الجمعة، 10 سبتمبر 2010

عيدكم مبارك

كل سنه وانتم طيبين يا اصدقائي الحلوين  الى واحشني جدا جدا

انا عارفه انى رخمه واتاخرت اوي فى التهنئه بالعيد  وحتى ما عيدتش على اي حد فيكم ولا رديت على الردود بتاعة التهنئه على البوست الى فات
بس برضه انا عارفه انكم اكيد اكيد عارفين انه غصب عني  معلش يا جماعه الحكايه ملخبطه معايا شويه

وكان بودي والله اجيبلكم طب كحك وانا جايه بس للاسف الشديد ما عملتش كحك  اهيء اهيء اهيء

اه والله كده يا اخواتي  واشتريت .. ولسه ما جاش كماااااااان الى اشترتهولي مش عارفه توصلهولي ما عرفتش انزل كمان

المهم كل سنه وانتم طيبين وبخير وسلام واتمنى تكونوا جميعا اكلتوا الكحك واتمرجحتوا وميه ميه
ههههههههههههههه

وزي كل عيد وزي كل سنه باقولكم يا جماعه فى العيد صلوا ارحامكم وزوروا بعض واتسامحوا والعيد فرصه كويسه عشان يبقى سبب انك تصالح اي حد زعلان منك او انت زعلان منه  روح صالحه بمناسبة العيد من غير ما كرامتك تنقح عليك عادي

خصوصا لو كان اخوك ولا ابوك ولا امك تبقى مصيبه دي   ولا مراتك

وانسوا خلافتكم يا جماعه وعيدوا وبعدين ابقوا كملوا خناق بعد العيد عادي وده خصوصا بالنسبه للمتجوزين الى ما يقدروش يعيشوا من غير الخناق يعنى

ويارب يكون عيد سعيد عليكم جميعا

واسفه تاني لكل الى مش عارفه ازوره ولا اعيد عليه

وادعولي ربنا يشفينى وادعوا كمان لشمس النهار  ربنا يشفيها انا كلمتها من كام يوم زعلت عشانها اوي اوي وهاتجنن واشوفها بس مش عارفه اسافر
ربنا يشفيها يارب ويشفي كل مريض

هناك 15 تعليقًا:

Ramy يقول...

كل سنة وانت طيبة وبخير


و ربنا يشفى كل مريض

و يعيد عالينا الأيام بكل خير و سلام

فاتيما يقول...

كل سنة و انتى بألف خير يا صبصب

سلامة شمس نهار المدونات و قمرها
ان شاء الله تبقى زى الفل


و بابا اخباره ايه ؟؟
طمنينا عليه
ربنا ياخد بيده يا رب


معلش عشان الكحك و الشرا
مرة من نفسك يا ستى
كل سنة ضرب ضرب مفيش شتيمة ؟!!


ايوالنبى انصحى العالم تبطل خناق
الكل خلقه بقى خرم الابرة
اوسع منه


بوسيلى العيال كلهم
و سلامى للأستاذ رضا الغالى

و كل عيد و انتى وسطنا يا حبيبتى
بحبك قوى
♫ ♥ ☺ ♥ ♫

عاشقه الرومانسيه يقول...

كل سنه وانتى طيبه ياصبصب
ب ح ب ك

sweet angel يقول...

كل سنه وانتي بالف خير

Kiara يقول...

كل سنه وانتي طيبة ياحبيبتي

وربنا يشفيكي ويشفى شموسه ويشفي كل مريض

سواحة يقول...

دردر
كل سنة و انت طيبه
و الولاد و الاستاذ رضا و بابا بالف صحة

عمرو يسرى يقول...

كل سنه وانتى طيبه
عيد سعيد عليكم

خواطر شابة يقول...

كل سنة وانت طيبة وبخير
ربي يشفيك حبيبتي ويشفي كل مريض
بالنسبة للضغط لازم تساعدي نفسك بأنك تبتعدي عن اسباب التوتر
دمت بكل الود عزيزتي

قلم رصاص يقول...

وانتي طيبه ام مريم
وبعوووووووده الايام زي مابيقولوا

انا اكلت كحك اه بس متمرجحتش
ياترى دا يأثر على مستقبلي السياسي
أو ليه علاقه بإمكانية موافقة ست ابوها لما اجي اتقدم لها في قرن من القرون؟ هههههههههههه

"فرصه كويسه عشان يبقى سبب انك تصالح اي حد زعلان منك او انت زعلان منه روح صالحه "

طيب حضرتك بقى صالحي اللي زعلانه منهم
بقى دا احنا في العييييييييييد الله

كل سنه وانتي طيبه وكل الاسره بخير

sony2000 يقول...

يارب يشفي كل مريض
وكل سنه وانتي طيبه:)

الازهرى يقول...

أدعوا الله تعالى أن يعينك وأن يتم الشفاء

وكل عام وأنت وكل أحبابك فى سعادة وهناء

richardCatheart يقول...

دردر حبيبى اللى وحشنى كل سنه وانت بصحه وخير انت وكل الاهل يارب

ويارب يكون بابا بقى احسن ان شاء الله

ربنا يفرحك بالولاد ونجحهم ونشوفهم عرايس وعرسان زى القمر

عيد سعيد

richardCatheart يقول...

الف سلامه عليكى مالك عاينه ولا ايه يا دردر

ربنا يشفى عنك وعنها يارب ان شاء الله تبقو زى الفل

shimaa elkholy يقول...

شكرا يا جماعه ومتشكره اوي على دعواتكم
وكل سنه وانتم طيبين ومعلش مش لاحقه ارد على كل واحد لواحده

والى سألوا عن صحة بابا الحمد لله هو احسن وربنا يتم شفاه على خير

وانا كذلك احسن الحمد لله وشكرا اوي اوي لكم جميعا

الازهرى يقول...

اسمك اتذكر من شموسة صريحا ضمن المدعوين

يا ريتفى وقت والا الظروف ايه ؟