الاثنين، 1 فبراير، 2010

عيييييييييييييييب اوي


سلام عليكم

ازيكم او مش مهم

اصل انا زعلانه منكم بصراحه ............... اه كلكم

مبروك على الكاس يا ناس بس مش كل الناس الناس الى بتعرف تفرح بس الناس الى بتشوف الجانب المشرق بس
أو بمعنى اصح الناس الي عايزه تشوفه

كان فى كارتون الاسد الملك جمله خالده للمدعو زازو

كان بيقول لبوفاسا : كل عيله فيها واحد عظمتك متخصص دايما فى افساد المناسبات الحلوه

كنت عايزه انا اضيف عليه بقى غير الهتيفه والمطبلتيه زي بتوع زفف الانتخابات كده
واضيف كمان انه ساعات مش بيبقى واحد
لا ده ممكن تطلع عيله بحالها بيحبوا ينغصوا الحياه على نفسهم


من امبارح كل ما حد يكلمنى يقولي نزلي بوست ردي على الناس حتى فى تعليقات البوست الى فات حد قالي قلولنا الحقيقه عن اللقاء


بس والله مافيش على بالي كلمه اكتبها غير حاجه واحده بس


عييييييييييييييييييييييييييييييييييييييييييييييييييييييييييييييييييييييييييييييييب


أه والله عيب


انا الى عندي عن اللقاء والى شوفته هناك والى حسيته عندكم فى البوست الى فات ما عنديش حاجه تانيه اقولها

وكل واحد حر فى رايه

اما عن ملحقات اللقاء فانا عايزه تعويض بقى عشان صوتي رايح من الكلام فى التليفون امبارح ونفسوياتي قفلت مش عارفه اكتب واكمل القصه

ومشاعيري نواحيكم دلوقتي ا نى عايزه ادور الضرب فيكم الحقيقه


ومضربه عن التعليق او حتى قراءه اي بوست عند اي حد متعلق بالقاء لحد ما تبطلوا لوك لوك مالوش لازمه

وباتاسف لكل الناس الى علقوا عندي فى البوست الى فات عشان ما عرفتش ارد عليهم ودي اول مره اعملها والله

ما قلتلكم نفسوياتي قفلت

وبس خلاص امشوا بقى

هناك 58 تعليقًا:

صيدلانيه طالعه نازله يقول...

مش حاقول غير جمله دايما اقولها فى الظروف اللى زى دى

ربنا ينكد على اللى ينكد

محمد فؤاد (صاحب عمود النور) يقول...

هى ناس دماغها كدا
ربنا يكرم الجميع ويدى كل واحد على قد نيته

لولا وزهراء يقول...

طيب القمر زعلان اوى كده
كل ده علشان احنا مش جينا اللقاء قولى صح ههههههههههههههه
معلش بقى انا زهراء من اسكندريه وكان صعب انزل القاهره علشان عندى شوية ظروف ولولا كان عندها كورس
بس بجد بلاش تخلى اى حاجه تاثر على نسيتك الحلوه
يا ستى ماحدش دلقوتى يعرف معنى كلمة عيب
اضم صوتى الى صوت دكتوره علا " صيدلانيه طالعه نازله " ربنا ينكد على اللى بينكد على الناس ربنا يبقى يبعت لهم اللى ينكد عليهم فردا فردا
روقى بقى وعاوزه جاتوه علشان انا جيبت زرتك لاقيتك متضايقه وزعلانه
عارفه لو كنتى فرحانه كنت مش طلبت اى حاجه
ربنا يفرح قلبك ويبعد عنك النكد والزعل والهم وكل حاجه وحشه

صبرني يارب يقول...

صيدلانيه

والله يا علا انا مش عايزه نكد خالص خالص لاي حد

نورتي يا جميل

ঔღঔ نـــوارة ঔღঔ يقول...

ولا تحرقي دمك ياجميل

المهم انكم شفتوا بعض وانبسطتوا بالناس الجميلة الي كان نفسكم تشوفها

تعرفي لو كنت معاكم في الزحمة دي كنت عملت ايه :]

كنت همسك بهدوم خالتو ستيتة وافضل لازقة فيها اصلي مليش في الزحمة ومش بعرف اتصرف في التجمعات الكبيرة دي

وبرضوا كان هيكون يوم جميل هو انا اطول اجتمع بناس قمامير زيكم

سيبك من اللقاءات المزدحمة دي
انا هعمل لقاء اسبشل لما اجي مصر ومش هعزم الا الناس الي بحبهم يلا هيصي هجيبك معنا هههههههههههه

ربنا عالم بحبك اد ايه نفضي ياستي

محدش ماخد منها حاجة

امووووواه

صيدلانيه طالعه نازله يقول...

انا برضه مش قصدى قوى بس الواحد بيزعل من الحاجات الصغيره اللى بتحصل و تهد يووووووم بحاله و علاقات جميله بدأت بين ناس اجمل

حاسه ان الموضوع ده اثره السلبى الواضح لسه مبدأش قوى بس للاسف جاى جاى
و ناس كتير ان ماكنش كلنا بدأنا نعيد حساباتنا

بجد خساره

فاتيما يقول...

معلش يا صبرنى

إن شاء الله تكون سحابة و تعدى

و لا تحوم فوقينا تانى

الجواز و سنينه يقول...

اصبصب و ادلع
موجه شتا و هاتعدى ان شاء الله
المهم ان الناس اللى بتعرف تتبسط و مش محتاجه زغازيغ يفضلوا مبسوطين و يعملولنا لقاء كده حلو ان شاء الله

صبرني يارب يقول...

عمود نور

سبحانه الكريم الهادي

صبرني يارب يقول...

لولا وزهراء

يا جميل انا عنيه ليكى

وانتى منوراني

وربنا ما يجيبش نكد ابدا

انا مش متنكده انا بس زعلانه علينا والله

صبرني يارب يقول...

صيدلانيه

لا انا ما عدتش حسباتي

عشان انا حسباتي من الاول صح

الحمد لله تعالى

بس زعلت برضه من الناس الى حسابتها مش صح

صبرني يارب يقول...

نواره حياااااااتي

تنوري مصر وتنورينا

وبعدين لوما عزمتنيش هاجي برضه انا اصلا لازقه فى كل حاجه

فى حد يقدر ما يعزمنيش يطلع يورينى نفسه
ههههههههههههههههه

صبرني يارب يقول...

فاتيما

انتى عسل

وكلمه فى ودنك الصح دايما افتراض حسن النيه الى ان يثبت العكس

اوعى تتغيري

هاتي بوووووووووسه

سبايدرمان spiderman يقول...

ربنا يسمع منك يارب
ربنا يهديهم يارب

صبرني يارب يقول...

الجواز وسنينه

كل الناس هاتفضل تتقابل وتعمل لقاءات

بس رجائي

كل واحد ينام على الجنب الى يريحه
وحلوه اصبصب وادلع دي
هههههههههههههههههههههههه

سبايدرمان spiderman يقول...

يا جماعه خدوا الموضوع بطريقه ابسط من كده
انا مجتش اللقاء ده
و هحاول اجي المره الجايه ان شاء الله ^_^
بس هو انا متأكد ان كل واحد اتبسط بس بطريقته ^_^
فخلاص يبقي مفيش داعي للزعل او ان حد يتكلم على حد

صبرني يارب يقول...

سبايدر مان

ما حدش عندي هنا على المدونه يقدر يتكلم عن حد اطلاقا

وعموما هما هايسكتوا ما تقلقش

وربنا يهدي

خواطر شابة يقول...

عزيزتي انها سحابة صيف وتمر واوقات مثل هذه الازمات تعطي مفعول عكسي بدل ان تضر تكون مفيدة لمن فكر واستخلص العبرة كلنا خطاؤون وخيرنا الثوابون فلا تنزعجي

ENG./ELSAYED,PMP يقول...

دى زوبعة ف ماج

بنجاواتى يقول...

السلام عليكم

ربنا يزيدك انضباطا يا صبرنى

هى ظروف عابرة وهتنتهى وبعدها كل واحد هيحاول يحط قانون لنفسه مع التدوين وساعتها الامور هتنضبط :D

لكن احيى حضرتك على موقفك

تحياتى

صبرني يارب يقول...

الباشمهندس سيد

والله هو المج الى واسع باين بزياده

اتشرفت بك يا فندم

صبرني يارب يقول...

خواطر شابه

لا والله يا خواطر زعلانه علينااوي

ما باحبش ابدا نكون كده

وبعدين هى فين الازمه

ياريت فى ازمه كانت تبقى مبلوعه

صبرني يارب يقول...

بنجاواتي

المشكله يا بنجاواتي انى مش شايفه داعي لكل ده

الامور كلها كانت قدام عينى

المشكله اصلها مش فى التدوين

اتمنى كل واحد يحدد موقفه مع نفسه

الجواز و سنينه يقول...

عايزه اسئلك يا جميل هو الاكلير لما بتعجنيه بتشكليه بالطريقه دى ازاى
معلش هو السؤال مش هناك
بس عايزه رد عليه بسرعه
علشان بفكر اعمله النهارده
و ان شاء الله ابعتلك الصوره كمان

واحدة مفروسة يقول...

اولا مبروووووووووووك على الكاس
و فرسنا الناس كلها
بس تعالى هنا يا صبرني
مين اللى منكد؟؟؟؟
و بعدين كل الزعل ده علشان مفروسة ما جاتشي صح؟؟؟؟
هههههههههههه
و الله انا عارفة
ده انتى حتى حطالى اغنية اليسا
يااااااه كسفتيني
هههههههههههههههه
يا صبورة يا قمرة
هو ايه اللى حصل بالظبط فى اللقاء ده؟؟؟؟
مش عارفة انا حسيت ان الناس مدية للموضوع اهتمام اكبر من حجمة اوي
ناس اتجمعت
فيه ناس انبسطت و ناس لأ
ناس شافت ناس ظريفة و ناس لأ
عادى يا صبورة يعنى
اهدى يا جميل و لا تزعل نفسك ابدااا
بس على فكرة انا كل لقاء جيتيه و جبتى معاكي حاجه لازم تعمليلي غيرها
هههههههههههههه
ربنا يديم المحبة بين الناس
و يهدى النفوس
مش عاوزة اتفرس

مصري جدا يقول...

مين فاسة دي يا ابلتي؟

وجاية هنا تعمل اية؟

وعهد اللة يا صاصا ما شفت حد في جدعنتك

صبرني يارب يقول...

الجواز وسينينه

معلش يا جميل والله كنت باتغدى

بصي انتى تحطي الاكلير فى كيس من بتوع الكريمه

او حتى كيس بلاستك عادي بس تفتحيه حته صغيره وتشكلي به

شوفي الصور على المدونه التانيه كده وتابعي الكلام

ولو ما عرفتيش قوليلى برضه

وهاستنى الصور بتاعتك

صبرني يارب يقول...

مفروسه

احبك وانت رايق ومطلع راسك من تحت البطانيه وبتقول فى ايه يا جدعان

اجيبلك يا جميل الى انتى عايزاه والله بس احنا نشوفك يا باشا

ويارب يهدي النفوس كلها

صبرني يارب يقول...

مصري جدا

شكرا يا استاذ هاني ربنا يخليك

بس على ايه يعنى يا استاذنا مش اوي كده

عموما شكرا لك يا باشا

Abu ShoSho يقول...

الكريمة أم مريم ألهمك الله الصبر
اسمحي لي أولا أن أحييك على اختيار الأغنية المصاحبة للبوست و اسمحي لي أن أغبط الأستاذ أبو مريم و أدعو لكما طبعا من بعد الصبر و الرضا بالصحبة في الدنيا و الآخرة و أن أتشرف أنا و شوشو بتلك الصحبة بين يدي الله بجوار الحبيب في الفردوس إن شاء الله. و دعوة صغيرة كمان للأساتذة مريم و خالد و رحمة أن يرزقكما الله برهم و يستعملهم لحمل شعلة نوره للعالمين.

ثانيا:
أن النبي ‏ ‏صلى الله عليه وسلم ‏ ‏قال ‏ ‏"إياكم وسوء ذات البين فإنها الحالقة"، وإذا كان القرآن ينادينا: ﴿إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ﴾
فمن يجيب النداء سواك أم مريم و إذا صوتك بح اليوم فكأني بصوتك المبحوح تؤذنين في الجنة و ضيوف الرحمن يجيبون

ثالثا:
شكرا على الفطير الذي لم أره و لكن يكفي وصف الزهراء أم يوسف له حتي أحس بالشبع

تحياتي
أبو شوشو

الشعب لابد له من حكومه تشكمه يقول...

اييييييييييه ده مش هتكملى القصه؟!!!!!!!!

انا قلت من يومى انا بكره الاجزاااااااااء,
متبعتيهالى ورد باه مره واحده وخليكى جدعه:)
ما انتى عارفه مليشى طولة بااااال:)

بسنت صلاح الدين يقول...

هو الجميل زعلان ليه ،،، ربنا يضايق اللى يضايقك الف مره يا قمر ،، و كبرى دماغك الناس بقت بتستلذ بالغتاته على مخاليق ربنا

mohamed ghalia يقول...

اليوم كان كويس بجد
ومنسمعش بقى لأى حد يقول كلام تانى اصل انا مش هسيب رأى كل الناس عشان واحد بس قال العكس
ربنا يسعدك دايما

Abu ShoSho يقول...

الأغنية جميلة جوي يا أم مريم
ممكن تجوليلي مين اللي بيغني و اللي ألف الكلمة و المزيكه

مفيش أدمل من الحب الحلال

و حب ربي أروع

"وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَادًا يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبًّا لِلَّهِ"

اللهم ارزقنا حبك و حب من يحبك و حب كل عمل يقربنا إلى حبك
اللهم حببنا فيك و حببنا إليك و علمنا الحب في جنابك

تحياتي
أبو شوشو

dreem يقول...

ازيك يا جميلة انتى ؟
والله انتى ست زى العسل وكلامك زى الفل .. مش عارفة الدنيا قامت ليه كده ؟
ربنا يهدى .
اخبار دقنك ايه هههه

قلم رصاص يقول...

ازيك ام مريم

اظنه انه لا تعليق على الموقف اللي حصل دا وبقى عامل لغط كبير بين معظم المدونين

عموما سحابه وتعدي ان شاء الله

تقبلي مروري

فتاه من الصعيد يقول...

يا دي اللقاء

عموما حصل خير ... ومبروك لمصر

تحياتي

صبرني يارب يقول...

ابو شوشو

والله حاولت هو ما حدش سمع كلامي ساعتها

بس جايز يكون كلامي اثر فى حد مش عارفه
عموما ربنا يهدي

ومتشكره لك

صبرني يارب يقول...

دريم

هاطعك انا

عارفه بجد فضلت دقني توجعني لتاني يوم
هههههههههههه

يارب يهدي الجميع يارب

مش عارفه والله يا دودو اديكى كنتى موجوده والامور كانت عال

بس نعمل ايه فى الجنان الرسمي

صبرني يارب يقول...

شيماء

يا ستى هاكملها بس لما اروق بقى

وبعدين ما كتبتهاش يا بت والله هابعتهالك ازاي انا

صبرني يارب يقول...

بسنت صلاح

زعلانه عشان مش عايزانا نبقى وحشين كده يا جميل

نورتي ياقمر

صبرني يارب يقول...

محمد غاليه

انا الى بجد كان نفسي اتكلم معاك يا محمد بس ما لحقتش العدد كان كبير انت عارف
ان شاء الله المره الجايه
وطبعا اليوم كان جميل

صبرني يارب يقول...

ابو شوشو ده اغنية اليسا

هاجيبلك الوصله بتاعتها عنيه

اهو يا باشا اي خدمه
http://www.melody4arab.com/player/player_19314.htm


التاليف والتلحين بقى مش عارفه والله

والدعوه بتاعتك جميله احنا واياكم ان شاء الله

صبرني يارب يقول...

قلم رصاص

كنت اتمنى تعدي واحنا احلى من كده

صبرني يارب يقول...

فتاه من الصعيد

بجد بجد

قلت الكلمه دي ميت مره

ياااااااادي اللقاء

اقصوصه يقول...

مبروك عليكم الفوز :)

Wanda يقول...

يعنى القلقاس لحد دلوقتى مطبخش اشاشا
و الحدوتة و علقتنى و الواد زمانه اتخرج ووقف فى صيدلية و امه جوزته بنت زميلة خاله الى فى الشغل و الرومانسية اتبخرت
و السؤال و مردتيش عليا
و الفطير و سامحت فيه علشان خاطر فطوم بس

صبرنى انت ملكيش نزول القاهرة ثانى
:-))) القاهرة هى الى تجيلك بعد كده :-))
و نقف على البوابة وبالفلكة بتاعت فطوم الى ميتادبش مديه
بس :-)))))))))))))))))))))))))
انا بقى اجيلك من البحر زى الفرنسوين
و اهجم على مركز الفطير و ماستسلمش للفلكة الا لما اخلص على مصادر الفطير المنصورى

فطير بالبلح صحيح؟ اول مرة اسمع عنه؟
دا اكيد اختراع

و بعدين
مينفعش كده
كل ما الناس تزعلك تقلبيها على الغلابة الى زيى :-((((((((((

صبرني يارب يقول...

اقصوصه

تسلمي يا جميل

صبرني يارب يقول...

واندا

والله القلقاس على بالي والله

والقصه برضه
هاقولك انا من الساعه 8 هنا باحاول اكتب اي حاجه

بس البت شيماء بترغي معايا على الاميل
ههههههههههههههههههه
مش عرفت اعمل اي حاجه


وبعدين تفتكري الى حصل ده عشان انا نزلت القاهره

لا يااختي انا هاقعد فى بلدنا
ههههههههههههههههههههههههه

انتى عسل اوي يا واندا

هو ايه يا اختي الجليد عندكم مافيهوش رجاله بتقدر ولا ايه
ههههههههههههههههه

rovy يقول...

السلام عليكم ..
أول زياره لمدونتك ألاقيكى نفسيتك تعبانه شويتين :)) عموما ألف سلامه على نفسيتك الجميله .. و أوعى تخلى حاجه تضايقك .. قرأت نفس الموضوع تقريبا عند الجميله شمس النهار واضح أن فيه ناس بتحب تعكنن على الناس و يشوهوا كل حاجه حلوه .. ما دام أنتى كنتى مبسوطه و كل أصدقائك و حسيتى بكده يبقى خلاص ..متخليش حد يعكنن عليكم .. و كل لقاء و أنتم طيبين و ان شاء الله المره الجايه أكون معاكم ..
تحياتى

تامر علي يقول...

نفسي اعرف مين اللي بيعمل مشاكل علشان اعبطه لكن للأسف انا مش فاهم اي حاجه في الجو ده
ممكن يكون ده عقاب السماء علشان محدش جابلي وزه وجوز حمام وصنية بشبوسه :)

صبرني يارب يقول...

روفي

نورتي المدونه وصاحبتها يا جميل

ابدا ربنا ما يجيبش عكننه ابدا الحمد لله حصل خير

صبرني يارب يقول...

تامر علي

ايه ده وزه وحمام وبشبوسه

طب وزه وحمام ومعمر تمشي
ههههههههههههههههه

اهو هو ذنبك فعلا يا باشا

mostafa rayan يقول...

فرحان قوى انى شوفت حضرتك والاستاذ رضا يوم التجمع يمكن ماكانش في فرصه للحديث لكن بجد فرحان قوى ان شوفتكم واتعرفت عليكم واقعيا بعيدا عن حاجز الشاشه
لك ولاستاذ رضا كل الود والتحيه

فاتيما يقول...

عاملة ايه يا صبصوبتى ؟

انا جاية اقولك وحشتينى

و متزعليش بقى

منقدرش على زعلك اصله

صبرني يارب يقول...

مصطفى ريان

الف شكر يا مصطفى والله انا كمان سعيده انى شوفتك وربنا يكرمك

صبرني يارب يقول...

فاتيما

ربنا يخليكى يا جميل والله انتى كمان واحشاني

والله يا فاتيما ما زعلانه بس ده انا حزينه من قلبي على الى بيحصل

نورتي يا فاتيما والله

ghada mOhsen يقول...

كل اللى اعرفه ان اللقاء كان حلو كتير
واللى محليه بجد الناس اللى فيه
كفايه بجد انى شوفت ناس اول مره اعرفها بس شخصيات جميله اوى

انا زعلانه عشان مااتعرفت عليكى بس اكيد راح يصير تعارف مره تانيه

وماتزعلى نفسك ... ربنا يهدى الجميع

... ;) ,,, ;) ...