راحت فين ايام زمان
ايام الجري واللعب وتغيير السنان
أيام ما كان القلب اخضر والعقل أكبر جنان
وكنت على صوت جدتى بتدعي لولادها انام
****
ايام الحيره فيها ..أشتري بسكوت ولا لبان ؟؟!!
وكانت المدرسه والواجب اقصى هم و التزام
و كنت احيي العلم بهمه ..لا مراره ولا قلب حزنان
***
طب فاكر لما كان الوجع خبطه من ماما بدلع وحنان؟
ولا لما كان الخوف من الحقنه وقطة الجيران
أأأأه يا سلام ...... راحت فين ايام زمان
هناك 30 تعليقًا:
راحت مع كل شئ راح
يعني هتكون نزلت تشتري لبان ؟؟
يا سلام يا سلام
دة كله كلام
عاوزة الزمان يرجع
قولى للزمان ارجع يا زمان
تسلم ايدك (:
والنبى يا شيخه ماتحزنناش
راح اللى راح وانقضى
تسلمى على البؤين اللى يوجعو دول
راحت في زكري
وبقت في طي النسيان
اكلها الوبااا
الحنين للطفولة حنين للبراءة وخلو البال
اعجبتني جدا هذه الجمل
*ايام الحيره فيها ..أشتري بسكوت ولا لبان
* وكانت المدرسه والواجب اقصى هم و التزام
*لما كان الوجع خبطه من ماما بدلع وحنان
* لما كان الخوف من الحقنه وقطة الجيران
لقد عبرت بكلمات قليلة عن جمال المرحلة وخلو بالنا فيها مقارنة بما نعيشه اليوم
دمت بكل الود عزيزتي
عايزنا نرجع زى زمان قول للزمان ارجع يا زمان.... النهاردة بكرة حيبقى زمان ... يالا نعيش النهاردة جامد قوى علشان بكرة نفتكر ونقول يا سلام على زمان ... اللى هوه النهاردة ...انا مش عارف انا بقول ايه ... عديها يا ندى
راحت مع كل حاجه حلوة
الله يرحمهم جميعا
عادل
اااااه ولا عدنا بنعرف نمضع لبان يا ابنى
رامي
والله مش عايزاه يرجع بس عايزه شوية منه مافيهاش حاجه يعنى
قلب القطه
والله ما كان قصدي اوجعك يا لولو
كيارا
حتى انتى يا كوكي طب انتى لسه ما خرجتيش من المرحله اوي هههههههههههههه
ههههههههههههههههههههه
قصدك ايه بئا
لالالالالالالالالالالالالالالالالالالالالالالالالالالالالالا
انا خرجت وكبرت بئا خلاث :)
عشيها مع ولادك بقا :)
كل سنه وانتي طيبه ... عام دراسي سعيد
تحياتي
يعني مكلفه نفسك وهابدانا بوست طويل عريض مليات بالشعر البكائي
كل دا علشان باكو بسكوت وباكو لبان!!!!!!!!!!!!!!!!!!!!!!!!!!!!!!!!
ولا تزعلي
طن بسكوت وخمسه متر لبان
يا سلام يا ختي
بس فكيها والنبي بلاش نكد
قول للزمان ارجع يا زمان
خلاص ياستى اللى راح راح ومافيش حاجه هترجع
بس تسلم افكارك
زمان وكان يامكان
تسلم ايدك
خواطر شابه
تسلمى يا جميل ربنا يخليكى
نورتي يا قمر
حنعيش يعنى حنعيش
تصدق يا دوك انا لو قالولي ترجعي لزمان تاني مش هارضى اصل لسه بقى هاعدي تاني الى عديته خلينا نخلص بقى
ههههههههههههه
بس الواحد دايما يحن لايام البراءه فعلا للاحاسيس البكر ده عادي
وعموما النهارده عايشينه شئنا ذلك ام ابينا
سويت انجل
يعنى انا دايما باقول ان كان الى راح حلو يارب يكون الى جاي احلى الله اعلم
بس برضه باحب البراءه واحنلها عادي
نورتي يا جميل
كيارا
لا لسه شويه هههههههههه
فتاه من الصعيد
ياريت ينفع والله ما كناش غلبنا بس بنحاول برضه
مصري جدا
والله يا استاذ هاني ما انا كاتباها بمود وحش ده عادي خالص
مجرد حنين للطفوله والبراءه اصل الدنيا بقت زحمه اوووووووي
وبعدين ده ما يمنعش انى عايزه بسكوت ولبان
محمد فؤاد
اخيراااااا ظهرت
ازيك يا محمد
ربنا يخليك يارب على الكلام الجميل
منورنا
عمرو يسري
متشكره اوي وتسلم يارب من كل شر
نعمه عظيمه من الله تسمى الذكرى
تلك التى تجعلنا نعيش احلى لحظتنا عده مرات
بالفعل هى اجمل ايام العمر برغم انى اذكر انتى كنت اتعجل ان اكبر
حتى اتحرر من سيطره البيت
وحتى اتاخر دون لوم
هههههههههه
وحتى يكون من حقى ان اتزوج بنت الجاره
لكنى كبرت
تحولت سيطره البيت الى مسئوليه افرضها على نفسى
وسار التاخير اجبارى نظرا لظروف العمل
واقابل بنت الجيران واقبل طفلتها
بوستك جميل ومنتهى البراءه
تحياتى
ايام لن تعود ولكن ذكراها باقية في عقولنا
الله الله عليكى بجد انتى رائعه انا بجد ضيعت وقت كبير بسبب كل اما اقرا بوست الاقينى بفتح اللى بعديه وانتى ماشاء الله مدونتك قديمة يعنى عايزة اسيب الدنيا اللى ورايا بصى هعمل جدول واقرا كل يوم حاجه ربنا يزيدك
ممكن
تمااام كلامك جميل اوي بجد وواقعي جدا
متشكره لك ونورت
منى القلب
حبيبتى ربنا يخليكى والله
متشكره اوي وانا هاتشرف بيكى وبقرايتك لموضوعاتي يا قمر
هيبو
الحمد لله ان الى بيفضل الحلو دايما يا فندم
نورتنا
إرسال تعليق