الأربعاء، 31 مارس، 2010

امتلؤا فخرا يا قوم .... ووحشتوني جدا

السلااااااااام عليكم

ايه ده مش معقووووووول كده وحشتوني يا جماعه بشكل مش معقول حاسه ان دماغي تتصارع داخلها الافكار عايزه تنط تطلع لكم هنا مليون حاجه عايزه اتكلم فيها والله


بس اختكم محتاسه حوسه عجيبه الشكل فكروني ما عدتش ابيض الشقه تاني خلاص كفايه مره واحده فى العمر


انا نقلت قبل كده من مكان لمكان انما ابيض شقه وانا فيها لم تحدث من قبل



عااااااااااااااااا سبوني اعيط شويه والنبى

والمفروض برضه ندور على حلول بقى



يعنى نشوف عفش بيت يكون خفيف كده يا اخوانا يعنى كرتون بلاستك اي حااااااااااجه اصل انا شلت اثقال لحد ما اتهديت وطلع عنيا والله لو اعرف كنت اتجوزت بحصيره وقله يا اخويا






وكمبيوتر طبعا ما اقدرش اعيش من غيره


هاقول ايه يعنى لو كان فى ورايا مدونين ياكلوا الزلط كان كل واحد فيهم جاب فرشته فى ايده وجه عمل معانا كنا خلصنا يا اخواتي

بس عموما احب اعلمكم ان محدثكم الان اسطى معلم اد الدنيا فى النقاشه بس اكتر من شبابيك وارتفاع مترين وربع كده من الحيطه ما اوعدكوش اعمل الحقيقه


دعواتكم بقى كده زي الشطار بجد تدعولي ان ربنا يسهل واخلص الشقه الى مش عايزه تخلص فى سنتها دي


وان ربنا يسترها معانا على صعيد اخر


المهم انا طبعا مش فاضيه اكتب اي حاجه عن اي حاجه بس قلت ما اجلكوش بايدى فاضيه برضه عيب يعنى

فجيبتكم الكليب ده تشفوه وتمتلؤا فخرا وحنانا ... قصدي فخرا واعتزازا وتقولوا نحن العرب المسلمون

وان كان هذا الكليب يصيبنى بالحسره على ما كنا وما اصبحنا عليه




واشوفكم على خير ان شاء الله يا حلوين

ما تنسوش بجد ادعولي ان ربنا يسهلنا الصعب ونخلص الموال الى احنا فيه

والاهم ان ربنا يسترها معانا وييسر لنا الخير ويبعد عننا الشر (الى هاينسى يدعي مش عايزه اقولكم هاحصله ايه ؟ خليها مفجأه بقى )

هناك 31 تعليقًا:

لولا وزهراء يقول...

ارق ندى على احلى ياسمين

كل ده غياب
وحشتنيا بجد

ربنا يقويك ويكرمك انتى عارفه ان اكتر حاجه تعمل لى قلق فى حياتى هو اننا نبيض الشقه :(( :((
بجد ربنا يكرون فى عونك وتحت تحت الامر فى اى لحظه

معش ممكن مش اعلق على الفيديو لانه مش عاوز يفتح معايا عيب نت طبعا
اشوفك على خير ياااااااااااارب

ستيتة حسب الله الحمش يقول...

لأ حقيقي تركتي فراااااااااااااخ
اتصرفي
خلصي واخلصي
ربنا ييسر لك كل عسير
من البياض للحاجات التانية

البياض ده علقة لا كتبها الله عليا
عندي اعزل ولا ابيض
بس انتي مش ستيتة الكاورك
انتي ندى الكينج كونج :))

سلام يا جميلة

ندى الياسمين يقول...

لولا وزهرا

ربنا يخليكى يا جميل

هابعتلك وصله على الميل من الفيديو ان شاء الله

نورتي يا جميل

ندى الياسمين يقول...

ستيته حياتي

العفو يا جميل ده انتى البيج بوس برضه

فعلا النقل اسهل انا جربته ومش اي نقل ده عبر البحار من الامارات لهنا
وكنت حامل كمان

بجد اسهل مما انا فيه

يلا الحمد لله تعالى

يا مهوووووووون

منوره يا جميل ووحشاااااااني

ahmed_k يقول...

ههههه شدي حيلك دهان الشقه اللي يكون أصحابها مقيمين فيها درب من البهدله الممزوجه بنرفزه
أصل أنا جربت القصه دي ربنا يعينكم
والفيديو مظهرليش خالص ياترى المشكله من عندي ولا مع الكل كده , أنا شايف أنه مظهرش مع لولا أيضا
عموما تخلصي الدهانات على خير وترجعي بكل همه ونشاط من جديد

تحياتي

ندى الياسمين يقول...

اهلا يا استاذ احمد

ازيك منور البلوج والله

فينك من زمان

لا الكليب شغال وتمام

لولا بتقول عندها مشكله فى النت
وحضرتك جايز ما عندكش الجافا

شوفوا كده يا قوم لو مش اشتغل قلولي

وعموما يا استاذنا انا بعته للميل كله هاتلاقيه عندك على الميل وصله منه

نورت

Che يقول...

معلش يا ندى .... والله مقدر اللى انتى فيه ... انا قعدت يجى شهرين فى موال التبييض و تغيير السيراميك و الشبابيك من الاول ، عشان كده انا مقدر اللى انتى فيه
الفيديو جامد على فكره ... الف حسره علينا

عمرو جويلى يقول...

السلام عليكم
ربنا معاكى وييسر لك ِ كل أمر عسير
قرأت البوست وأنا لم أستطع أن
أمسك نفسى من الضحك
خالص تقديرى

star in the sky يقول...

تعرفى انك بجد وحشتييييييييييييييينى

وكنت ناوية ابعت لك ميل بالليل اشوف اخبااااااارك واتطمن عليكى لاقيتك من فترة مختفية ونسيت خاااااالص الشقة فاكرة انك قلتى عليها فى البوست اللى فات

يلا ربنا يسهلها لك يااااااارب ويفتحها فى وشك وتتعدل وتخلصوا البيت على خير بس اياااااك تعمليها تانى والا انتى حرة مش ناوية ادعى تانى هههههههههههههههههه


المهم انك تمام وبخير

حنين القلب يقول...

ازيك يا ست ندى
وحشتيييييييييييييييييييينى والله

كل ده علشان بياض
دنا هديت الشقه يا بنتى فى السبوع ومش عيطت دمعه دنا انهرت من العياط
ههههههههههههههه

المهم انك بخير وسلميلى على حبايبى

ام عمر

نـــوارة يقول...

بالحضضضضضضضضن

وحشاني موووووووووت

ربنا يعنيك يااوختشي انا زهقت من كترة مابيضت في الشقة شوية دهانات وشوية السقف وشوية معرفش ايه لغاية ماتقطم وسطي بجد ربنا معاكي وتخلصي بسرعة

هشوووف المقطع بقى لما ينزل :]

ربنا يحفظك ويقويكي

سي يو :)

Wanda يقول...

ايه ده
البوست ده نزل امتى؟؟؟

كده
نوتى سيبك منها تعالى عندى و انا اريحكى
و لا يجيلك حساسية من ريحة البياض و لا ايديكى و شعرك ينشف
و لا ظهرك يتهد من الشيل

تعالى يا غلبانة
انا خلصت بياض شقق الاهل خلاص و قاعدة فى الطراوة هنا :-)))
و الدنيا بتمطر و بدعى على ناس مجوعنى و عملين لجواء عند الوالدة :-)))

تعالى يانوتى قبل ما تخلص عليكى ادينى بقولك اهو

اه دردر حبيبتى قلبى :-)))
ازيك كده و ازي الحال
المهم دهنت القبقاب لون ايه ؟؟؟؟

و بعدين ماله لما تسكنى فى اوضه واحدة بمنافعها و على حصيرة و منشة متعلقة فى السقف
و الله عيشة فلة
و لا اقولك الاحلى خيمة و القماش الموف عليا علشان الليالى تبقى كلها موف :-)))

وحشتينى يا دردر (كنت حقول يا مضروبة و بعدين خوفت :-)) لاضرب انا بالقبقاب :-))

sony2000 يقول...

بجد كليب راااااااائع
وربنا يسهل وتخلص الحجات كلها بأذن الله

مصري جدا يقول...

ماشي يا صاصا

ربنا معاكي

ابو الليف بيسلم عليكي

الا بعد البياض رضروض هيغير عتب ولا ايه النوظام؟

ندى الياسمين يقول...

تشي

لا لا لا ما تقولش فى وشي شهرين ده انا بقالي 11 يوم حاسه انهم 11 سنه

كان عندي امل اشطب على يوم الجمعه بس مش باااااااين

نوووورت

ندى الياسمين يقول...

عمرو جويلي

ايه ده ليه بتضحك ليه

اوعى تقول بتضحك عليا انى بادهن الشبابيك
هههههههههههههههه

نورت يا فندم

ندى الياسمين يقول...

ستار

والله وانتى كمان وحشتينى يا جميل
وامييييين يارب الدعوه الجميله بتاعتك

لا لا انا دلوقتي اغنيتى المفضله يانى يانى يانى مش هاعمل كده تاني
ههههههههههههههههههه

ندى الياسمين يقول...

حنين القلب

لا يا اختي والنبى البياض ده ماساه بجد

ام عمر شوف الاسم موسيقى ازااااااي
بوسيلى الواد ابنك

وانت وحشاااااااني جداااااااا

فاكره يا اختي لما كنا بنقعد نرغي على الميل ونتجمع هييييييييه كانت ايااااااااام

ندى الياسمين يقول...

نواره

ربنا يخليكى يا جميل متشكره اوي

والله وانتى كمان وحشاني خالص يا جميل

نورتي
سي يو سوووووون

ندى الياسمين يقول...

وندا

بصي انا شايفه انك انتى ونودي اصحاب بزياده
انا هابعتهالك يا اختي دي عملالي صداااااااع

وبعدين قولي يا مضروبه يا معضوضه يا مطحونه يا كل حاجه هاتمشي عليا حاليا

ولا يهمك
هههههههههههههههههه
حلوه يا واندا حكاية الخيمه الموف دي يا اختي
تصوري فكرررررره

وحشااااني يا اختي نفسي اجي ازووووورك كل ما افتح المدونه بتاعتك ما اعرفش اقرا ولا سطر انشغل وما اعرفش ارجع
عااااااااااااا
عايزه اخلص بقىىىىىىىىىىىىىىىى

ندى الياسمين يقول...

سوني
مرسي يا جميل ربنا يخليكى

نووووووورتي

ندى الياسمين يقول...

مصري جدا

يسلمك ويسلمه يا اخويا
ههههههههههههههههههه

رضروض ؟ مش انا قلتلك قبل كده انا لو قلتله يا رضروض دي كان زماني اترميت من الشباك من زمان
هههههههههههههههه

وبعدين يغير عتب ليه يا اخويا ربنا يثبت اقدامه كده وما يغيرش عليه
ههههههههههههههههه

نورت يا باشا

فاتيما يقول...

انتى كمان يا صباصيبو
وحشتينا قوى

و وحشتنى قوى

ربنا يسهل و الشقة تخلص
و تبقى زى ما تحبى


يعنى اشمعنى عملتى نيولوك للمدونة

الشقة ملهاش نفس ؟!!

ف انتظارك يا ست الستات

وحشنا رغيك و الله

بوسات و حضونات من هنا لحد عندكو

سمع هوص (Abo 3li) يقول...

ياااااااااااااااااااه...
ليكي وحشة..
انتو بتبيضو شقة.. ولا بتبنو العمارة من الاول...
دنتي من زمان اوي في الموضوع ده..
ربنا يكرمكم وتخلصو بقي...
بس خلي بالك ان الشقة عندك هتضيق بعد التبيض.. لان الدهان بقي تقريبا ب سمك متر دلوقتي...

ربنا ياخد بأيدك..

تامر علي يقول...

فيديو قيم ورائع فعلاً
جزاك الله خيراً ويسر لكم الأمور وكفاكم شر الإنس والجن :))

تحياتي

صوت من مصر يقول...

شكرا
كيمو

صوت من مصر يقول...

شكرا
كيمو

ندى الياسمين يقول...

فاتيما

بوسات وحضونات يا جميل للصبح
وحشااااااني خاااااااالص

ربنا يخليكى يا قمر بجد نفسي اشوفك ونقعد ننقي رز كده شويه كتير على رواقه

وياااااارب تخلص بقى اصل انا الى خلصت

ندى الياسمين يقول...

سمع هوص

اه بالظبط كده

بنبنى العمااااااره

والله انا تعبت يا اخويا

نووووووورت

ندى الياسمين يقول...

تامر علي

متشكره اوي يا استاذ تامر ربنا يخليك

ندى الياسمين يقول...

صوت من مصر

العفو يا كيمو على ايه بس ده اقل من الواجب والله يا ريتنى اعرف اقدم واجب فعلا يليق
ربنا يعظم اجرك فيها يا كيمو