الجمعة، 27 نوفمبر، 2009

العيد فرحه ... وفته ولحمه





والله انا ما مخليه فى نفسكم حاااااااااجه


مهنياااااااااااكم ادي العيد فرحه بتاعة صفاء ابو السعود الى سمعاها يعنى العيد بالنسبه لي اساسا


ولو نزلتم تحت شويه هاتلاقوا طبق الفته المعتبر اي خدمه


كل سنه وانتم طيبين



اضحى سعيد عليكم جميعا يارب واحد وااااااااحد


طبعا مش هاعرف اعدكم ولا اقول مين ومين لكن ربنا عالم بالى فى قلبي للكل هنا


حقيقى انا متشكره انكم موجودين في حياتي


تاكدوا ان كل واحد فيكم اثر فيا بشكل او بآخر


يارب يكون عيد سعيد عليكم وعلى اسركم واحبابكم كلهم


وعلى المسلمين والدنيا كلها


وتكونوا صليتوا العيد كلكم وعيدتم على بعض


انا اول مره اروح اصلي العيد وانا معايا العيال


كنت فرحااااااااانه اوي لان روحنا اكبر ساحه بيصلوا فيها فى المنصوره الى هى الاستاد


وصدمت صدمه ما بعدها صدمه من كمية البشر الى هناك على جميع المستويات والاشكال والاصناف


الى فرحانين اوي


والى لما تشوفهم وبالذات الناس البسيطه منهم تحس ان وشهم بيقول فرحانين رغم كل شيء


وتكونوا اكلتم الفته واللحمه بتركيز كده والعمليه ظبطت معاكم


والى ما اكلش الفته انا جبتله طبق فته مظبط مربط اهووووو وبلحمممممممته ولسه سخن وحياتكم عندي


ووصيتي ليكم دايما عيدوا بضمير


وانسوا اي حاجه مزعلاكم وافرحوا وفرحوا الناس الى حواليكم


وبافكركم دايما ان العيد فرصه حلوه اوي لتصفية الخلافات والصلح خير تيجوا نتصالح وكده يعنى


وربنا يكرمكم ويسعدكم كلكم يااااااااااااااااارب

وهناااااااام بقى ما حدش يصحينى عشان انا ما نمتش لسه والله

افترااااااااا


هناك 66 تعليقًا:

مسدس صغير يقول...

كل سنةوانتى طيبة وبخير يارب
والاولاد كلهم بخير والاستاذ رضا
انا عايز فتة
اعمل ايه؟؟
ههههههه
بألف هنا
عيد سعيد عليكوووو

صبرني يارب يقول...

وانت طيب وبخير وسلام يا صلاح ربنا يكرمك


عنيه والله تعالى يلا والى يرجع فى كلااااااامه

ما انا قايلالك انها ما لقتش زباين
هههههههههههههههه

حنين القلب يقول...

كل سنه وانتى طيبه يا حبيبتى ودايما وسطينا
حلوة اوى الفته دى تسلم ايدك
عيد سعيد عليكى وعلى اسرتك الكريمه

Ahmed يقول...

كل سنه وانتي طيبه
وعلى طول كده نيجي عندك ناكل ونشبع وننبسط

فتاه من الصعيد يقول...

كل سنه وانتي وكل العيله بخير وسلام

تحياتي

ستيته حسب الله الحمش يقول...

كل سنة وانتي طيبة يا حبيبتي
يارب دايما متهنية
وبعدين فتة ايه يا سادة اللي اكلها الصبح
لو سمحت تخبي لي الطبق ده للمغرب
لعلمك انا مش داخلة اعيد عليكي
انا داخلة الحق الفتة :)
صباحك ورد

خواطر شابة يقول...

عيد سعيد ينعاد عليك بكل خير انت وافراد أسرتك ان شاء الله
صلاه العيد فيها روحانية عالية سبحان الله العظيم
تقبل الله منا ومنك صالح الاعمال ان شاء الله

tamer يقول...

كل سنة وانتى طيبة

عيد سعيد عليكى وعلى اسرتك الكريمة

مع خالص تحياتى

حنعيش يعنى حنعيش يقول...

كل سنة وانت طيبة ومش حرمانة من حاجة طبق الفتة شكلة حلو قوى واكيد طعمة حلو بالهنا والشفا بس ياريت نفكر نعمل دليفرى بعد كدة وندوق بقى

adel يقول...

كووووول سنة و انتي طيبة
وعيد سعيد
ومستني نصيبي بقي :)

reem يقول...

كل سنة وانتى طيبة ياقمر

ويارب دايما مبسوطة وسعيدة انتى وجوزك واولادك العسولين

ويارب بردو دايما عامله لنا احلى اكل

عيد سعيد عليكى يارب

فاتيما يقول...

تسلم أيكيى و قلبك يا صبصوبتى
و عيد سعيد عليكى و على كل احبابك يا حبيبتى

القدر و انا يقول...

ريم الحبيبة
كل سنه وانت طيبه يا حبيبتى ودايما بخير انت ورضا واولادك ويارب ما تحرم حد من الفتة

blackshwak يقول...

بمناسبة العيد

رحــــيـل يقول...

كل سنة وانتى طيبة

ويارب نتقابل على خير قريب

ঔღঔ نـــوارة ঔღঔ يقول...

كل سنة وانتي طيبة ياقمر

وتسلم ايدك عالفتة واللحمة :]

عيد سعيد عليكي يارب وعلى عيلتك الجميلة

ربنا يجعل ايامك كلها اعياد

عاشقه الرومانسيه يقول...

كل سنه وانتى طيبه ياصبصب
ودايما كده مدلعانا وماكلانا فته
(:

واحدة مفروسة يقول...

ههههههههههه
كل سنة و انتى طيبة يا صبصب
و عيد سعيد عليكي يارب
حلو اوي اتفسحنا و اكلنا فى العيد
ههههههههههههه
و كمان عندك توصيل البوستات للمنازل
هههههههههههههههه
مدونة خدمة 5 نجوم
هههههههههههههه

قلب ارهقته الاحلام يقول...

كل سنة وانتي طيبة وبألف خيرر يارب

وسعدنا بيها ياسلام بيخليها ... :D

اممممممم ايه بس طبق الفته ده مش حرام يعني كده ع الناس ال مبوظين الرجيم :))

يارب عيد سعيد عليكي وع الجميع بإذن الله

دمتي بخيررررر

حلم بيعافر يقول...

وفعلا انت اكتر حد عرف العيد صح

فرحة وفتة ولحمة

حلم بيعافر يقول...

دى اسمها عزموة مراكبية

المفروض تودى لكل واحد صينية الفتة بتاعته ع المدونة بتاعته


هههههههه كل سنة وانت طيبة
وكل مصر بخير

وكل العالم معيد وطيب

nody يقول...

انا كمان كنت فى الاستاد

طب كنتى قولى ونوهى انك رايحه

كل سنه وانتى طيبه

وبمناسبه الفته انا اكلت فتته روقاق وعاندى مغص فظيعععع

ابتسامة حزن يقول...

كل سنه وانتى طيبه والمسلمين كلهم بخير

سنابل قمح يقول...

كل سنة وانتى بالف خير انتى وكل حبايبك

صلاة العيد هى اكتر حاجة بتحسسنا ان العيد جه فعلا ولو ما رحتش يبقي كأنه ماجاش

تسلم اديكي ع الفتة بس كنتى بحبحيها شوية الطبق صغير اوى

Anonymous يقول...

عيد سعيد وعمر مديد

عبد الجليل

مجرد حلم صغنتوت يقول...

سبحان الله
تصدقي اول مرة اخد بالي انك من المنصورة :$
معلش بقى
كل سنة وانتي بألف خير يا رب
مش بحب الفتة للأسف... بس ممكن اقضيها بأي حاجة تانية
شوفي انتي بقى :D

bibo يقول...

كل سنه و انتى طيبه يا صبرنى هانم

و الله زمان على طبيخك اللى يعقد

الف هنا و شفا

Darsh Basha يقول...

كل سنة وانتى طيبة يا صبرنى ياربى

وبعودة عليسكى الايم بخير

مع انك جوعتينا كدة بطبق اللحمة دة

Wanda يقول...

كل سنة و انت طيبة

بس مفيش غير صفاء ابو السعود
طب حتة مسرحية و النبى او
فيلم هندى بتوع العيد ابو خمس ساعات

بالمناسبة جربت الشوربة الصبرنية لا تعرفى لذيذة و مختلفة (متشكرين)

صبرني يارب يقول...

حنين القلب
وانتى طيبه يا جميل تسلمى ربنا يخليكى

والعيد الجاي يكون معانا الواد حلموس

صبرني يارب يقول...

احمد ابو العلا

وانت طيب وبخير

عشان تعرف بس انى مش مخليه فى نفسكم حاجه

صبرني يارب يقول...

فتاه من الصعيد
وانتى طيبه يارب ودايما منوره

صبرني يارب يقول...

ستيته

اه يا جميل امال الناس تاكل ايه فى يوم مفترج زي ده
هههههههههههههههه

لعلمك انا مش باكلها انا باعملها لبابا

كل سنه وانتى طيبه يا جميل

صبرني يارب يقول...

تامر

متشكره اوي وكل سنه انت طيب وبخير

صبرني يارب يقول...

حنعيش يعنى حنعيش

يا استاذنا صاحبة الفته نفسها تيجى لحد عندك بالفته

كل سنه وانت بخير وسلام يارب

صبرني يارب يقول...

ريم

تسلمى يا جميل يا وحشااااااااني ومطنشاني طول العيد

صبرني يارب يقول...

عادل

انت فيييييين مختفي يارب تكون بخير

كل سنه وانت بخير

نصيبك فى الدي اتش ال يا فندم ولا يهمك

صبرني يارب يقول...

فاتيما

عيد سعيد عليكى يا قمر ودايما منورانا

صبرني يارب يقول...

القدر وانا

ازيك يا جميل وفينك كده مختفيه

بس انا مش ريم

ريم المدون الى فى اخر الشارع يمين
هههههههههههههه

كل سنه وانتى طيبه يا قمر

صبرني يارب يقول...

رحيل

وانتى طيبه يا قمر
طب يلا بقى قولي امته

صبرني يارب يقول...

بلاكشواك

متشكره جدا جدا جدا

وربنا يكرمك يارب

ونورتنا

صبرني يارب يقول...

نواره

يا رب يخليكى وكل سنه وانتى طيبه يا قمر

ويرزقك يارب الخير كله وكل ما تتمنيه

صبرني يارب يقول...

مفروسه

ايووووووووووه افتكروا الجمايل بقى

صبرني يارب يقول...

عاشقه الرومانسيه

وانتى طيبه يا جميل

صبرني يارب يقول...

قلب ارهقته الاحلام

لا لا عادي فى العيد مش حرام بوظ بوظ

كل سنه وانتى طيبه يا جميل

صبرني يارب يقول...

حلم بيعافر

لا ماليش دعوه كده داخلين على طمع

وبعدين ايه صنيه دي يا نهاركم الوان

صنيه بحالها
هههههههههههههههه

نورت

صبرني يارب يقول...

نوووووودي

بجد ؟؟

والله هى طلعت فى دماغي وقلت ما دام الجو مش برد نروح نصلي وبعدين الصبح رضا قالي نروح الاستاد ولا اي جامع
قلتله لا الاستااااااد عشان العيال يتفرجوا ويعرفوا يعنى ايه صلاة عيد

المره الجايه يا لولو هاعمل اعلان كبيييييييييير هنا عن مكان تواجدي فى الاستاد كمان ويارب اقابل كل الناس هناك

صبرني يارب يقول...

ابتسامة حزن

ليه كده حزن يا جميل

كل سنه وانتى طيبه

صبرني يارب يقول...

سنابل قمح

ابحبحها ايه بقى هاتنهبوا

وبعدين مش مهم الكم المهم الكيف اي حد ياكل الطبق ده يا معلم هايفوق منه بعد 3 ايام على الاقل
هههههههههههههه

كل سنه وانتى طيبه ونورتي

صبرني يارب يقول...

استاذ عبد الجليل

متشكره اوي وكل سنه وانتى طيبه

صبرني يارب يقول...

بيبو

الله يكرمك يارب

مش عارفه باشبه عليك يا بيبو

انت مين

صبرني يارب يقول...

مجرد حلم صغنتوت

اول مره تاخدي بالك انى من المنصوره

حرام عليكى يا حلم ده انا بقالي شهر باتكلم عن التجمع في المنصوره
ههههههههههههههههه

منوره يا بلديات وكل سنه وانتى طيبه والسنه الجايه حلمك يكبر يا جميل ونوديه المدرسه كمان

نورتي

صبرني يارب يقول...

واندا

بجد

طيب جوووووووووووود هانزلهالكم على المدونه التانيه بالصور ان شاء الله

نورتي يا جميل وكل سنه وانتى طيبه

صبرني يارب يقول...

درش باشا

ربنا يخليك وكل سنه وانت بالف خير

مصري جدا يقول...

مش بحب الفتة

ومن ناحية عيدنا

عيدنا

بس من غير ضمير


المعنى في كرش الشاعر

صبرني يارب يقول...

مصري جدا

الفته راحت وراح اوانها يا فندم كل سنه وانت طيب

وكان فين ضميرك فى العيد حطيته فى تلاجه

طيب اذا بليتم فاستتروا

قلم رصاص يقول...


يظهر اني جيت اخر واحد بعد ما الفتة خلصت .. مليش حظ اكل عندكم

هههههههههههههههه

كل سنة وانتي طيبة وبخير والأسرة كلها

وفعلا العيدد فرحه .. وفرحنا .. وفته .. وفتيييييينا .. ولحمه وخلصنا عليها

هههههههههههههههه

الحمدلله عيدنا صح

في امان الله

عابرة السبيل يقول...

صحيح قلتلك كل سنة وانتى طيبة فى المدونة التانية بس الفتة هنا تفتح النفس بجد

وعيدنا بضمييييييييييييير جدااااااااا

صبرني يارب يقول...

احنا شباب النهارده

حاضر عونيه نروح نشوف ايه الموضوع

صبرني يارب يقول...

قلم رصاص


يا باشا نعملك فته مخصوص بس كده

كل سنه وانت طيب

صبرني يارب يقول...

عابرة سبيل

الفته وصاحبة الفته تحت امرك يا جميل

والحمد لله ان عيدتم بضمير

كل سنه وانتى فى هنا يارب

Dr. Kafy يقول...

كل سنة و انت طيبة و يعيد عليكى الأيام بخير

و شكرا على طبق الفتة

و دايما كده نلقاكى سعيدة و متهنية

ahmed_k يقول...

كل سنه وأنتي طيبه يا أم مريم
وربنا يجعل أيامكم كلها أعياد,
ويااااااه تصدقي قبل العيد بيوم
إفتكرت أغنية صفاء أبو السعود وقلت ياريت أشوفها في العيد ده علشان ترجعني لطعم أعياد زمان
ومن حسن حظي وجدتها عندك هنا
طبعا بالإضاف لطبق الفته اللي برد خلاص لأني جيت متأخر ههههه ,
بس أنا زعلان منك
كده أغيب شهرين عن المدونه ومتسأليش علي خالص

صبرني يارب يقول...

د كافي

كل سنه وانت طيب وبهنا وسعاده يارب ومتشكره اوي

صبرني يارب يقول...

استااااااااذ احمد

كده برضه انت تنسى البلوج واهله

لا وتنساني انا كمان

انا سألت عليك طبعا من على الاميل

سيبتلك اوف لاين

شوفت بقى انت الى منفضلي يا باشا

يارب يكون المانع خير

اشوفك على خير ان شاء الله

وكل سنه وانت طيب

بنت الغربة يقول...

حبيبتى صبرنى
وحشتينى قوى ياجمييل.. وعارفه انى مقصرة فى كل حاجه ..بس والله متابعاكى ياقمر دايما.. بس احيانا كتيرة مش بالاقى نفسى عايزة ااقول حاجه ..صدقينى ..
المرة دى انا جيت علشان ااقولك كل سنه وانت طيبه ياقمر
وربنا يجعل ايامك كلها اعياد انت وجوزك وولادك ياحبيبتى
تحياتى
داليا