الثلاثاء، 29 سبتمبر، 2009

حملة اتبرع وانت فى بيتك


السلام عليكم


الحقيقه انا اتوجهلي دعوه من الاخ طهر فؤادك صاحب مدونة رسول الله 1


والدعوه دي بخصوص الاشتراك فى الدعوه لحملة اتبرع وانت فى بيتك




وانا الحقيقه المتشفى دي بالذات لها مكانه خاصه


حيث انها تمثل حلمي فعلا ونفسي مصر كلها تبقى حاجه نظيفه ومتحضره زي المستشفى دي وادارتها


وكمان لان قدر الله ان يكون لينا فيها نقول ضلع بيتعالج هناك


بن اخو رضا ربنا يشفيه يارب ويشيل عنه هو وكل الى زيه


اسمه محمد ادعوله باخلاص شويه والنبى


المهم انا ما روحتش المستشفى دي لكن جوزي راح كتير وقالي كل كلمه بيقولوها فى التلفزيون عليها صح وفعلا التزام ونضافه حقيقه وفعلا بيعالجوا ابن الوزير جمب ابن الغفير


ومجانا وبمنتهى العنايه والحالات بتتكلف فعلا مئات الالوف حقيقى اي اسره مصريه لو كانت حتى ميسوره الى حد ما ما يقدروش على العلاج ده


فما بالك بقى بالمعدمين وما اكثرهم فى بلدنا ولله الحمد .


واكثر ما اسعدنى بجد لما عرفت انهم بيبنوا مستشفى جديده كمان


واحزنى اكتر واكتر سؤال بيلف فى دماغي :


الاطفال دوووووووول كلهم عندهم سرطان ليه ؟؟؟؟؟ نحاسب مين ونعمل ايه



لكن ما نقدرش نعمل غير اننا نعالجهم دلوقتي ونخفف عنهم المهم .



المشاركه فى الحمله هدفها هو تعريف الناس بطرق التبرع السهله والمنشوه على موقع المستشفى نفسه


ومطلوب من كل مدون عايز يشترك انه ينزل بوست زي ده كده تعريف بالحمله وكمان يحط بانر عنده فى المدونه فيه شعار المستشفى وبلنك يوصل لموقع المستشفى


زي البانر الى عندي على اليمين ده فوق


طهر فؤادك اتكلم اكتر وبتفصيل ا كتر


وده جزء منه بس اخدته من بوست طهر فؤادك


هنســـــــــــاعدهم ازاى :---
- ان شاء الله الفكرة ببساطة اننا عاوزين كل المدونات الى هتشترك معانا فى الحملة دى هتحط شعار المستشفى واللينك الخاص بالمستشفى على المدونة الخاصة بكل واحد هيشترك بأذن الله معانا وكمان فوق الشعار هتكون كلمة( اتبرع وانت فى بيتك ولو بجنية او دولار من هنا )


والناس الى مبتدئين فى المدونات هشرح لهم بطريقة مختصرة ازاى هيحطوا الصورة واللينك وهى( انكوا تفتحوا صفحة التخطيط فى مدونتكم وبعدين اضافة اداة وبعدين نختار من اضافة اداة اختيار اضافة صورة وبعد كدة لما تفتح نحط فى خانة اسم النموذج الكلام الى اتفقنا علية وهو" اتبرع وانت فى بيتك" وفى خانة وصل هنحط اللينك بتاع موقع مستشفى 57357 والى هو http://www.57357.com/Default.aspx?


PageContentID=8&tabid=155


وبعد كدة هنضيف الصورة بتاعة المستشفى وهى موجودة اعلى الموضوع بتاعى فوق وبس وجزاكم الله خيرا ) علشان فية ناس كتيرة متعرفش عن طرق التيرع الى هى كتيرة ومش معروفة وممكن تحقق عائد كبير جداا جداا ومش متركز عليها فى اعلانات التلفزيون والراديو ووسائل الاعلام وهدفنا فى الحملة دى اننا نوضح طرق التبرع المتعددة الى بدورها هتجيب عائد اكبر واكتر لو كل واحد استخدم ولو طريقة واحدة وهو فى بيتة وهقولوكوا نبذة عن طرق التبرع دلوقت :- ....


1 - البنوك :- (ودى متركز عليها كتير فى وسائل الاعلام ومش هنخوض فيها ) .


2 - انترنت الخير (هنركز اكتر عليها ):-يمكنك التبرع من خلال أستخدام ارقام انترنت الخير : 07775757 أو 07075757 بنفس سعر المكالمة العادية كما انه يمكنك حساب صافي قيمة ما تبرعت به بأستخدام عداد الخير ...


3 - التليفون (هنركز اكتر عليها ):- يمكنك الاتصال برقم 1468 أو 2357 من اي تليفون محمول او برقم 09009555 أو 09000957 و التبرع لصالح المستشفى اثناء استماعك للرسالة الصوتية . سعر الدقيقة جنيهان


4- بطاقة الائتمان (هنركز اكتر عليها ):- خدمة جديدة تقوم بها مستشفى 57357 لتسهيل التبرع بالتعاون مع بنك مصر و شركه Verisign العالمية لتأمين المواقع على الانترنت. يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار و ستقوم مؤسسه فيزا و ماستر كارد بتحويلها إلى دولار .فقط اضغط على اختيار دولار ,فنحن بحاجة إلى العمله الصعبة لتمويل عملية استيراد الأجهزة و المعدات الطبية .


5 - البريد المصرى (هنركز اكتر عليها ):- يمكن التبرع فى اى فرع من فروع مكاتب البريد المصرى لحساب رقم 26386

****


حملتنا على ال facebook ( ودى اهداء من مدونة قطرات ندى . جزاها الله خيرا ) :-
- احب قبل وماكتب لينك الجروب علشان ان شاء الله تشتركوا معانا فية احب اشكر المدونة وربنا يجزيها خير ودة مثال حى للعمل الجماعى و ياريت كمان ياجماعة الى يحب يشارك بعمل شعار للحملة وعندة معرفة بالفوتوشوب ويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله .واليكم لينك الجروب على الفيس بوك :-
1 -
http://www.facebook.com/group.php?gid=139959994897&ref=search&sid=100000133813777.2100342868..1


***********************************************



والى عايز يقرا تفاصيل اكتر يروح عن طهر فؤادك ويشوف هو قايل ايه فى البوست ده مدونتك هاتنقذ طفلك


واي حد عايز مساعده فى عمل البانر واللنك يقولي وانا تحت امركم


وربنا يجازيكم خير جميعا مقدما


وما تنسوش الدعاء بالله عليكم للاطفال دول

هناك 39 تعليقًا:

عمرو جويلى يقول...

السلام عليكم
جزاكم الله خيراً على هذه الحملة
وجعله فى ميزان حسناتكم
دمت بكل الخير

عاشقه وغلبانه يقول...

ربنا يجازيكي خير ياحبيبتي
انا بأذن الله هاشارك معاكوا

سومه...مجنونه فى بلد عاقل يقول...

ربنا معاكم لكن انا نفسى بدل التربعات اللى عمرها ما حتنتهى اننا نفكر فى شىء دائم نعمله شىء يشغل الناس المحتاجه عشان يحس بقيمه القرش ونفسهم تكون عزيزه انا حاسه اننا بالغلط بنعلمهم الشحاته وبنوجد مجتمع متسول منغير ما نحس

صبرني يارب يقول...

اللؤلؤه

جزاكم مثليه ان شاء الله

وشكرا لك

صبرني يارب يقول...

عاشقه وغلبانه

شكرا يا جميل وربنا يجازيكى خير

صبرني يارب يقول...

سومه المجنونه

الشحاته ؟؟

سومه انتى ما تعرفيش الموضوع ايه والله لو شحتوا عمرهم كله ما يعرفوا يتعالجوا من المرض ده ربنا يعافينا

انا قربت اكتر زي ما قلتلكم من الموضوع وشوفت ايه الى بيحصل فى المستشفى دي


بصي يا سومه احنا مش بنشحت احنا من حقنا نبقى بنى ادمين

من حقنا ان الحكومه الميمونه توفر للناس العلاج المحترم على الاقل

ده حقنا

ما عملوش كده الحكومه نعمل ايه

نسيب الاطفال يموتوا والناس تتحرق عشان ما نعودهمش على الشحاته

هما مش بيشحتوا هما لهم حق محرومين منه


والتبرعات المفروض ما تنتهيش دينا بيقول كده

Zianour يقول...

الله يصلح حالك وحال المسلمين

انا معجبة جدا بخطك في التفكير والمساهمة الفعالة على جميع المستويات المجتمعية

بجد مش هزار

يعني دين تلاقي
دنيا تلاقي هزار تلاقي مطبخخخخخخ برضه تلاقي

ربنا يكرمك بجد
ويبارك ليكي ويصلح حالنا جميعا ويشفي اولادنا واولاد المسلمين

امين يا رب العالمين

ضكـــــتور جدا يقول...

السلام عليكم ورحمة الله وبركاته
ربنا يتقبل منكم ويجعلكم سببا في نشر الخير
فصنائع المعروف تقي مصارع السوء
تم التفعيل والنشر في مدونتي
تقبلي تحياتي

reem يقول...

ياتوتة ربنا يجازيكى خير يارب

ويجازيكى كل خير

انا معاكم ان شاء الله بس قوليلى اعمل ايه انتى عارفانى مش بعرف حتى احط صورة لوحدى

بجد ياصبرنى انتى عندك حق مش في حد يقدر يلمس صعوبة المرض دا الا اللى عانى منه بشكل او باخر او شاف معاناة حد قريب منه معاه

ربنا يبعد المرض عن كل الناس ويكفينا ويكفيهم شره يارب

مسدس صغير يقول...

جزاكم الله خيرا
ان شاء الله نشارك فى هذه الحملة

صبرني يارب يقول...

ضكتور جدا

ميه ميه يا باشا ربنا يجعله فى ميزان حسناتك

صبرني يارب يقول...

زيانور

ايوه يا اختي سبعه صنايع

بس الحمد لله البخت مش ضايع


وشوفتي بقى مهنيااااااكم ازاي مش خليه فى نفسكم حاجه

افتكروا الجمايل
هههههههههههه

صبرني يارب يقول...

مسدس صغير

وبعدين معاك المفروش تكبر بقى يا متر تبقى مسدس كبير

ان شاء الله فى ميزان حسناتك

صبرني يارب يقول...

ريم

عووووونيه يا جميل

بكره اول لما ارجع هارنلك ونعمله سوا ان شاء الله

اموووووووه بوسه كبيره ياوحشااااااني

mimi يقول...

ربنا يكرمكم
ان شاء الله ربنا يعيننا علي فعل الخير

طهر فؤادك يقول...

السلام عليكم ورحمة الله وبركاتة ,,,
ربنا يكرمك يارب والمسلمين ... ويجعل عملك الخير دة ونشرك للحملة فى ميزان حسناتك ان شاء الله .. وربنا يتقبل منك ومنا والمسلمين صالح الاعمال .
- وان شاء الله طموحنا مش هينتهى وان شاء نوصل لكل المدونات بفضل الله وتعاونكوا معانا ان شاء الله وربنا يكتر من امثالكوا الخيرة اللهم امين والمسلمين .
اخوكى فى الله طهر فؤادك (زقازيقى سابقا ).

ستيته حسب الله الحمش يقول...

مساء الفل يا قمرايا
وحشاني برشا برشا

ربنا يجعل كل اللي اشتركوا في الحملة دي من العباد المرحومين
ويعافي جميع ابناء المسلمين
وينتقم من مستوردي كل مسببات السرطان

تم المطلوب يا جميل

صبرني يارب يقول...

ميمي

متشكره اوي ربنا يكرمك

صبرني يارب يقول...

ستيته

انت الى تمام التمام يا جميل

والله فعلا وحشاني نفسي اقعد ارغي معاكي شويه

صبرني يارب يقول...

طهر فؤادك

تصور يا زقازيقى انا كنت هاسألك والله

واقول ياربي هو كان قالي فعلا انه عمل مدونه

طب مش تقول يا راجل

نورت يا طهر فؤادك وربنا يكرمك وشكرا على الدعوه للحمله


ودايما منور على الله ما تجيش دايما بقى
هههههههه

طهر فؤادك يقول...

السلام عليكم ورحمة الله وبركاتة ,,,

ربنا يكرمك يارب والمسلمين ... ويجعلة فى ميزان حسناتك ان شاء الله .. وتكونى معانا دايما فى حملات تانية بأذن الله وانتى بصحة وعافية وكل الى بيتبعونا والمسلمين اجمعين اللهم امين .

مصري جدا يقول...

ربنا يشفي كل مريض يا صاصا

الا سؤال كدة

بعد كل دة ولسة فية تفاصيل

الواحد يشتري جاهز احسن

mahasen saber يقول...

الله يكرمك يا صبرنى ويجازيكى خير

طبعا طبعا هشترك فيها ...

لا حول ولاا قوة الا بالله

ربنا يحمى اولادنا ويعافى محمد ويشفيه ان شاء الله

عارفه يا صبرنى قلتى سؤال مهم جدا جدا مين المسئول عن تفشى المرض البشع ده بين اطفالنا

تلوث ولاا تلوث ولاا اهمال ولاا ايه بالضبط

ربنا يلطف بينا
اللهم امين

فشكووول يقول...

السلام عليكم صبرنى

تحياتى

ولو انى مشارك فى الحمله دى وحطيت البنر بتاعها فى مدونتى الا انى احب ان الفت النظر الى مشروع عظيم ولا يقل عظمه عن مستشفى سرطان الاطفال وهو المعهد القومى للأورام اللى فى اول شارع مجرى العيون ... هذا المعهد هو ملجأ لكل مريض بالمرض اللعين ويستحق منا نظره ايضا

تحياتى

الازهرى يقول...

ربنا يكرمك يا رب

انا تابعت الموضوع ده من فترة وواضح ان فى اعداد كبيره نهضت للموضوع ده
انا شخصيا بيناسبنى الوسيله الاولى والخامسه
وربنا يعينى واقدر اعمل اللى اقدر عليه باذن الله

أما بقى أسبابه فليله كبيره جدا وفيها اراء كتيييييييير يمكن بعد ما ارجع ابقى الخصها وانشرها لكل الناس

ربنا يعيننا جميعا على الخير

فشكووول يقول...

انا قريت تعليق البت سومه المجنونه وعلى فكره هى بنت اختى واقتنعت بيها وكمان قريت ردك عليها وبرضه وجهة نظرك عندك حق فيها لكن سومه عايزه تقول ان الحكومه سايبه كل حاجه وعماله تشحت من الشعب والمفروض انها هى الاخرى تساهم بقدر كبير معانا فى هذه المستشفى ... يعنى مش تخلع ايديها من كل حاجه ... عايزين من بيت المال اللى هى وزارة الماليه مبالغ محترمه للمستشفى دى بدل ما تدفع علاج على نفقة الدوله للفنانين اللى واكلينها والعه وبياخدوا الملايين والحكومه برضه تدفع لهم فلوس العلاج بالخارج ..ز بلاش الفنانين دول الاغنياء جدا ويدفعوا الفلوس اللى بياخدوها للمستشفى .. ايه رأيك

صبرني يارب يقول...

طهر فؤادك

شكرا لك ونورت

صبرني يارب يقول...

مصري جدا

اه اشتري جاهز

شرة العبد ولا تربيته يا اخويا
ههههههههههه

ايه ده انت مكسل تقراولا ايه

صبرني يارب يقول...

محاسن

كله على كله يا محاسن واحنا ولا على بالنا

صبرني يارب يقول...

استاذ فشكول

حضرتك ممكن تقنع الحكومه انها تمول هى المعهد القومي للاورام

بس ابوس اديكم بلاش الحكومه تدفع فى المستشفى دي

ولا اصلا تفكر فيها متشكرين اوي والله

كفايه علينا مستشفايت بالاسامي بس والفعل مافيش

شكراااااااااا مش عايزين منها حاجه بس يسبونا فى حالنا

احنا هانشحت يا سيدى بس هما يسبونا نشحت


استاذنا الحكومه المفروض تدفع
وما بتدفعش

نعمل ايه ؟؟؟

نقف نتفرج

ناس بتحاول تساعد نساعدهم الى ان يقضى الله امرا كان مفعولا

وحسبنا الله ونعم الوكيل

عمرو يقول...

بارك الله فيكى يا أم خالد و جعله فى ميزان حسناتك ..
الأطفال المرضى فعلا فى أمس الحاجه للدعاء الخالص من القلب و أيضا للمساهمه فى كل ما يقربهم من بر الشفاء ,,
لى ملحوظه صغنونه بعد اِذنك و هى كلمة المعدومين اللى وردت فى البوست و صحتها المعدمين لأن الفرق فى المعنى كما تعلمين كبيرا :)
تقبلى تحياتى و تقديرى ..

صبرني يارب يقول...

استاذ عمرو

اي والله صحيح

هو نا كتبتها معدومين

يالااااااا فى بلدنا دي واحد والله يا استاذنا

متشكره اوي يا استاذنا

mahasen saber يقول...

ازيك يا صيرنى يا جميله

وحشتينى من اخر مره اتكلمنا

طمنينى انتى كويسه والامور معاكى تمام

صبرني يارب يقول...

محاسن

والله بصرف النظر عن نصي وشي الى فوق الى مش حاسه به من بنج الاسنان

والعيال الى واخدين دور برد ومطلعين روحي

والكورس الى بقى كل يوم من الساعه 8 للساعه واحده

فانا كويسه الحمد لله
ههههههههههههههه

عرفتي ليه مش عااااارفه اشوفك

وحشااااااااني يا جميل

تامر علي يقول...

نشكرك على التفاعل الايجابي مع القضايا ..... وان كان التساؤل لم يهدأ عن هل ما اذا كانت حكومتنا فقيرة لدرجة عجزها عن استكمال هذا المكان ولا هي كويسه بس في الاخد

عموماً ده شيء لابد من دعمه مهما تكن الظروف ... نشكرك على التوضيح :)

صبرني يارب يقول...

تامر علي

الحكومه طبعا فقيره وغلبانه

احنا الى معانا فلوس

ولعلمك الخاص زمانهم بيدوروا على طريقه دلوقتي يحاولوا يلموا بها الفلوس دي لصالحهم

وزمانهم بيفكروا

هما ولاد الهوهو دول بعد كل الى عاملينه فيهم لسه معاهم فلوس .؟؟؟!!!!

اااااااااه يا بلد

طهر فؤادك يقول...

السلام عليكم ورحمة الله وبركاتة
ربنا يكرمك يارب والمسلمين ..ودة شكر واجب لازم اقدمة من حملة "مدونتك هتنقذ طفلك".. وجزاكم الله خيرا والمسلمين ودة موضوع الشكر فى اللينك دة ادخل

وخد هديتك من هنا :-
http://rasoulallah1.blogspot.com/

صبرني يارب يقول...

شكرا يا طهر فؤادك

ربنا يكرمك حالا هاروح هناك

شفـقــة و إحســــان يقول...

جزاكي الله خيرا عنا
وعن كل من علم بهذه الحملة من خلالك
وأسأله أن ينير دربكما أنت وزوجك
كما أنرتوا قلوبنا لهذا الخير