السبت، 31 أكتوبر 2009

اخر الكلام للتجمع فى المنصوره يا قوم( تحديث تاني بخصوص جمعية رساله)

تحديث تاني
يا جماعه انا قربت يجيلى تخلف عقلي من البلد دي والى فيها
المهم
مديرة جمعية رساله كلمتنى من شويه واعترض على انى قلت ان هايبقى معانا مندوب من رساله وهياخد التبرعات
مع ان الى قال كده واحده من الى بيشتغلوا فى رساله والله مش انا الى الفت الكلام ده وهى كمان الى اقترحت الكلام ده
لكن مديرة الجمعيه قالت لا ما عندناش اي حاجه من هذا القبيل
الى عايز يتبرع يجيب الفلوس لمقر الجمعيه
برضه انا باكرر انا مش بالف من عندي الكلام الى انا قلته فى الاول كان من واحده من الى بيشتغلوا فى الجمعيه
والكلام الى انا قلتله دلوقتي برضه من مديرة الجمعيه
وكمان اضافت ان التبرع بالدم مش محتاج حاجه منهم وان احنا نروح كده مننا لنفسنا للمستشفى ونتبرع ومافيش داعي نقول يا رساله
شكرااااااااااا لجمعية رساله التعاون الرشيد
وليها فى ذمتهم كام مكالمة تليفون على كام ساعة ضاعوا
على قلة فايده
طبعا ما تقلقوش كله شيء ماشي تمام والتجمع فى ميعاده وفى مكانه عادي
لكن النادي جايز اغيره عشان نادي النيل مش من مقامنا
ههههههههههههههههههههههههه
وبالنسبه للتبرعات العينيه والماديه الناس الى بتسأل يتفضلوا يجبوها واحنا هناخدهم من ايدهم ونروح مقر رساله
ولو ما قبلوش ياخدوا التبرعات تعالوا نقف فى وسط الشارع ونقول يا تبرعات
هاتلاقي من الغلابه الف مصر كلها غلباه اصلا
خلاويص كده بقى
*************************************************************
تحديييييييييييث
معلش يا جماعه نسيت اقول فى البوست الاقتراح الى حطه احمد البنا وانا شايفه انه اقتراح معقول اوي وهو قاله فى ردود البوست الى فات
وبيقول فيه :
ان التجمع فرصه للنقاش مع الزملاء الشباب والعواجيز والنص نص فى حاجات كتير بس الوقت يسمح وياريت اللى عنده اصدارات منشورة من دواوين او روايات يجيبلى معاه نسخ وهدفع والله وعندى فكره لا افكار كتيره عايز اطرحها على المدونين المحترمين بس مش هينفع هنا ..لما يكتبلنا ربنا اللقاء الاخوى ده اسمحولى اطرحه وكل واحد يدرسه براحته وعموما اجندة الاقتراحات هى
- عمل مجله شهريه باسم مدونين مصر تتناول اعمال مختاره من كل المدونات الجاده صاحبة الموضوعات المميزة وهيتم طباعتها على نفقتنا برموز بسيطة لن تتعدى كل واحد 100 جنيه مثلا لحد ماجيب دعم ليها من جهات اعلاميه ودى انا بسعى ليها مع القنوات المختصه فى الاعلام وباذن الله هتحصل
- طرح شعار جديد وموجه اعلاميه تحت شعار - احترم مدونة غيرك - وده من باب احترامنا لبعض وعدم التعدى على افكار بعض خصوصا لو تناقضت مع فكرنا والاختلاف يكون فى حدود الاحترام
- عمل سوق بسيط فى كل تجمع لبيع كتب الاعضاء المدونين اللى ليهم اصدارات فى الاسواق ومفيش مانع نشجع بعض وقت اللقاء ونشترى كتب بعض بجر رمزى ولو بنص التمن وده هيبقى دعايه لكل واحد بيكتب لان اللى هيشترى كتاب بسعره المخفض لانه مدون هيعمل دعايه ليه فى محافظته وبالتالى الدعايه هتكون متبادله بين الناس كل واحد او واحدة يعمل دعايه للتانى
- مساعدة الشباب اللى عايز يطبع كتب وشايف انه شغله يستحق النشر ومن ناحيتى انا متبرع بالمتابعه وتقييم الكتب المطروحة وعرضها على كبار المثقفين بمختلف كتاباتهم لتقييم الكتب وكمان هوجهه لدار النشر اللى تتبنى الطباعه والتوزيع وده من باب مساعده اى حد من المدونين نفسه يطبع بس مش عارف ازاىوغيرها من افكار حاسس انها هتفيد الكل واتمنى تلاقى قبول للنقاش واللى عاجبه الكلام يجيب معاه شغله على سى دى او مطبوع ونتكلم يومها فى التفاصيل
******************************************************

السلاااااااام عليكم

بعد اللف والدوران والمرواح والمجي شمال ويمين وخناقات ونشد فى شعر بعض اسبوع اهو لحد دلوقتي

قررنا خلاص (اه والله تصدقوا )

ان التجمع ان شاء الله هايكون يوم الجمعه القادمه الموافق 6/11/2009

وهاتنضم الينا البت خيخه واي كلام جدعنه منها يعنى وها نعمل التبرع المره دي عندنا فى المنصوره

ورحمة بشعب البلوج الغلابه المتبهدلين فى التجمعات والمفلسين من التبرعات

هاشحت عليكم اهو هههههههههههههههههه

المهم تفاصيل اليوم العظيم الشأن ان شاء الله

اولا ان شاء الله هانتبرع فى مستشفى اطفال المنصوره والى هى تابعه لجامعة المنصوره

وحسب التقرير البحثي انها اكتر مكان بيحتاج دم عشان امراض الدم عند الاطفال واتفقت انا مع الجماعه بتوع جمعية رساله
هايبعتوا معانا حد من عندهم عشان يسهلنا الدخول وما الى ذلك

وبالنسبه للتبرع المادي هاتتفضلوا الى ربنا مقدره على حاجه يجبها معاه وهايكون معانا مندوب جمعية رساله ومعاه دفتر الوصولات هياخد منكم التبرع ويديكم الوصولات

والمفروض ان التبرع هايكون لصالح قوافل الخير الى بتنظمها جمعية رساله


المواعيد بقى

يوم الجمعه الساعه العاشره صباحا هاكون انا قدام المستشفى هناك مستنيه حضراتكم


الناس بتوع المنصوره الى هايتاخر منكم عن الساعه عشره يعرف انى هاقتله

اه انا مش باحب اقف لوحدي اولا


وثانيا عشان ندخل نبدأ احنا تبرع على ما الناس المسافرين يجوا

طبعا الجماعه المسافرين يحاولوا يجوا بدري على اد ما يقدروا واول ما توصلوا المنصوره تتصلوا عليا

وهايكون الرقم ده معايا يوم التبرع ان شاء الله

وهافتحه يوم الخميس برضه عشان الى عايز يقولي أي حاجه بس هاقفله بالليل عشان انام ما انتم رخمين انا عارفه

وده اميل صلاح العمري مسدس صغير لو حد عايز يقوله حاجه برضهsasa198512@yahoo.com


المهم هانخلص التبرع قولوا على صلاة الجمعه هانروح نصلي فى مسجد السلاب ان شاء الله عند الجامعه برضه


وبعد كده هانطلع على كوك دور نتغدى برضه قدام المسجد على طول

وبعد كده هانطلع على نادي النيل باذن الله (يارب اوصل للمدير بكره ) ونقعد بقى هناك نلعب استغمايه وكده



بالنسبه للناس الى من خارج المنصوره

هاتنزلوا من وسيلة المواصلات الى انتم جايين فيها هاتلاقوا التاكسيات على طول والميكروباصات كمان

فى أي مكان فيه موقف هاتلاقوا كده لو ركبتوا تاكسي تقولوا لبتاع التاكسي الجامعه عند مستشفى الاطفال وهاتنزلوا تلاقونا فى وشكم على طول

عشان بتاع التاكسي ما يخمكوش هما 2 جنيه وزي بعضه ممكن 3 حسب المشوار عشان بس ما ياخدكوش لفتين ويقولك عشرين جنيه يا بيه عارفاااااهم

والي جاي بعربيته يسأل والى يسأل ما يتوهش او يتصل على أي حد فينا واحنا نظبطه

خلاص يا قوم كده كله تمام ؟؟؟؟؟؟

لسه حاجه فكروووووووووني

اه على فكره الاقتراحات خلاااااااااص فنيتوا خلصت انا كده جبت الاخر

ما اسمعش صوتكوا بقى

هناك 80 تعليقًا:

احساس طفلة محبة للرومانسية بس واقعية يقول...

انا عايزة ااااااااجى
كل شوية تجمعات ولقاءات
ربنا يديمها وتكون فى الخير دائما
بس الشفقة يا قوم الرحمة
لكم اخوه فى اليابان ما بيدهم حيلة ( فاكرة مسلسل ونيس وهو بيقول لأولاده لكم اخوه فى الصومال اهى اليابان افضطع مش على الاكل بس يعنى )

انا عملتلك اية يا صبصب سوشى بالحشرات ومدونة للاكل تجوع اللى لسة مخلص اكل اساسا
وكمان تجمعات ولقاءات ماشى يا صبصب ليكى يوم ومخصوص هجبلك صنية سوشى واونجرى ولازم ولابد وحتما تخلصيهم كلهم واستحملى بقى انتى اللى جبتية لنفسك :)

يارب يكون يوم سعيد
وربنا يجازيكم عنه خير
تقبلى مرورى

بنت قلبى يقول...

صبصب الا دوخ الكل
واخييييييييييييييرا
واخيرا ايون واخيرا
الخلاصه نزلت يانااااااااااااااس
وعرفنا ايه النظام الحمد لله يارب
انا حلم باللقاء دا
مش عارفه لييييييه
اسرها بقا
ولولولولووووووووى اخيرا نزلوا الاخبار كلها
دى من فرحى بس
ويارب فرحتى تكمل واجى اشوفكم

صبرني يارب يقول...

بنت قلبي

ايوووووووان اخيرا يا اختي

ما تقلقيش ان شاء الله هاتيجى

صبرني يارب يقول...

احساااس طفله

يا قلبي والله واحنا نفسنا نشوفك
ولا تعلمي جايز الظروف تجمعنا ان شاء الله

بنت قلبى يقول...

صبصب
عاوزه منك طلب بجد
بس هوا غريب شويه
بس بجد انا عوزاكى تعمليه باى طريقه وهستنا ردك

مسدس صغير يقول...

جميل اوى
انا كمان نزلت بوست عندى
حتى يعم الخير ونعوم فى الخير

سومه...مجنونه فى بلد عاقل يقول...

ربنا يجمعكم فى الخير ديما

سجود يقول...

اعتبرونا معاكم
وافتكرونا باي حاجه
وان احنا بجد كان نفسنا نحضر
وياريت بقي تجيبولي هديه بعد ما تخلصوا عشان عيد ميلادي يوم 7/11
ههههههههههههه
ربنا يوفقكم ويجعله في ميزان حسناتكم

صبرني يارب يقول...

مسدس

جود شغال يا فندم

صبرني يارب يقول...

بنت قلبي

عنيه ليكى لو اقدر يا جميل

ما تقلقيش انا ما حدش شاف فى البلوج ده غرائب وعجائب ادي

ايه المطلوب

صبرني يارب يقول...

سومه

متشكره اوي يا جميل

ايه مافيش امل انك تيجى ولا ايه

شاب فقرى يقول...

شاب فقرى يتحدث

الأصلى وربنا مش التقليد

مسااااااااء الفل

شاب فقرى إن شاء الله معاكم

كان حلم حياتى من زمان أنزل المنصورة وألف فيها

يا خسارة كل الأماكن جمب بعضها

أنا لما بنزل بلد معرفهاش

لازم أتوه فيها عالأقل ساعتين

أعمل إيه انا بقى دلوقتى ؟؟؟؟

عالعموم إن شاء الله أتوه براحتى وألف شوية فى المنصورة

قولوا يارب

إن شاء الله معاكم

وهفكر تانى فى موضوع الدم دا

وبالرغم من إنى فقرى

بس هفكر مرة وإتنين وتلاتة

لأنى كنت ناوى متبرعش بالدم

لأنى ببساطة ... ولا بلاش :$

المهم

تحياتى لكم جميعا

شاااااااااااب فقرى :)

صبرني يارب يقول...

سجود

كل سنه وانتى طيبه يا جميل

تعالى والله وانا اعملك حاجه حلوه

انتى من طنطا يعنى قريبه

شوفي كده

صبرني يارب يقول...

شاب فقري

هاتنور

ما تقلقش والله مش هاتوه ولا حاجه

معاك التليفون اهو بس كلمنى وانا ابعتلك اي حد من الشوباب

الى اللقاء

الشعب لابد له من حكومه تشكمه يقول...

علم وينفذ ياجينيرال:)
عشره الا ثانيتين باذن الله ,ان شاء الله هتلاقينى موجوده:) اصلى دقيقه فى مواعيدى..كلمة السر كتكوت علشان نعرف بعض ياجينيرال:)

شاب فقرى يقول...

فهمتينى غلط

انا بحب إنى أتوه فى البلد

عشان أتجول فيها براحتى

دا أنا بدخل شوارع فى القاهرة معرفش بتودى على فين

عشان أتوه وألف شوية وأريح أعصابى وأشوف المصريين اللى بعشقهم

وأهوه كدا ولا كدا بنتعلم من المشى اللى فى أماكن منعرفهاش :$

فأنا حاليا عايز أتوه بقى

أعمل إيه ؟؟؟

شاب فقرى

صبرني يارب يقول...

شاب فقري

طب وحياتك يا اخويا تعالى التجمع الاول وبعدين ابقى تووووه براحتك
ههههههههههههههههه

ايه ده

صبرني يارب يقول...

الشعب

ماشي يا مشمشمه ما تقلقيش احنا شماءايت زي بعض هانعرف بعض

هههههههههههههههههههه

Soul.o0o.Whisper يقول...

صبصبتىىىىىىىىىىىىىىىىىى

صباح الخير عليكى يا قمر

سوووول تتحدث من أمام الميكروفون
حووووووووووول

هههههههههههههه

تمام يا جميل جدااااااااااا
و ربنا ييسرلك مقابلة المدير بكرة و ابئى بلغينى بآخر الاخبار عشان نظبط التظابيط

بس ان شاء الله متفائلة خير


و إن شاء الله يا قمر 10 بالثانية هتلاقينى ادامك
أصلى أكتر حاجة باكرهها فى حياتى اللى يتأخر عن معاده

أنا سجلت الرقم التانى اهو
و على اتصال ان شاء الله :)

دمتى بكل الخير

فاتيما يقول...

الله يفتح عليكى
يا ست الكل
عموما جمعية رسالة مشهود لها بالامانة و حسن التنظيم
و ربنا يكرمنا كلنا
و نقدر نعمل حاجة و لو قد السنتوفة فى الخير
امبارح شوفت خوخة
و كان هيجيلى سكتة قلبية
لولا انها طيوبة و جدعة
و انا صوعوبت عليها
اقرى آخر بوست عندها
و انتى تعرفى قصدى .....
إن شاء الله نكون معاكو
و ف المعاد
و يكون يوم جميل على حسكوا
و البركة فيكو يا حبيبتى مجمعينا فى الخير
خالص حبى و تحياتى يا صبصوبتى
على المجهود المتميز دا

مواطن شووجااع يقول...

دا الإيفنت بتاع التبرع ع الفيس بوكـ
http://www.facebook.com/share.php?appid=2344061033&src=box&tid=173219420982&u=http%3A%2F%2Fnouranelshamly.blogspot.com%2F2009%2F11%2Fblog-post.html#/event.php?eid=173219420982

الناس اللي ع الفيس بوكـ وهتحضر إن شاء الله تخش تقول أنا جااااااااااي

لو مش جاي قول مش جااي

وأهم حاجة تعمل دعوة لكل الفريندز عندها ع الفيس بوكـ

samamasr يقول...

هما هينوروا المنصورة إن شاء الله :)

فتاه من الصعيد يقول...

تجمع موفق باذن الله

تحياتي

بـــــسمة انـــــــــور يقول...

كله تمام ياباشا

وعلم وجارى التفاوض مع اهالى بيتنا الكراااااام
يااااارب يوافقوا يارب

وعلى العمم المكان ميتوهش ان شاء الله هقدر اوصل للمكان بسهوله وباذن الله فى تمام العاشرة بالتمام والكمال هكون موجوده ...... بس اخد الاوكى الاول

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

صبرني يارب يقول...

سول

ماشي لما نشوف

على الله تتاخري

صبرني يارب يقول...

مواطن شجاع

يا مصييييييتنا ايه ده يا جدعان

معقوله كده شكرا يا باشا وانا دخلت على الفيس تؤ وعملت الواجب

صبرني يارب يقول...

فاتيما

يا جميل انتى الخير كله

خيخه لو ما جاتش واتخيخنت انا هاغزها يا ماما هى هيصه ولا ايه

بس انا لسه مكلماها فى التليفون اكدتلى انها جايه

استر يارب

صبرني يارب يقول...

فتاه من الصعيد

شكرا ليكى يا جميل

صبرني يارب يقول...

سما مصر

اكيد

اتفضلي معانا

صبرني يارب يقول...

حسين لزومي

حاااااضر

ان شاء الله لما اخلص موضوع اللقاء عندي عمره للمدونه واحنا بنبيض بقى وكده احط البنرات الجديد

نورت

صبرني يارب يقول...

بسمه انور ما تقلقيش

وزي ما قلتلك انا فى الخدمه كلمينى بس على الرقم المنشور وانا هاتصرف


اشوفك على خير

بنت قلبى يقول...

صبصب
محولاتى انتهت خالص
مع ماما بجد
جه دورك هنا بقا ومش عاوز ازود كلامى اكتر لاننا كنا زعلانين مع بعض اصلا
فا جه هنا بقا دورك
وطبعا دا غير الطلب الا كنت عوزاه منك
بس الاهم ادخلى بقا هنا بجد

صبرني يارب يقول...

يا بنت قلبي
انا هنا اهو

وده اميلى

sbarny_yarb@yahoo.com

عشان لو مش اتقابلنا النهارده

م/حسام القاضي يقول...

السلام عليكم ورحمة الله وبركاته
اختي الفاضلة قرأت تحديث في مدونتك عن عمل كتاب يضم افضل مواضيع المدونين

وفي حال رغبتكم بعمل موقع على الانترنت للكتاب او مايتعلق به من اصدارات ومقتطفات من التدوينات ...الخ

فيسعدني التطوع مجانا لعمله من كافة النواحي سواء برمجة او تصميم او استضافة واشهار

في انتظار ردكم الكريم
و السلام عليكم ورحمة الله وبركاته

Darsh Basha يقول...

مين مين
اية التبذير دة
كوك دور مرة واحدة ..دا كدة هيطمعوا بقى..هى سندوتشين من عند البغل وخلاص ..لتلاقيهم كل يوم عندنا فى المنصورة.

على العموم ينوروا ..وان شاء الله هتلاقينا معاكوا من الصبح برش ماية قدام المستشفى وافتتحة كدة

أحــوال الهـوي يقول...

طبعا ربنا يوفقكم في اللقاء و يجعل خطاكم الي الخير دائما
و احيي مجهودك العظيم جعله الله في ميزان حسناتك

و كنت اتمني ان اكون بينكم و للاسف انا في السعوديه
و انتظر تقرير تفصيلي خصوصا اقتراحاتك الجميلة

تحياتي

حـــلـــم كــــان يقول...

اخيرآآآآآآآآآآآ

فى المنصوره

لا لا لا لا لا لا لا

شعقوله

وكمان اعرف فى الاخر

نياهاااااااااااااا

معاكم فى الحوار ده

وزى ماشيماء قالت كلمه السر كتكوت

هتلاقنى عندكم عشره الاخمسه اى خدمه

مع انى عندى هويه التاخير عن المواعيد

بس هاجى بدرى دى مش اى معاد ده المدونين بنفسهم

لو عايزه اى حاجه من جمعيه رساله انا ممكن اساعدك واعملها اختك عضوه ضغيره فى اسره فى رساله وممكن اقدر اساعدك

فشكووول يقول...

السلام عليكم

يا رب اقدر اروح يوم الجمعه .. وما يكونش فيه حاجه تعطلنى .. بس ما اوعدش انى اوصل الساعه 10 او 11 يمكن على الساعه 12 يعنى على صلاة الجمعه كدا عشان نفسى اشوف الجوماعه بتوع المنصوره اللى ماليين التدوين ومعكننين على عيشتى دول

فشكووول يقول...

سومه ما فيش امل انها تيجى اصلها فى السعوديه على فكره سومه بنت اختى وبتحج السنه دى عقبال الجميع

الشعب لابد له من حكومه تشكمه يقول...

امممممممممممممممممممم انا سيبت كومنت عند حد غلط وانا قصداكى:( بس مش عارفه سيبته عند مين ههههههههههههه .

المهم استغلينى برااااااااااحتك تحت امرك:)هكلمك الصبح ان شاء الله بس قوليلى الساعه كام اصلى مش بحب اعمل ازعاج:) حساسه حساسه:)

MeGltNa يقول...

اخيرا يا شباب

اخيرا هنحس ان مدونين المنصورة معروفين

اخيرا

انا ان شاء الله هحال اصحى بدري و اجي

و ربنا العالم اليوم دة هيكون عامل ازاى

10 الصبح ان شاء الله يارب اكون معاكم

هعلم على قد ما اقدر و اجي


مين جااااااااااااااااااااااي

هههههههههههههههههههههههه


يالا يا شباب

انا عمرو وائل مدون من المنصورة ذات نفسها و مش ذات نفسها

بس بالنسبة للتبرع من الدم مش هنفع اتبرع خالصو ربنا يسهل و يقدم الى فية الخير

صبرني يارب يقول...

حسام القاضي

شكرا اوي مش عارفه اشكرك ازاي انا رديت على الاميل وربنا يكرمك وان شاء الله هاعرض فكرتك على الناس

صبرني يارب يقول...

شيما

لو انتى صاحيه الحين كلمينى على الاميل كده

ٌsbarny_yarb@yahoo.com

ولو الصبح عادي اتصلي على الساعه عشره كده

صبرني يارب يقول...

احوال الهوى

احنا الى كنا نتمنى حضرتك تشرفنا
معلش خيرها في غيرها

صبرني يارب يقول...

درش باشا

حرام عليك البغل ده مصدر التايفويد الاول

خلينا نرجع الناس سلام ياعم

هانستناك ان شاء الله

صبرني يارب يقول...

يا ست حلم كان

ما ضفتنيش او اتصلتي عليا ليه

بكره كلمينى يا ستى عايزينك فى حاجه يا حضرة العضوه
عايزين ختم من رساله على طلب للتجمع فى نادي النيل

انجزي مش عارفه اوصل لسهام

صبرني يارب يقول...

يا بت يا شيما انجزيييييي

عايزه ابعتك مشوار الصبح عشان مش هاعرف انزل انا

صبرني يارب يقول...

استاذ فشكول


اييييييه ده معقوووووووله

ياريت والله تقدر تنورنا تعالى حضرتك براحتك اتصل بس لما توصل المنصوره نقولك مكانا فين

ربنا يكرمك يارب هاتنورنا ان شاء الله

الشعب لابد له من حكومه تشكمه يقول...

بقولك انا لقيت حل وهنزل على الساعه 6 ان شاء الله اشوف ايه النظام.هكلمك على الموبايل وانا بره اقولك وصلت لايه اوك

eyaadsaad يقول...

صبرنى انا ان شاء الله هاجى لانى بجد نفسى اشارك فى حاجة زى دى واول مرة هعملها بس على فكرة التاكسى بقى ياخد 3 جنيه هههههههه مش 2 دة لو لقو اصلا تاكسى انتى عارفة ازمة التاكسيات عندنا فى المنصورة .
عامة ان شاء الله اتشرف بيكو كلكو والمنصورة هتنور وبالنسبة للتبرعات فى تبرعات عينية يعنى هدوم وكدة ينفع ولا لا ؟؟؟

صبرني يارب يقول...

شيماء

طيب ماشي انا فى انتظااااااااااارك مليت

صبرني يارب يقول...

اياد سعد

هانتشرف بك يا فندم

وبالنسبه لموضوعا لتبرعات هاكتب توضيح اهو للموضوع

فاتيما يقول...

إهيييه
دنا لسه قايلة بوقين كويسين
فى حق الجميعة دى البوست اللى فات
قوام كدا هيخلونى أغير رأى فيهم
أحدفهم بالطوب يعنى انا دلوقتى اكسرلهم الازاز
طب .. إنشالله ما يوعوا و ينشكوا فى معاميعهم
طب خلاص ...بلاش أصل مش عشانهم
المهم الحاجة توصل للناس اللى محتاجة
و خلاص
بس بالمنظر دا
دول على قلبهم تكييف
و لما احنا بنعرض المساعدة بيعملوا معانا كدا ...
اومال بيعملوا إيه
مع اللى بيطلب و يقول عاوز
مساعدة ؟!!!
عموماً خلاويص خوخة
خدت المبادرة الجدعة كالعادة
و قالت هنركب من موقف عبود
الساعة سبعة الصبح
و طيران عليكم
إن شاء الله
هتوحشونى من دلوقتى ليوميها
بوس و أحضان بالهبل بقى

صبرني يارب يقول...

فاتيما

والله انا اتغاظت بس من تضارب الاقوال

يعنى كمان الست المديره بتاعتهم معترضه على ان انا نشرت ان هايكون معانا مندوب

طب ما انتم الى قلتتتتتتتتتتم

ما علينا يا بنتى الموضوع مش محتاج
هو بس البتنجان هو الى بيعمل حموضه زي ما انتى عارفه
ههههههههههههههههههه

وانتوا كمان واحشينى اصلا من دلووووووقتي

يلا تعالوا

Anonymous يقول...

ممكن تكتبي خطوات يعني
1 _
2 _
3_

i don t understand any thing



tamer

عاشقة القمر يقول...

ربنا يجعلها في ميزان حسناتكم

صبرني يارب يقول...

تامر

حاضر
معلش يا جماعه والله غصب عني

معاك تليفونى اهو كلموني قبل ما تيجوا للقاء

صبرني يارب يقول...

عاشقة القمر

متشكره اوي

كيكى عوووووو يقول...

والله لو كانت المنصورة جانبى كنت ركبت اقرب توك تك وجيتلكم تتعوض

Anonymous يقول...

طب شوفي انا ملاحظ ان فيه مشكلة دايما في اللقاءات دي
في ادارتها وتنظيمها
وكل كتلة من اليكس والمنصورة والقاهرة بتعملها بشكل منفرد
وبعدين انتي شاحنة اليوم بحاجات كتير
التبرع بالدم
طب دا المفروض الناس تروح تنام
التبرع المالي او العيني
وبعدين وجبة
ومكان هتقعدوا فيه
وفيه فاصل كمان صلاة الجمعة


تامر

Anonymous يقول...

ركزي كده يا صبرورة
الله يهديكي انتي وشيما
خلوا الجمعة دي للتبرع بالدم والتبرعات
وهتبقوا حريم في بعضكم
right
وبعدين حددوا يوم تاني يبقئ تجمع عام محدد وواضح في ميعاده ومكانه واهدافه
خصوصا اني عندي جراحة يوم الخميس لأزالة غدة في صدري رافعة درجة حرارتي الأيام اللي فاتت كلها


تامر

صبرني يارب يقول...

لا والله يا تامر مافيش مشكله ان شاء الله ما تقلقش

هو بس كل الحكايه ان حصل لخبطه باسباب مش مني انا والله

لكن ما تقلقوش
كله هايبقى تماااااام

والف الف سلامه عليك يا تامر

يعنى انت مش هاتحضر اللقاء ولاايه

طب نيجى نزورك طيب

يعنى انت هاتعمل الجراحه يوم الخميس الى هو بعد بكره ؟
ولا ايه مش فاهمه

صبرني يارب يقول...

كيكي عوعو

تشرفينا فى اي وقت يا جميل

شكرا ليكى

Anonymous يقول...

لالالالالالالالا بعد بكرة وبسيطة يعني مش محتاجة نقل دم يعني
لو احتجت هاتصل باي حد يجي يتبرع

ربنا يسهل ان شاء الله



تامر

Anonymous يقول...

شوفي بقئ
دي اعتبريها مجرد وجهة نظر
انتوا تعملوا توحيد علي اللقاءات دي مش كل كتلة تبقئ لوحدها
تعملوا كده زي ادارة مركزية منكم مجموعة هي اللي تنظم اللقاءات دي
هما اللي يعملوا التسهيلات واختيار الأماكن والمواعيد وتنسيق الأتصالات
لما يبقئ لقاء واحد شامل من اليكس والقاهرة والنصورة
هتبقئ تعددية في اطار واحد

ثانيا
انتوا بتمارسوا عمل خيري كتير ممكن تعملوا فكرة صندوق دوار ويبقئ له توجيه

ثالثا
انا شفت عندك عرض بالنسبة لنشر كتب ومدونات وتعامل مع دور نشر كويس


رابعا

وخامسا

دول ييجوا بعدين

بس المهم يعني انوا يكون في اطار موحد
ويكون له شكل تنظيمي


اقولك حاجة
اعمال كبيرة بدأت من عمل صغير جدا


تامر

Anonymous يقول...

فيه مستثمر عالمي اسمه جيم روجرز
دا صاحب مجموعة اكوانتم الأستثمارية
يمتلك شركات طيران
دا بدأ بمجلة بسيطة جدا


right
يعني مش تستبعدي اي عمل مهما كان بس يتنظم بشكل كويس ويبقئ عليه متابعة مستمرة

تامر

عاشقه وغلبانه يقول...

اييييييييييييييييه ده
انا جايه متأخر اووووووووووووي
اسفه للتأخير بس هي ظروف الزفت الشغل
بس انا جايه يابشر
استنوووووووووووووووني
انا من فرحتي باللقاء ماكملتش التفاصيل
هاقراها واجي اكمل كلامي

الشعب لابد له من حكومه تشكمه يقول...

تامر انا بس عاوزه اوضحلك حاجه انت واخد بالك منها وهى:
احنا كنا هنعمل اللقاء فى المنصوره يوم السبت الجاى تمام ومش فة تبرع بالدم..
لكن افتكرنا ان فى تجمع تانى يوم الجمعه قبلنا بيوم وفى ناس عاوزه تيجى برضه المنصوره فده ارهاق عليهم يعنى يسافروا يومين ورا بعض للقاهره وللمنصوره..
فصبصب قامت يخطوه جريئه وعرضت ضم اللقائين دول بحيث نباه يوم واحد مع بعض..
فالناس كتر خيرهم يارب وافقوا انهم يجوا بس كان شرطهم ان موضوع التبرع ميتلغيش ,,.
وبعدين الموضوع مش كتير انا فجاه حسيت انك قلت حجات كتير هتحصل...
1_ ادام مستشفى الاطفال الساعه 10..هنتقابل كلنا علشان منتوهش وبعدين الناس تتبرع براحتها...

2_هتكون صلاه الجمعه قد حانت هنروح نصلى فى السلاب ان شاء الله وده خطوتين من المستشفى....

3_ الناس اللى اتبرعت هيغمن عليها ولازم تاكل حاجه..هنروح كوك دوور نتغدى كلنا ويباه عيش وملح..

وبسسسسسسسسسسسسسسسسسسسسسس ..
فين باه المشكله:) حسستنى ان الدنيا اتقلبت علينا مره واحده..
التجمع ده كده فرصه اننا نجيب ناس من القاهره وكل الممناطق التانيه بدل ميكون قاصر على المنصوره وبس...

اخيرا: سلامتك وان شاء الله تقوم بالسلامه...

بس انا مش فاهمه ايه موضوع الحريم اللى قلته ده هو مش بيتبرع بالدم غير الحريم ولا ايه؟:)

بالنسبه للتبرعات كده اعتقد انها فنيتو لانهم مش هبعتوا مندوب,لييييييييييييييييييييييه..لانك اكيد فى مصر ام العجائب,.
بس انا شايفه ان لو حد حابب يتبرع باى حاجه ممكن نسلمهم لاى حد من مدونين المنصوره وهو يتولى تسليمهم لجمعية رساله ..

Anonymous يقول...

مش تزعلي نفسك خالص يا تؤ تؤ
ودنيا ايه اللي اتقلبت عليكم
انا هاخلص الموضوع بتاعي دا الساعة 3
وهانزل ابيت في المنصورة
وبعدين انا شخصيا مش ينفع اتبرع بدم
يعني اقولك ايه دا كله نيكوتين

اوكيييه كده

تامر

الشعب لابد له من حكومه تشكمه يقول...

ماشى ياتامر ان شاء الله تكون كويس وكله يكون تمام:)
سلامتك مره تانيه..ومن غير تبرع تنور:)اوكيييييييييييه...

Soul.o0o.Whisper يقول...

صبرنى ....

معلش إنى ماتصلتش اطمن ع الاخبار
بس بجد مطحونة مطحونة مطحوووونة الكام يوم دول


هأحاول اتصل بيكى النهاردة أعرف آخر الأخبار


سلام يا جميل

Anonymous يقول...

فرصه اني اري مدونات ممتازة من المنصورة وناس نشيطين احييكم
عبد الجليل

صبرني يارب يقول...

تامر

يارب السلامه ان شاء الله ونشوفك على خير فى التبرع باذن الله

والكلام الى انت قلته ده جميل اوي لكن عايزاك تعرف حاجتين

لو حاولنا نعمل لنفسنا كيان مستقل هانتسحل فى البلد دي وهانتبهدل اوانطه

ثانيا احنا عملنا اقتراحات زي دي كتير لكن هما عايزين يفضلوا كده

وكده مش وحش ماله ماهو فله اهو

احنا بس اول مره نعمل تجمع زي فى المنصوره والحقيقه ما كنتش متخيله العدد ده

هانتشرف بك يا تامر

صبرني يارب يقول...

شيماء منوره المنطقه على فكره

صبرني يارب يقول...

عاشقه وغلبانه

واحنا فى انتظارك يا جميل

خدي التليفون بتاعي من على الموضوع بره يا جميل

وتليفونك ما لحقتش اخده الياهو هنج وقفل

صبرني يارب يقول...

استاذ عبد الجليل

انا متشكره لحضرتك وانا اتشرفت بمعرفتك

صبرني يارب يقول...

سوووووول

معلش يا جميل
انا امبارح خلصت الارصده كلها وفضلت لحد بالليل بقى على ما حد عبرني بكارت

هابقى اكلمك ان شاء الله لما ارجع من بره

بنت قلبى يقول...

اخر الاخبار
بعتذر يا صبرنى عن اللقاء دا
وبكره جاى كتير
وهتزهقوا منى كمان

فاتيما يقول...

يا بنت قلبى
ليه يا بنتى كدا ؟؟؟
لعل المانع خير