الثلاثاء، 20 أكتوبر 2009

لمسة حب


الدنيا برد اوي اوي


دخلت جوه البطانيه بسرعه ومدت رجلها بالرااااااحه وقربتها من رجله عشان تتدفى على بعد عشان ما تزعجوش

فجأه حرك رجله ولمست رجلها فسحبت رجلها بسرعه بعيد عشان ما يبردش هو

فمد رجلليه هو

وهو نايم وبدون ما يحس ولا يفكر


وحضن بيهم رجليها عشان يدفيها


كانت قلبها هايتحرك من مكانه من كتر الحب الى حسته منه دخلت جوه حضنه الدافي وهمست فى ودنه

باحبك اوي

قالها بصوت ملخبط ونايم باموت فيكى يا حبيبتى

اعتقد هى دي اجمل واصدق وادفى لمسة حب


باهديها في هذا اليوم التاريخى


لاجمل واعظم واحن انسان دخل حياتي
واقوله كل سنه واحنا طيبين
والعشر سنين الجايين يكونوا احلى من الحلوين الى الفايتين


هناك 73 تعليقًا:

عاشقه الرومانسيه يقول...

والتانى كمان
لان ده بوست رومانسى عند صبرنى
ودى فى حد ذاتها مفاجئه
لأ دى كارثه
ههههههههههه

عاشقه الرومانسيه يقول...

اول تعليق محجوزززز
ليا انا

عاشقه الرومانسيه يقول...

انتى يابنتى مش عندك حساسيه من الرومانسيه؟
وعلى طول جيبالى احباط؟
ايه ماسوره الرومانسيه اللى اتفتحت فى مدونتك دى؟

عاشقه الرومانسيه يقول...

اممممممممممم
شكله كده عيد جوازكم
انا صح ولا استنتاجى غلط؟
عموما كل لحظه وانتى وحمايا العزيز بخير وحب وسعاده يارب


اوعدنا يارب بلحظه حب من دى
P:

reem يقول...

ايوا كدا ياتوتة

ايه الحاجات الجامدة دى ؟

بجد تحفة ياقمر

وحلو اوى جو البرد دا

عارفه فعلا الكلمة اللى بتطلع من غير تفكير دى بتكون لها طعم واحساس تانى

كل سنة وانتى طيبة ياقمر انتى واغلى انسان على فلبك
وربنا يخليكو لبعض ويجعل ايامكو كلها سعادة

ستيته حسب الله الحمش يقول...

هييييييييييييييييييييييييييييييه
وده يثبت نظرية عمنا الكبير
العالم الفذ
دنجل ابو شفتورة
ان الرومانسية معدية
كل سنة وانتم طيبين
وربنا يبارك لك في عمره ويبارك له في صحته وتفرحوا بولادكم

ستيته حسب الله الحمش يقول...

ملاحظة إنك النهاردة مقرقضة ضوافرك؟
خير؟
خيييييييييييييييييييييييييير؟
بركاتك يا عم رضا
ههههههههههههههههههههههههههههه
جيتي لي والا الهوا رماكي؟

بنت قلبى يقول...

احم احم

طبعا بتنحنح لان دى اول مره ازوره المدونه دى وطعا بالصدفه
وكانت احلى صدفه لانى دخلت على بوست رومانسى خالص
ومن غير اى كلام بقا
كل سنه وانتى وهوا طيب رغ انى مش عارفه الوووسبب بس حبيت اقلك كل سنه وانتى طيبه
ويارب يسعدك يارب فى حياتك

مسدس صغير يقول...

كل سنة وهوه طيب
وربنا يخليكو لبعض

mimi يقول...

كل سنة وانتي طيبة
وعايشة (رضا) وسعادة وهنا يارب

ربنا يديم عليكم الحنان

وتموتوا في بعض اكتر وأكتر

الشعب لابد له من حكومه تشكمه يقول...

كل سنه وانتو مع بعض ولاخر العمر:)ان شاء الله.
ثانيا:انتى كمان عندك حساسيه من الرومانسيه:) انا كمان كده:)

احساس طفلة محبة للرومانسية بس واقعية يقول...

اية دا امال التوحش حصل له اية ؟
جو رومانسى هادى ومليان حنان
بس تصدقى كدا احلى ربنا يخليكم لبعض
وعقبال 100 سنة وانتوا فى حب وسعادة ورقة واجمل احساس فى الدنيا

دمتى بكل خير
تقبل مرورى

فتاه من الصعيد يقول...

كل سنه وانتم طيبين ..... وعقبال مليون سنه وانتم مع بعض يا رب

تحياتي

صبرني يارب يقول...

عاشقة الرومانسيه

ايووووووه شوفتي بقى

يا بنتى عاشر عيد جواز لازم ماسورة رومانسيه تطفح بقى

وانتى طيبه يا جميل

صبرني يارب يقول...

ستيته

اااااااه يا ستيته قصتهم النهارده بس عشان عيد جوازنا العاشر بسسسسسسس

بس ما تقلقيش هايطلعوا تاني

صبرني يارب يقول...

ريم

ايوه فعلا

الحب اصلا كله عباره فعلا عن لمسه دافيه فى عز البرد وده حلاوته دايما

تسلمى يا جميل وانتى طيبه وبخير دايما وجمايلك مغرقانا هههههههههههههههه

صبرني يارب يقول...

مسدس صغير

متشكره اوي وانت طيب وبخير يارب

صبرني يارب يقول...

بنت قلبي

خشي يا اختي ما حدش خالع راسه
ههههههههههه

نورتي يا جميل وشكرا ليكى

والمناسبه عيد جوازنا

نوووووووورتي ودايما منوره ان شاء الله

صبرني يارب يقول...

الشعب لابد له من حكومه

اه والله يا اختي بس دي ما لهاش علاقه بالعبط الرومانسي

ده موضوع تاني

وكل سنه وانتى بخير يارب

صبرني يارب يقول...

ميمي

ايووووووه انا دايما اقول كده برضه ما دام عندي رضا يبقى خلاااااااص
هههههههههههه

صبرني يارب يقول...

فتاه من الصعيد

متشكره اوي ربنا يكرمك

صبرني يارب يقول...

احساس طفله

مافيش تعارض يا جميل

دى نقره ودي نقره
ههههههههههههههههههه

يــوم جــديد يقول...

رومانسي؟
صبرني ؟
اللهم اجعله خير
هو الرومانسية في المنام خير برضه
خصوصا إن في بطانية يبقى خير أوي :)
كل عام وأنت أسعد وبيتك لله أتقى وزوجك عليك أحرص وأنت له على الخير عونا
وأولادك أكثر برا
قولي آمين :)

Sweet Violet يقول...

O_O
شوفتى الشكل المزبهل ده
هو شكلى و انا بقرا البوست
رجعت تانى اتأكد هو انا فعلا يعنى دخلت على صبصب
رحت رايحة على البروفايلك من عندى و قولت جايز الريدر خرف ولا حاجة

معلش ياصبصب اصل مش متعودة على كده منك ابدا

ماهو طلعتى رومانسية اهو امال ايه بقى ؟؟ هه هه

ربنا يديم عليك الرومانسية فى حياتك و المدونة كمان يااااااااارب

و كل سنه و انتم طيبين ياجميلة
^_^

صبرني يارب يقول...

يوم جديد

ايوه ايوه صدقى

ايه يا ولاد عيب بقى ما تحرجونااااااش
ههههههههههههه

وانتى طيبه يا جميله

صبرني يارب يقول...

اه يوم جديد

آآآآآآآآآآآآآآآآآمين

شكرا يا جميل على الدعوتين الحلوين دول

صبرني يارب يقول...

سويت فيوليت

كده يا بت يا ضد مااااشي ماااااشي

لعلمك انا كاتباها من زمان يعنى

عاااااادي

ولعلمك اقل احاجه عندي

عندي كتير يعنى
ههههههههههههههههه

وانت طيب يا جميل

فكرة من الزمن ده يقول...

كل سنة وانتو طيبين وفي سعادة وحب ورضا من ربنا اللهم امين
جميل اوي الاحساس اللي كتبتي بيه

Ahmed يقول...

يارب يرزقك بسنين طوييييييله وكلها سعاده وجمال وفرح وحنان ودفئ وكل اللي تتمنيه وأحسن كمان

فشكووول يقول...

السلام عليكم صبرنى

طب انا اعلق واقول ايه .. يا رب يا بنتى يسعدك ويسعد اوقاتك ويخلى لك راجلك ولا يحرمك منه.. ربع جنيه لله يا محسنين

صبرني يارب يقول...

احمد ابو العلا

الله يكرمك يارب احنا وانت يارب

يلا بقى عايزين تفرح فيك
يووووووه

قصدي نفرح بك يعنى

بنفتح نفسكم اهو نقطع نفسنا بقى ولا ايه

صبرني يارب يقول...

استاذ فشكول

يا باشا انت ما تقولش حاجه انت بس كفايه طلتك علينا تنورنا

متشكره اوي ربنا يكرمك

صبرني يارب يقول...

فكره من الزمن ده

متشكره اوي يا جميل ربنا يكرمك

أحمد حسن البنا يقول...

كل عام وانتم زوجين

يارب دايما كده فى سعاده

rony يقول...

انا اول مره ازور المدونه دى
بس حاسه ان نفسى اتفتحتلها
اول ما دخلت وشكلى كمان حبيتها
كل سنه وانتم طيبين
ويارب كل ايامكم تكون حب وهنا وسعاده
تحياااااااااتى

بسنت صلاح الدين يقول...

ربنا يكرمكم و يخليكوا لبعض كل سنه وانتوا احباب علطول و كل سنه تقربكم من الحب و السعاده خطوه كمان

KHALED يقول...

كل سنة وانتم طيبين و ربنا يخليكوا لبعض ...

صبرني يارب يقول...

احمد حسن البنا

الله يخليك يارب متشكره اوي

على فكره خليت رضا قرى القصيده بتاعتك ونفشت ريشى وكده يعنى
هههههههههههههه

شكرا لك

صبرني يارب يقول...

خالد

وانت طيب وبخير يارب

صبرني يارب يقول...

روني

يا جميل المدونه وصاحبتها تحت امرك

متشكره اوي ونورتي ودايما منوره

donya يقول...

اول زياره
ومدونه ظريفه

من العنوان واسمك قلت اه ده الموضوع غلب في غلب

وجدت بوست يبعث علي الامل
ان الزواج كويس اهو مش زي مابيقولوا

كل سنه وانت طيبه

*تحياتي
هاجي تاني هههههههههههه

مصري جدا يقول...

رومانسية!!!!!!!!!!!!!!!!!!

وهنا عند صاصا!!!!!!!!!!!!!


يا لهول تلك الصاعقة

صبرني يارب يقول...

مصري جدا

هو ايه البلوج ده يا اخواتي

الواحد ما يعرفش يسنسن ويعطف شووووويه

ده حاجه وحشه والله

صبرني يارب يقول...

دنيا

اولا نورتي يا جميل وتشرفي دايما

ثانيا طبعا الجواز حلو اوي واي حد يقولك غير كده

يا اما هو شخصيا فاشل يا اما كذاب

نورتي

الهلالى سلامه يقول...

والله احساس جميل وبفضل الله عشته بالظبط
كل سنه وانتو طيببن ويجعل اعيادكم كلها سعاده
تحياتى

صبرني يارب يقول...

ابو ايه

ربنا يديم عليك السعاده والخير يارب

نورت واهلا بك فى عالم التدوين

حنين القلب يقول...

يا عينى على الحب

الله اكبررررر فى عنيه

حلوة اوى رجليها ورجليه ولو زى اللى عندى لو حطيت رجلى عليه وهى ساقعه بيجرى من على السرير ويلبس شراب ويرجع تانى اعمله ايه ؟؟؟
اخبى الشربات ؟؟

ربنا يسعدك وكل عيد جواز وانتى طيبه
يا حبيبتى وعقبال مليون سنه وانتم مع بعض
مووووووووووووووووووووه

Che يقول...

كل سنه و انتى طيبه و عقبال العيد الالف
ادتينى امل ان بكره ممكن يبقى احلى والله

Cute Kitty **sookra يقول...

الله اكبر عليكم وعقبال مليون سنه فى حب وسعاده
هاجيبلك خرزه زرقا عشان تعلقيها فى المدونه عشان بس الحسد
تحياتى

لاسع افندى يقول...

كل عشر سنين وانتوا طيبين

تحيه لاسعه

صبرني يارب يقول...

حنين

ازيك يا وحشششششه وحشاني خالص

ارمي الشرابات من البلكونه يا اختي
ههههههههههههههه

وانتى طيبه يا جميل متشكره اوي

صبرني يارب يقول...

che

الله يخليك متشكره اوي

اه طبعا فى امل ما تسمعش كلام الناس التعبانين دول

صبرني يارب يقول...

ساسو

هاتي فدان خرز على ما يكفي المدونين وعنيهم المدوره
هههههههههههههههههههه

صبرني يارب يقول...

لاسع افندي

متشكره اوي وكل سنه وانت بالف خير

نورت

dr.w.krm يقول...

وكل ماكانت تنام وتروح فى النوم...تلاقيه وهو برده فى عز النوم بيدور عليها عشان ياخدها فى حضنه وهو مش واعى
بس هى حاسه وفرحانه ودفيانه
بتقرب اكتر واكتر وتحس قد ايه الامان والحنان والحب....
ممكن تكون الدنيا فيها مشكلات كتير وحالات الفتور ازعجتهم كتير بس الحب لسه بيتكلم لسه بيخترق كيانهم لسه ....بيدفيهم
عشان كده لما بيبقى مسافر ولا زعلانه منه وسايباه ....بتكون بردانه اوى حتى ولو كانت متغطيه بمليون بطانيه
اصله هو وهو بس اللى بيعرف يدفيها مش بجسمه بس بحبه وحنيته اللى غصب عنه لو حاول يداريها مليون مره هتبان وهتتحس لأنه بيحبها

معلش انا لقيت نفسى محتاجه اكمل كلامك

كل سنه وانتى انسانه حلوة اوى وربنا يجعل ايامكو كلها سعاده وحب

عايزة ااقولك على حاجه!!!!
حتى لو ضاع حاجات كتير كانت بتحصل زمان...ضاعت شقاوة الحب...ضاع جنان الشوق...لسه فى حب ولسه فى امان ولسه فى حنان ...لسه فى
واحده ست كانت بتكره الشتا وجه اليوم اللى بحبه بتستنى كل ليله برد عشان يحتويها بقلبه

ريمان يقول...

واااااااااااااااااااو


ايه الدفا ده


قصدى ايه الجمال ده


ما شاء الله


فعلا جو رومانسى

صبرني يارب يقول...

ريمان

اهوووووو عشان ماتقلوش صبرني حارماااااااااكم من حاجه

صبرني يارب يقول...

dr.w.krm

الله انتى كنتى معاهم ولا ايه
هههههههههه

كملي براحتك يا جميل

انا فعلا يوم لما كتبتها كنت قاصده بها المعنى ده

قاصده نحس دفى قلوب بعض

هى لها بعد فلسفي شويه معايا

بس ولا حد فاهم حاجه بعيد عنك
هههههههههههههههه

عندي حاجات زي دي كتير مكتوبه بس مش بانشرها عشان الهبل الى احنا عايشينه

المهم جميل اوي باقي كلامك فعلا وحقيقي واحساسه عالي جدا

متشكره لاطرائك ولكل تمنياتك وربنا يكرمك ان شاء الله

طهر فؤادك يقول...

السلام عليكم ورحمة الله وبركاتة ,,,
ربنا يكرمك يارب والمسلمين ... وان شاء الله دايما مع بعض اللهم امين والمسلمين .... وياترى الهدية كانت اية ؟؟؟؟؟ :) .... وربنا يثبتكوا ان شاء الله سويا على طاعتة الله وحسن عبادتة اللهم امين .
اخوكى فى الله

صبرني يارب يقول...

طهر فؤادك

ايه يا زقازيقى ده انت عينك فى الهديه ولا ايه

هههههههههههههه

الهديه الى جبتها ولا الى جاتلي

لا مش هاقولكم بقى مش هاريحكم
ههههههههههههه

كيكى عوووووو يقول...

الله
ربنا يخليكم لبعض

صبرني يارب يقول...

كيكيى عوووو
متشكره يا جميل ونورتي

وكل سنه وانتى طيبه

ابتسامة حزن يقول...

الله
ما اجمل هذا الاحساس
ربنا يسعدك دايما ويباركلك فيه وفى ولادك

مهرة ضي القمر يقول...

روعة يا طنط

معلش لازم اقول طنط والا ماما تذبحني الست دي معندهاش تفاهم
ههههههههههههههههههههههه

كلام حضرتك جميل وشكرا انك جاملتيني وقلتي ان شعري عند ستوتة عجبك
انا مش بعرف اكتب غير انجليزي وفرحت قوي قوي انه عجبك

كان مفروض اشكر حضرتك من بدري بس الثانوية العامية بقى
ادعي لي
تحياتي

صبرني يارب يقول...

ابتسامة حزن

شكرا ليكى يا جميل
ونورتي يا بلدينا

صبرني يارب يقول...

مهرة ضي القمر

قلبي قلبي قلبي

يا عسوله نفسي ابوووووووسك خااااااااالص

ماما مفتريه اه طبعا ما انا عارفه
هههههههههههههه

يا قلبي انتى تقولي طنط تقولي الى يعجبك
بصي لما نتقابل بقى هاقولك تقوليلى ايه بينى وبينك وسيبك من ماما وكده
ههههههههههههههه

تصوري يا بت مانوسه انا اول مره اقرا شعر انجليزي اصلا ويعجبنى
عشان بسيط على اد فهمي عشان خالتك الانجليزى بتاعها بعافيه شويه
ههههههههههههههه

انا جياااااااالك بقى ارغي هناك

مدوووونه من ورايااااااا هاوريكى يا ستووووووته

BaTaBeeT يقول...

WOW
this is more than amazing... I felt it awee :)

Hope all your years be as warm :)

مي يقول...

كل سنة وانتى طيبة يا قمر وربنا يديم عليكوا السعادة والحب والدفا
اموووووووواه

Anonymous يقول...

مقدرش اقول احساسى كان لعبةفى ايدية


لكن اقدر اقول ربنايخليكو لبعض بدل


العشر سنين الف سنة وسنة وسنة وسنة


وكل سنة وانتم طيبين..............


تيتووووو

صبرني يارب يقول...

مي
وانتى طيبه يا جميل ربنا يكرمك

صبرني يارب يقول...

بطابيت

ربنا يكرمك يارب والمدونه نورت

صبرني يارب يقول...

وانت طيب وبخير وسلام يارب

متشكره اوي يا تيتو

محمد فؤاد (صاحب عمود النور) يقول...

الله احلى احساس طبعاااااااا فعلا الحب دا شئ حلو قوووى

بس هو ايه الحب اللى بيتعبر عنه بالرجل ؟؟ مافيش حاجه تانيه وياترى الحب دا مقاس كام؟؟ هههههههههه

يارب تفضلوا مع بعض العمر كله وان شاء الله ربنا يكرمكوا وتتقابلوا فى الجنة