الاثنين، 9 نوفمبر، 2009

سبونا نكتب


السلام عليكم



طبعا بقالي شهر مش عارفه اكتب ولا ارغي ولا اكل دماغكم عشان التجمع



بس يستاااااااااهل الحقيقه الواحد واخد دفعه مركزه من السعاده من يومها



المهم عايزه اكلمكم فى موضوع مهم اوي شايلاه فى قلبي وكاتمه من يوم ما نزلت البوست بتاع لمسة حب



الحقيقه انا بتهيئلي كنت اتكلمت فى الموضوع ده قبل كده ايام قصة قلب ايمان



لكن يظهر ان الواحد لازم كل فتره يديكم الجرعه



بعد ما نزلت البوست بتاع لمسة ايد الاقي بقى ناس خفيفة الظل هو ده حصل بصحيح ؟؟؟



والى يقولي عيب ما يصحش كده



والى يقولي داري على شمعتك تقيد



ايه هو فى ايه ؟؟



هو انتم ليه كاتمين على نفسي كده ؟؟



سبوني اكتب



مش لازم ترشقوا مناخيركم بقى فى دماغي وتعرفوا ايه الحقيقى وايه الي خيال



انا باكتب اي حاجه وكل حاجه



باكتب حاجات حصلت فعلا



وحاجات نفسي تحصل



وحاجات نفسي ما تحصلش



وحاجات شوفتها فى حياة اشخاص تانيين



وحاجات من دماغي كده افتكاسات يعنى



مش لازم اديلكم تقرير بقى انا امته فكرت فى الكلام ده وليه وكتبته امته



خصوصا ان انا بقالي 8 سنين واكتر باكتب يعنى بلاش غلاسه



البوست بتاع لمسة حب ده انا كاتباه من زمان حتى يمكن ناس من اصحابي المدونين انا وريته لهم قبل ما انزل البوست بكتير



ولقيته حلو انزله فى عيد جوازي يعنى مش قصه بقى ما تصدعونيش



هو البوست اصلا مش تهمه يعنى ولا قلة ادب والله



احنا كاتبين الكتاب يعنى مافيش مشكله

ههههههههههههههههههههههههههههههه



بس يعنى برضه بعينكم مش هاريحكم ومش هاقولكم بعد كده انا باكتب ايه وليه ومين وفين



وعلى فكره انا عندي حاجات كتير مكتوبه زي كده وكنت باتجنب انشرها عشان الغتاته بتاعتكم دي



بس خلاص انا خدت قرار اطنشكم خاااااااالث خااااااااالث وانشر الى انا عايزه انشره



اكتر ما يضايقنى هو حشريتكم يا مدونين



انا هاعلق ورقه على المدونه من بره بتقول مالكوش دعوه

ههههههههههههههههه



ايام لما كتبت قصة قلب ايمان فاكرينها ؟

ما تتخيلوش الاميلات بقى والتليفونات كمان



انتى تقصدي مين



هو انتى ايمان ؟؟ طب انتى صاحبتها ؟؟



والى يقولي انتى تقصدي مراتي ؟ والى تقولي جوزي شاكك فيا اصل اسمي ايمان



طيب اعمل ايه فى الشعب ده ؟؟





ارجوكم بلاش اللوك لوك بتاع الحريم ده وبطلوا تشغلوا نفسكم بحياة الاخرين



مش معنى كده ان الحريم بس هى الى بتقول لا لا ماهو في رجاله بتلك لك حريم برضه



لما حد يكتب حاجه قيموا الموضوع عموما بصرف النظر عن كونه يخص حياته ولا حياة العفريت الصغنن الى مربيه تحت السلم



قيموا الفكره قيموا الادب مثلا مش تقيموا حياة الشخص



على الله اسمع تاني حد بقى بيكلمنى على ان البوست بيتكلم عن حياتي الشخصيه ما لم اشير الى ذلك صراحة



واعملوا حسابكم المدونه دي مزوده بساطور واكياس ومقصله ديجيتال وكرسي كهربائي



وعلى راي الست



اعطنى حريتى اطلق يداااااااااااااااااااي



هناك 34 تعليقًا:

احساس طفلة محبة للرومانسية بس واقعية يقول...

استنى بس انا بموت فى الاغنية دى
هروح اسمعها وبعدين ارجع

Darsh Basha يقول...

مين اللى جة قبلى دى
ماشى على العموم تانى تعليق
مفيش مشكلة

وبعدين امتبى اللى انتى عايزاة يا ثبرنى مين اللى بيتكلم دة
اعرفة بس وانا اكلة

احساس طفلة محبة للرومانسية بس واقعية يقول...

سمعتها يجى 3 , 4 مرات كدا ورجعت

بصى يا صبصب النوع دا بالذات من البوستات بيقى علية كلام كتير معرفش لية يعنى مع انه نورمال خالص يعنى مفيهوش حاجة غريبة
ودائما بينسب للكاتب وتلاقى بقى كل واحد وفضولة عايز يعرف حتى اية اللى فى عقلك بس ممكن تتجنبيهم بقى وتحاولى توضحى فى اخر او اول البوست ان الناس متعملش اسقاط وتسأل كتير والكلام دا بس مش عشان تريحيهم عشان تريحى دماغك من الاسئلة والتعليقات السخيفة

كمان انتى قولتى عندك بوستات رومانتك كتير زى بوست لمسة حب بس مش منشورة و فكرتينى بقصة قلب ايمان وانا حبيت مدونتك وتابعتها من القصة دى فياريت تنشرى وتكتبى ميهمكيش يا قمر

دمتى بكل خير

احساس طفلة محبة للرومانسية بس واقعية يقول...

يلا الاغنية ضيعت عليا تانى تعليق بس اخدت الاول والتالت وادى الرابع كمان

ونسيت اقولك
تقبلى مرورى :)

رحــــيـل يقول...

مشكله بجد الموضوع ده ياصبرنى
كانت برضه ماما اموله كاتبه عن نفس الفكرة تقريبا
الناس حقيقى بقت بتقيم فى موضوع فى اى مدونه تقيم شخصى مش ادبى
انا اوقات كتير بقيت اقلق اكتب براحتى فكره معينة او قصة ما بسبب ان حد يعتقد انها موقف شخصى مع ان اوقات بتاخدنى الحماسة واتصور واتخيل
احنا نعمل حملة على المدونات كلها ونطلق شعار مدونتى وانا حر فيها
اغسلها انشرها اكويها او حتى اولع فيها هههههههههههههههه
انا كذا مره بلجأ الى انى انوه فى تدوينات معينه انها عمل ادبى بحت و اوقات بقى بعيش الدور فى التعيقات طالما هما مصممين على كده
اقولك دوسى ولا يهمك واكتبى براحتك اصل انا كمان قررت ادوس على الاخر واكتب براحتى جدا حقيقى بقى مش حقيقى محدش له فى الليله دى

الشعب لابد له من حكومه تشكمه يقول...

ياهلاااا يالجميل:)
اقولك ومن الاخر انا لما حد يقولى كلمه بقولهاله انا حره مدونتى وانا حره فيها,ببمعنى انا تلاقينى بتكلم فى السياسه اوقات,واوقات تانيه تلاقينى بوست لمجرد انى عاوزه اضحك واهرج,واوقات تانيه بتكلم عن حاجه مضيقانى فى تصرفات المجتمع المصرى..
تلاقى حد مش بيحب السياسه وتلاقى حد يقولك بلاش تهريج..
ببساطه دى مدونتى اكتب فيها اللى انا حساه واللى مزاجى جايبنى ليه طالبه معايا سياسه هكتب,طالبه تهريج هكتب..انا كده ودى شخصيتى متناقضه بتتكلم جد وبتهرج انا مش هتغير ولا بكتب علشان ارضى حد..
اكتبى اللى تحبيه ياقمررر واعملى اللى انتى عاوزاه فى مدونتك اللى ش عاوز محدش غصبه يقرا...انشاالله تعملى ماتش كوره فى المدونه:)
بالنسبه لموضوع الاسقاط فى المواضيع مهما تقولى كله هيقول بتتكلم عن نفسها بس خبيه ههههههههههههه..
وحشتينى:)

عاشقه الرومانسيه يقول...

هههههههههههههههههههههههههه
والله العظيم انتى سكرررر
انا موت من الضحك

بس تعرفى بقى انا فرحانه بالتعليقات اللى استفذتك دى
علشان هتقولى كل المشاعير المستخبيه وتمتعينا بقى
انا شفت شعر جميييل منك بعتيهولى على الميل بجد روووعه وخساره تكونى بتكتبى كده ومش بتنشريه
انا عايزه المدونه دى تغرق حب ورومانسيه وقلوب حمرا
نياهاهاهاهاها

محمد عبدالرحمن شحاته يقول...

اجمل شيئ
ان يكتب الانسان ما يريده ومايراه صحيح
دون اي اعتبار لأراء الاخرين
ولما كانت اراء الاخرين من الأهميه بمكان ان يعرفها صاحب الموضوع
فعليه ان يتجنبها ان كانت ستقف عائقاً أمام مايكتب
تقبلي مروري

سومه...مجنونه فى بلد عاقل يقول...

يا اختى براحتك اجرى فيها يمين وشمال والى مش عاجبه اضربيه بالنبوت :))))

قلب ارهقته الاحلام يقول...

هي الناس دايما بيحبوا يحشروا مناخيرهم كده :)

ويستفسراوا بأة ولوحزن الله يعينيك ولو فرح داري علي شمعتك تقيد

وازاي ده حصل وحسيتي بأيه

بجد ال تحسيه اكتبيه فعلا كان بوست رائع بغض النظر عن الاشخاص هما مين

المفروض القارئ ال يهمه مش مين اشخاص البوست مع انه ممكن يحبهم ويتعاطف معاهم

لكن ف الاغلب بيكونوا من نسج الخيال

يارب تكوني بخيرر

تحياتي ...

صمت المشاعر يقول...

هههههههههههههههه اعطني حريتي اطلق يدااااااي

انطلقي انطلقي ولا يهمك اللي يقول يقول

اكتبي واحنا وراكي متقلقيش

دمتي مبدعه دائما

مسدس صغير يقول...

اكتبى ما شئتى فسوف تكونين مرمى للسنارة
هههههههه
هنتكلم بردة
وهنقول بردة
احنا حرين
ههههههه
لا بجد انا فعلا مبحبش الاسقاط ده
محبش حد يقرا بوست ويسقطه على المدون
انت تقرا وتقيم ما فيه وان كان عجبك او لأ
لو المدون او المدونة قالو انهم المقصودين خلاص
انما مقالش يبقى ميحاولش كل واحد يشخص بمزاجه
احييكى على البوست
فين الكيك؟

صبرني يارب يقول...

احساس طفله

يا جميل انا مش عايزه اريحهم والله

يا بنتى الناس لما تريحيهم يتعبوكي

فانا قررت اتعبهم شويه احسن بصراحه طلعوا عينى

والاغنيه ايه رايك لايقه صح
هههههههههههه

اي خدمه ما تقلوش حرماكوا من حاجه يا ولاد

صبرني يارب يقول...

رحيل

انا بالفعل قررت ادووووووووووس

زهقت اوي والله يا جميل

الناس حاسه اديهم على رقابتى ليه مش عارفه

صبرني يارب يقول...

درش باشا

معلش بقى تتعوض يا باشا

المره الجايه وانت جاي هات معاك طبق وشوكه و سكينه هاجبهوملك معايا
هههههههههههههههه
نوووووووورت

صبرني يارب يقول...

عاشقة الرومانسيه

ايوه ايوه سخنينى بقى
هههههههههههههههههههههههههه

اهو يا رجاله البت شهدت ان باكتب من زمان مش حاله جديده

اصل تودوني فى داهيه
ههههههههههههههههههههههههه

نورتي يا جميل

صبرني يارب يقول...

شيماااااااااا

وانتى اكتر يا جميل

بصي انتى تجيبى مطوتك وتيجى معايا هنا الى يكلمنا نغزه
ههههههههههههههههههههههه

صبرني يارب يقول...

محمد شحاته

لا بص انا باحب احترم راي الاخرين واسمعه

بشرط يحترموا هما كمان رايي يعنى

نورت يا فندم

صبرني يارب يقول...

سومه

اه هاجري ان شاء الله تعالى اجري ورايا وكده بقى ونعمل هيصه

صبرني يارب يقول...

صمت المشاعر

اوك اتفقنا على الله ابص ورايا ما الاقيش حد

صبرني يارب يقول...

قلب ارهقته الاحلام

طيب تفتكري اجيب مقص خاص للمدونه اقص بيه مناخيرهم الطويله ؟؟

انا بخير بشوفتكم يا جميل

صبرني يارب يقول...

مسدس صغير

يعنى انا خلاص هاخد توكيل الكيك في مصر

ايه الناس دي
هههههههههههههههههههه

بسنت صلاح الدين يقول...

اكتبى يا جميل و ابدعى براحتك خاااااالص ، و ارفعى شعار خليك فى حااااالك

فاتيما يقول...

مين دول ؟؟
..اللى ينشكوا فى معاميعهم
اكتبى يا صبصب
و لا يهمك حد
أسقاط بقى و لا ما أسقاطشى
على راى صاصا
و لا تفكرى
و لا تهتمى
فى إنتظار كتاباتك يا حبيبتى

Anonymous يقول...

عظمة التدوين انه تسجيل لما يدور بالخاطر بلا قيود وان يسترسل العقل لأقصي مدي يصل اليه"فدوس واحنا وراك من غير فلوس"

عبد الجليل

صبرني يارب يقول...

فاتيما

والله زهقت يا اختي بس خلاص اعلنت العصيان

صبرني يارب يقول...

بسنت صلاح

متشكره اوي يا جميل ان شاء الله هاكتب

صبرني يارب يقول...

استاذ عبد الجليل

طب حضرتك يعنى لو بفلوس مين الى هادفع انتم ولا انا
ههههههههههههههه

تفرق طبعا

نورتنا يا فندم

فتاه من الصعيد يقول...

هههههههههههه

انا كمان بكتب خواطر

وكل ما اكتب حاجه الاقي الناس داخله تواسيني وتنصحني

بس انا حطيت النقط على الحروف ... وقلت اللي هيعمل اسقاط سقف البلوج هيسقط عليه :D
من ساعتها محدش بيسقط :))

على فكره عجبتني اوي لمسه دي .... هو حضرتك بطلتها موش كده :p

تحياتي

صبرني يارب يقول...

فتاه من الصعيد

انا بطلة كل كتاباتي بشكل او باخر

بس انم مش فاهمين

نورتي يا جميل

دموع كابر يقول...

مساء الخير
انا مدونه لسه نونو ويسعدنى انك تشرفينى وتزورينى

Wanda يقول...

بصى عجبتى قوى لمسة حب
كانت حقيقة و لا خيال و يارب تكون حقيقة ما الخيال ابن الحقيقة برضه

انا بصراحة لسه ماتجوزتش معرفش ربى كاتبلى عنده ايه
بس لاحظت فى عمارتنا و اصحابى و قرايب حاجة ملفتة للنظر
اول ما اثنين بيتجوزوا و يبانوا جنب بعض (منغير ما يترسموا سعادة) تلاقى الراجل فرحان وشه بينطق سعادة و العروسة مكلضمة و مبوزة و ياسلام لو نزلين من عند اهلهم كان هو و لا هى
ادونى احساس ان الجواز نكد للست
بعد مرور 3 سنين تلاقيهم هما الاثنين بقوى مكلضمين زى بعض
ليه
ليه الناس مش عايزة تقول انها سعيدة فى جوازتها ليه كل واحدة متجوزة اول ما تساليها عن احوالها تشكى او تسكت
ليه مابتقولش صفاته و مواقفه الحلوة معاها (يعنى كلنا حنحسد و كلنا حنتمنى زوال النعمة لا والله فى مننا كثير بيتمنى للاخرين السعادةة اكثر و اكثر)
انت اول واحدة حسيت انها سعيدة و بيارب يارب ديما و خمسة و خمسة فى وش الكل و اولهم انا
بس اكتبى

صبرني يارب يقول...

دموع كابر

حدث بالفعل

صبرني يارب يقول...

واندا

برضه بتسألي بصحيح ولا مش بصحيح

مش هاقووولك
هههههههههههههههههههه

بس طبعا ده ما يمنعش انى اقولك اعذري الناس تسعين فى الميه منهم مش بيمثلوا هما فعلا مش مبسوطين لاسباب كتيره اوي


واقولك كمان انا الحمد لله سعيده فى حياتي وباقول لكل الناس وعمري ما اشتكيت من الجواز ولا من جوزي لحد

والى بيسألنى على الجواز اقولهم فله يا روحي جو اوووووون