الاثنين، 20 سبتمبر، 2010

فين ايام زمان ؟؟

راحت فين ايام زمان

ايام الجري واللعب وتغيير السنان
أيام ما كان القلب اخضر والعقل أكبر جنان
وكنت على صوت جدتى بتدعي لولادها انام
****
ايام الحيره فيها ..أشتري بسكوت ولا لبان ؟؟!!
وكانت المدرسه والواجب اقصى هم و التزام
و كنت احيي العلم بهمه ..لا مراره ولا قلب حزنان
***
طب فاكر لما كان الوجع خبطه من ماما بدلع وحنان؟
ولا لما كان الخوف من الحقنه وقطة الجيران
أأأأه يا سلام ...... راحت فين ايام زمان

هناك 30 تعليقًا:

adel يقول...

راحت مع كل شئ راح
يعني هتكون نزلت تشتري لبان ؟؟

Ramy يقول...

يا سلام يا سلام

دة كله كلام

عاوزة الزمان يرجع

قولى للزمان ارجع يا زمان

تسلم ايدك (:

richardCatheart يقول...

والنبى يا شيخه ماتحزنناش

راح اللى راح وانقضى


تسلمى على البؤين اللى يوجعو دول

كيــــــــــــارا يقول...

راحت في زكري

وبقت في طي النسيان

اكلها الوبااا

خواطر شابة يقول...

الحنين للطفولة حنين للبراءة وخلو البال
اعجبتني جدا هذه الجمل
*ايام الحيره فيها ..أشتري بسكوت ولا لبان
* وكانت المدرسه والواجب اقصى هم و التزام
*لما كان الوجع خبطه من ماما بدلع وحنان
* لما كان الخوف من الحقنه وقطة الجيران
لقد عبرت بكلمات قليلة عن جمال المرحلة وخلو بالنا فيها مقارنة بما نعيشه اليوم
دمت بكل الود عزيزتي

حنعيش يعنى حنعيش يقول...

عايزنا نرجع زى زمان قول للزمان ارجع يا زمان.... النهاردة بكرة حيبقى زمان ... يالا نعيش النهاردة جامد قوى علشان بكرة نفتكر ونقول يا سلام على زمان ... اللى هوه النهاردة ...انا مش عارف انا بقول ايه ... عديها يا ندى

sweet angel يقول...

راحت مع كل حاجه حلوة

الله يرحمهم جميعا

ندى الياسمين يقول...

عادل

اااااه ولا عدنا بنعرف نمضع لبان يا ابنى

ندى الياسمين يقول...

رامي

والله مش عايزاه يرجع بس عايزه شوية منه مافيهاش حاجه يعنى

ندى الياسمين يقول...

قلب القطه

والله ما كان قصدي اوجعك يا لولو

ندى الياسمين يقول...

كيارا

حتى انتى يا كوكي طب انتى لسه ما خرجتيش من المرحله اوي هههههههههههههه

كيــــــــــــارا يقول...

ههههههههههههههههههههه


قصدك ايه بئا

لالالالالالالالالالالالالالالالالالالالالالالالالالالالالالا

انا خرجت وكبرت بئا خلاث :)

فتاه من الصعيد يقول...

عشيها مع ولادك بقا :)

كل سنه وانتي طيبه ... عام دراسي سعيد

تحياتي

مصري جدا يقول...

يعني مكلفه نفسك وهابدانا بوست طويل عريض مليات بالشعر البكائي

كل دا علشان باكو بسكوت وباكو لبان!!!!!!!!!!!!!!!!!!!!!!!!!!!!!!!!

ولا تزعلي

طن بسكوت وخمسه متر لبان

يا سلام يا ختي

بس فكيها والنبي بلاش نكد

محمد فؤاد (صاحب عمود النور) يقول...

قول للزمان ارجع يا زمان

خلاص ياستى اللى راح راح ومافيش حاجه هترجع

بس تسلم افكارك

عمرو يسرى يقول...

زمان وكان يامكان
تسلم ايدك

ندى الياسمين يقول...

خواطر شابه

تسلمى يا جميل ربنا يخليكى

نورتي يا قمر

ندى الياسمين يقول...

حنعيش يعنى حنعيش

تصدق يا دوك انا لو قالولي ترجعي لزمان تاني مش هارضى اصل لسه بقى هاعدي تاني الى عديته خلينا نخلص بقى
ههههههههههههه

بس الواحد دايما يحن لايام البراءه فعلا للاحاسيس البكر ده عادي

وعموما النهارده عايشينه شئنا ذلك ام ابينا

ندى الياسمين يقول...

سويت انجل

يعنى انا دايما باقول ان كان الى راح حلو يارب يكون الى جاي احلى الله اعلم

بس برضه باحب البراءه واحنلها عادي

نورتي يا جميل

ندى الياسمين يقول...

كيارا

لا لسه شويه هههههههههه

ندى الياسمين يقول...

فتاه من الصعيد

ياريت ينفع والله ما كناش غلبنا بس بنحاول برضه

ندى الياسمين يقول...

مصري جدا

والله يا استاذ هاني ما انا كاتباها بمود وحش ده عادي خالص

مجرد حنين للطفوله والبراءه اصل الدنيا بقت زحمه اوووووووي

وبعدين ده ما يمنعش انى عايزه بسكوت ولبان

ندى الياسمين يقول...

محمد فؤاد
اخيراااااا ظهرت

ازيك يا محمد
ربنا يخليك يارب على الكلام الجميل
منورنا

ندى الياسمين يقول...

عمرو يسري

متشكره اوي وتسلم يارب من كل شر

momken يقول...

نعمه عظيمه من الله تسمى الذكرى
تلك التى تجعلنا نعيش احلى لحظتنا عده مرات

بالفعل هى اجمل ايام العمر برغم انى اذكر انتى كنت اتعجل ان اكبر

حتى اتحرر من سيطره البيت
وحتى اتاخر دون لوم
هههههههههه
وحتى يكون من حقى ان اتزوج بنت الجاره
لكنى كبرت
تحولت سيطره البيت الى مسئوليه افرضها على نفسى
وسار التاخير اجبارى نظرا لظروف العمل
واقابل بنت الجيران واقبل طفلتها

بوستك جميل ومنتهى البراءه

تحياتى

Ĥ!bØ يقول...

ايام لن تعود ولكن ذكراها باقية في عقولنا

منى القلب ليلى يقول...

الله الله عليكى بجد انتى رائعه انا بجد ضيعت وقت كبير بسبب كل اما اقرا بوست الاقينى بفتح اللى بعديه وانتى ماشاء الله مدونتك قديمة يعنى عايزة اسيب الدنيا اللى ورايا بصى هعمل جدول واقرا كل يوم حاجه ربنا يزيدك

ندى الياسمين يقول...

ممكن

تمااام كلامك جميل اوي بجد وواقعي جدا

متشكره لك ونورت

ندى الياسمين يقول...

منى القلب

حبيبتى ربنا يخليكى والله

متشكره اوي وانا هاتشرف بيكى وبقرايتك لموضوعاتي يا قمر

ندى الياسمين يقول...

هيبو

الحمد لله ان الى بيفضل الحلو دايما يا فندم

نورتنا