا يموتوني الطفسين )
بالمناسبه انا اطول من كده بكتير وما عنديش عبايه بنى ورضا مش بشنب وماعندوش بدله زرقا ولا عنده شعر
هههههههههههههههههههههههههههههههههه

هناك 94 تعليقًا:

فشكووول يقول...

يا صاحبة الرغى
تحياتى
من الاول والآخر هى طفاسه وخلاص
بس نشوف الوجه الآخر للعمله
الراجل اللى بيتجوز على مراته ده بيتجوز امرأه .. يعنى المرأه مشتركه فى الجرم
طب ليه مش بتعيبوا على المرأه دى
الجواز بين رجل وامرأه
يعنى الراجل حب يتجوز تانى
مين بقى الطرف الاخر ... امرأه طبعا
يبقى لازم نعيب على المرأه اللى وافقت
ومش نعيب على الراجل بس
الراجل والمرأه مشتركين فى هذا الموضوع
ما هو لو ما فيش امرأه وافقت انها تكون الزوجه التانيه او التالته يبقى ما فيش مشكله .. لكن فى موافقة المرأه .. تكون هى المشكله
مش كدا ولا ايه؟
لكن زى ما قلت هى فى الاول والاخر طفاسه وفراغة عين وخلاص
تحياتى

صبرني يارب يقول...

فشكووول

استاذنا الغالي

انا والله ما لمتش ولا حاجه

انا معترضه على التساويف والتبريرات العجيبه دي


وبعدين ان كنا بنتكلم على طفاسه

فحضرتك مين الى يبقى طفس هنا
الى عايز يتجوز اثنين
ولا الى رضيت بنص زوج

انا لا بالوم على الي يتجوز اثنين ولا لابالوم على الي تقبل تكون زوجه تانيه

انما بالوم على التبريرات الخايفه الى بيقولوها

بالوم على الي يتجوز من ورا مراته

بالوم على تتجوز واحد وهى عارفه انه راجل طفس وبيتسلى او بيواجه ازمة منتصف العمر ليس الا

وبرضه فى النهايه كل واحد حر

واهي طفاسه برضه
ههههههههههههههههههه

نورتنا والله

فشكووول يقول...

كمان تعليق بقى عشان انا طلعت التعليق الاول:
فى الحقيقه فيه فعلا سيدات بتكون نكديات والراجل بيبقى معاه عيال ومش عايز يعمل فركشه عشان العيال
يقوم يعمل اييييييه؟ ... يتجوز تانى
وفيه الاسباب اللى انت قلتيها كلها .. طبعا الاسباب متعدده ... وربنا عشان كدا حلل التعدد..
لكن لو الراجل صبر واحتسب يبقى اجره على الله ويبقى احسن طبعا
طبعا انا زى كل الرجال عايز امشى منفوخ ونافش ريشى اونطه .. وساعة الجد تلاقينى عايز اجرى واتحجج وتلاقى العروسه الجديده عايزه ترقع بالصوت وتقول تعالوا يا عالم شوفوا الخيبه اللى انا فيها الراجل طلع اونطه وزى الخشب المسوس ... ما عندكيش عروسه بقى وليكى الاجر والثواب من عند الله.
تحياتى

فشكووول يقول...

يا صبرنى .. الراجل بيواجه ازمة منتصف العمر .. وعايز يتجوز
طب اللى بيواجه ازمة اخر العمر وعايز يتجوز تانى زى عمك فشكول وطنطك ام اسامه جابت فى عفشها قبقاب خشب وكل يوم لحد عمك فشكول ما راسه فضيت خالص وبقت بور ما فيهاش ولا شجره واحده ولا حتى نبتة عليق ولا حاجه خالص .. طب عمك فشكول يعمل ايه .. مش المفروض بقى انه يتجوز وكفايه 29 سنه قبقاب خشب لحد راسى ما بقت توووون ... سكى على الخبر ما جور بقى عشان طنطك ام اسامه عماله تكركب فى المطبخ وحامشى بسرعه قبل ما تيجى تقرأ الكلام ده والقبقاب يشتغل
برضه تحياتى

reem يقول...

صباح الخير يا احلى صبرنى يارب

حلو اوي موضوعك دا

انا فعلا نفسي اعرف ايه سر الشوق الفظيع دا عند الرجال للزواج التانى
يمكن اغلبهم مش بيصرح بكدا بس انا متأكده انهم كلهم او اغلبهم مش يمانعو في دا لو اصبح متاح لهم

اللى عجبنى اوي في كلامك الجزء دا :


(وزي ما اعطى الاسلام الحق للزوج انه يعدد الزوجات

فكمان اعطى حق للزوجه انها ترفض الاستمرار معاه حتى بدون ابداء اسباب.)

وهو دا اللى قلته فعلا في يوم لرجل كان هايتجوز على مراته من غير ما تعرف قلتله ليه خايف طالما مقتنع ان دا مش حرام وانك مش غلط قولها وهى حرة تستمر وتقبل او ترفض تعيش معاك بعد كدا ودا ابسط حقوقها

مش عارفه ليه الرجالة بيشوفو حقهم ومش بيشوفو حق المرأة يعنى حقك تتجوز ومش من حقها تعرف ؟

طيب فين الحلال في كدا ؟ ولا الاسلام قالك اكذب واخدع وخبي جوازك ؟

والرسول عليه الصلاة والسلام كان بيتزوج بعلم زوجاته

وبعدين من الاخر كدا يا صبرنى ما عندناش رجالة تتجوز تانى هى سا يبه ولا ايه ؟

يحلمو براحتهم لكن ينسو انهم يحققو الحلم
ولا ايه رأيك ؟

صبرني يارب يقول...

عمنا

ههههههههههههههههههههههههههههه

بالظبط بابا عمل زيك كده من شويه

قلتله يا بابا مبروك قماش الانتريه الجديد

قالي طب اوعى اما اروح اجيب سمك احسن
ههههههههههههههههههههه

وساب ماما تكركب فى المطبخ ونزل

برضه انا مش ضد الجواز التاني لكن مش زي ما بيحصل الايام دي والهبل الى حاصل ده

وممكن بس تبقى تعرفني على طنط عشان اسألها جابت القبقاب ده منين
ههههههههههههههههههههههههه

صبرني يارب يقول...

ريم

لا لا ولا يحلموا كمان

علمك علمك

بحاسبه على الاحلام وحياتك
هههههههههههههههههههه


يا بنتى لازم تكوني زوجه مفتريه هههههههههههههههههههههه


والله انا عايزه اقولهالك بعباره اخرى

رااااااجل وعامل نفسك فله ورايح تتجوز اثنين
طيب خليك راااااااجل وقول لمراتك وللمجتمع كله انا هاتجوز

مش تستخبى وتتجوز

الرجوله ادب مش هز اكتاف
على راي الرفيق اللمبي

نورتي يا ريم

حواء يقول...

ايه يابنتي الاغنيه اللي مشغالها ديه
ههههههههههههههههههههههه
تحفه جبتيها منين



أنا هتكلم عن تجربه شخصيه
وانتي عارفه طبعا
أبو فاطمه من اول يوم خطوبه وهو قالي انه هيعدد
يعني ولا كان شاف حلو ولا شاف وحش
ولما سئلته قالي العنوسه وده طبعا كلام غير صحيح بالمره
لان من يومين الناس اللي قالت العنوسه في مصر 9 مليون
وقالوا ان في ناس بتستغل الموضوع ده للزواج بأخري
فده غلط
العنوسه مقسمه شباب 6 مليون
والفتيات 3 مليون
يعني الشباب ضعف الفتيات
يعني المشكله ان محدش لاقي يتجوز ولا عارف يتجوز
يبقي الحل اننا نساعدهم ولا نقلل وجود البنات اكتر بحجة العنوسه
وانا سبق وقولت لابو فاطمه الكلام ده
قولتله لو انت بدور تعف بنت
طب ما ايه رايك تعف اتنين بدل واحد
قالي ايه اتجوز اتنين
قولتله لا تجوز اتنين
تساعد واحده في عفش وتساعد واحد في شقه صغيره
وتبقي كده كسبت اكتر
قالي طب وليه مدام معايا ماللي عايز يتجوز يروح يشتغل ويتجوز هو
اتعب انا واجوز غيري ليه ؟
متجوز انا
وطبعا ردي ساعتها متوقع





وبعد مشاف الحلو والوحش معايا
قال ايه ( وده اخر كلامه )
قال انا بحبك أوي أوي اوي وعايز ابعد عنك بعد يشوق وفي نفس الوقت مقربش منك قرب يملل


طبعا انا كل يوم بكتشف كلام وحوار جديد وحجج بقي علشان اوافق

مع انه زي مانا رجعت في كلامي هو كمان رجع في كلامه وقال مش عايز اتجوز هو اللي يتجوز مره يعملها تاني
وده علشان كنت مطينه عشته
لكن بعد موريته العسل وبقي باشا معايا ( وطبعا دلوقتي هو بينكر ) فكر تاني

وده طبعا غلطتي من الاول اني مرمتش الدبله في وشه من اول يوم فتح معايا الموضوع ده
لكن كله نصيب


ليه بقي واحد زي ابو بنتي بيفكر يتجوز تاني
وده تفسيري لشخص عرفته وعاشرته ( والله اعلم )
شخص بيحلم ازي يكون سي السيد
بيحلم يكون هارون الرشيدي وحوليه الجواري
بيحلم بالستات تموت نفسها عليه وخصوصا لما يكون في الحلال
عايز يكون محل اهتمام من اللي حواليه في كل نفس يتنفسوه
يعني زي الممثل اللي عايز يمثل بس علشان يمشي في الشارع الناس تشاور عليه
هو عايز يكون كده بين الستات


ويحس بقي بشغل الضراير




بس برده في رجاله تتمني تبقي خدامه تحت رجليهم مش يتجوزوا عليكي

والله والله والله
أنا لو اخويا يجوزلي كنت عملت زي الست اللي راحت وهبت نفسها للرسول
ربنا ييسرله حاله


ظروفه صعبه مع زوجته ولكن ظروف مرض ( ربنا يشفيها ويعافيها يارب )
واحد زيه انا اعيش خدامه تحت كعوب رجليه لانه مؤدب ومحترم
مع ان ظروفه الماديه صعبه جدا
ولكن عمر الراجل ميتقاس بفلوسه ممتلكاته
بتقاس باحترامه وتحمله المسؤليه وأدبه واخلاقه

ادعوله ربنا يهديها ويشفيها ويعافيها
ويوسع عليه يارب


معرفش كل مدخل هنا اقعد ارغي زي مكون اتعديت منك
تحياتي

MǿиY El-Shreef يقول...

السلام عليكم

صبااااح الخير

ازيك يا ابلتشي

بصي ياجميل انتي جيتي ع الحاجه الي بتفقع مرارتي ف المدرسه ف حصه الفقه بالذات

دروووووووس تعدد الزوجاتوالزواج والحجات دي

بجدانا ببقى عامله زي المنافقين اعدد الفوائد العظيييييييمه منه وانا جوايا بقول والله لو يموت قدامي مايتجوز عليا

خليني اقولك شويه فوايد درسناها

اولا ياستي حفاظا ع المرأه لو كانت مش بتخلف ولا بتاع بدل مايطلقها يورميها لا يتجوز عليها

ثانيا بقى لان اعداد النساء اكتر من اعداد الرجاله فاحنا كده بنراعي مشاعر اختنا العانس :D

ثالثا ان الرجال اكثر عرضة للموت ف ال "جهاد" والشغل وال"مناجم" فهما بردوا اعدادهم بتقل بالنسبه لنسبه الستات

رابعا بقى حمايه المجتمع من جريمه الزنا فالراجل بدل مايتخذ عشيقه لا يروح يتجوز

وحجات كده مش فكراها عشان من الترم الاول

ولما جبت من الاخر وسألت ابله نورة .. انتي ترضي ان جوزك يتجوز عليكي عشان خاطر مشاعر اخواتك العوانس قالتلي هذا منهج وانا ادرسكم ومالي شغل فيه :D

ف رأيي بقى الراجل لما بيتجوز بيبقى عامل زي الي بيشتري بُرعم او ورده لسه مفتحه

لو سيادته اهتم بيها وسقاها عمرها ماهتبقىطبق مولخيه بايت ناقص ملح

والورد لازم يدبل بيقاوم للاخر ويدبل

انما لو هو اهتم بيها وسقاها مش هتبقى مجرد ورده جميله بس لا ده شذاها هيملى اركان البيت وهيخليه مستحيل يفكر يرتبط بغيرها اصلا

وفي رجاله طفسه الستات عندهم متعه وبس

لما سيادته مش بيلاقي الي عايزه عند مراته يقوم يتجوز مُزة ع رأي ستيته دبلون تجاره

وده بردوا الي بيخليه يحصل اهماله ليها

يعني انا القي باللوم ع الرجال ويانساء العالم اتحدوا وطالبوا بحقوقكن

بس خلصت :)

صبرني يارب يقول...

حواء

طبعا يا بالنسبه لموضوع ابو فاطمه ما انتى عارفه رايي فى القصه كله مش هانقول ونعيد

وبالنسبه بقى لموضوع اخوكي

عادي كل واحده بتبقى شايفه اخوها كحكه بسكر وحاجه زي الفل

مع انك اكيد لو مكان مراته مش هاتقولي كده

عاملتي زي واحده كانت بتقول ايه ده هو اخويا بيعرف يشخط ويزعق ؟؟؟

قلتلها هو فى راجل ما بيشخطش ويزعق هما بيتشطروا غير على الحريم ولمؤاخذه يعنى ؟؟



وبعدين انتى طول عمرك رغايه بقى ما تلزقهاش فيا

يلا خدولكم نص ساعه قبل ما الرجاله يرجعوا يا اختي من الصلاه


قومي ذاكري بقى

صبرني يارب يقول...

موني الشريف

ايوه حافظه البؤين الى قولتيهم دول

بس الى ناقطني انهم قاعدين يا اختي ملقحين
لا مؤاخذه يعنى

لا بيجاهدوا ولا بقى عندنا مناجم اساسا


ولا هما اقل من الستات اهم زي الهم على القلب


وما قلناش ما حدي يعدد

يعددوا ولا يتعملوا واحنا نبقى نعدد عليهم نص ساعه ونشوف غيرهم مش مهم

بس مش يكذبوا بقى على نفسهم ويعملوا نفسهم شهدا وفداءا للمجتمع مش هانستهبل

نورتي يا قمر

mahasen saber يقول...

صبرنى وحشتينى وحشتينى وحشتينى قوى قوى قوى

ده اولا
ثانيا بئه الجواز التانى اعتقد انه فى الغالب الرجل بيلجأ للجواز التانى كده طفاسة فى الجنس الاخر ونادر لما تلاقى راجل بيتجوز جواز تانى لعلل واسباب فى حياته الزوجيه مثلا
بس دايما فيه رجاله بتحب تستسهل فى حياتها يعنى لو فيه مشاكل زوجيه يجرى يخلص نفسه ويتجوز بدل ما يعالجها ويرمم ويصلح بيته

أحمد عمر يقول...

السلام عليكم و رحمة الله و بركاته


اعتقد ان مسأله الزواج الثانى من حيث الشرع فدا يحسمه العلماء المتخصصين و اللى اجمعوا - بحسب رأيي المتواضع - ع جواز الامر حتى دون اى ذكر لمبرر ..

و ف الحقيقه اكثر ما يألمنى ان يعتقد البعض منا ان الزواج هو ملكيه خاصه لاحد طرفيه ف حين انه عقد شراكه بين اثنين ارتضيا دينهما و كان القبول شرط من شروط صحه العقد ..

اذا اين المشكله؟!!

ان اراد الرجل الزواج بأخرى فله ذلك و للمرأه ان وجدت نفسها متضرره ان تطلب الترسيح باحسان ..

من غير الجيد ان اسمع من إمرأه انها ترفض الزواج التعدد في حين ان احله الله و ان اتخذت اشكال الرفض امور واساليب عدة ففى الاخير لو عقلت لشعرت بان هناك اخرون يشاركونها هذه الحياه ...


اشكرك كثيرا و لعل هذه اول زياره لى و لن تكون الاخيره ان شاء الله


بوركت و بارك الله محياك

صبرني يارب يقول...

محاااااااااسن


والله العظيم انتى كمان وحشاني
ولسه الصبح كنت باقول ماشوفتش محاسن من زمان
هابقى اروح اشوفها فين


واه هما بيستسهلوا او قولي مابيصدقوا يلاقوا مبرر لتبرير طفاستهم يا اختي والله

صبرني يارب يقول...

أحمد عمر


اولا نورتنا ويسعدنى اوي والله انك تكرر الزياره

هو مين قال انه مش مباح بدون مبررات ؟؟

بالعكس
انا باقول بطلوا تقولوا حجج خايبه الى عايز يتجوز يتجوز وبلاش صداع



ثانيا
الزواج مش عقد ملكيه لاي من الطرفين
طبعاااااااا اتفق معاك كليا فى ده


ثالثا

يعنى ايه يا فندم ده ؟؟

من غير الجيد ان اسمع من إمرأه انها ترفض الزواج التعدد في حين ان احله الله و ان اتخذت اشكال الرفض امور واساليب عدة ففى الاخير لو عقلت لشعرت بان هناك اخرون يشاركونها هذه الحياه ...


ما فهمتهاش بصراحه

يعنى ايه ترفض التعدد ؟؟

ترفضه ازاي كوجهة نظر يعنى عامه

ولا بشكل خاص لو جه جوزها يتجوز عليها تقوم ترفض الوضع ؟؟

ويعنى ايه اخرين يشاركونها الحياه ؟؟؟

معلش قبل ما اقعد ارغي كتير فى الموضوع يا ريت تتكرم وتفهمني اكتر حضرتك قصدك ايه من المقطع ده

تحياتي لك ونورت

حنعيش يعنى حنعيش يقول...

اللى بيقول مابيعملش واللى بيعمل مابيقولش ...والله ماهو متجوز ولا منيل ..كل الحكاية انة مش عارف اومش قادر يقول لمراتة اللى مش عاجبة فيها ...با اما موضع السن وانة كبر وعجز عاملة ازمة وعايز يشوف انة لسة مرغوب فية
اقولكوا على سر انتوا عارفينوة بس دايما بتنسوة ...الرجالة اطفال باجسام كبيرة ...والحل السحرى ...انك اول ما يقول انا عايز اتجوز ...اظهرى لة اد اية انتى اتخضيتى ...وانك ماتقدريش تعيشى من غيرة ...وانك حتموتى لو حب عمرك ضاع منك ...وشفى التيجة ...والله كل الحكاية انة عايز يشوف لهفتك علية ....ادى هالة ياستى ...ياساتر عليكوا ..واتطمنى خالص طول ماهوا بيقول انة حيتجوز ....مش حيعملها ابدا ....كبروا مخكوا بقى

صبرني يارب يقول...

حنعيش يعنى حنعيش

يا لهوووي ايه النور ده

كده مره واحده

هو الواحد لازم يتك على التعدد عشان الناس كلها تظهر ولا ايه
هههههههههههههههههه

ايوه انا لما جوزي بيقولي هاتجوز

اقوله ابوووووك الله يرحمه ياما قالي شوفيلي عروسه

جدك الله يرحمه كان بيموت واخته قالتله مش عايز حاجه يا اخويا قالها هاتيلى عروسه
ههههههههههههههههههه

عاااااادي قول يا معلم

يقولي مااااااااااشي انا هاكسر القاعده

انا باقوله عايز تتجوز اتجوز يا ضنايا مش هامنعك
بس لا تلمن الا نفسك

مش هاقولك بقى انا قلتله هاعمل فيه ايه لو اتجوز
ههههههههههههههههههههههههههه


بس صدقنى الموضوع مالوش دعوه بالقواله

الحكايه انه فعلا حلم فى مخكوا اعترف بقى ما تتعبناش ولا لازم الكرسي الكهربائي

ههههههههههههههههههههه

نورت وسعيده بزيارتك فعلا

ستيته حسب الله الحمش يقول...

مرة زميلنا وصديقنا اللدود توفيق كان واقف معايا انا وزوزو ولولو وحنونة وبناقش موضوع التعدد
ورغم انه لا ها يعدد ولا ينيل بس سئل لولو سؤال

الا يالولو "وانتي بت حقانية ومش بتاعة شعارات" لو الشرع حلل لك تتجوزي اربع رجالة تعملي ايه؟

قفلت لولو عين وفتحت التانية وبقى شكلها شكل توفيق الدقن بالحتة وقالت أتجوووووووووووووز اربعه أماااااااااااااااااال

يا سمعهههههههههههههه "ده جوزها وتوفيق بيصيح علشان يجي يسمع المودام بتقول ايه"

فيه شيء مباح وفيه تركيبة فسيولوجية ربنا خلاها بتعلى هرمونتها لو أي فستان عدى "إن شا الله يكون فستات طنط بايرة" وفيه فلوس كتير "مش عند المصريين طبعا"
خلاص قوضيت حطي التلاتة على بعض وخلصينا


الشيء النفسي المستخبي في معاميكهم هو التلات حاجات دي
بدل ما اجيب مزة واحده خلوهم أربعة يا ولااااااااااااااااااد

واللي خدته القارعة وهو عنده 30 سنة تبقى تاخده ام شعر عند ابو 50 هع هع هع

عاشقه الرومانسيه يقول...

كده نبقى خالصين ياقمر
نزلت بوست من وراكى وانتى كمان عملتيها اهو

عارفه بقى
لو رضا اتجوز عليكى يبقى من حقه
كفايه عليه كده ياكبدى
اتحملك كتييييييييير
قوليله هاجيب له عروسه
(وش بيطلع لسانه)

رئـيس التحـرير يقول...

السلام عليكم
ازي حضرتك
يشرفني جدا دعوتك للمشاركة معانا في مجلة رؤية مصرية
افتتاح الموقع الرسمي بعد شهر من إصدار المجلة على بلوجر الليلة بعد منتصف الليل ممكن تزوري المدونة الي عليها المجلة القديمة وهتلاقي اللينك الجديد وبإذن الله تعجبك وتشاركي معانا
أنا منتظرك بجد ويارب تردي عليا
ده اللينك القديم الي هتلاقي عليه اللينك الجديد بس بالليل يعني عشان تفضا مفاجأة
http://roayahmg.blogspot.com/
مودتي

صبرني يارب يقول...

سوتيته

اوك ماشي انا قلت غير كده

بس برررررررررررضه ده ما يمنعش انها طفاسه

وبعدين مين الهبله الى متجوزه دي وبتقول لو كان ينفع اتجوز اربعه

بالذمه احنا ناقصين يا اختي وجع قلب
هههههههههههههههههههههههه

نورتي يا جميل

صبرني يارب يقول...

رئيس التحرير


ده والله الى يشرفني وجودك ودعوتك ومشاركتي معاكم

انا زورتكم قبل كده والله بس انا عارفه انى مقصره

جايه حالا وبالليل كمان


تحياتي لك ومتشكره اوي اوي

صبرني يارب يقول...

عاشقة الرومانسيه


طيب انا لقيت حد يستحملني

يارب نلاقيلك حد يستحملك بقى ونخلص مننننننننننننننك

هههههههههههههههههههههههههه

نورتي يا بطه

همس يقول...

ااييييييييييييييييييييييييييييه

دونيااااااااااااااااا


طب ايه رايك انا موافقه على التعدد


بص يا بطه

اولا هرتاح من قرف طلباته

يعنى بدل ما اغسلو واطبخلو ويخنق اهلى

بطلباته الرخمه طول الاسبوع مثلا

هعملو دا يومين تلاته فى الاسبوع

والايام الباقيه اروش نفسى فيها

بدل كتمة النفس دى

ليا قرايب اودهم اصحاب نتهوى مع بعض

ونقعد نرغى

ملاهى اتمرجح فيها

كدا يعنى

بينى وبينك الملل وحش ياختى


ثانيا

تخيلى لما تبقى واحده مش قادر عليها

شوفى لما اتنين يتلمو عليه

هيطلعو روحه ويموت محروق ان شاء الله

وعددهم فعلا فى انقراض

وبكدا نثبتلهم فعلا ذكائهم الخارق ان عدد الذكور اكتر من البنات وبيجوزو تانى بابا شفقه او فك ازمة



وبعدين اى واحده رافضه التعدد

فى كذا طريقه تتخلص منه ومن جثته

عباره عن قضاء وقدر

وبكدا تتخلص منه وتروح تتجوز غيره


مش قلتلك الملل وحش

اوووووووووووووووووف عليهم


يلا هسيبك باه


صحيح مش عايزة تتمرجحى

Anonymous يقول...

سلام عليكم
مش حسد ولا حاجه انا بكتب وايدى على المكتب الخشب والله يالله قوليلى وبصراحه بتقدرى تناقشى الاستاذ / رضا فى اى موضوع زى كده ؟ وبجد عنده طولة بال يسمع للاخر ؟ مش قصدى حاجه والله انا يمكن اول مره تشرفت بانى اعلق على بوست عندك قلتلك مكانك الصحافه مش هنا ... المهم انا عاوز منك حاجه تحمدى ربنا على الراجل الشهم جوزك بجد والله .... تعرفى وبدون مبالفه فيه رجاله كتير عندنا فى الصعيد عادى بيقولوا لمراتهم هتجوز تانى من غير خوف ولا قلق وخاصه لما يكونوا كل ابناءه بنات ( مع تحفظى ان الراجل هو السبب فى الموضوع ده مش الست ) لكن بيعملوها والله يا بنتى واللى عنده شوية دم بيتجوز من غير مراته ماتعرف ويبقى عنده اولاد كمان وما حدش بيعرف غير لما بيموت وتيجى مراته الجنازه ماتستغربيش والله حضرت اكتر من حاله زى كده .
لكن فى النهايه بقولك تفتكرى من السهل ان الراتجل تهون عليه العشره والموده الطيبه عشان يروح يتجوز تانى انا شخصيا اعتقد انه شبه مستحيل لكن يا بنتى هتقولى ايه على الجهل حتى لو كان استاذ جامعى وفى كلية الطب كمان وحياتك عملها وقال لمراته استاذة الصيدله قبلها انا هتجوز بكره قالتله براحتك تانى يوم اتجوز الممرضه اللى عنده فى العياده ومشيت الدنيا ومشى الحال وتساوت استاذة الصيدله مع الممرضه رغم فارق حتى الجمال كان فى صالح استاذة الصيدله مش عارف ااقولك ايه ولا ايه حكايات كتير انتى بتشوفى النادر منها لكن عندنا كتير وعادى .
مقصر معاكى او بمعنى اصح مقصر مع نفسى فى قراءة كتاباتك الجميله لانى دايما قاعد بدور على اتنين غالين عندى وبرضه بتتطلع عندى علشان اعرف اخبارهم .
عمك مدحت

Ahmed يقول...

هوا ده ينفع أصلا
ستات زمان غير ستات دلوقتي
الراجل بيزور المأذون مره واحده بس في حياته ويقعد بيقية عمره ندمان على الزياره ديه
هههههه

لا لا نتكلم بجد شويه
مادام قررتي أنك تجنبي الشرع وتخدي أراء شخصيه يبقى نتكلم براحتنا
لو الموضوع بدأ بالتبرير أو كان في السر أو أي شكل مغلوط يبأه أصلا ده مش جواز
ده شئ غلط بيحاول يداريه وخلاص

وبعدين في الزمن اللي احنا عايشين فيه ده بجد واحده كفايه
الواحد بيحس معاها بالأمان والدفئ

انا مش بقول الكلام ده عشان أنا بعلق عندك
بس فعلا احنا لما بنتكلم في الموضوع جه انا وأصدقائي بنقول نفس الكلام

النهارده الراجل بيدور على راحة البال مش القلق

مصري جدا يقول...

اولا مش بحب الاكل البايت فمش قاري
ثانيا مش هصدعكوا وهتجوز
وكما قال الشاعر
وداوني بالتي كانت هي الداء

أحمد عمر يقول...

بسيييييطه :

انا استوقفتنى بعض العبارات


زى ::

خلص كل السنن ووقفت على دي واصلا مش صحيح لان الرسول قال خذوا عني امور دينكم )

______
وطبعا مش محتاجه اقول ان الكلام ده تعبان ومافيش خلل لسه فى النسب بين عدد الرجال والنساء فى مصر والعالم العربي بالذااااات وزي ما في نساء معنسين في رجال معنسين يبقى مش الحل هو التعدد. اوت دي كمان .

جبيلى دراسه واحده فقط تأكد دا :)

و انا مش هجبلك دراسه تثبته ان ف خلل لكن هنصحك تنزلى كده و تبصى ف الشارع بصه عابره و انت هتتأكدى ان 2/1 و 3/1 و 4/1 دى نسب عاديه جداا جداا جداا

----
وطبعا مش محتاجه اقول ان الكلام ده تعبان ومافيش خلل لسه فى النسب بين عدد الرجال والنساء فى مصر والعالم العربي بالذااااات وزي ما في نساء معنسين في رجال معنسين يبقى مش الحل هو التعدد. اوت دي كمان .

ف حد بيقول ان التعدد فرض؟!!

اشك :)


----------


المهم دول بقى الناس الى لقت حجه نشوف التانين بقى دول يا عينى غلابه حالتهم تقطع القلب لانهم عارفين ان التعدد مش سنه ومش هايحل مشكلة العنوسه (متفتحين وفكرهم عالي )


اعتقد خانق التعبير

لان مين قال ان التعدد مش سنه؟!!

--------

ع فكره انا بحترم الرأي و الرأى الاخر اللى مع رايي ^^

ابوزيد يقول...

معرفش هو تقريبا عقده عند كل الرجاله موضوع الزوجه التانيه وانا كنت ناويها لحد ما فاتحت المودام وقولت لها هو صحيح الست تتمنى لزوجها الموت ولا انه يتجوز عليها قالت اه بس انا عن نفسى عشان بحبك لو اتجوزت عليا هرضى بنصف راجل احسن ما تروح خالص ومن يومها والبنيه كلت عقلى ومفكرتش تانى ابدا مع انى عارف انه حلم لكل راجل يمكن يكون التجديد او حب الامتلاك او او او مش عارف صراحة ويجعله عامر

صبرني يارب يقول...

همس

حمد الله باسلامه انا حد قالي انك مسافره


مش عارفه اوعى تكون دي اشاعه

بس ايه النور ده


نفسي يا بنتى اتمرجح اوي والله

عارفه كان فى نادي اجتماعي هنا مرجيحه كبيره اوي كنا بنعقد فيها انا واصحابي كلنا حته واحده
بس شالوووووووووها المجرمين

بس عادي روحت دريم بارك وركبت الصاروخ والبتاع التانيه دي مش فاكره اسمها

بتاعة عمرررررررك حسيت نفسك جوا الغساله ؟؟؟!!!!!!!!


المهم ما توهنيش يا بنتى

انا كمان برضه لما جوزي سألنى لو اتجوزت عليكى هاتعملي ا يه

قلتله حسب الظروف جايز تكون وقتها خانقنى وعايزه استريح منك شويه

وجايز اقطعلك رقابتك قبل ما تتجوز عادي يعنى

بس يا ضنايا انتى ما تعرفيش الحقيقه

هو هايروح يتجوز ماشي

وهانستريح من خدمته واكلته وهدمته وكتمته نص الاسبوع

طب وبيته وعياله وقرفهم اشيلهم انا ليه لوحدي نص حياتي

خدامة الى جابهاله السيد الوالد ؟؟

وحاجات تانيه كتير
بجد تخلي ستات كتير ترفض الوضع ده
هاقولهالك بعدين

لكن بالنسبه ليا انا عندي مبدأ مهم

الى يستغنى عني نص عمره استغنى عنه عمري كله
ولااااااااا يهمنى

قشطه ؟
نورتي يا قمر

صبرني يارب يقول...

عمنا الكبير الغالي
عمو مدحت

يا فندم انا هاديله جائزة الدوله التقديريه عشان بيتسحملني عادي
هههههههههههههههه

اه طبعا باناقشه فى كل ده ومصدعاااااه ومش من النهارده لا طول عمري كده جايباله صداع
متعاقده مش شركة بنادول
هههههههههههههههههههههههه

على فكره عندي يبقى راجل واد تصرفاته ويقول انا هاتجوز احسن ما يخبي دقنه ويزمر

وعندي قصص برضه كتير فى الموضوع ده
بعدين نحكيلكم عنها

والصيدلانيه اكيد كانت قرفانه منه وما صدقت يحل عن سماها

باينه يعنى الحكايه
ههههههههههههههههههههههههه

ربنا ما يحرمنا من سؤالك علينا يارب

وابقى طمنى عليهم لو عرفت عنهم حاجه الوحشين دول

صبرني يارب يقول...

احمد ابو العلا

اؤكدلك ان ده احساس كل واحد وهو لسه ما اتجوزش

حيث انى ما بيبقاش طايل ولا نمله حتى يشمها

فده بيكون احساسه كفايه علينا واحده ياعم بس احنا نلاقيها

وبعدين لما يلاقيها بقى ويدخل على 35 كده تبدأ الخزعبلات دي تكبر جواه

قابلنى بعد ما تتجوز بخمس سنين وقولي رايك ايه بصراااااااااااحه


تحيااااااااااتي ونورت

الوحيد الى فهم تجنيب الناحيه الدينيه لوقتها

صبرني يارب يقول...

مصري جدا

طيب ما تقراش انصحك تروح تاني الموضوع وتشوف الصوره

نيهااااااهاااااهاااااا

وداوها بقى يا معلم

نووووووووووورت

صبرني يارب يقول...

احمد عمر


برضه ما فهمتش عليك

ايه الى حضرتك معترض عليه فى الجمله دي ؟


خلص كل السنن ووقفت على دي واصلا مش صحيح لان الرسول قال خذوا عني امور دينكم )


مالها ؟؟؟

بالنسبه للاحصائيات

يعنى حضرتك ما جيتش فى جمل
خد عندك يا سيدى الفاضل

بلغت نسبة الذكور 51,1% فى تعداد 2006 من عدد السكان ونسبة الإناث 48,88% وانخفاض متوسط عدد أفراد الأسرة فوصل إلي 4,18%
السنة 2007
الذكور 37097
الاناث 35635
الاتعداد الكلى 72732




والكلام ده مش من دوار العمده حدانا

ده من موقع الهيئه العامه للاستعلامات .. بناءا على احصائيات حكوميه

لو عندك جه اقدر من دي على المعلومات افتينا يا فندم



وبالنسبه بقى لموضوع التعدد فرض ولا سنه

ارجو ان احنا نرجيء التحدث بشأنه لما اجي اتكلم عن الجانب الدينى على مدونة رؤيه اسلاميه ان شاء الله

لكن احب اقولك مقدما رايي

ان فى ناس فعلا قالت بوجوب التعدد واعتباره اصل الوضع في الجواز اصلا


واه طبعا التعدد مش سنه وليا ادلتي واسبابي ولنا لقاء تاني فى الموضوع ده


شكرا لحضرتك ونورتنا

وطبعا باحترم راي اي حد بشدددددده

لكن كمان لازم اوضع وجهة نظري وادافع عنها بشددددددددددده

صبرني يارب يقول...

بيبرس

اه ايه رايكم فى الاغنيه طلعت روحي على ما جبتها وربنا

المهم

طب ما تعدد ولا خايف لتكون النتيجه ان احنا نعدد عليك ساعه ونخلص
هههههههههههههههههههه

عدد عدد مش هانعددعليك ولا هانفكر فيك اصلا

ههههههههههههههههههه

نوووووورت

صبرني يارب يقول...

ابو زيد

ثبتتك يعنى
قشطه

بس ما تصدقهاش عشان لو حصل هاتقطعك حتت فى اكياس يا معلم


بس شهد شاهد من اهلها وقال هو حلم كل راجل ومش عاااااااارف ليه


ما انا قلتلكم طفااااسه

ههههههههههههههههههه

نورت يا فندم

مصطفي ريان يقول...

بصي بقي
انا عايز اقولك شيئ
واضح ان نظرتك للموضوع من جانب انثوي
بحت لكن يا صبرني شرعا الراجل من حقه
يعدد ومن غير ابداء الاسباب مافيش
حاجةاسمها التعدد بسبب لأنه مافيش اية اوحديث اشار لكده اللي عايز يعدد يعدد بشرط العدل فقط والعدل هنا مقصود به في الانفاق والمبيت وليس الحب علشان ماحدش يقول القرأن قال ولن تعدلو لأن المقصود بها العدل في المشاعر وذلك لن يستطيعه الانسان وليس عليه حرج فيه
ومن حقه كمان انه يعدد من غير مايقول لزوجته الاولى
بالنسبة ليا انا شخصيا مش متجوز بس ممكن اعدد في المستقبل وساعتها مش محتاج اقول اسباب عايز اعدد لأني عايز كدة
وماحدش له حاجة عندي وماحدش من حقه يسألني عملت كدة ليه
ارجو انك تتقبلي رأيي
وتحياتي ليكي ودمت بخير

مصطفي ريان يقول...

استاذ فشكول
التعدد شرع الله وحلاله وليس جرم
فلا تجرم ما احل الله

مصطفي ريان يقول...

صبرني
التعدد سنة وبلاش تتسرعي في كلامك
دة فعل الرسول الكريم صلى الله عليه وسلم واصحابه الكرام
ابوبكر وعمر وعلي وعبد الرحمن بن عوف
وغيرهم الكثير بلاش تتسرعي في ابداء الرأي

صبرني يارب يقول...

مصطفى ريان

ارجع تاني اقرا الموضوع من فضلك

وشوف انا باتكلم على ايه بالظبط

وانت شوف انى باقول عايز تتجوز اتجوز من غير اي مبررات خايبه وتصدعنا بها


وراجع الملحوظه بتاعة الجانب الديني


ويا سيدى عدد ولا اعمل بس انت الاول اطلع على الاولاني وبعدين ابقى فكر فى التاني
اتفلحسوا اوي

وبعدين موضوع سنه ده هانبقى نناقشه
زي ما انا قلت فى الموضوع الجاي فى رؤيه اسلاميه متواضعه ان شاء الله

ومن فضلك لما تقول رايك ارجوك ما تحكمش علي الراي التاني انه غلط ومتسرع
وخصوصا لما يكون معايا انا فى الدين

وبالنسبه لاستاذ فشكول هو على حسب ما فهمت انه ما يقصدش انها جريمه

انما يقصد يعنى ان كنا هنحاسبه يبقى نحاسب الاثنين ده لو اعتبرناها جريمه

لكن انا ما اعتبرتهاش كده اصلا


بالراحه شويه علينا وارجع اقرا الموضوع بتأن من فضلك

عاشقه الرومانسيه يقول...

صبرنى ياحبيبتى
انا يهون عليا برضه اتجوز واسيبك؟
انا قاعده فى ارابيزك ياامى
ههههههههههههه
حلوه ارابيزك دى
ههههههههه
(وش بيطلع لسانه)

صبرني يارب يقول...

عاشقة الرومانسيه


لا لا لا وارابيزى ولا ترابيزى

خلاااااااااص كفايه كده

ههههههههههههههههه

هانقفل الباب بالازاز ولازم منه الجواز
هههههههههههههههههه

MaNoOoSh يقول...

ان كان على احساس الراجل فهو نقريبا فعلا طفاسة او احساس بالحرمان العاتشفى (يعنى يمكن مراته مش محسساه انه شمشون الجبار ولا ملك الغابة ولا كدة يعنى) فيمكن فاكر انه لما يتجوز تانى هيلاقى الاحساس دة.. يعنى من الاخر "عقدة نقص".
بس للامانة يعنى ساعات كتير الستات بتنسى نفسها وتنسى تهتم بجوزها وتدلعة.. وحتى ان قالتلة اتجوز عادى فالحقيقة ان قدامها حل من التلاتة
1 - تقبل الوضع علشان منظرها اجتماعيا
2 - تسيب البيت وتنفصل عنه
3 - مشوار صغير للسوبر ماركت علشان تجيب ساطور حامى وكام كيلو اكياس سوداء ومفيش مانع من منشار بردو علشان العظم

MaNoOoSh يقول...

بقى انا مفترية يا بيبرس
عاااااااااااااا
طب احمد ربنا انى مقلتش بقية وسائل التعذيب من اول مية النار لغاية الناموس والدبان (اه وربنا الناموسة كمان ممكن تكون سلاح فى ايدنا يعنى متستهونوش بينا دة احنا بردو خبرة فى وسائل التعذيب)
انا بس قلت بلاش افضح الاسرار العليا للجمعية دى
وبعدين يعنى يبقوا الرجالة يورونا شطارتهم لما يتجوزوا تانى وللا تالت.. لا تالت ايه بقى يا عينى الغلبان مش هيلحق لان الاتنين هيتلموا عليه ويعملوه بوفتيك (ضحكات شريرة متقطعة.. نياهاهههاهاهاهاهاههها)

MaNoOoSh يقول...

ملحوظة يا صبرنى (الاغنية جميييييييييييييييييييييييييييييييلة ومستريحتش الا لما نزلتها على الكمبيوتر)
وبشكرك لانى مكنتش اعرف اسمها اصلا
خدى بقى البوسة دى
ممممممممممممممممممممممممواه

صبرني يارب يقول...

مانوش


يا حياتي انا كمان باموت فى الاغنيه دي ودوخت على ما لقيتها وعملتلها اب لود طبعا وجبتهالكم

بالنوسبه للرجاله والله يا اختي انا رايي ولا سطور ولا دهوله فى الدنيا ماله بس السم

اه والعلم اتقدم دلوقتي ياما سموم بتطلع سبب الوفاه سكته قلبيه هع هع هع

بس صدقينى مافيش زوجه بتهمل جوزها الا لو كان هو كمان هاملها
المسؤليه مشتركه

خلينا نقول

هما الاثنين بيعملوا بعض

صدقينى الزوج والزوجه المفروض يكون بنهم اكتر كتر اوي من قلم الروج وقميص النوم
مش معنى كده اننا نولع فى قلم الروج وقميص النوم
الا انهم مش كل حاجه والله
دول بيبقوا حجة البليد يا اختي

نورتي يا قمر

اه هاتي البوس
اموووووووووووه ليكى كمان

صبرني يارب يقول...

بيبرس


نتيجه لانك وصفت واحده من عضوات الجمعيه بانها مفتريه

فاحنا حكمنا عليك بتابيده جواز يا حلووووووو فوووووق الى عدو

وفى نفس ذات الخزنه

وابقى انقض بقى يا معلمي

ههههههههههههههههههههههه

صيدلانيه طالعه نازله يقول...

تخيلى فعلا كل الرجاله حيموتوا و يتجوزوا تانى و اما يعرفوا حد متجوز اتنين او تلاته يبقوا بيتكلموا عليه باعجاب و انبهار زى مايكون رافع الرايه و فاتح عكا بس و الله برضه العيب بيبقى برضه على اللى رضيت تبقى زوجه تانيه لان لو كل واحده رفضت الوضع ده الموضوع حيتلم و يقل خالص

حاسوباتيه يقول...

ناس عينهم فارغه بصراحه الرجاله دول ازا كنت انا ولسه مخطوبه وخطيبي بيقولي لو اتجوزت تاني ايه هيكون رايك ؟ رديت عليه بمنتهى البرود وقولته عادي حقك ومش هطلب الطلاق كمان بس ابقى قابلني لو شفت يوم كويس معايا تاني
ههههههههههههه
طبعا هو كان حوار تهريج بس افتكرته لما قرات البوست

momken يقول...

موضوع التعدد ليس شوق لدى الرجال ولكن لنكن موضوعين
ربما يكون فكر الرجل فى التعدد هو تقصير واهمال من امراءه
وطبعا لا انكر انه ربما يكون عناد او طفاسه من رجل لم يثبت وجوده فى بيته فيحاول محاوله اخرى

دعونا لا ننكر ان هناك حالات لابد فيها من التعدد
ودعونا نعترف بان عدم التعدد فى اوربا لم يحل مشاكل المراءه وهى ايضا ليست فى منتهى السعاده
فهى تخونه وهو يخونها

وفى نفس الوقت لا نستطيع ان نجزم ان التعدد يسعد الرجل جداً

بفالموضوع تماما مثل الدواء يجب ان ياخذ بحرص وحسب ارشادات الطبيب وليس بالمزاج

البوست رائع


تحياتى

ابوزيد يقول...

مبروك على النيو لوك الجديد ده حلو بجد بس الورده كبيرة شويه حاولى تصغيريها شويه اصلى ليه فى التصميم وكده يعنى دى راييى وانتى حره
بالنسبه بقى للتعدد فى ستات بجد تموت فى النكد وتجيبه من بالد تركب الافيال بتعز النكد اكتر من اى حاجه فى الدنيا وشوفت بعينى محدش قالى بزمتك مع واحده زى دى مش يبقى التعدد رحمه وبعدين انتم ياستات مفتريين شويه بحسكم كده يبقى فى التعدد رحمه اذا توفرت الاسباب
ويجعله عامر

صبرني يارب يقول...

صيدلانيه

هو انا قلت ان الجواز التاني ده حاجه وحشه المفروق نقاومها

ولاان الى ترضى انها تتجوز واحد متجوز تبقى وحشه وشريره

ابدا ده حلال يا بنتى
والى عايز يتجوز يتجوز لكن مش زي ما بيعملوا الايام دي والله مش ده الدين ومش ده المفروض يحصل

نورتي يا جميل

صبرني يارب يقول...

حاسوباتيه

لا انا حوار التهريج عندي اجابته حاجه تانيه خالص

هابقى اقولهالك بينى وبينك ما ينفعش هنا هههههههههههههههه

نورتي يا جميل

صبرني يارب يقول...

ممكن

يا سيدى الفاضل ليه تفكير الزوج فى الزوجه التانيه دايما ناتج عن اهمال الزوجه وحدها ؟؟

كل علاقه يا فندم لها طرفين فشلها يرجع للطرفين

ان هي اهملته فهو ايضا اهملها بشكل ما


وانا ماهاجتمتش التعدد للمره المليون

وفى البوست الجديد على الرؤيه هارد انشاء الله على الي حاجموا التعدد

تحياتي لحضرتك ونورت

صبرني يارب يقول...

ابو زيد

الله يبارك فيك

ايوه الصوره مش مظبوطه لسه باشتغل فيها والله

لو عندك برنامج يخلينى اتحكم فى مقاس الصوره قولي ياريت اصل انا عندي عجز فى البرامج

وبالنسبه للست النكديه فهي مش نكديه لله فى لله
يعنى ما تبقاش انت اساسا مطلع عينها وبعدين تقولها انتى بتدوري على النكد

يعنى انت راجع من الشغل المدير مديك كلمتين فى جنابك يبقى تروح تحط همك فى الغلبانه

تاني يوم المدير يزيطك ببؤين حلوين ترجع مزقطط وعايزها بقى بكل بساطه تزقطط معاك وتنسى البؤ الحامض بتاع امبارح ولا كان حاجه حصلت

حتى من غير ما تتنازل حضرتك وتتكرم وتتعطف وتقولها حقك عليا وتبوس راسها وايدها كمان

لانها ببساطه مش من حقها تزعل ولا تدور على حقها

هى تبعك انت مبسوط تنبط انت زعلان تتفلق هى جنبك

وبكده يكون صحيح الستات هما الى مفتريين ؟؟

وروح ياعم عدد حد مانعكم

وابقى اتفرج هاتعمل ايه لما ينكدوا عليك الاثنين مع بعض
ابقى غني ظلموه يا حلو بقى

اي خدمه ياا م العيال انا هنا بدالك
هههههههههههههههههههههه

mayada يقول...

ام مريم مبروك ع اللوك ياجميل
حلو موت بس البانر في مشاكل
انا ممكن اصمم لك بنر ياجميل
بس ارفعي ليه البانر اللي مشغلاه عشان
اخد المقاس صح
لو تحبي ياقمر رنيلي بس هههه
احنا عاوزين نخدم
يلا باي

صبرني يارب يقول...

مياده

لا تعمليلى ايه

انا عايزه اعمل انا

بس حكاية المقاسات دي الى مطلعه عينى

تعالى قوليلى يا بطه ازاي
انا على الاميل اهو
يلا اظهر وبان

شمس النهار يقول...

بتقولي لي لما ترجعي تعالي عندي عيزاكي
انا قلت اعدي اسلم واعلق كده في السريع عشان والله النهارده عايزه اونفسي انام بدري شويه
الاقي بوست عايز الواحد يجيب شنطة هدومه ويقعد يومين تلاته هنا في المدونه يشجب ويندد ويعلق ويرغي ويلك
اقول لجنابك انا بأذنك يارب انام وبكره من النجمه اجي اقعد في المدونه اشوف الحلوين كتبوا ايه ونستعين علي الشقاء بالله
بس كده انت فتحتي علينا جبهتين ياريسه
بس والا يهمك نحن لها:)

صبرني يارب يقول...

شموووووووووووووسه
حياتي والله وحشاني

قلقت عليكى والله

ولسه عماله افكر اروح اسأل مين عليكى

وقلت هابعت رسايله لكل من كيارا و أستاذ عمرو بدر عشان دول الى اعرفهم يعرفوكي

ابقى طمنيى عليكى يا حجوجتي

ومعلش ولا يهمك

تعالى من بكره بقى نقعد نرغي سويا

نامي نوم الهنا يارب

واحنا اد عشره ولا يهمك يا باشا

سيف الدين اليزل يقول...

انا هاقولك لية الراجل بيداعبة دايما
الزواج التاني علشان الموزة الاولي بتلعبها خرصة يقوم يفكر علي طول في موزة تانية فهمتي
وحشاني يا اغلي اخت في الدنيا
والسلام علي من اتبع الهدي

صبرني يارب يقول...

سييييييييييف

ربنا يكرمك يارب

والله وانت كمان بس طمني عليك دايما الله يرضى عليك

ويعنى ايه بتلعبها خارصه ؟؟
ههههههههههههههههههه

بجد يعنى ايه

المدونه نورت يا سيف والله

فشكووول يقول...

ازيك يا صبرنى
انت ح تدخلى منافسه لفشكول فى الترشيح
طب انا كنت عامل حسابى ان انا لوحدى
عموما لو ما انسحبتيش ... انتى شايفه المنايفه عملوا ايه فى ايمن نور وانا برضه منوفى
لقد اعذر من انذر

mayada يقول...

سوري ياجميل لسه شايف المسج بتاعتك
بصي لو عاوزه تصحيح سكرين شوت
في زرار في الكي بورد مكتوب عليه برينت سكرين ده تفتحي صفحه البلوج بتاعك وتاخدي شوت للبيج بتاعه المدونه وع البينت اللي عندك علي النسخه تعملي بيست وتظبطي البانر علي قد البانر الرئيسي بتاع السيمز وترفعيه هتلاقيه ع المقاس
طبعا الطريقه دي غلبه وانا عمري مااعملها كده
الطريقه بقي الصح
بتاعه الفرونت بيج
هتدخلي ع السيتنج وهتلاقي html
في البودي هتلاقي كلمه اسمها هيدر
هتلاقي جنبها لينك https اقصد تاخديه وتفتحيه ع ويب بيج هتلاقي عليه صورة البانر سيفي البانر عندك ع الجهاز
ودخليه ع الفوتشوب وخدي السيز
وصممي بنرك بنفس السيز وبعدين ارفع البانر علي موقع زي ايمج شيك وخدي الديركت لينك وضفيه بدل اللينك بتاع البانر الرئسي في الهيدر واعملي معاينه
ان شاء الله هيكون تمام ومظبوط
وبعدين سيفي السيمر
اي خدعه ياام مريم
سلاموز

صبرني يارب يقول...

استاذ فشكول

هما عملوا ايه مش عارفه

انا اعرف انهم طفشوا شارون ده عمرو بدر الى قال مره عنده فى بوست
ههههههههههههههههههه

لكن مش عارفه عملوا ايه فى نور

صبرني يارب يقول...

مياده

ايوه المشكله مش فى المقاسات بس

المشكله ان الصفحه بتقبل المقاس وتعدله لعرض 750 بكسل عرض
فبتيجى بقى قصيره زي الى عندي كده

عموما هاجرب الى انتى قلتي عليه ده يا بطه

شكراااااااااااااااااااااا
ايه الحلاوه دي

اه هو هايبقى لا طبيخ ولا غيره

نورتي يا قمر
هههههههههههههههههههههههههه

khaled said يقول...

والله انكم ناس رايقة لو كل واحد عرف دينة كويس يعرف ان التعدد هو الاصل في الاسلام
والموضوع مش طفاسة لان الرسول والصحابة كانو مثل وقدوة للمسلمين والناس اللي بتخاف من التعدد اما خايفة من الرزق وازاي يصرف علي بتين
اوخايفة من تهديد زوجاتهم بالطلاق وترك الاولااد
وهو دة اللي بيخوف معظم الناس من التعدد لا ينهد البيت

صبرني يارب يقول...

استاذ خالد

رايقيين ازاي يعنى ؟؟

وطبعا مش هارد عليك بقى فى موضوع الاصل والكلام ده معلش حضرتك انا رديت على الكلام ده جملة وتفصيلا فى الرؤيه الاسلاميه
وحضرتك حر فى معتقداتك

وبالنسبه للخوف الى بتتكلم عنه

والله كل واحده من حقها تخاف على بيتها

انما الخوف من الرزق ده قلة ايمان

وكل واحده من حقها تغير على جوزها دي فطره وطبيعه

شرفت يا فندم

ولما تقيم السنن كلها ان شاء الله وتتجوز سبعه فى وقت واحد عشان تبقى اقمت السنه ابقى قولي

khaled said يقول...

صبرني يارب
شكرا لك علي ردك
والحمدلله الواحد بيحاول يؤدي فروض ربنا سبحانة وتعالي صلاة وصوم وزكاة وحج والحمد
والغيرة محمودة في الاسلام للرجل والمراءةوالسيدة عائشة ام المؤمنين كانت تغار علي الرسول من السيدة خديجة وهي ميتة وقد دافع عنها الرسول اكثر من مرة
واكيد تعلمي هذا الكلام
ومفيش حد يقدر يتجوز سبعة زي حضرتك ما بتتريقي الا الرسول ودة كان تشريع لة من ربنا سبحانة وتعالي
المراءة تقبل بكل شئ في الا ان يتزوج عليها زوجها
واعلم حالات كثيرة تقبل المراءة بخيانة زوجها ولا تقبل بزوجة اخري
الهجمة الشرسة اللي موجودة اليومين دول وجمعيات حقوق المراءة دي كلها توجة غربي وصد عن دين الله وتدخل في الشريعة الاسلامية ز
زي ما هم عاوزين يخلو المسلمين يبطلو يحجو بيقولك دول بيلفو حولين حجر المسلمن كلهم جهل
وبعض جمعيات حقوق الحيوان بطالب المسلمين انهم يبطلو الاضاحي في العيد رفقا بالحيوانات


والله ما المفصود انا الموضوع طفاسة ولاشئ


ربنا سبحانة وتعالي ما حرم شئ الا ولة حكمة في ذلك
وما احل شئ الا ولة حكمة في ذلك

صبرني يارب يقول...

استاذ خالد

اتفضل حضرتك على الرؤيه الاسلاميه اقرا الموضوع الى هناك

ده ردا على كلامك عن انه فرض وسنه

وبالنسبه للتريقه انا مش باتريق
انما باوضحلك ان اساسا فى التعدد الرسول كان له معامله خاصه

واعتقد ان الزواج يعد شئون دنيا ولا ايه ؟؟؟

يعنى مش شئون دين ولا ايه رايكم ؟؟؟


وكمان انا قلت تقيم السنن مش الفروض


وللمره المليون انا مش باهاجم التعدد

ابوزيد وتعليق تانى للمطبخ يقول...

وحياة الغاليين عندك يارب تحجى يارب كل ما بكتب تعليق فى المكتب بيقول مطلوب حساب على جوجل ليه بقى معرفش انشاءلله معدمك تقولى لى اعمل ايه اولا غيرى فكرتك عن ايوزيد فى اللحمه من بعد ما المدام والعيال جم ربنا فتحها عليه ومتعرفيش ازاى رزقهم معاهم والحمد لله بخصوص اللحمه فتح جبنا جزار سورى بس ايه اشطه بيشفى لك اللحمه الضانى بفرق 3 ريال عن اللحمه العاديه وممكن تاخد العظم عشان كانت الحجه بتقول انه بيخلى للشوربه طعم وبعدين هنا فى اختراع اسمه الحورى بضم الحاء وكسر الراء ودى اغنام اتربت على اعشاب طبيعيه بس. يعنى مفهاش اى مواد كيماويه مش بتاكل طول حياتها غير عشب من الصحراء ودى غاليه اوى وجميله لابعد حد المشكله الجديده بقى هنا ايه الباميه من كام يوم قلنا هنعمل باميه ورحت اشترى باميه اصل المدام ناصحه بتكتب الطلبات فى ورقه وانا اجيبها وساعة ما نخرج منشتريش حاجه عشان تستمتع بالخروجه وكده كده فى اللى بيجيب الا لو فى حاجه ضروريه نرجع للباميه لقيت الباميه ب17 ريال والتفاح ب4 ريال جبت تفاح وروحت بتقولى فين الباميه يا راجل بقولها اطبخى تفاح هههههه بلد مجننونه فى الاسعار قال 17 ريال قال مش واكل باميه بس جبتها مجمده وامرى لله خفت من طقم الساكين الجديد لسه متجربش احسن تقول لازم اجربه ويجعله عامر

شمس النهار يقول...

ازيك
انا شايفه ان الدنيا ولعت علي الاخر وشايفه ان اللي عايزين يتزوجوا من اكتر من واحده هلومه جامده
ماشاء الله ماشاء الله
بشكرك انك بتسألي عليه معلش اصلي مشغوله اليومين دول بشؤن القبيله وبنتي طله في نافوخها تعزلوطبعا انا والشغاليين اللي شايلين الليله كلها
بس اديني رجعت لما اشوف مين اللي عايزين يتزوجوا تاني عشان نجيب لهم عرايس:)

صبرني يارب يقول...

ابو زيد

تم تحويل تعليقك على المطبخ والرد عليه هناك وفتحنا يا سيدى التعليقات هناك معلش حقك علينا

صبرني يارب يقول...

استاذ خالد

منين حضرتك جايب الموضوع من فضلك
ده اولا


ثانيا
مش انا طلبت منك تروح تقرا موضوعي على الرؤيه ؟؟



ثالثا :
تبين من خلال الإحصائيات أن عدد النساء أكثر من الرجال


غلط غلط غلط

كل الاحصائيات الرسميه فى العالم بتقول ان ما زال عدد الذكور اكثر من عدد الاناث

ماعاد اربع دول اوربيه

ابحث ودور يا استاذنا ورد عليا

وتااااااااااااااااااني ادي تعداد مصر


السنة 2007
الذكور 37097
الاناث 35635
الاتعداد الكلى 72732

من موقع حكومي رسمي

عندك موقع تاني تعداده اصح من ده ؟؟؟

ولا تكون الحكومه مجامله الحريم فى التعداد ؟؟

المهم

فين الرجاله الى بيموتوا فى الحرب والاعمال الشاقه ؟؟

فين الحرب وفين الاعمال الشاقه

انتم بتشتغلوا نفسكم ولا ايه ؟؟

الستات الى بيموتوا دلوقتي كمدا من الغيظ

من فضلللللللللللللك لثالث مره روح موضوعي على الرؤيه الاسلاميه اقرااااااااه وبعدين ناقشني

صبرني يارب يقول...

شموسه

ربنا يخليكى لهم يا قمر

ويقويكى يارب


بالنسبه للعايزين يتجوزوا فيظهر يا شموسه انى دست على الصباع الى بيوجعهم كلهم
هههههههههههههههههههه

وهاتيلهم عرايس يا اختي خليهم يورونا الفلاحه

نورتي البلوج يا حجوجتي

تامر علي يقول...

جميل الموضوع ده :)

وحيث انكم هاتتكلموا من المنطلق الشرعي (فقط) ممكن اتناقش معاكم :)
ملحوظة: مش عارف أعلق في آخر بوست ولا ده تحديث مش عارف !!!

_________________
الحكم الشرعي في التعدد هو

-أن الزواج شرعاً لايوجد فيه فرق بين أول وثاني وثالث ورابع...الزواج قد يأخذ حكم الوجوب على أشخاص والجواز على أشخاص والحرمة على أشخاص والمسألة برمتها متروكة للتقدير الشخصي للرجل بحسب حالته (وكل شخص أعلم بنفسه وسوف يسأل أمام الله منفرداً) وكذلك متروك للمرأة بالقبول أو الرفض بحسب الحالة .
أي أنه لايوجد أي قيد شرعي على الزواج (مشمول بالتعدد) إلا في حالات الكراهة والتحريم (العام) ويستوي فيها الأول مع الأخير
___________________

ده المتن يا جماعة واللي عنده أي أعتراض يتكلم بالدليل فقط علشان ميتعورش :))

طبعاً كل كلمة في المتن السابق لها عشرات الأدلة لكن لن أسوق أي دليل إلا بحسب حالة المعترض وخلينا نبدأ من الصفر ونقول
"الأصل في الأشياء الإباحة
الدليل :قوله تعالى: هو الذي خلق لكم ما في الأرض جميعاً " فالأصل خلق الأشياء للإنسان للانتفاع على الإطلاق ..يخرج من هذا الدليل ما قام دليل قطعي على تحريمه.
_______________________
تحياتي :)

صبرني يارب يقول...

تامر علي

لا هنا مش على الجانب الشرعي

هنا اتكلمنا عن الطفاسه بس
هههههههههههههههههه

صبرني يارب يقول...

استاذ خالد


الهي يسترك يا اخويا تبقى تشوف انا رديت عليك قلت ايه

وتقرا موضوع الرؤيه


وماله ردي على تامر انا باهزر معاه على فكره انا رديت عليه فى الرؤيه خالص

وانت ما فهتمش اصلا ردي عليه مش مشكله


لك ايه واضح انك بتتكلمى بلسان المراه

امال يعنى استلف لسان راجل اتكلم به

ما انا باتكلم بلسان المرأه اتكلم انت بلسان الراجل يا سيدى ما تزعلش


وبعدين مش انا قلت مش عايزه نقل مواضيع واراء مشايخ ؟؟؟

لو سمحتم عايزه دماغكم انتم مش دماغ الجيران

عايزه كلام الله ورسوله مش افتكاسات

الموضه بتاعك اساساااااا مش متعارض مع كلامي

الا ان فى نقط يبدو ان صاحب الموضوع ناقله من مرجع مثلا عمره 7000 سنه

زي ان الرجاله بيموتوا فى الحروب والاعمال الشاقه

فين الحروب دي ؟؟ وفين الاعمال الشاقه

اللهم الا بلدين ولا تلاثه فى العالم الاسلامي كله مش بيحاربوا

لا دوب بيطحنوا ستات ورجاله واطفال مش بيحاربوا ولا نيله ياريت كان بقى شرف لنا

وفين الاعمال الشاقه ولله الحمد اكم من رجاله مانتخين فى البيت ومتجوزين وستاتهم بتصرف عليهم


وايه البوسنه وايه الكلام العجيب ده

ما شوفتك جدع فيكم كده راح جاب واحده غلبانه من البوسنه اتجوزها بمرضها بقى بادزها بحالها كده

ولا كل واحد فيكم هايتجوز اثنين واحده مصريه ام العيال وواحده تانيه مزه بقى تبقى تفاريح كده مصريه ولا لبنانيه ولا هبابيه

وتسيبوا بتوع البوسنه يموتوا من قلة الجواز ؟؟



وحقيقى ضحكتني

حرب عالمية تانيه مين الى بتتكلم عن اثارها هنا
ما الستات الى كانوا موجودين ايامها ماتوا خلاص من زمان انت لسه فاكر

وطلع جيل جديد انت ما تعرفش ولا ايه ؟؟

وبعدين اعمل ايه عشان تصدقوني ان الاحصائيات الرسميه العااااالميه مافيهاش خلل الا فى اربع دول اوربيه

والخلل مش فى عدد الذكور مقابل الاناث

لا الخلل فى عدد الذكور فى عمر الزواج مقابل الاناث فى سن الزواج
عشان عندهم رجاله كبار فى السن كتير

ايوه بيموتوا الستات كمدا ويقعدوا هما


كل الاحصائيات الى بتطلعها المجلات والجرايد دي حضرتك معلش تبلوها وتشربوا مايتها
وتناموا وتصحوا ان شاء الله تحققوا حلمكم انكم بقيتواعمله نادره فى الوجود
والحريم بتتخانق عليكم عشان يلبوا نداء الطبيعه
هههههههههههههههههه


احب اقولك يا فندم ان المقال الى حضرتك جبته نص الكلام فيه فاتشه

يعنى ايه فاتشه ؟
دور عليها فى المعجم

وانا مش خايفه يا اخويا جوزي يتجوز عليا

انتم الى خايفين تتجوزي
الجدع فيكم يقف على مدنى ويتجوز ويورينا نفسه

مش تستخبوا وتتجوزوا فى السر

ولا تتمسحوا فى السنه ولا فى حق المجتمع والستات الغلابه المحرومين من السيكو سيكو والامومه

ولا تجبر زوجتك الاولى انها تعيش معاك عافيه وانت متجوز عليها وتحرم انت حلال احله لها الله

وبعد كده اتجوز وورينا نفسك

رجااااااااااله وعايزه تعددوا خليكوا ادها واتجوزوا ووجهوا مشاكلها زي ما عايزين تدوقوا عسلها

قشطه ؟

ولك ست يترد عليها بس لما ترجع تفتح مدونتها بقى

ايه ده هى سايبك تناحي فينا ليه
هاتهاااااااااالي

ههههههههههههههههههههههه

صبرني يارب يقول...

بيبرس

ايه ده انت عايز ما صدقت ولا ايه

وعايز زيطه وتهيص فيها

انا مزنوقه ؟؟ ليه ان شاء ا لله

والله ياا خويا ده الرجاله الى مزنوقين وعايزين يفلفصوا مش عارفين


روح بقى يا حدق فك زنقة صاحبك بعد ما رديت عليه


هععععععع هععععع هعععع

صبرني يارب يقول...

استاذ خالد

شووووووووف الدنيا

لسه حالا واخده بالي انك مش خالد الى انا اعرفه

المدون الصديق الى مراته مدونه صديقه برضه كان لها مدونه


سووووووري على هذا اللبس

بس بتهيئلي ده جه من حسن حظك

ههههههههههههههههههههههه

نورت على كل حال

khaled said يقول...

الي صبرني

لية بقي من حسن حظي اني طلعت خالد تاني
كنت هتقولي اية لمراتي زي مابتهددي خالد المدون
طبعا صديقي هو اللي وضحلك اللبس اللي عندك
كان نفسي يسبك كدة علشان اعرف كنت هتعملي اية وتخربي الدنيا
وعلي فكرة هتلاقي مراتي زي مرات خالد التاني زي كل الستات
كلكم كما قال الرسول علية الصلاة والسلام ناقاصات عقل ودين

تموتو في المشاكل والنكد

وخصوصا المراءة المصرية ربنا مديها القدرة علي انها تنكد علي بلد
ويجرهلها حاجة لو نامت يوم بدون نكد صحتها تتاخر سنة

واول ما تاخد منشط النكد ترجع صحتها احسن من الاول

صبرني يارب يقول...

خالد

عيب لما تقولي تخربي الدنيا

احنا اصدقاء وانا كنت باهزر معاه طبعا
ومراته اساسا مدونه ولوكان هو الى كاتب كانت هاتقرا الكلام من غير ما انا اقول

وطبعا ابو شهد اللى قالي انك مش خالد المدون فعلا

وبعدين مش هارد عليك فى البؤين االحمضانين بتوع ناقصات عقل ودين والنكد

بس احب اقولك ان ربك اسمه العدل
الطيبون للطيبات والخبيثين للخبيثات

وبالقياس يا معلم النكديين للنكديات

وتقع الطيور على اشكالها

وكل شله يشبهله
هععععععععع

اي ان كل واحد ياخد الى شبه

ان كنت انت ولا غيرك ما تشكوش من مراتتكم اوي كده

عشان انتم اكيييييييييييد تستهلوووهم بشكل او بآخر

امااااااااااال

هو ربنا بيظلم حد ؟؟

نوووووووووورت

khaled said يقول...

الي صبرني
واضح انك من النوع المستبد براية وعيب لما تقولي علي حديث الرسول كلام حامض دة حديث وحديث صحيح
مش عاوزة الا ريك وبس ولا اية

روى الإمام مسلم رحمه الله في صحيحه في باب الإيمان عن رسول الله صلى الله عليه وسلم أنه قال: "يا مَعْشرَ النساء تَصَدَّقْنَ وأكْثِرْن الاستغفار، فإني رأيُتكُنَّ أكثر أهل النار. فقالت امرأة منهن جَزْلة: وما لنا يا رسول الله أكثرُ أهل النار؟ قال: تُكْثِرْنَ اللَّعن، وتَكْفُرْنَ العشير، وما رأيت من ناقصاتِ عقلٍ ودين أغلبَ لذي لبٍّ مِنْكُن. قالت يا رسول الله وما نقصانُ العقل والدين؟ قال: أما نُقصانُ العقل فشهادة امرأتين تعْدِلُ شهادةَ رَجُل، فهذا نقصان العقل، وتَمكثُ الليالي ما تُصلي، وتُفطر في رمضان، فهذا نقصان الدين. ومعنى الجَزْلة أي ذات العقل والرأي والوقار، وتَكْفُرْنَ العشير أي تُنكرن حق الزوج.
وهذا الحديث لا يمكن فهمه بمعزل عن آية الدَّيْن التي تتضمن نصاب الشهادة، وذلك في قوله تعالى: ... واستَشْهدوا شهيدين من رِجالِكم فإن لم يكونا رَجُلَيْن فرَجُلٌ وامرأتان مِمَّن تَرضَوْن من الشُّهداء أنْ تَضِلَّ إحداهما فَتُذَكِّرَ إحداهما الأخرى... (البقرة: 282).


وبعدين كلام النكد دة مش راي لوحدي
انا بقول هذا الكلام من واقع الحياة
والله اكتر من مرة يقال هذا الكلام وخصوصا عن المراءة المصرية

طبيعتها النكد واختلاق المشاكل عمال علي بطال

لازم تسمعي راي الاخرين ومش كل حاجة تفسريها عل مزاجك

وبلاش الاستبداد بالراي اللي مسيطر عليكي دة


لازم تعرفي راي الطرف الاخر وتسمعي كل الاراء


وسعي صدرك شوية وبلاش العصبية دي في الرد

صبرني يارب يقول...

خالد

اولا انا ما قلتش على الحديث

انا قلت على البؤ الحمضان الى انت قلته الى قتل بحثا ونقاشا

وبرضه فى الكلام عن النكد

انت قول الى انت عايزه انت ومن تعرفهم

انما يظل رايي طبعا ان ربنا ما بيظلمش حد كل واحد بياخد الى يستاهله

والست هى الست عصريه مغربيه
بتفضل ست
زي ما الراجل هو الراجل
نفس العقليه ونفس الدماغ من قديم الازل ومع اختلاف الثقافات والجنسيات يفضل راجل برضه

اناني وعايز الست اولا تابع خانع خاوي العقل
وبعدين يشتكي ويقول مش فاهماني

وبعدين انا لازم استبد برايي دي مدونتي على فكره
حضرتك تقدر تعمل مدونه واستبد فيها براحتك


ايه استبد برايي ؟؟؟

هو انا كتفت حد فيكم وقلتله اعمل الى باقول عليه

كل واحد حر فى رايه

انا عامله المدونه دي عشان اقول الى انا عايزاه

الى انا عايزااااااااااااااااااااه

مش الى انتم عايزينه

khaled said يقول...

الي صبرني
الموضوع مش خناقة ولازم يكون فية فايز ومهزوم ولا الرجاله عايزين الست اولا تابع خانع خاوي العقل
زي حضرتك مابتقولي

دة مفيش دين كرم الست اكتر من دينا الحنيف وحفظ لها كل حقوقها قبل الزواج وبعدة وحتي لو طلقت

وابسط شئ بتظل محتفظة باسمها واسم ابيها وعليتها
مش زي الاجانب اول ماتتجوز تتحول الي اسم جوزها
فين التبعية اللي بتقولي عليها

شوفي فضل السيدة عائشة علي الاسلام والمسلمين كم روت من احاديث اكثر من روي الحديث عن رسول الله

والله العظيم دة كلة كلام مستحدث علي الاسلام والمسلمين
وعمر ماكان التعدد هو اللي ينقص من قدر المراءة

ولو كنتي شفتي برنامج عما يتسائلون يوم الجمعةكان هيكون لكي راي تاني
كان مستضيف دكتورة عاملة كتاب

تدعو الي الاتي
1 تغير نصيب المراءة في الميراث لتكون مساوية للرجل
2 تحريـــــــــــــم التعدد
3الغاء النقاب

وغيرة والله الباقي مش فاكرة

زي ما عملت دوله تنوس بالظبط وغيرت في شرع ربنا مطبقة الثلاث حاجات دول

قولي رئيك بما يرضي الله في هذا الكلام




وياستي ربنا يكرمنا زيك كدة ويبقي عندنا مدونة بس مش هنقول للناس زي ماقلتي انا حرة ودي مدونتي

ربنا يخلهلك وتكبر وتخلف كام مدونة صغيرة واحنا هنكون مبسوطين


وبلاش العصبية اللي انتي فيها صحتك

صبرني يارب يقول...

الاخ خالد سيد

اوك يارب يبقى عندك مدونه و اجي انا هناك اعملك فيك زي ما انت بتعمل فيا كده

وانا مالي انا بالى عايزين يغيروا فى شرع الله

برضه للمره المليوووووووووون اقرا الموضوع ا لى انا كتبته على الرؤيه

تلاقينى راده على الناس دي

وبعدين مش عايزه كلام مانشيتات والاسلام كرم المراه والبؤين دول

ماهو الاسلام كرم المرأه بس مخ الراجل هو الى لسه عايز زياته شويه وفاهم تكريم المرأه غلط

khaled said يقول...

الي صبرني
اهم طبقي الكلام علي نفسك وشوفي ان كان زوجك بيراعي ربنا فيكي ومكرمك زي ما ربنا امرة سبحانة وتعالي

تبيقي تحمدي ربنا وتبوسي ايدك وش وضهر

واكيد هتلاقي رجالا كثيرة زي جوزك بيراعو ربنا في زوجاتهم ومكرمنهم وشيلنهم فوق رؤسهم كمان

لانها هتكون اكيد تستاهل هذا التكريم


بس نصيحة اخوية بطلي تسمعي للجماعةحقوق المراءة


حقها ربنا كفلهلوها غصب عن اي حد



ويكفي ان الجنة تحت اقدام الامهات مش اقدام الابهات

وحديث الرسول احق الناس بالصحبة الام فا الام فا الام


اللي هي انتي وغيرك وغيرك وغيرك
هي دي المراءة

صبرني يارب يقول...

خالد سيد


يا اخي الفاضل

دايما اقرا الايه دي واقول يارب ما تخلنيش من دول

اتامرون الناس بالبر وتنسون انفسكم وانتم تتلون الكتاب افلا تعقلون


والحمد لله انا جوزي مراعي ربنا فيا وفى بيته والحمد لله مش هو بس فى زيه كتير

وجمعيات حقوق مرأه الى انت بتتكلم عنها
ما علينا مش موضوعنا مش هانقعد نعيد ونزيد فى كلام خارج نطاق المناقشه


اه فعلا احق الناس بصاحبتي الام


بس المراه مش ام بس

المرأه ام واخت وزوجه وابنه

وقبل ده كله

انسااااانه لها حقوق كتير غير حقوق الامومه
لها ادوار كتير غير انها تكون ام

ومن حقها تعيشها وتحسها

khaled said يقول...

الي صبرني
والله العظيم انا الا ربنا يبصرني عليك

دة كلامك وانا موافق علية مليون المية
والله وابصم بالعشرة


انسااااانه لها حقوق كتير غير حقوق الامومه
لها ادوار كتير غير انها تكون ام

ومن حقها تعيشها وتحسها





بس ممكن تقوليهم لي
1-2-4-4-5

عديهم ليا بدون ما تنسي شئ

علشان انا فهمي علي قدي


وياست هينوبك صواب انك عرفتي واحد اية هي حقوق المراءة

واجرلك علي الله



وللمعلومة والله العظيم اسامة ماقلي شئ علي انك مستبدة برائيك


دانا اللي بضحك معاة وبقولة دي مستبدة برئيها


ضحك قوي وقالي اصل انا بقولها كدة


هذا للعلم فقط



ولازم تعددي لي اية هي حقوكم اللي الرجالة مش عرفنه علشان ينوبك صواب ونعرفها

صبرني يارب يقول...

خالد سعيد

لا كفايه كده عليا ثوابات من ناحيتكم

لما ترجع بالسلامه ابقى اسأل المدام قولها عايزه ايه مني ومن الدنيا والناس

وخليها هى تقولك

شرفت وعادي حتى لو قالك مافيش مشكله

مستبده عاجبنى نفسي كده

أحمد عاطف يقول...

الأخت العزيزة صبرني يارب

بدون الكلام الكتير والمبررات الكتير وبدون ما نقول انها طفاسة

الله سبحانه وتعالى لا يحل للمرء ما يضره ولا يحرم ما ينفعه

أي كانت أسباب التعداد فهو أمر مباح يمكن إتيانه إن شئنا ويمكن تركه ان تعارض مع موقفنا

وفي الاخر أنا عايز اتجوز تاني .... بس جوزوني أولاني وربنا يسهل بعد كده

أخوكي

أحــــمــــد 30

صبرني يارب يقول...

احمد عاطف

طب ما تتجوز تاني يا سيدى هو حد قالك لا

وبعدين نجوزك ازاي طيب

اول لما افتح مكتب خاطبه هاقولك
ههههههههههههههه

ولو انا ناويه اشتغل فى الدور الاول بس حفاظا على مشاعر الشباب الى مش لاقي نمله يتجوزها هههههههههههههههه

اتجوز ولا هو ....... كله كلام

ههههههههههههههههههههههه

لميس يقول...

أفتكر موضوع الزواج التانى للرجل مش محتاج لف ولا دوران ولا تحليل عصيب ، وده طبعا بعد الاستثناء للحالات التى تستلزم الزواج التانى زى عدم مقدرة الزوجة على الانجاب او انها نكدية ومستحيل العيشة معاها زى ما أزواج كتير بيقولوا.
الرجل بيحب يشعر بالاهتمام وانه لسة عنتر زمانه وكازنوفا عصره وأوانه وانه لسة مرغوب وان البنات هتتجنن عليه ، وانه لا كبر ولا عجز ولا بقى أصلع وبكرش ولا شعره ابيض يعنى لو فاضل شعر ، وانه لسة وسيم ورقيق ويتحب ،لإما بيلجأ للعلاقات خارج اطار الزواج يا اما ان كان يعنى عنده بعض من التدين وما يعملش الحرام بيتجوز .
ومكن تكون عقدة نقص ، مثلا راجل شايف انه مالوش لازمة لا فى بيته ولا فى شغله ووجوده زى عدمه فبيثبت لنفسه ولمراته وللناس انه سى السيد ويقدر يفتح بدل البيت اتنين وانه مهم جدا وغيابه مش زى وجوده.
أما بالنسبة لموضوع ان الرجل مش بس الى غلطان فى مسألة الجواز التانى وان فى انثى بتشاركه فى الغلط ده ، وان لو كل الستات رفضت انها تكون زوجة تانية فالراجل مش هيتجوز تانى فانا لى تعليقين على النقطة دى .
أولا أى زوجة مالهاش دعوة بالست فى الموضوع ده خالص ، الى يهمها ازاى جوزها يخونها ويكسر قلبها لاوينسى عشرته معاها والى اتحملته منه وعشانه ويسيبها ويفضل عليها واحدة تانية . ما يهمهاش ان كل ستات الدنيا تقبل انها تكون زوجة تانية لكن يهمها ان جوزها يرفض مبدأ الزواج التانى .
ثانيا الستات مش كلهم ملايكة ، الستات فيهم الانسانة المريضة الى بتجد سعادتها فى هدم بيت امرأة اخرى ، وفيهم الى بتجرى ورا راجل عشان فلوسه او مركزه وفيهم المغلوبة على أمرها لأى سبب كطلاق او ترمل او عنوسة وفيهم الى بيخدعها واحد باسم الحب وبدعوى ان مراته انسانة لا تطاق وانه عايش معاها بس عشان الأولاد.
الانسان بيكون قدامه مغريات كتيرة فى كافة مجالات الحياة لكنه هو الى بيقرر مصيره وطريقه الى هيمشيه .
هل معنى ان الراجل لقى ست على استعداد انها تكون زوجة تانية انه يتجوزها
هل معنى ان الانسان لقى قدامه حاجة مش بتاعته انه ياخدها
هل معنى ان الانسان لقى قدامه اكل وهو شبعان انه ياكل وخلاص بدال الكل موجود
اكيد هنقول عليه طفس
ونقطة أخيرة أحب اقولها للراجل الى بيقول انا بتجوز تانى عشان أعف بنت من بنات المسلمين ، لو ده فعلا هدفك وبتعمل ده لوجه الله ساعد راجل تانى مش متجوز ومش قادر يتجوز انه يعف بنت وخد ثواب اتنين بدل واحد ، او اتجوز بنت وحشة أو معاقة او مطلقة او ارملة تكون كبيرة وعندها اولاد كتير ومافيش أمل انها تتجوز شخص تانى
وابقى قبلنى لو عملت كده

Unknown يقول...

كلام جميل خالص

Unknown يقول...

عشان متجوزه راجل لامؤاخذه زيك