الجمعة، 29 يناير 2010

تقرير لقاء القاهره ...باختصار شديد


انا جيت من القاهره

اه والله روحت القاهره وشوفت كل الناس الحمد لله


كان يوم فظييييييييييييييييييييييييييييييييييييع

بجد الحمد لله كان يوم حلو اوي

والسفر كان جميييييييييل والطريق فاضي ورايق وصلنا بسرعه الحمد لله ورجعنا كمان بسرعه

واكتر ما اذهلني يا ناس العدد

عدد كبير جدا

بتهيئلي كنا فوق الخمسين مدون وافواج تروح وافواج تيجى

بجد مش هاقدر ابدا اقول اسامي انا ما كتبتش جايز حد يكون كتب الاسامي بقى يقولكم

بس انا شوفت كم مدونين بصراحه فظييييييع

وكنت فرحانه اوي ان رضا كان معايا بجد يعنى شويه رضا مش بياخد على الناس بسرعه بس يعنى هو اندمج مع الناس برضه وبجد كنت فرحانه انه معايا

بس من موقعي هذا باقول لخيخه وداليا ودريم هاقطععععععععععععكم بالذات دريم دقنى يا بت واجعاني يا مفتريه


وبجد شكرا اوي اوي اوي لكل الناس الى رغم ظروف عندهم جم مخصوص عشاني

اولهم شمس حبيبتى الى ما لحقتش اقعد معاها وباقولها سووووووووووووري والله رضا كان عنده شغل

وريييم ومحاااااااسن وآبي وداليا وسو وبجد متشكره اوي اوي و كان نفسي اشوفكم كلكم والله


اه ومبروووووووووووووووووووووووك يا صلاح على الخطوبه وعقبال الفرح بس لو مش عزمتني هاقطعك

محمد عمود نور عايز يركب صاروخ على طول مالوش فى ركوب العجل خالص مش معقول كده خالص

عايز يعرف كل المدونين والمدونين كلهم يعرفوه فى يومين هاسميه محمد ا لمستعجل


عادل طبعا عذبنا هو ومينا وما رضيوش يتوزعوا فى اي منطقه ساعة ا لصلاه لما وزعنا الرجاله ونقولهم خدولكم ركن وصلوا من اجلنا مافيش فايده ههههههههههههههههههه


واستاذ هاني مصري جدا برضه فييييييين على ما راح الصلاه برضه ما كانش عايز يسبنا ننقي الرز (نرغي يعنى )

بعدين عادل قعد يمص مصاصه ويغيظ فينا قاعد يتكلم مع ستيته ومندمج فانا صورته الصوره الوحيده للقاء الى فوق دي وبعد كده انشغلت بقى ونسيت التصوير


اتكلمنا شويه انا وستيته وعمود نور ووليد كنج توت فى موضوع الكتاب الى عايزين نعمله لما الخطه تخلص هاقولكم عليه ان شاء ا لله

اه بتوع النادي خنيقين جدا الحقيقه وكنت حاسه انهم خلاص عايزين يرمونا فى الشارع

هههههههههههههههههههههههه


رغينا على جميع الاصعده ومع كل الناس

وفكروني البت خيخه دي اخليها تغير اسمها لبت فضيحه واي كلام


اه استاذ عمرو بدر زعلت اوي انك ما جيتش والله


اه شيماا رضا بيقولك خدتى معاكي البطه والوزه ولا لا وانتى مروحه ؟؟؟

ههههههههههههههههههههههه(اصلها لما عرفت انى واخده فطير قالت يا سلام اخد انا بقى معايا وزه صاحيه بما اننا راحين من الاكاليم وكده)

ولكل الى كانوا فى اللقاء الفطير ده مش انا الى عاملاه يا جودعان اه الكدب خيبه انا مش فالحه اوي كده ده انا شارياه والنبى يا اخويا

ده على ما قطعته بس كنت هبط هههههههههههههههههههههه


والكيك حاااااااااااااااضر اللوقاء الجاي بقى معلش النوبة دي اصل الظروف الصحيه بايظه

حصل ايه تااااااني مش فاكره


وطبعا فى ناس كتير كلموني فى التليفون برضه

مش قادره اعد لا الحضور ولا التليفونات حد يعد يا جماعه ويقول

وانا مشيت بدري طبعا من الساعه ثلاثه وشويه عشان نلحق نرجع عشان رضا كان عنده شغل والله كان نفسي اقعد اكتر بس بقى كمان كنت خلاص بنزينى خلص والصدااااااااع بقى من قلة النوم

وهاستنى بقى اسمع منكم باقي التفاصيل ولو افتكرت حاجه هارجع تاني اقولها

بس قلت اغلس عليكم واعمل انا تلخيص قبل ما هما يروحوا حتى

نيهاهاهاهاها
يلا بسرعه بقى كل الناس يعملوا بوستات عشان اشوف الى فاتني
هنام شويه وارجع الاقي الشغل يلا


هناك 28 تعليقًا:

كيــــــــــــارا يقول...

انا فرحت اني شفتك جدا جدا جدا

وكان يوم تحففففففففه

romansy يقول...

وبعد كيارا احمد الدسوقى
انا فحت اكتر اكتر بالفطير اللى كان طعمه خطير تسلم ايديك وفرحت بقى كتير كتير قوى انى اتعرفت على مدونين المنصوره
والقاهره وكل اللى حضروا اللقاء الجميل
يارب بقى يديم اللقاءات ونفضل دايما احلى اخوات

أحمد شريف يقول...

السلام عليكم
جمعكم الله في الخير وبالخير دائماً وأدام أفراحكم وأتراحكم إن شاء الله

Wanda يقول...

خيانة
خيانة خيانة

يعنى كان فيها فطير
طيب صورته طيب
حرام عليكى

خيانة
قلبى قلبى
معدتى
:-))))))

هى المنصورة اقرب للقاهرة من نادى الزراعيين و لا ايه امال اين الباقين؟؟

مش بمزاجى يقول...

ربنا يبارك ويزيد

أم .. بوبه يقول...

يعنى حدش سأل عليا خالص وقال فين أم بوبة

وكمان بتكلوا فطير من غيرى

والبت اوشة عملت معاكم إيه

وكمان قولتوا مفيش تيليفونات اثناء اللقاء وانا إلتزمت وحتى مرضيتش أبعت مسدج أسلم عليكم علشان أبقى شاطرة وملتزمة وتطلعوا فى الآخر كنتوا بتستقبلوا تيليفونات عادى

لألألأ اللوقاء ده وحش

بطلع فيه القطط الفاطسة علشان انا مكونتش فيه

ههههههههه

شمس النهار يقول...

صبووووورتي

انا اللي انبسطت جداجدا جدا
اني شوفتك انت ياست انتي جميلة خالص
ودمك شربات

وبعدين ايه الفضايح دي
مش قلنا همه 18 سنة بس والا هترجعي في كلامك

والعيال الطول بعرض رايحين جايين يقولوا ياماما ياماما
وانا عاملة نفسي عبيطة

يرضيكي كدة
الا ماما الا

ده انا تيتة ::))

نورتي القاهرة والزراعيين والدقي وبلاد تركب الافايل

::))
المرة الجاية في المنصورة

وتسلمي ياجميلة

بس انا ماشوفتش هاني مصري جدا
هو كان انهي في اللي قاعدين


سلامي

سلامي

فاتيما يقول...

الف مليون حمدلله ع السلامة
يا صبصب


بجد نورتى اللقاء انتى
و الأستاذ رضا

شخصية اخلاق

ربنا يخليكم لبعض


فعلا الدنيا كانت مليانة بشر
و ما شاء الله و لا حول و لا قوة الا بالله


بس اغلبنا فنيص و خنيخ
و مفيهوش حيل يحرك اى عضلة ...

لذا اعلنها من عندك
انى هخلع من كتابة بوست المرة دى
بقى و البركة فيكم


على فكرة عاوزة اقول لوندا

احدى مميزات القعاد لآخر اليوم
هو توزيع الغنائم الفاضلة من الخير اللى الناس بتحيبه معاها
و الفطير بتاع صبصب كان من نصيبى
روحت بيه و وريته لماما
تتفرج عليه بس
و قولت للواد ماجد اخويا
دا للفرجة
و محشش يمد ايده عليه غييييييييرى
و اللى عاوز ينول شرف تذوقه
لازم يستأذن الاول
هبقى اكلك معايا سلف بقى يا ون ون
و ندعى احنا الجوز لصبصب


عقبال كل مرة يا صبصوتى
انتى نورتينااااااااااا

Wanda يقول...

:-)))))))))))))))))))
يخليكى ليا يافطوم و للغلابة الى زى يارب
:-***********************
ده لفطوم
صبرنى لا

طب فطوم صورة بس و انا كانى اكلته بالظبط
و نصيبى قسميه على الوالدة و الفنان
انا قابله و راضية

بس صبرنى لن انسى لكى هذا الفطير مطلقا

ستيته حسب الله الحمش يقول...

انبسطت اني شوفتك وشفت ابو رياض وحقيقة كأني اعرفك من ق. م. :)
الحمد لله انكم وصلتوا بالسلامة
ربنا يديم المعروف بين الناس الطيبين

I'm The CraZy One يقول...

انبسطاوي اني اتعرفة علي حضرتك
كان يوم حلو اوي

dreem يقول...

ازيك يا بت يا ام دقن حلوة
انا سعدت جدا بمقابلتك النهاردة صحيح يعنى اتقهرت شوية لانك ما سيبتليش دقنك شوية وكمان لانى ما اكلتش من الفطير بس تتعوض المرة الجاية ان شاء الله
تمنياتى لك بالسعادة

عاشقة القمر يقول...

شكلوا يوم جميل يارب لم انزل مصر اشوفكم
انشاءلله

adel يقول...

شكرا علي الصورة :$:$:$

والفطير يهبل بجد :):):)

ومبسوط قوي اني شوفتك :)
بجد يوم حلو قوي قوي .... و بنشكر الادارة العليا علي هذة الفرصة و من عندنا هنجمع و نجيب جاتوة :):)

محمد فؤاد (صاحب عمود النور) يقول...

اليوم كان فى اخره حلو قووووووووووووى وبالذات لما ابو على فتح باب المناقشة واتكلمنا

ابو صلاح..
حيه متاخر بس نورنى جدااا فى القاهرة

صبرنى..
كانت اول المدونين اللى قابلتها هى واستاذ رضا وانا مبسوووووط جداا انى اتعرفت عليه وفعلا انسان محترم جداااا

الدكتورة ستيه..
يعنى واللهى مالاقى كلام اقوله ..بجد مبسوط وفرحان وكنت حاسس انك اختى الكبيرة فعلا مع انها اول مرة نتقابل بجد حضرت كانسانة جميلة جداااااا وياريت اقابلك تانى..

ابو على...
الدماغ الكبيرة والتقيلة وروح شاب عشرينى ..وطلع جارى ههههه انا بجد مبسوط جداااا انى اتعرفت عليك

خالد...
الجدعانه كلها الراجل دا كان هو القائم باعمال التنظيم بس مش ظاهر كان عامل زى مشمش(زى وصف الدكتور ابو على)

هند...
الكتكوته ههههه معرفش انتى هادية ليه كدا؟؟؟ او ليه كنتى هادية بس لازم فى المرة الجاية تتكلمى ونسمع رايك

السيد ابو العربى...
عسل وكاراكتر عالى جدااااااا واستمتعت بالكلام معاه

فاتيما...
الهدوء العظيم... يعنى حسيت من مدونك انى اكثر فاعليه فى الطبيعة بس فى الاخر كدا اتكلمتى وبانت الشخصية شوية..

ابراهيم العدوى...
كنت جان القعده هههههههه بالبالطو الجامد بتاعك ...بجد واللهى كنت مبسوط اننا اتكلمنا مع بعض..

ابراهيم شبل..
نورتنا فى القاهرة ...بتعجبنى انك تفضل ساكت ومرة واحده تتكلم لا ويطلع كلامك تقيل بجد بتعجبنى وجهات نظرك

شيما.............
افضلى قوى تماحيك تماحيك..اهئ الدكتورة ستيته قالتلك اللى فيها هههههههه نورتى القاهرة

طبعا كل الناس كنت مبسوط انى قابلتها بس انا ماتكلمتش غير مع الناس السالف ذكرها كتير اكتر حاجه كنت مبسوط منها اصرار الناس على التواجد للتعارف دون وجود اى مصالح شخصية

محمد فؤاد عيسى (صاحب العمود)

محمد عبدالرحمن شحاته يقول...

بجد كان نفسي احضر اللقاء
بس هعمل ايه بقى
ربنا ياخد الامتحانات ودوشتها
بس لما قرأت البوست كاني حضرت بالظبط
تقبلي مروري

صيدلانيه طالعه نازله يقول...

انا بقى شميت ريحه فطير و انا باكلمكم
بس قلت مادام مقلوش اتفضلى يبقى تهيؤات
بس اما قريت فى البوستات الصديقه بقى و عرفت جايه اتخانق و اعيط و اقولكم يا وحشين
كده محدش يدينى حته
عااااااااااااااااا

بالهنا يا جميله و الله كنت مبسوطه قوى انى اتعرفت عليكى و ان شاء الله نتقابل قريب

ghada mOhsen يقول...

بجد بجد كان يوم تحفه ...

وانتى ماشاء الله عليكى عسوله اوى ...

هاتقولى طبعا هى مين دى ههههههههه

انا ماتكلمتش معاكى للاسف وان اول مره ادخل مدونتك بس ان شاء الله ماراح تكون اخر مره ...

بس شخصيتك مميزه اوى ... وراح اتعرف عليكى اكتر المره اجايه ان اشاء الله ...

وتسلمى اوى على الحاجات الحلوه اللى جيبتيها...

دمتى دائما معطاءه وجميله من الداخل قبل الخارج ...

... ;) ,,, ;) ...

قوس قزح يقول...

تصدقى انى مش دوقت من الفطير ؟
البت ابى اخدتنى على خوانة و قالت هنخرج و نرجع تانى و مش رجعنا و بالتالى مش دوقت الفطير و طمعت فيه فاتيما و بتقول مش هتكتب بوست .. اكيد علشان الفطير كااااااااابس مش قادرة تنطق

المهم
هتنقلى القاهرة امتى ؟

فاتيما يقول...

صبصب يا قمر

عاوزة اقولك كلمة حق
عشان ربنا
شاهد علينا


احنا مش لايقين انبوبة بوتجاز
بقالنا اربعة تيام تقريباً
و كل يوم دليفرى
أو نواشف
او حاجات ف الفرن


النهاردة بقى الغدا
بتاعنا كان الفطير بتاعك
يا صبصوتى


قبل حالة السطل ما تعم ارجاء المنزل
الحق ابلغك بقى إن


ماما بتسلم عليكى
وبتقولك تسلم مجايبك
حتى لو مش انتى اللى عملاه


و انا بقولك
الف شكر يا ست الستات


و ماجد اخويا
مش بيقول حاجة دلوقتى
عشان بوقه مشغول بالفطير والعسل

يااااااا عسل


اما باقى شعب البلوجر
ف بلاش حكد
و متبصلناش ف اللقمة
الله يكرمكم


سمعانى يا وش الخيييييير
و يا وندا
بحبكم قوى يا عياااااال

كيكى عوووووو يقول...

انا عماله اسمع كل شوية عن كيك وفطير
الله
لاااااااااااااااا ماحنا برضة من العيله
لو سمحت عايزين حقنا ناشف!!!

حنين القلب يقول...

عااااااااااااااااااااااا

كنت عايزة اشوفك
وكنت عايزة حته من الفطير
وكنت عايزة ابوسك

تتعوض بعد الولادة باذن الله
وحشتينى

همس الاحباب يقول...

حمدلله على سلامتك
وسلامة الاخ رضا
نورتوا القاهرة وسعدنا بتشريفكم بجد
وسعدت بمعرفة ابو مريم كثيرا
تحياتى

mohamed ghalia يقول...

أنا بجد سعيد انى شوفت حضرتك
وفرصة سعيدة بجد
محمد غالية

هي وظروفها يقول...

ازيك يا مدام صبرني

بجد جوزك استاذ رضا راجل عسل وحبوب ولذيذ بلغيه سلامي ليه قوي

وقوليلو وليد بجد اتشرف بمعرفه حضرتك جداا

وان شاء الله المره الجايه هيعمل حسابك في شنطه استفندي لوحدك

بس انت ابقي خللي شنطه العربيه مفتوحه

نورتو القاهره
ونورتونا وربنا يسعدكم ويهدي سركم ويبارك فيكم وليكم

الشعب لابد له من حكومه تشكمه يقول...

صبرنى حبيبتى انتى باه مش محتاجه منى كلام ما انتى عارفه اللى فيها انا بحس بالامان لما بشوفك اصلاااا,حنيه الام باه ههههههههههه.

الوزه وزة مين ياامى انا كنت عارفه اروح بنفسى,دنا كنت بنهاااااااااار,
الحمد لله ان كان معايا شلة المنصوره,
اليوم ده حد باصص فيه,

MaNoOoSh يقول...

انتى اعسل من العسل يا صبصب
ومبسوطة جدا انى اتعرفت عليكي فى الحقيقة

ويارب المرة الجاية الرجالة ينكشحوا علشان ننقي الرز براحتنا بقى
هههههههههههههه

سبايدرمان spiderman يقول...

و الله انتوا حيرتونا عن اللقاء
ناس تقول حلو ناس تقول وحش
اركزوا على حاجه ^_^
عشان اقرر آجي بعد كده ولا لأ ^_^

.....

ياريت لو تكتبلنا تقرير مفصل من الاول و الى الاخر يعني ^_^ عن الى حصلو بالتفصيل ^_^

ان شاء الله المره الجايه احاول اكون موجود ^_^