الأربعاء، 22 سبتمبر 2010

الاحلام


الاحلام دي حاجه كده الواحد يفكر فيها زي ما تكون كائن هلامي متحول

 اه حاجه يعنى عجيبه ما لهاش كنه محدد وما لهاش شكل محدد
بقالي فتره كنت عايزه اكتب عن الموضوع ده بس نسيته وفكرنى به النهارده استاذ عمرو بدر باستيت  له على الفيس بوك
الاحلام سواء ا لى بنحلمها واحنا نايمين ولا واحنا صاحيين

مهمه اوي ؟ مش عارفه  بس هى اكيد مهمه والا ما كانتش تبقى مخلوقه فينا

طيب الاحلام واحنا نايمين دى عادي حاجه ما لناش يد فيها اصلا بتعبر  عن افكار فى العقل الباطن وجايز تكون رؤى بدون سبب برضه الله اعلم

انما ايا تكن احنا مالناش اي يد فيها اطلاقا دي بتيجى لواحدها كده من غير ما نتدخل

طيب والاحلام واحنا صاحيين بقىىىىىىىىىىىىى

تفتكروا احنا برضه ممكن نتحكم فيها
بتهيئلي على الاقل بشكل جزئي ايوه

بس يا ترى الاحلام دي حدودها ايه ؟؟
ما لهاش حدود ؟؟

طب لو ما لهاش حدود شروطها ايه

عشان تفضل حلم عشان تبقى مالهاش حدود عشان ما نتحاسبش عليها قدام رب كريم

فى الحقيقه انا كان معنى الحلم بالنسبه لي وانا طفله مثلا انى احلم انى عندي مصنع شيكولاته كبيييييييييير او عندي مدينة ملاهي
اه طبعا ده عاااااااتي جدا وممكن الواحد يستغرق بقى فى الحلم

لما كبرت بقى بقت احلامي اكبر من ناحية المضمون يعنى مش الحجم

ما كنتش بافكر  اوي فى موضوع الاحلام نفسه فى حد ذاته لحد وقت قريب

والله شرف الحلم وجه على بالي لما يبقى بالي يفضى اصلا ماشي  ما جاش  برضه ماشي

انما اكتر من شخص لقيتهم بيتكلموا عن الحلم بشكل مختلف

والاقي ناس بتقول ايوه ده مهربنا ده ملاذنا من عذابات الدنيا ده انا لو ما حلمتش شويه كل يوم قد ساعه بيبقى يومي زي الزفت

طب بتحلموا بايه يا جماعه انا فايتنى حاجه ولا ايه .. يقولوا على اختلاف انواعهم واعمارهم

بنحلم فى كل حاجه واي حاجه ونروح اي مكان ونكلم اي  حد ونعمل اي حاجه كله فى  الخيال

طب طول ماهو حلم ماشي احلموا ايا يكن الحلم ما دام حلم

طب سألتنى مره  واحده سؤال حيرنى موت

طبعا انا ماليش اي خبرات فى الاحلام الى هى كده

كده ده الى هو بشكل مقصود يعنى الواحد يقول لنفسه تعالى يا نفسي نحلم لنا حلمين كده واحنا مغمضين عنينا ونعيش فى عالم اخر غير العالم الحقيقى

ماليش فيه خالص الحقيقه

المهم السؤال الى حيرنى

الحلم والخيال مالوش حدود مالوش سقف ولا قوانين من اي نوع

قلتلها اينعم هو كذلك

طب ربنا بيحاسبنا عليه

قلت فى حدود علمي ما دام مجرد جال بخاطرك  مش عملتي منه حاجه يبقى لا

قالتلى طب لو انا شاركت حد الحلم

يعنى مثلا حكيتلك على حلم من احلامي ؟؟؟
او حتى حلمناه سوا ؟؟؟

قلتلها ااااااااااه كده نقف نحتار بقى

وقعت افكر …هو كده يفضل زي ما هو حلم ؟؟ ولا هو كده اتحول لكلام

وينطبق  عليه المبدأ  الشرعي حلاله حلال  وحرامه حرام ؟؟؟


ماهو ا صل الحلم حلم طول ماهو بينك وبين نفسك وخيال طول ما هو بين طيات عقلك

طلع بره معالمه اتغيرت و صفاته اتغيرت وبقى حاجات تانيه

الحقيقه هى لم توافقني  على الراي ا طلاقا

ومش هى بس  كل لما اخد راي حد شايف انها تظل احلام

هو الوضع ممكن يكون عادي لو انا باحلم مثلا انى اشتريت مزرعه وربيت بقره وفرخه ووزه
وزرعت شجرة توت وجمبها شجرة مانجو  كل ده مش هانختلف فيه ان كنا نشاركه مع حد ولا نقوله ولا ما نقولوش

المشكله تكمن فى انواع تانيه من الاحلام

يعنى لو انا حكيت حلمى او خيالي لحد او حتى شاركته فيه

وكان الحلم  ده عباره عن اننا هانسطوا على بنك ونقتل الحراس ونسرق البنك وبعدين نهرب

ونشتري جزيرتين واحده كبيره وواحده صغيره وياخت  ونجيب ازازتين حلبه حصى ونشربهم وندخن سيجارتين حشيش ونعمل دماغ وكده يعنى

هل هذا النوع من الاحلام ينفع نحكيه ونتكلم عنه ونتشاركه مع حد ونقول هو فى  النهايه احلام ؟؟؟

الحقيقه انا مش عارفه ومحتاره

عايزه اسمع رايكم جميعا  عشان انا ماسكه فى خناق حوالي 13 صديق وصديقه بسبب  الموضوع ده
هههههههههههههههههههههههه

يلا سمعوني رايكم وبسرعه بلاش الكسل الى انتم فيه الايام دي ده

هناك 42 تعليقًا:

ادم المصرى يقول...

انا اول مره ازور مدونتك

وسعيد جدا انى عرفتها

واكتشفت انك فقيها جدا ولبقا جدا وفكرك عالى جدا جدا

بصى يستى الاحلام عباره عن احلام يقظه دى واحنا صاحيين دى بتكون منقصما جزأين اول جزأ حلم شيطانى الى هوا بنتحاسب عليه يعنى مثلا واحد مش هنسميها حلم بقه هنسميها سرحان وخيال مثلا واحد سرح فى بنت يعرفها او شفها فى شارع سرح فيها بأى نوع طبعا كده اكيد حرام لأن سيدنى محمد ص قال من هم بحسنه فلهو اجرها ومن هم بسيئه فعليه وزر ما فعل يعنى بما المقصود ان المهم لو هم هم معنى هم ينوى او شيئ يخطر فى بالو وفى احلام تنيه مثلا انا نفسى ابنى جامع لزم ده اشارك فيه اصحابى واحكلهم مدام فيه خير لكن لو شر اكيد حرام لأن ربنا بيستر الناس ليه تفضح نفسك وتعرف الناس بلويك اذا ابتليتم فستترو

دى نوعيت الاحلام وانا صاحى لأنى متنسيش ان فيه حاجه اسوأ من دا كلو وهيا النفس الاماره بسوق وديت عباره عن خلتى لتاتا مش بتسكت بتفضل ورا الواحد لحد ميقع فى كبر من الكباره عن طريق الوهم والاحلام والسرحان وهكذا ولكن الاحلام وانا نايم دى اغلبيتها خطرفه

انا قلت الى اعرفو والله اعلم طبعا

adel يقول...

معرفش حكاية نتحاسب علي الاحلام بس الحقيقة مش مقتنع بيها
هو لما احكي لحد اني قتلت يبقي قتلت فعلا ؟ او في حتي نية ؟؟
اشك

لانه ولا نيه ولا هيحصل
اغلب الاحلام عبارة عن العقل الباطن و اخر اللي بتفتكره او يشغلك
يعني لو شفتي فيلم رعب قبل ما تنامي وركزتي قوي بتحلمي بكابوس
لو صحيتي حكتيه يبقي هتتحاسبي عليه ؟
ولا انتي هتقتلي و لا هتتقتلي ولا اللي هتحكيله
دخ مجرد حلم حلم حلم
هتتحاسبي ازاي ؟
مش مقتنع نهائيا

ادم المصرى يقول...

سورى

استاذ عادل فهمت تعليقى غلط انا لما اكلمت على المحاسبه لنيه قلت للى بيحلم وهوا صاحى يعنى لما بتسرح مثلا وقلت انك مش هتتحاسب على سرحانك غير لو اتمنين شيئ مثلا هفهمك بل بلدى عشان تفهمنى لو قلت لنفسك يسلام انا نفسى مثلا اعمل كذا اى حاجه غلط يعنى مدام انتا اتمنين كدا كأنك عملتها يمان واسئل حد بيفهم فى الفقه النبوى كويس بس واقراء تعليقى تانى والله اعلم

فاتيما يقول...

العواف

انا عاوزة اشارك ف الخناقة اللى فوق دى لو سمحتوا


احنا هنتحاسب ع الأفعال يا إخوانا
انما الأفكار الصعبة او الغلط
لو فضلت جوانا
و جوا خيالنا
نتحاسب ليه؟

الواحد حتى لو فكر ف ذنب
و تراجع عن تنفيذه بياخد حسنة
يبقى ايه بقى ؟!


رأيى السخصى يا صباصيبو
ان يا حبيبتى
الحلم حق دستورى لأى بنى آدم
على وجه الارض

و اشطحى فيه زى منتى عاوزة
محدش له عندنا حاجة
مالم يضر هذا الحلم حد حوالينا
او حتى بعيد عنا

حكاية تحكيه و لا لأ دى
مش شايفة فيها حاجة
بالعكس
منطقية و عادية لما كونوا الناس دول من المقربين ليكى و بتفضفضى معاهم


لو بتتكلمى عن الحلم بتاع النوم دا
ايوع تحكى و نص و تلتربع
يمكن تكون رؤية و فيها خير ليهم
و اطمئنان لأحوالهم
ناس كتير بتبتعلى او لما تشوفنى
تقولى حلمت بيكى
عاوزة اقولك ان 70% منهم
بيبقوا حاسينى جدا
و ببقى فى حالة حزن مع نفسى
بس مبقولش
بيحسوا بيا ..سبحان الله

دى نعمة
ليه الواحد يخفيها
او يقتلها جواه ؟!


ربنا يسعد ايامك
و احلامك
يا ست الستات

بوسيلى العيال
و سلامى للأستاذ رضا

و بقولك
متيجوا مشوار اسكندرية دا
و لا بعيد ؟!!

فكرى و قولى
و ربنا يسهل


بوسات و حضونات
و احلام سعيدة دايما

ستيتة يقول...

بساء الخير يا ست انتي
وحشتني والله العظيم جدي

الأحلام؟
يقيني أن كل اللي جوايا شرير لن أحاسب عليه
وان دي رحمة ربنا لينا
ومذكورة في الحديث
ان اللي ينوي شر ومينفذوش لا يحاسب عليه واللي ينوي خير ربنا يديه ثواب عليه


والعجيب والأكثر من مريب واللي ها يخليكي تضحكي عليا
اني لما يكون جوايا شر او حزن اقرر ما اتكلمش بيه
علشان الشيطان ميعرفش ويوسوس لي ويستغل غضبي :)
يعني وبمعنى ادق اللي نخلي عندي يقين ان ما احدث به نفسي لا يعلمه الا الله
بنفس اليقين ان الشر اللي لم انفذه لن اعاقب بسببه

ها تسأليني وتقولي وليه يا كابتين لاطتشيف ها يكون جواكي شر؟
وليه فهمتيني يا سوتيتة على إنه شر؟

ماهو لو مش شر ولا عيب :) نبقى عندنا مشكلة فين بالصلاة ع النبي يا حاجة
ولو مش شر وقاومت انه يتحول لفعل ها اخد ثواب وابقى من اصحاب العزم ازاي يا حاجة

وبمناسبة هذا البوست فيسعدني اقول لك اني لسه بحلم بمصنع الشيكولاتة الكبيييييييييييير :)

ستيتة يقول...

اه افتكرت

طه ما كلنا بنحلم بحلم ما في اليقظة خالص ونفسنا ومنا عينا ربنا يحققه ويصرف عنا السوء بما شاء وكيف شاء
هل تعتبري كده نكون بنغتاب ...... ونتمنى له السوء وكده وبناخد ذنوب؟ يالهويز

richardCatheart يقول...

جميل اوى يابت يا دردر

يا نهار اسوح دا لو بنتحاسب على احلام اليقظه وسرحنا يبقى انا اول وحده هاتشوى فى الدرك الاسفل والعياذ بالله

داانا من غير السلكند لايف فى دماغى كنت موت واتعفنت يجى من قرن

معلوماتى اللى سمعتها ان طول ما الخيال خيال فى عقل البنى ادم فلا يحاسب عليه

لو الخيال بتاعه شر ونطق به بياخد سيئات النطق بالشر
لو عمله بياخد جزاء العمل على قد ما حدده الله

يعنى الحلم فى اليقظه ليه مراحل مهما كان سىء علشان تتحاسبى عليه

والله تحيه يا دردر على الحلويات دى
فكره مفتكسه الحقيقه

Haytham Alsayes يقول...

اول مرة ازور مدونتك وبجد جميلة
موضوع الاحلام والمحاسبة والكلام دة اظن انا ربنا رحيم بينا
نحن لانؤاخذ الا بالافعال وفقط
يعني لو انا فكرت بمعصية معينة ولم افعلها معني ذلك انني سأحاسب عليها
لا اظن

احلام اليقظة رائعة ممكن تحلمي حلم وربنا يكرم بشوية مجهود يبقي الحلم دة اصبح حقيقة

تحياتي

أندروميدا يقول...

تحذير : تعليق طويل جدا بس الموضوع يستحق :‏

في رايي المتواضع حول مفهوم الاحلام ... فبنقاط محددة يمكن القول : ‏

‏-‏ هو وسيلة خاصة من وسائل الادراك والمتعلقة بالاساس بالنشاط الذهني او النفسي للانسان .... وهي تتشابه مع ‏الخيال او الالهام في كثير من الامور...... اي ان الحلم نوع من انواع الادراك ‏
‏-‏ رغم التشابه بين الحلم والالهام والخيال ..... الا ان بينهم بعض الفروق .... فالالهام او الوحي عند البعض .... هو ‏ادراك مباشر وعقلاني وغير ملتبس ..... بان تمر خاطرة في عقل الانسان او ذهنه بشان اكتشاف ما ... او حل ‏لمشكلة ما .... لهذا فان هذه الخاطرة .... قد تكون في شكل فكرة عقلانية مكتملة الملامح .... يجوز فهمها او ‏التعبير عنها بسهولة .... او ان تكون في شكل بذرة لفكرة يجوز البناء عليها في سبيل اكتشاف امر ما ...... اما ‏الخيال فهو امر مختلف الي حد بعيد .... فممارسة الخيال او التخيل .... هو حالة ذهنية ينتقل فيها الانسان .... من ‏مرحلة الادراك العقلاني .... الي مرحلة الادراك المرن ..... كان يقف الانسان امام صورة والده المتوفي .... ‏ويظل يحدثه في مشاكله وهمومه .... او يستجديه النصيحة ..... هنا الانسان يمارس الخيال .... كوسيلة للتنفيس ‏عن همومه او رغباته او في التعبير عن مشاعره ..... واذا كان الادراك العقلاني يقول انه من المستحيل ان يحدث ‏الاحياء الاموات ..... الا ان الادراك المرن يجعل هذا امرا قابلا للتحقيق ... ويجعله مفيدا في حالات طلب الدعم ‏او التنفيس ..... فهذه المرونة تسمح للانسان ان يتقبل .... ان هنالك عالم اخر خلف العالم المادي .... وان والده ‏لاشك موجود ولكن بصورة اخري . ‏
‏-‏ نعود للاحلام مرة ثانية ........ فالحلم يتشابه مع الالهام والخيال في هذه النقاط ..... انه من الممكن جدا ان ياتي في ‏صورة واضحة ومرتبه اثناء اليوم او اليقظة .... او ان ياتي في صورة ملتبسه تحتاج الي تفسير او دراسة لفهمها ‏‏..... وانه ايضا نوع مختلف عن الادراك الحسي والعقلاني المعتاد .... وقريب جدا من صورة الادراك المرن ... ‏او حالات سيطرة العقل الباطن علي التفكير .‏

يتبع ,,,‏

أندروميدا يقول...

‏-‏ الحلم اثناء النوم ....... الحلم اثناء النوم يعد مرحلة من مراحل النوم الطبيعية .... وتقع في الثلث الاخير منها..... ‏وهو هنا يعد عرض بيولوجيا من اعراض عملية اعادة البناء والاستشفاء التي يقوم بها الجسم للتخلص من ماعلق ‏به من احداث يوم سابق ... والاستعداد ذهنيا لاحداث يوم مقبل ........ كما ان من فوائد الحلم اثناء النوم .... انه ‏يعمل احيانا كوسيلة تنبيه او انذار للانسان .... للاستيقاظ مثلا للعمل .... او لتفادي وضعية خاطئة اثناء النوم ... ‏او لتلبية احتياج غريزي ما .... مثل الجوع او العطش ....... كذلك وكما هو متفق عليه ان الاحلام اثناء النوم ‏تلعب دورا كبيرا في التنفيس عن الكبت الداخلي للانسان . ‏
‏-‏ احلام اليقظة ...... قد تبدو مختلفة قليلا عن احلام النوم ..... في انها حيلة ذهنية .... للهروب من واقع مرير ... او ‏للتكيف معه .... وقد يمارس الانسان احلام اليقظة مختارا او مرغما ..... فالممارسة الاختيارية .... تجعل الانسان ‏يطلق عنان خياله بحثا عن مستقبل افضل ... او مكان اكثر راحة ومتعة .... او لنيل بعض من السعادة ..... وهذا ‏يعد من الحيل النفسية ايضا التي تسمي الهروب لمناطق الراحة للفرد.... والمقلق في هذا السلوك انه من الممكن ‏ان يتحول لعادة ذهنية تشبه الادمان ... بحيث لا يشعر الانسان بالسعادة او الراحة الا بواسطة احلام اليقظة ..... ‏اما ان تاتي احلام اليقظة للانسان بشكل اجباري ومتكرر ... فهذه قد تكون من اعراض خلل في الادراك .... لان ‏الاحلام هنا قد تتحول لهلاوس تصيب شخصا غير قادر علي التكيف مع الواقع الي درجة شتاته مابين الواقع ‏والخيال . ‏
‏-‏ لكن الوجه الايجابي لاحلام اليقظة ..... انها تعمل علي تفريغ الطاقة السلبية لدي الانسان .... تعمل علي رفع ‏مستوي الاداء الذهني له وبالتالي ينعكس علي الروح بشكل طيب .... كما انها تحول الفكرة المستحيلة في الواقع ‏‏.... الي شئ ممكن ... يمكن العمل علي انجازه والسعي وراءه ..... فكل الانجازات العظيمة كانت في يوم من ‏الايام دربا من الاحلام . ‏
‏-‏ ويحضرني في التدليل علي خطورة احلام اليقظة احيانا .... المثل الصيني ... ( كن حذرا في احلامك .... فربما ‏تتحقق ) ..... ومقولة ايضا لعباس محمود العقاد حين قال .... ( كل فكرة ترد علي عقل بشر .... هي فكرة قابلة ‏للتطبيق ) .... لانه في نظره ان مرور الفكرة في العقل .... يضعها في اطار المعقول القابل للتطبيق .... وان كانت ‏تعجزنا الوسائل في تنفيذها احيانا . ‏

يتبع ,,, ‏

أندروميدا يقول...

هل نحساب علي احلامنا ؟ ‏
مبدئيا .... الاحلام شان خاص وفردي .... ومختلف من شخص الي اخر .... وبالتالي لا يمكن ان ‏تكون هنالك فتوي جامعة في هذا الصدد سواء بالحل او التحريم .... وانما يمكن اعمال المبادئ ‏الاساسية بحسب طبيعة كل حالة ..... فان يشارك المرء اخوانه الرؤية الصالحة فهذا امر محمود ‏‏.... اما ان يشاركه في احلامه بها ما يحض علي الشر او يكون جالب للنميمة فهذا امر اظنه ‏مذموم .... و ذلك قول المصطفي ( ص ) ..... ( انما الأعمال بالنيات‎ ‎وإنما لكل امرئ مانوى فمن ‏كانت هجرته إلى الله ورسوله فهجرته إلى الله ورسوله‎ ‎ومن كانت هجرته لدنيا يصيبها أو امرأة ‏ينكحها فهجرته إلى ما هاجر إليه ) ....ومفاد هذا الحديث في علمي والله اعلي واعلم ..... اننا نحكم ‏علي الاعمال بظاهرها والله اعلم بالنوايا ..... فان كان ظاهرها شرا فلا شك انها تدخل في دائرة ‏الاثم او اللغو المذموم ...... ولكن يستثني من ذلك حالات المشاركة بهدف الاضطرار مثل العلاج ‏او الاخذ بالراي والمشورة او البحث عن اطمئنان القلوب ... من باب .....‏‎ ) ‎وتعاونوا على البر ‏والتقوى ولا تعاونوا على الإثم والعدوان‎ ( ‎‏...... ولقول الرسول ( ص ) ... عَنْ عَوْفِ بْنِ مَالِكٍ ‏عَنْ رَسُولِ اللَّهِ صَلَّى اللَّه عَلَيْهِ وَسَلَّمَ قَالَ : ( إِنَّ الرُّؤْيَا ثَلاثٌ :مِنْهَا أَهَاوِيلُ مِنَ الشَّيْطَانِ لِيَحْزُنَ ‏بِهَا ابْنَ آدَمَ ، وَمِنْهَا مَا يَهُمُّ بِهِ الرَّجُلُ فِي يَقَظَتِهِ فَيَرَاهُ فِي مَنَامِهِ ، وَمِنْهَا جُزْءٌ مِنْ سِتَّةٍ وَأَرْبَعِينَ ‏جُزْءًا مِنَ النُّبُوَّةِ ) صحيح سنن ابن ماجه 3155 ........ وقوله ايضا ... عَنْ أَبِي هُرَيْرَةَ عَنِ النَّبِيِّ ‏صَلَّى‎ ‎اللَّه عَلَيْهِ وَسَلَّمَ قَال: (الرُّؤْيَا ثَلاثٌ : فَبُشْرَى مِنَ اللَّهِ ،‎ ‎وَحَدِيثُ النَّفْسِ ، وَتَخْوِيفٌ مِنَ ‏الشَّيْطَانِ فَإِنْ رَأَى أَحَدُكُمْ‎ ‎رُؤْيَا تُعْجِبُهُ فَلْيَقُصَّ إِنْ شَاءَ وَإِنْ رَأَى شَيْئًا يَكْرَهُهُ فَلا‎ ‎يَقُصَّهُ عَلَى أَحَدٍ ‏وَلْيَقُمْ يُصَلِّي ) صحيح سنن ابن ماجه 3154‏‎ .‎‏........ وقوله ايضا ..... عن أبي هريرة قال : قال‎ ‎النبي صلى الله عليه وسلم : (... فَإِنْ رَأَى أَحَدُكُمْ مَا يَكْرَهُ فَلْيَقُمْ‎ ‎فَلْيُصَلِّ وَلا يُحَدِّثْ بِهَا النَّاسَ ) ‏رواه مسلم 2263‏‎ .‎

يتبع ,,, ‏

أندروميدا يقول...

اخيرا .......‏
‏-‏ اعتقد والعلم عند الله ..... اننا قد نحاسب علي دواخل النفس دون فعل ظاهر .... كان يحاسب المنافق علي ‏ما يضمره في نفسه من تكذيب بالرغم ان اعماله امام الناس تدل علي الايمان والتقوي .... او ان نحاسب ‏علي ما نضمره في انفسنا من حقد وحسد وغل اتجاه البعض الاخر ... دون ان نظهر هذا الحقد في قول او ‏في فعل خارجي .... فالفعل الداخلي يكون منتجا للخطايا والسيئات بان نتمني زوال النعمة عن فلان او ما ‏شابه ..... وهذا استثناء من الحديث الشريف (عن أبي هريرة؛ قال‎:
قال رسول الله صلى الله عليه وسلم" قال‎ ‎الله عز وجل: إذا هم عبدي بسيئة فلا تكتبوها عليه فإن عملها ‏فاكتبوها سيئة‎. ‎وإذا هم بحسنة فلم يعملها فاكتبوها حسنة. فإن عملها فاكتبوها عشرا‎".‎‏ ) .... ففي النفاق ‏ما يجافي مفهوم العبودية من الاساس ... وفي الحسد والحقد انكار لقضاء الله وقدره . ‏

طبعا بعد هذا المط والتطويل ليس امامي سوي .... ان اعتذر وبشدة عن الاطالة .... ولكن انا حاولت ‏الاختصار قدر المستطاع . ‏
تحياتي لك ..... واسأل الله ان يغفر لي اذا ماكنت قد أفتيت في امر بغير علم .... والله اعلي واعلم .‏

momken يقول...

الرؤيه او الحلم هى تلك المساحه من الحريه التى وهبنا الله اياها
لنتحرر من كالقيود سواء قيود مجتمع او منطق عقلى او دين

وههى بمثابه الترفيه وتجديده الروح تماما كما فعل سبحانه مع البنبى فى رحله المعراج

وهبنا الله الاحلام لتمنحنا بعض السعاده
حتى لو كانت غير حقيقيه لكن روحنا انتعشت بها
وفرحت بها

وهى سعات اضافيه نسرقها من الحياه ونضمها لحياتنا وتجاربنا

اسالك سؤال فى الموضوع

لما الاعمى بيشوف وهو فى الحلم طب بيشوف الاشياء شكلها ايه
ولما هو شايف اصلا فى الحلم بيصحى تانى للضلمه ليه


موضوعاتك مشوقه
ومافيش ابو كابوت فى المدونه


تحياتى

غير معرف يقول...

ههههههههه

حلال وحرام ماقدرش افتي ... بس اعتقد إن الأحلام ربنا مابيحاسبش عليها

وانا بقا بحلم إن ربنا يديني الصحه وأقدر أكمل حياتي بكامل صحتي :)

تحياتي

shimaa elkholy يقول...

بصوا للجميع عشان انتم ما فهمتوش قصدي

ليكن مثلا انا قاعده مع واحده صاحبتى وقلتلها غمضي عينك واحلمي معايا

احلمي انك فى جنيه كبيره اوي وحواليكى شجر فاكهه مزهر وجميل

تقوم هى تندمج وتكملي

واني لابسه فستان روز وسامعه صوت موسيقى على كامنجه هادي الى اخره من صوره جمله اوي

فاهمين يعنى بنحلم سوا
مش بنحكي ا لاحلام بس لبعض

طبعا الحلم الى انا حكيته ده بريء ورقيق ولطيف ومافيش منه اي مشكله

انما فى احلام تانيه ممكن يكون فيها طبعا بلاوي سوده

وعموما انا شايفه برضه ان المشاركه دي والكلام كده بشر او بمحرمات يجعل من الامر كلام محرم مش احلام محرمه

نرد فردا فردا بقى

shimaa elkholy يقول...

ادم المصري

متشكره اوي ربنا يكرمك على الكلام الجميل

انا اتشرفت بك

بس حضرتك يا اما انا مش فاهمه كلامك يا اما حضرتك الى مش فاهم الحديث

الحديث بيقول ان الى يهم بخير وما يعملوش بياخد اجره

والى يهم بشر وما يعملوش ما بياخدش وزره الا لو عمله فعلا


وبالنسبه للكلام عن انك تفكر او تتخيل شر او حتى تتخيل بنت شوفتها فى الشارع
طول ما الافكار جواك انت بس مش هاتتحاسب عليها

انما لو قعدت مع واحد صاحبك وقلتله اما انا شوفت امبارح موزه فظيعه وغمضت عينى وحلمت كذا وكذا وكذا هنا دخلنا فى حكم تاني
وهو حكم الكلام بما هو محرم وحاجات تانيه كده كتير

بس يعد ايه ؟؟ خطأ بالكلام مش حاجه تانيه

تحياتي لك ونورت

shimaa elkholy يقول...

عادل

لا يا عادي مش لما تحكي الحلم تبقىاخد وزر الفعل
اقصد لما تشارك حد الحلم او تحكيله بتاخد حكم القول مش الفعل

ومش باتكلم هنا عن الاحلام اثناء النوم خالص

انا باتكلمع لى احلام اليقظه التخيلات

انا شايفه انها طول ما هى جواك وبين وبين ربنا خلاص

انما لو خرجت بقى منك على هيئة كلام اومشاركه مع حد وهى فى الاساس احلام بافعال محرمه
زي مثلا الاحلام الجنسيه كمثال صارخ ومنتشر على الخيال الى انا اقصده

فىالحاله دي انت شاركت حد والكلام خرج من جواك كده هاتتحاسب على الكلام مش على الحلم ولا على الفعل لانك ما عملتش حاجه اصلا

منور يا ريس

shimaa elkholy يقول...

ادم المصري

باكرر عليك تاني

لا يا مان مش كأنك عملتها خالص

ده فى الخير بس

من هم بخير فله اجره ومن اهم بشر ولم ياته فليس عليه وزره

shimaa elkholy يقول...

فاتيما

الله يعافيكى يا اختي

ههههههههههههه
وحشااااااااااااااااني اولا

لا يا فاتيما مش باتكلم على حلم النوم

انى امسك واحده اقولها تعالي انا شوفتك واقفه النهارده فى الحلم ولابسه اخضر فى اخضر

هههههههههههه لا

ان انا اشارك حد الحلم احلم معاه اقوله تعالى نغمض عنينا ونحلم سوا


او حتى اقول انا امبارح غمض عينيا كده وحلمت انى مسكت مسدس وطوحت فى يجى خماشر وكنت حاسه احساس لذيذ

وبالنوسبه لموضوع اسكندريه

يااااااااااااااريت نفسي نفسي

وتصدقي للصدف السعيده احنا لنا مشوار فى ابو حمص لو زنيت ورخمت ورزلت بقى على جوزي ووافق نيجى يوم الجمعه بتهيئلي دي تبقى معجزه يااختي

هانشوف كده

قولي يارب اصل انتم واحشينى يا عيال

shimaa elkholy يقول...

قلب القطه

سقفولها يا جماعه ولا نونولها حتى

هو انا متفقه معاكي فعلا

ياخذ وزر القول مش الفعل

هو ده الى انا اقصده بس فى ناس مش متفقه معايا فيه كتير

منوره يا جميل

shimaa elkholy يقول...

هيثم السايس

لا اعتقد انك زورتنى قبل كده ولا ايه مش عارفه انا دماغي سايحه يعنى

طيب لو كان حلم اليقظه ده حاجه غير مشروعه اساسا وكمان حلمته بمشاركه مع حد يبقى الوضع هناا يه ؟؟

هو ده السؤال بقى

انا شايفه انه لا كده ناخد وزر مش الفعل لاننا فى الحقيقه مش بنعمل حاجه انما ناخد وزر الكلام

shimaa elkholy يقول...

اندرو ميد

اطلاقا مطلقا لا تعتذر مدونتك وزياده
ثم انى استمعت جدا بقراءة ما كتبت فعلا

وكلامك عين الصح بجد وعين العقل وفيه تفنيد جميل اوي لانواع الاحلام

ومتشكره اوي على الرد الشامل الجامع ده

والى اعتقد انك تتفق معايا فى رايي انه اذا حدث احدا بحلم محرم فانت اخدت وزر الحديث بذلك


شكرا لك ونورت

shimaa elkholy يقول...

ممكن ممكن

يعنى ايه ابو كبوت ده مش واخده بالي معلش


ومتشكره اولا على الكلام الجميل

مش موافقه على اقرانك التخيل والحلم بالاسراء والمعراج

انا مش مع الراي الى بيقول انها كانت مجرد حلم لانها معجزه وربنا قادر على كل شيء


واتفق معاك ان الاحلام هو الركن الجميل الى ممكن نهرب له

shimaa elkholy يقول...

فتاه من الصعيد

يارب يا جميل احنا وانتى ربنا يتمها علينا بالخير واحنا بصحتنا ونخرج منها لا لنا ولا علينا

نورتي يا قمر

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

جنّي يقول...

السلام عليكم

كيف حالك اختنا الطيبة وكيف حال الاسرة لعلكم بخير والحمد لله وكل عام وانتم بخير ..

عرض الموضوع ممتاز وبسيط وسهل الوصول لعقولنا ..

واحلام اليقظة لو لم تكن نقطة انطلاق للتغير للافضل لادت بصاحبها للمهالك ..

وكثير من احلام اليقظة تحولت لروايات لاكبر الادباء ..

والاحلام الخيرة نشيعها .. اما احلام اليقظة الشريرة بتاعة الحلبة الحصى ها تبقى مصيبة لو نفذناها ونستعيذ بالله من الشيطان الرجيم .. ممكن نكتبها ونعملها تدوينة .. لكن لا ننفذها ونقع تحت طائلة القانون ونقول دا حلم وناخد اول قلم ونقول كان حلم وتاني قلم ونقول كان حلم وتالت قلم هانقول كابوس .. والقانون لا يحمي الحالمين ..

وهو فين الحشيش دا الحشاشين دماغهم بتاكلهم من قلته ..

تحيتي

shimaa elkholy يقول...

جني

استاذ سعيد يا هلا والله نورت البلوجز من جديد

اه بيقولوا فى ازمه فى الحشيش والله الواحد مش عارف يعمل ايه من غيره
ههههههههههه

خواطر شابة يقول...

عزيزتي الرجاء زيارة مدونة الليالي انه دورك في الكتابة
يالله شدي حيلك مستنين الابداع زي ما عودتينا
دمت بكل الود

قلم رصاص يقول...

انا مفيش حدود لأحلامي سواء المكانيه او الزمانيه

طبعا انا اقصد احلام اليقظه

لأني مبحلمش كتير وانا نايم

بس دي اساسيه في حياتي لااااااااازم كل يوم احلم لي شويه كدا واطير مع احلامي واحلق عاليا

حتة المحاسبه دي مقدرش افتي فيها

شكرا ام مريم على البوست الرائع

رحــــيـل يقول...

الموضوع محير جدا فعلا زمان قبل مرحلة النضج كان الحلم مجرد مهرب فعلا من الواقع يعنى مش عارفه احقق اى حاجة من اللى عايزة اكونها فأهرب للحلم عشان احققها وانجح واشتغل الحاجة اللى بحبها واقابل فارس احلامى - قبل ما اقابله فى الواقع يعنى :) - المهم بقى دلوقتى الموضوع اختلف الحلم بقى حافز للنجاح مش مجرد مهرب وبالتالى فكون انى احكى مع حد اكيد ده مش حرام مع انه لسه مجرد حلم

momken يقول...

انا مقلتش ان الاسراء والمغراج حلم
لان ببساطع ده يخالف عقيدتى كمسلم

انا قلت ان ربنا كان بيفرج بيها على النبى صلى الله عليه وسلم
كانت بمثابه رحله للترويح عنه

والاحلام كذلك ربنا بيفرحنا وبيفرج علينا بيها

وصلت؟؟؟؟

اما موضوع العنكبوت حضرت
كتى نوهتى ليه فى الفيس بوك وقالتى الناس سايبه مدونتها وقاعدده فى الفيس



ارجو يكون كلام اصبح اكثر بساطه


تحياتى

تامر علي يقول...

بالنوسبة لأحلام المنام مفيهاش مشكلة خالص وحكمها معروف والمستحب فيها معروف وهو ان الرؤيا الخير الصالحة من المبشرات وهي من عند الله وتقص فقط على الأحباب والأعزاء , والحلم من الشيطان وهو منه المفزع وال"كده وكده " :) وما شابه وهو على حسب حاله لايقص والمفزع يستعاذ من الشيطان فيه ويتفل على اليسار ثلاثاً فإنه لايضر (بس لو كان الزوج نايم على الشمال بلاش التف :))))) والأخير حديث النفس وهو استفراغ للمخزون اليومي والضغوط وخلافه وهو ما لاضرر فيه ولا حكم له

أما أحلام اليقظه فهي تندرج تحت بند "الأمنيات" وما يحدث الانسان به نفسه ويتمناه ويتكلم به في الحقيقة فيعتبر كشف عن شيء من النوايا ومن المعروف والثابت أن الله يحاسب على النوايا السيئة حال العزم عليها (كما في قصة أصحاب الجنة المذكورة في سورة القمر لما عزموا على منع الفقراء من الصدقة أحرق الله جنتهم قبل أن يعملوا العمل ) وقد يعفوا الله عنها ويستر على الانسان فيها وهو كثير , أما الأمنيات الطيبة والأحلام الطيبة فهي شيء صحي للنفس ويكون بمثابة فسحة وخروج بالنفس من ضيق الواقع إلى رحابة الخيال مادامت في شكل غير مرضي والنوايا الطيبة يكافأ الله عليها الانسان أيضاً بالحسنات وقد جاء في الاثر "نية المرء خير من عمله"

أما ماأحلام التي هي بين ذلك وذلك من قعدات السمر أو قعدات (الشلت ) التي نمارسها جميعاً فأعتقد أنها في دائرة المباح ما لم يحتوي على الغيبة والنميمة :))

richardCatheart يقول...

دردر تم تغير مكان التجمع ابقى ادخلى عندى بصى روحنا حته فيها مايوهات ههههههههههههههههههههههه

shimaa elkholy يقول...

خواطر يا عيوني زورت وكتبت وكله تمام

قوليلى رايك بقى

shimaa elkholy يقول...

قلم رصاص

تسلم يارب .. ربنا يخليك نورت

shimaa elkholy يقول...

رحيل

لا انتى مش فاهمه قصدي

اقصد الاحلام الى ممكن لو نفذتيها تبقى حرام لو حلمتيها بس ما تبقاش حرام انما لو اتكلمتى عنها او نفذتيها لا ده موضوع تاني

نورتي يا جميل

shimaa elkholy يقول...

ممكن

اها كده وضحت عشان بس النقطه دي فى ناس بترغي فيها كتير

وبالنسبه لموضوع العنكبوت اصل انت كنت كاتب ابو كابوت ما خدتش بالي يا ريس معلش

نورتنا

shimaa elkholy يقول...

تامر علي

ايه ده النور ده يا ناس

انت كنت فين مختفي ليه بس والله سايب فراغ يا سيدى

تمام كلامك

بس انا برضه ما حدش فاهم قصدي ليه يا جودعان

انا اقصد بقى مش غيبه ونميمه لا

اقصد اكتر من كده

ان كان فى حلم اساسا الفعل فيه محرم
ولو عملته هاتتحاسب عليه وتاخد وزره

لكن انت مش هاتعمله انما هاتتكلم عنه مع حد او حتى تحلمه مع حد

مش عارفه ادي امثله اكتر من كده بقىىىىىىىى خليكوا حلوين

فى الحاله دي ياخد وزر ايه ؟؟

انا شايفه انه ياخد وزر الكلام

واي كلام بقى حلاله حلال وحرامه حرام


نورتنا يا فندم

shimaa elkholy يقول...

قطقوطه ماشي يا جميل

شوفت التغيير

بس هو انا تفرق معايا انا هاتصل عليكم اقولكم اجي فين اساسا وخلاص

بس انا اجي يا اختي جهزي المايوهات بقى
ههههههههههههههههههههه

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

iHibo يقول...

والذي لا يحلم ماذا يفعل ؟ ^^

shimaa elkholy يقول...

هيبو

مش عارفه والله انا برضه مش باحلم على فكره مش عارفه اعمل ايه اروح اتعالج طيب ولا ايه