السبت، 19 مارس 2011

صوت الحريه بيناااادي

السلام عليكم

ايووووووووووه دي ايدى

انا ادليت بصوتي ..ايوه صوووووت والله صووووت عشت وشوفت اليوم ده يا ناااااس

الى ما نزلش ينزل حالا حالا حالا ..احساس جميل اوي

انا من ساعتها ماشيه فى الدنيا اقول  فى كل شارع فى بلااااااادي صوت الحريه بيناااااااادي

فرحانه اوي يا نااااااس الاقبال الى شوفته الى اللجان فظيع اقبال بصحيح ومافيش بلطجيه ومافيش منع تصوير ومافيش خناقات ومافيش اي حاجه الناس واقفه بصبر فظيع فى الطوابير

انا ما نمتش من امبارح غير ساعتين وقمت صليت الفجر وقعدت مش عارفه انام لحد ما جوزي جه ينزل قالي هانزل اروح مشوار واجيلك قلتله لااااااااااااا العب غيرها معااااااااااك لازقالك لحد ما تودينى ..ماهو مش راضي يودينى وحدي ... وقد كان لزقتله من الصبح لحد العصر لما وداني نيهاهاهاها .... مبسوطه اوي يا جدعاااااااان

المهم هاقولكم الى شوفته بقى النهارده سريعا

عديت على 3 لجان زحمه موت موت موت ... ناس كتير بس واقفين طوابير فى  الغالب عاملين طابور ستات وطابور  رجاله

فضلنا ندور على لجنه فاضيه شويه مافيش فى الاخر لقينا لجنه الستات فيها قليلين شويه فرضا قالي باقولك ايه ادخلي صوتي انتى عشان اخلص من زنك نيهاهاهاهاها

اللجنه الى انا صوت فيها كان منتشر فيها السلفيين مش عارفه ايه السر بس هما كانوا كتير

مستفزين لاقصى درجه بس حصل قدامي موقف بشع واحده واقف للستات الى داخلين يصوتوا كلهم تقولوهم قولوا نعم علموا على الدايره الخضرا فراحت واحده من الي واقفين قالتلها ما ينفعش كده كل واحد حر  اتكلمي عن نفسك بس ...تتخيلوا تعمل ايه ؟ الهانم المنتقبه ؟؟؟ راحت شايله ايدها ورازعاها قلم
ااااااه والله طبعا الناس حجزوا وكده وكان فى بره اثنين عساكر كده شرطه تدخلوا في الامر
الحقيقه انا ما شوفتش القلم بعينى لكن حماتي شافته وجوزي شافه وانا شوفت بقى الكلام مع العساكر

منتهى قلة الادب بجد الى هما بيعملوه ده

المهم دخلت اللجنه وصوت الناس الى فى اللجنه محترمين اوي الصناديق مقفوله الورق مختوم اللجنه فى قاضي بيتحققوا من الشخصيه فى ستاره بس ما حدش بيستعملها اوي كفايه الواحد ياخد جمب

كله تمام يعنى مافيش اي مشاكل

وانا خارجه بقىىىىىىىى  لقيت واحد تيييييييييييييييت  واقف يقول المنقبات يجوا على طول على باب ما يقفوش فى الطابور ؟؟؟!!!!  طبعا انا كنت خرجت من اللجنه خلاص ما ينفعش ارجعله بس قلت للناس ما تسكتولوش الراجل ده يعنى ايه المنقبات ما يقفوش فى الطابور منين الامتياز ده يا يهنى يا سيد امك انت  كان نفسي ارجعله بصراحه  بس الحرس مش بيدخل حد تاني

المهم هاقولكم الى سجلته النهارده
واحده قريبتى عمرها خمسه وستين سنه تقريبا  عفاكم الله مريضه بقالها سنين وقعيده على كرسي متحرك بل انها لا تستطيع الجلوس اكتر من دقائق هى دايما نايمه على ظهرها ..... عرفت النهارده انها راحت الاستفتاء رغم كل الصعوبات الى ممكن تقابلها فى ده بجد ....حلوين اوي

اختي راحت صوتت فى لجنه داخل المعهد الدينى بالمنصوره وده تابع للازهر طبعا ومن الحاجات الى لفتت نظرها هناك ان كان فى قسيس رايح يصوت فى اللجنه الى فى المعهد الدينى مع ان فى على بعد امتار لجنه تانيه  داخل مدرسه .....حلوين احنا اوي

السلف والاخوان ....اخس اوي اوي اوي ليه كده ؟؟؟

السلف هل اصبحتهم بما تفعلوه الان خلف للسلف الصالح فعلا ؟؟؟؟

الاخوان المسلمين.... تهانيا لكم فقدتك كل من كان يكن لكم احتراما او بعضه من العقلاء

الوطني  العبوا بعيد مستقبلكوا ضاع

الشعب المصري ...... تعظيم سلام للشعب المصري وكالعاده تكتب التاريخ على راي المحروس بتاع ايطاليا

مبروووووووووووك يا ناس مبروووووووووووك  طعم الحريه

فى كل شارع فى بلاااااااااااااادي         صوت الحريه بيناااااااااااادي



هناك 18 تعليقًا:

صيدلانيه طالعه نازله يقول...

انا كمان مبسوووطه اوووى لانى اول مره اشارك
موضوع الاخوان و السلفيين اتفق معاكى جدا فيه
الصبح كان عدد المسيحيين كبيييييييير جدا و لقيت واحد بدقن كده جاى جنبى انا واشرف وبيقوللى عايزين مسلمين يا اخوانا مش كده خالص
بصيتله و سكت طبعا
و راح واحد تانى مدينى ورقه قول نعم مع تحيات الاخوان المسلمين
قطعتها و اديتهاله فى ايده تانى
نفس اقول للناس دى عيب عليكم الموضوع مش حرب دينيه و ياريت منتعاملش معاها على انها كده خالص

بس ايا كان ياياسمينه انا مبسووووطه جدا و فخوره انى مصريه

أبوحميد يقول...

أنا مدونتى ضاعت للأسف
ربنا يسهل وأستطيع إسترجاعها

Mahmoud Ahmed يقول...

و انا كمان زيك فرحان جدا جدا
و صورت ايدي برضه زيك ^_^ ههههههههه
و الله و الله انا اول مره في حياتي اشوف الناس مبسوطه وهي واقفه في الطابور ^_^

وردة الجنة يقول...

الف مبرووووووووك لينا كلنا على الاستفتاء ده وان الشعب كله فعلا بدا يشارك فى بلده ويعمل حاجة

وفعلا اكتر حاجة مستفزة كانت الاخوان اللى راحو للناس فى بيوتها عشان يقولوا نعم ويدوا ليهم فلوس واكل وحاجات تانية

انا مش عارفة ليه هما كده المفروض انهم يكونوا قدوة طالما انهم بيتبعوا الدين والسنة

عامة الف مبرووك للمصريين وكل مصرى

تقبلى مرورى

Tamer Nabil Moussa يقول...

يوم لاينسى بجد

ربنا يجعلها البداية لخير بلدنا


مع خالص تحياتى

التوأم(أروي@رضوي) يقول...

خلاص هنبدأ صفحه جديده وأتمني أن كل فرد يراعي ضميره

sony2000 يقول...

مش شفتيني وانا ريحه بوري صوباعي لكل الناس
بتاع الفينو وبتاع اللبن وبتاع ال...
مشيه منشكحه انا وماما

وبضحك علي عملتوا

والكل صور صوابعينوا ونزلها فالفيس
الفيس بقا كلو صوابع

تفتكري الصوابع دي موجهه لمين؟

shimaa elkholy يقول...

صيدلانيه
وربنا انا فرحتى انطفت لما سمعت النهارده الى المشايخ كانوا بيقلوه للناس قبلها بيوم

حسيت بالخيانه منهم بجد

shimaa elkholy يقول...

ابو احميد

ايه ده المدونه وكمان تروح السودان فى نفس الوقت
ربنا يرجعك بالسلامه ويردلك مدونتك بالسلامه يارب

shimaa elkholy يقول...

وردة الجنه

قدوه اشمعن ؟؟ با قدوه بلا بتنجان ادعو الله تعالى قادر على كل شيئ يكشفهم ويفضحهم قدام الناس من حيث لا ندري

shimaa elkholy يقول...

تامر نبيل

فعلا ربنا يستر ويكملها بالستر

shimaa elkholy يقول...

التوأم

ايه ده وارد عليكم بقى مجوز وكده :((
منورين
لا للاسف احناكده لسه على الصفحه القديمه بس هانطويها بعون الله

shimaa elkholy يقول...

سوني

دي الاصابع الى كان خايف منها حسنى ههههههههههههه

shimaa elkholy يقول...

سبايدر مان

ايوه كل الناس صورت صباعها هههههههههه
وفعلا زي ما انت بتقول الناس كانت مبسوطه في الطابور يارب يصبرنا لما تكمل بالستر

الازهرى يقول...

ادخلي صوتي انتى عشان اخلص من زنك نيهاهاهاهاها

وبد كده يقولوا الملايكةوالجنس اللطيف


يالطييييييييييييييف اللطف يا رب

خلى بالك بكره أصعب وأصعب ولازم نستعد له
ونشتغل من بدرى

والله المستعان

كلمات من نور يقول...

يارب يارب

shimaa elkholy يقول...

ازهري

انت معترض على الملايكه والجنس اللطيف ؟؟
ايه ده بتلعب فى عداد عمرك على فكره


عارفه انه الىجاي اصعب بس نقول يارب نبدا شغل

shimaa elkholy يقول...

كلمات من نور

يااااااااااااااااااااااااااااارب