الثلاثاء، 19 فبراير 2008

4-أنا اخترعت مصطلح جديد !!!!

أه والله اخترعت مصطلح جديد .وايه مصطلح من الى شكله له هيبه كده من الى بيطلعوا يقولوه البهوات الى ببدل وكرفتات بالشيء الفلاني مع منى الشاذلي ومعتز دول .
المهم الاختراع العظيم ده الي انا توصلتله هو نتيجه لخبره شخصيه وتحليلات كتيره وبحوثات -مش عارفه ايه هي -ولكن من موقعي هذا اقولكم ان احنا فى الأونه الاخير حصل تغيرات شامله فى المجتمع احنا طول عمرنا بنقول البطاله والشباب الغلابه الى مش لاقيين شغل ولا مساكن وماما كريمه هريتنا كلام عن تنظيم الاسره عشان الانفجار السكاني وما الى ذلك .
بعد شويه قالك لاااااااا مش السبب الوظائف لان دلوقتي فى حاجه اسمها بطاله مقنعه يعنى ايه بطاله مقنعه يعنى رسميا الناس بتشتغل فى الحكومه مثلا لكن الناتج بتاع يساوي صفر وعليه يبقى هو فعليا باطل وده بيعمل خلل فى منظومة الدخل القومي -ايه الكلام الكبير ده يا ولاد - يعنى من الاخر الى بياكلوا اكتر من الى بينتجوا .يعنى نتيجة البؤين دول ان مش الحل ان الحكومه تعين ولادكوا فى الحكومه ( اه هى الحكومه هاتعمل ايه ولا اييييييييه غلابه يا ناس غلابه ) ما حدش يقولي تقصدي ايه بغلابه يا ناس غلابه اقصد ان الحكومه هما الى غلاااااااابه ناس ايه الى غلابه دول بسبع أرواح زي القطط.

المهم خلينا فى الاختراع ما تجرونيش بره انا لقيت ان المشكله دلوقتي بقت اكبر في ايييييه ؟؟؟؟؟

بــــطــــــــــــــــــــــالــــــــــــه اختيـــــــــــــــــــــــــااااااريه . اي والله كده يعنى الناس مبطله شغل بمزاجها . ما حدش يزقل طوب انا هاقولكم على خبرتي الشخصيه فى الامر .

احنا بفضل الله تعالى بقالنا سنه بندور على حد يشتغل مش لاقيين اه والله !!!!! واحنا من سكان الدلتا وبلدنا مكتظه بالخلق القاعدين على الارصفه من كل صنف ولون . لكن هما مش قاعدين على اي رصيف لا ده رصيف البهوات والشهادات ، اه مش قاعد على الرصيف يعنى عشان هو مش مطلوب اطلاقا ده عشان هو باشا ما بيشتغلش اي حاجه كده .
تعرفوا كان جه فتره على الناس بجد كان الى بيتخرج بيشتغل اي حاجه ويقولك على ما شغل الحكومه يجى حتى لو مش اتخرج لو محتاج فلوس وعنده وقت فى الصيف بيشتغل ويقولك امال اقعد فى البيت اعمل ايه . دلوقتي الحمد لله المشكله اتحلت الانترنت كافيه ماليه الدنيا والدي اس ال ماليه البيوت والكمبيوتر بالقسط زي الفل . والشلل الفاضيه على اد ما تقول قول .
وفوق كل ده بقى الاهالي الى بتموت فى نفسها وتقوله ياحبيبى انت عليك بس تذاااااااكر وما لكش دعوه بحاجه اياكش نولع احنا . والواد ولا البنت حتى ما عليهم الا ضرب البوز التمام وقلة المذاكره وقلة الادب يومين وتلاقي اتخن موبايل فيكى يا مصر جه عادي جدا .
طيب فى رحلة بحثنا انا وجوزي عن حد يشتغل فى المحل عندنا قابلنا نماذج زي الفل اسمع ياسيدى :

أولا بالنسبه لوظيفه المندوب الذي يجيد السواقه بعموله لا تقل- ان عمل بقليل من الجد- عن 1000 جنيه شهريا : واحد قالي مره طب مش ممكن تخلوها 500 جنيه ثابتين وبلاش حكاية العموله دي ؟؟؟ منتهى الطموح لشاب عمره 20 سنه قلتله يعنى نعرف منين انك اشتغلت هانمضيك حضور وانصراف ده انت يا ابنى هاتستلم العربيه والبضاعه وتمشي .
والتاني اشتغل شهر وقال لاااااا انا هاشتغل سواق على تاكسي باشتغل لحد المغرب ولا شيل ولا حط وباكسب بتاع 600 جنيه فى الشهر . علما انه عنده 3 عيال بس منتهى الجد والاجتهاد فى العمل .

ثانيا بالنسبه لوظيفه بياع فى المحل : شوف يا سيدى 350 جنيه ؟؟؟؟ اه مبدأيا كده يا اخي وبعدين نشوف شغلك بس وان شاء الله هاتزيد احنا عندنا ناس بتاخد 500 بقالهم سنه معانا . لا ودول اعمل بهم ايه دول ما يكفونيش سجاير ؟؟؟
طب وانت بتشتغل لا لسه . طب امال مين بيديلك فلوس السجاير؟؟؟!! الحاج بقى ربنا يديه الصحه اعمل ايه بقى . وانت معاك ايه يا باشا ؟؟!! معايا معهد سنتين تخيل ؟؟!! اها متخيل ايه النصفه دي .
طب التاني :: ده بقى كان بيشتكيلى انا من انه بيشتغل شغل وحش ومتعب اوي ومش لائق خصوصا انه اخيرا بعد سنوات الجهاد الكتير مش عارفه عددهم خد بكالريوس تجاره . وبياخد 350 تقريبا . عرضت عليه انه يجى عندنا وياخد 400 قالي هو الشغل وقته اد ايه ؟؟؟أنا: من 10 : 10 وفى ساعتين غدا وممكن تاخد الدوام على بعضه وتروح الساعه 8 زي ما تحب . الباشا: لااااااا . ده انا باروح الساعه 6. أنا: طب يا ابنى ما انت بتخرج الساعه6 صباحا وبتخبط مشوار وسط الغيطان لحد ما توصل للمكان ؟؟!!! الباشا الدماغ: لا بس باروح بدري انام شويه واقوم اخرج مع اصحابي اقعد على القهوه !!!!!!!!!!!! أنا بكل فرسه: لا صح ده ما يصحش خليك بقى مرتاح.
طبعا دول الى انا فاكراهم شوفت اكتر من كده ومصايب اكبر من كده ومش فارقه اذا كان متجوز وعنده عيال ولا مش لاقي جواز ولا معاه دبلون ولا بكالريوس ولا اي حاجه مالهاش لازمه وعيب يتكلموا عنها وهما ما يعرفوش يكتبوا اصلا بجد مش هزار .
اه فى اطار الحديث عن الناس دي قابلت مره واحد على الشات ظريف جدا . حضرته مهندس اتخرج وقاعد من غير شغل لانه قرر انه ياخد ماجيستير .قلتله: طب ما تشتغل وتذاكر .رد الباشمهندس: لا مافيش وقت .أنا: ليه يعنى مافيش وقت ما كل الناس بتعمل كده . ده الستات الى بيحبوا يكملوا دراسه بيشتغلوا ويتجوزوا ويعملواماستر .هو: مش فى كليه زي كليتى انا فى كليه اصل انا كليتى صعبه وبعدين انا بالعب رياضه وباتدرب كتير. أنا: صعبه على مين عليك ؟؟ هو: اه طبعا . أنا : طب دخلتها ليه ؟؟؟ قالي عشان اتعلم وافيد المجتمع( علما انه فى الاول قال انا لازم اسافر بره مش قاعد فى البلد دي ) أنا: طب وذنب المجتمع ايه انه يتحملك عاله عليه لحد ما نص عمرك الانتاجي يخلص. وبعدين اذا كانت الرياضه عائق عن الشغل يبقى الشغل اهم. هو بعصبيه: ازاااااي العقل السليم فى الجسم السليم وانا لازم ابنى نفسي.
أنا : تبنى نفسك على حساب غيرك وبعدين انت عايز تسافر بعد ما تبنى . يبقى المجتمع كسب منك ايه . شوفوا الحته الىجايه دي !!!!! الباشمهندس العظيم الشأن : ما هو انا لما اسافر بره هارجع بقى افيد البلد ( وزغرتى يا الى ما انتيش غرمانه )أو غطينى وصوتي يا أمه .
طبعا هو مؤمن بوجهة نظره جدا ان المفروض المجتمع يحرسه بعنيه ويعلفه من دمه عشان يبنى نفسه عشان هايفيد المجتمع فايده ما بعدها فايده لانه تكرم وتشرف علينا وراح كلية هندسه .
انا اخترت بعض النوعيات مش كلها لكن صدقوني كتييييييير اوي وبنفسكم هاتشوفوا لو حد ما عجبوش كلامي هايرد عليا ازاي ؟؟؟
ده ما يمنعش ان فى ناس مجتهده ومبدعه ربنا يحميهم بس قله قليله ومحبطه كمان . وعلى فكره ده مش كلامي لوحدي ان ما حدش عايز يشتغل لا صدقوني اصحاب المصانع بيقفلوها من قلة العماله والكلام ده من بؤهم جوزي نفسه فكر يصفي نشاطه المتواضع وتحجيمه لانه مش لاقي حد يشتغل . يبقى دي بطاله اختياريه ولا لااااااا يبقى احنا عندنا مشكله فى التربيه والنشأ ولا لا ؟؟؟ دي بالنسبه لخيبة الشباب فى العمل . لسه خيبة البنات خليها فى مره تانيه اصلها خيبه مالهاش زي . ولو انهم دلوقتي بيشتغلوا بره البيت اكتر من الشباب بس جوه البيت ( برضه غطينى وصوتي يا امه ).
وكفايه كده النهارده قربتم تضربوني.

اه نسيت اقولكم على خبر عظيم جدا ان جوزي شرفني بالزياره وقرى المدونه ورد فعله ينم ان انها مش عاجباه مع انه قالي انها حلوه مش عارفه حاجه من اثنين بقى يا اما هو غيراااااااان مني النجاح الباهر الى حققته المدونه ( مش عارفه انهو نجاح باهر بس مش مشكله هما بيقولوا كده فى المناسبات دي ) يا اما هىكده فعلا والى قالولي انها حلوه بجد بيجاملوني وهاتضربوا .( طبعا الحقيقه انه متعود على الرغي بتاعه وحافظه )
واشوفكم يوم تاني مع رغي جديد وتكونوا بخير ومش مخنوقين مني .




هناك 7 تعليقات:

ahmed_k يقول...

معاكي حق أنا واحد من الناس عانيت كثيرا من العماله واحد شغله تمام بس من امين (ايده طويله) وواحد العكس شغله تعبان بس امين (قنوع) حاجه تحير مع اني شفت ابناء بلدنا في الخارج بيعبلو بكل اجتهاد وينجحوا ويكونوا حاصلين علي اعلي الشهادات واعمالهم لا تتناسب اطلاقا مع شهاداتهم بس مش لازم نلومهم بالكامل لأنه بيعمل بره ويحصل علي عائد مادي اكبر بكثير مما لو عمل بنفس هذا العمل بالداخل المشكله كبيره ولابد ان يوجد لنا خبراء الأقتصاد وعلم النفس التفسير والحل المناسب لها مع الشكر لكي يا ام خالد وتحياتي

صبرني يارب يقول...

نورك مغرق المدونه يا اخ احمد لكن مع احترامي الكبير لرأيك الا ان انا مش شايفه انها مشكلة عائد مادي خالص لانى الوراتب بره اصلا فى الدول العربيه تحديدا قلت جدا خصوصا للاشغال المنتشره.
الا اني شايفاها مشكله اجتماعيه ونفسيه فعلا محتاجه علاج .
وبالفعل عندنا مشكله حقيقه فى التربيه والنشأ . احنا مش بنربي عيالنا بنسيبها للصدفه . ما بنعملش خطط طويلة الاجل فى تربية الاطفال . بنعدي اللحظه وبس . زينا زي حكامنا للاسف حاليا. عدي يا ليله وخلاص
وشكرااااااا والف تحيه لحضرتك يا اخ احمد

NOur يقول...

هههههههههههههههههههههه
انا عمالة ادور ع المصطلح و قريت المقدمة و كلى شوق بأة للمصطلح و عمالة ادور عليه لقيت ف الاخر بطاااااااالة اختيارية و انتى كتباها بالأحمر بأة و عاملة مدووووووود هههههههههههه بصراحة ضحكت اوى .. حسيت انك عسل و بسيطة جدا و مكملتش قراية لأنى تعبت شوية بس ان شاء الله اكملها قريب .. متزعليش منى بس انا حسيت كدا و الله

صبرني يارب يقول...

نور يا حبيبتى ربنا يكرمك انتى الى عسل والله
وانتى تنوري اينما كنتي ووقتما تشائي

nona elsha3nona يقول...

موضوع البطاله الاختياريه ده موضوع مظبوط جداجدا تعرفى انه زاد جدا دلوقتى واكيد انت ملاحظه بس عارفه عادى الناس فى الغالب مش بتبقى متفهمه قوى هى عايزة ايه وعلى فكره مدونتك اكتر من رائعه ملكيش دعوه براى جوزك ههههههههههه

mostafashaban يقول...

High quality in cleaning It is sure that in the vicinity of cleaning company in Taif we are specialized companies in all types of cleaning operations from the exterior and exposed to dust and weather factors by cars and wind, whether for villas or buildings, hotels and storefronts to the premises and clean and clear the floors شركة تنظيف بالطائف .

Steam cleaning is very useful in cases of fabrics that are difficult to rub as they are exposed to rapid damage and in the past days before the development occurred in the cleaning operations was placed detergent on the fabrics and leave a period and then remove the dirt and that leaves a kind of problems on the furnishings شركة تنظيف بالبخار بالطائف .

The best insulation materials are used according to the quality of the place in which the house is located. If you are in a high temperature zone, two types of insulation will be carried out: thermal insulation at the top and bottom شركة عزل اسطح بالطائف

شركة نقل عفش بالطائف Each house is not without a variety of brushes in the interior and each period wishing to those inside the house in the renovation and transfer of the garbage شركة نقل عفش بمكة .

When we are exposed to insects in the place should be disposed of immediately and will be easily with an شركة مكافحة حشرات بالطائف we are working to provide serious types of organic pesticides that protect all types of insects .

The cleaning process is carried out by a steam شركة تنظيف بالبخار بجدة using high temperature, where the worker initially:
• Run the steam machine at certain temperatures according to the piece in front of it and the fabric made of them

mostafashaban يقول...

High quality in cleaning It is sure that in the vicinity of cleaning company in Taif we are specialized companies in all types of cleaning operations from the exterior and exposed to dust and weather factors by cars and wind, whether for villas or buildings, hotels and storefronts to the premises and clean and clear the floors شركة تنظيف بالطائف .

Steam cleaning is very useful in cases of fabrics that are difficult to rub as they are exposed to rapid damage and in the past days before the development occurred in the cleaning operations was placed detergent on the fabrics and leave a period and then remove the dirt and that leaves a kind of problems on the furnishings شركة تنظيف بالبخار بالطائف .

The best insulation materials are used according to the quality of the place in which the house is located. If you are in a high temperature zone, two types of insulation will be carried out: thermal insulation at the top and bottom شركة عزل اسطح بالطائف

شركة نقل عفش بالطائف Each house is not without a variety of brushes in the interior and each period wishing to those inside the house in the renovation and transfer of the garbage شركة نقل عفش بمكة .

When we are exposed to insects in the place should be disposed of immediately and will be easily with an شركة مكافحة حشرات بالطائف we are working to provide serious types of organic pesticides that protect all types of insects .

The cleaning process is carried out by a steam شركة تنظيف بالبخار بجدة using high temperature, where the worker initially:
• Run the steam machine at certain temperatures according to the piece in front of it and the fabric made of them