الأحد، 15 نوفمبر، 2009

مصر هى امي

السلااااااااام عليكم يا شعب مصر

وصباااااح الخير عليكم

بس قلت اقول للناس مبروك وان شاء الله يكملها ربنا بالستر

حبيت بس اقول كلمتين لفوا فى دماغي امبارح

****************

شكلنا حلو اوي يا ولاد واحنا متجمعين على كلمه واحده

واحلى واحلى والكلمه دي بنقول فيها ياااااارب

احنا فيييييين مش كده على طول ليه

*********************

علم مصر والناس ماسكاه وبتقول مصر مصر حلو اووووووووي

ما عدناش بنعمل كده ليه ؟؟

انا اكتشفت ان علم مصر وحشنييييييييييييي

************************

الاغاني الوطنيه حلوه اوي يا ناس

من زمان جسمي ما قشعرش وانا باسمع اغاني وطنيه

عشان ما عادش فى اغاني وطنيه تحولت من مصر هى امي الى فوق دي والى كنت باغنيها فى حفلة المدرسه وانا صغيره

الى اخترنااااااك اخترنااااااااك

وياريتنا بصحيح اخترنااااااااه كانت تتبلع

لا يا ريتنا اخترنا اي حاااااااااااجه اصلا

********************

هانفضل طول عمرنا شعب غلبان وطيب وقريب

مزمار يجمعنا وعصايه تفرقنا

صعبنا عليا امبارح واحنا ما بنصدق اي حاجه عشان نفرح ونقول هيه هيه احنا مصريين ودي بلدنا وبنحبها

والله من حقنا اننا نحب بلدنا عشان حاجات تانيه كتير غير الكوره

ومن حق بلدنا تتحب برضه عشان حاجات تانيه غير الكوره

وعقبال الماتش الجاي ان شاء الله يعدى على خير

ونقول مبروك بصحيح بقى

هناك 35 تعليقًا:

Wanda يقول...

حلوة الفرحة صحيح
يارتنا نفرح بحاجات كثير غير الكورة

حلوة الكليب و بالذات ميدان طلعت حرب و القاهرة و الناس و العربيات
ياه وحشنى كل ده
تخيلوا واحدة واحشها الزحمة و الدوشة و الناس :-) سبحان الله

يارب يكلموها فى السودان و يطول عمر الفرحة

احساس طفلة محبة للرومانسية بس واقعية يقول...

ايوة يا صبصب
دا سمسم اللى من اشد المتشائمين لمستقبل مصر اللى بيقول على الشعب قبل الحكومة احنا فينا وفين
امبارح قال واللهى احنا شعب طيب
تخيلى لو الجزائر هى اللى تأهلت واحنا طلعنا من المجموعة من بدرى مش كنا هنشجعها
وشوفى ازاى كلنا واقفين على امل واحد وواثقين فيه لحد اخر لحظة بجد شكلنا كان حلو واحنا بنشيل بعض ومحدش فى الاستاد قعد على كرسى عشان يدى مساحة لواحد تانى يدخل يشجع معاه بجد روح عالية يارتها فى اى حاجة تانى غير الكورة كنا لمينا الزبالة من الشوارع ولا ساعدنا اولاد الشوارع ولا نظمنا المرور ولا حتى زرعنا شجر بالمجهود دا حتى سمعنا الكلام ولا حد دخل بصاروخ ولا نار ولا الكلام دا كنت مستغربة الحكاية دى اوى ببساطة كدا الشعب سمع الكلام عشان خاطر مصر عشان محدش يتلككلنا وفهم ونفذ بجد الماتش دا ادانا كلنا امل ان لسة احنا شعب جميل بس محتاجين مزمار عشان نتجمع ونلاقى روحنا بجانب فرحتنا طبعا الغير طبيعية ربنا يسهل الماتش الجاى ومنتغرش ويكون دى العصاية اللى تفرقنا :)

دمتى بكل خير
تقبلى مرورى

فتاه من الصعيد يقول...

عندك حق

الناس دي لو اجتمعت على حاجه مفيده .... كانت البلد بقيت احسنن

ملحوظه
انا موش بحب الاغاني الوطنيه بتاعت الحروب يتحط عليها ماتشات وكده

ده استخفاف بقيمه حروب وشهداء

مبروووووك

تحياتي

blackshwak يقول...

السلام عليكم
مبرووووووك النصر وعقبال الماتش الجاي
صحيح كلامك
بس مع إني كنت من أول الناس الكارهه للماتش ده بالذات عشان الضجه والخلافات اللي حصلت
لكني كنت متابع من قبل الماتش بساعه قاعد ومستني
يمكن بس عشان أحس بالقشعريره اللي قلتي عليها
في الأول أو الأخر دي مصر
ألف مبروك
تقبلي مروري

مصري جدا يقول...

ليا تحفظ

بس اة معاكي حق

الشعب

والشعب بس اللي يفرح

غيرة
يولع بجاز وسخ

والجاز عليا

Blind Sniper يقول...

هوة مفيش غير الكورة الى تفرحنا ....هو احنا مبنحبش مصر غير عشان الكورة

صبرني يارب يقول...

واندا

يا حبيبتى متخيله

انا اتغربت فتره كان بيوحشني حتى الدبان الى فى الشوارع
شوفي القرف بقى
هههههههههههههههههههه

صبرني يارب يقول...

طفلللله

اسم الله عليكى


سمعنا الكلام

اتجمعنا

كنا محترمين حتى والى قدامنا مش محترمين


ليه ها

ليييييييييييه

عشان الماتش ده الى لعبوا فيها ناس بتشتغل بجد عايزه تكسب بجد
مش بيمثلوا علينا

احنا محتاجين حد نشوفه بيشتغل بجد
محتاجين حد يقولنا كلام عشان نسممممممممعه

ناقصين كتيييييييير يا بنتى

صبرني يارب يقول...

فتاه من الصعيد

الاغاني الوطنيه مش بتاعة الحروب الشهداء بس والله

الاغاني الوطنيه للوطن اولا واخيرا

وصدقينى لو احنا ناس محترمين

كان يبقى انتصار الكوره ده له معنى برضه محترم جداااااااا

مش حاجه غلط ولا عيب ولا هايفه
ايام الرسول وخلفاؤه كان فى مسابقات رياضيه وكانوا بيولوها اهتمام وكل حاجه

تحياتي ليكى يا جميل ونورتي

صبرني يارب يقول...

blackshwak

انا كمان كنت حاسه ان كتر الرغي واللك بتاع الفضائيات ده هايوكسنا وكسه ما لهاش زي

بس ربنا ستر الحمد لله

صبرني يارب يقول...

مصري جدا

هو التحفظ بتاعك ان حد تاني يولع بجاز ؟؟

طيب وليه تحفظ ماهو ده طبيعى يولوعوا طبعا مليون مره

لا 80 مليون مره

انت على فكره بتستدرجنى وتوقعني فى الكلاااااااااام وده مش حلو كده
بعدين تقولي مش هاجيبش عيش وحلاوه

صبرني يارب يقول...

بليند سنايبر

تخيل ؟؟؟؟؟؟؟؟؟

اكتشفت كده

ان الناس ما افتكروش يقولوا مصر الا كده

حزنااااااانين عليها يا ابنى

تخيل لما يكون اب وله ابن صادد نفسه دايما

اهو احنا احساسنا كده برضه

هييييييييه دنيا بقى

مروة الزارع يقول...

انا مش عارفة انتوا فرحانيين على اية

ياريت تقروا بوست نوارة نجم

http://www.tahyyes.org/2009/11/blog-post_5456.html

والبوست بتاعى

http://salataa.blogspot.com/2009/11/blog-post_14.html

ربنا يشفى المصريين من التفاههة اللى بتسرى فى دمهم ياااارب

صبرني يارب يقول...

مروه

انا قريت بوستك ورديت عليكى امبارح

وقريت بوست نواره ورديت عليها دلوقتي


ياريت تروحي تقري ردي على نواره

وياريت تعتبري نفسك من الشعب المصري ايا كان شكله
عشان شئت ام ابيت انتى جزء منه ومتاثره به

خلي بالك من النقطه دي كويس

والكوره مش هى الحاجه الهايفه الوحيده

رغم انى شايفه انها ممكن ماتكونش هايفه لو احنا بنفهم وعندنا اداره كويسه

انما احنا زيرووووووووووووووووو

همس الاحباب يقول...

الفرحة جميلة
والالتفاف حول علم مصر اجمل
والمنظر كان رهيب
بعد المباراة حسيت ان التتار هجمت على مصر من كل حدب وصوب
الجماهير خرجت بكل طوائفها كبار وصغار حتى الاطفال خرجت للشوارع
سبحان الله
كان تفسى يفتحوا الطريق الى فلسطين كنا نروح نحتفل هناك وناكل اليهود ونرجع

الشعب لابد له من حكومه تشكمه يقول...

مهو لو الشعب لاقى حاجه تانيه يجتمع عليها من غير مكل واحد يتفلحس عليه بكلمه ويمسكوا فى خناق بعض وانت مش بتفهم وانا بفهم اكتر منك,,
كان اجتمع من زماااااااااااااااااان...

لو الشعب شايف حاجه تانيه غير الكوره يقدر يحس فيها انه مش فاشل ,كان عمل من زمااااااااااااان...

لو الشعب شايف انه فى حاجه واحده فى البلد تخليه يقف يمسك العلم ويرسمه على وشه ويحس انه مبسوط من قلبه كان عمل من زمااااااااااااااااان...

عاشقه الرومانسيه يقول...

ان شاااااء الله
بإذن الله
هيعدى على خير
قادر كريم اللى خلانا جبنا جون فى اخر دقيقه
قادر يكسبنا ماتش السودان

صبرني يارب يقول...

شيما الشعب

والله يا اختي صعبوا عليا عشان كده

هانعمل اييييييه

صبرني يارب يقول...

عاشقة الرومانسيه

يارب يا اختي يارب

اهو نكمل هيصه برضه

صبرني يارب يقول...

خالد همس الاحباب

والله ياابو همس انا قلت كدددددددده

اي حاجه اهو المعارك كتيره فى حياتنا

نعمل اي حاجه واحنا بنفس الرووووووح بس

حلم بيعافر يقول...

الله!داحنا طلعنا اخوات

صبرني يارب يقول...

حلم بيعافر

اخوات طبعا مافيش كلام

انت الان دم تدوينى يا بوي

بس اشمعن تحديدا يعنى قلت كده الحين ؟

Cute Kitty **sookra يقول...

والله ياختشى ياصبرنى
انا عاوزه اقول كدا برده وصحيح يارب نقدر نتجمع كدا كلنا ونقول احنا هنا وموش متنا خلاص
اصل وربنا الكل بيدور ويلف وموش لاقى حد يتلم حواليه
يااااااااااااااه
فينك ياصلاح الدين
موش صاصا طبعا
ههههههههههههههه
مبرووووووووووووك ياحبيبتى وابقى اعملى لنا جاتوووه المره الجايه بالمناسبه الحلوه دى
ههههههههههههه

nody يقول...

الفرحه حلوه اه معاكى

بس خيبه الامل ان مافيش غير الكوره الى نغنى ليها الاغانى الوطنيه
خيبه تقيله
هاتتكتب علينا فى التاريخ
واحفادنا هايقولوا اخص
ده الى هما عملوه

Sweet Violet يقول...

انتى عارفة ياصبصب ياجميلة
اللى حصل و تجمع الشعب بالشكل ده حتى ولو علشان كورة اكد الامل اللى جوايا اننا نقدر نتجمع فعلا على حاجة تصلح من البلد دى و ان الشعب ده لسه ماتخلاش عن حبه لبلده و ان الشعب المصرى مهما حصلوا تغيير الا ان جماله لسه جواه بس محتاج اللى يطلعوا
المنتخب قدر يطلع ده و يارب يجى اللى يطلع ده و يوجهه لاصلاح البلد فعلا
^_^

bobo يقول...

انا مبسوطة اوي والله ومش شايفة ان الكورة حاجة هايفة.. انا صحيح مليش اصلا في الكورة بس بحب اشوف المنتخب وهو بيلعب.. وبحس بالفخر لما يكسب.. خلينا نفرح يا اختي شوية بدل الهم اللي كابس على انفاسنا.. بس على فكرة لو كانو الاخين الحلوين محضروش الماتش كان بقى احسن كتير.. الواحد مكانش عاوز يشوف الخلق دي.. يلا ربنا يوفقنا في السودان وان شاء الله الاخين الحلوين ميقدروش يروحوا.. حد يقولهم ان السودان فيها بعوض بياكل الناس
بوسة وحضن يا قمر ليكي وللبنات

عاشقة الفردوس يقول...

كان هيبئى حلو اكتر لو كنا ايد واحدة بنلعب لعبة هدفها التجمع مش التفرق

كان هيبئى احلى لو مكانش اخواننا عاملين كدا وزعلانين

كان هيبئى حلو اوي لو اعلامنا واعلامهم قدر يحتوي الأزمة

لكن الاعلام العربي اثبت غباؤه وفشله


ربنا يجمعنا على خير وميفرقناش أبدا أبدا

اللهم آميـــن



وحشاني ياصبرني : ))

حلم بيعافر يقول...

امممممممممممممم
ممكن تقولى انا قلت كده دللوقتى طفاسة
اصلى سمعت انك كنت جايبة كيك معاكى فى التجمع الاخير

صبرني يارب يقول...

سكره

عونيه يا جميل انتى تامري بس

صبرني يارب يقول...

نودي

احفادنا بس يقولوا اخس ليه

احنا عملنا حاجه غلط

هو ده صح

بس مش وهو لوحده فاهمه ؟

صبرني يارب يقول...

سويت فيوليت

ايووووووووووه اهو ده كان احساسي

فضلت اقول فى نفسي الله ما احنا حلوين برضه اهو
ههههههههههههههههه

صبرني يارب يقول...

بوبو

تصوري يا بوبو نفس الكلمه الى قلتها

اول لما شوفت سحنتهم ساعة الفوز

قلت نكد عليك وعلى امك

انتم ورانا ورانا هاتطلعونا فى الحلم لسه ولا ايه

صبرني يارب يقول...

عاشقه الفردوس

وانتى اكتر يا جميل


وياااااااارب امين متجمعين على الخير

صبرني يارب يقول...

حلم بيعافر

هههههههههههههههههههه

ماشي ياعم عنينا لك

ameen يقول...

ياااااااااااااااااااااااااااااااااااااااااااااااااااااااااااااااااااااااااااااااااااااااارب



اعذرينى
اول تعليق ليا عندك داخل وكانى متسول

بس كلنا نفسنا مصرررررررررر تكسب