الثلاثاء، 8 ديسمبر، 2009

بؤجه الخير (تحديث )

تحديييييييث :
شكرا يا جماعه بجد لكل الناس الى اهتموا بحضوري وكانوا مستنيينى
وشكرا اوي يا داليا والله انتى وفاتيما وابي وخيخه على اصراركم على حضوري بس والله غصب عني
وسوووووووووري للجميع وكان نفسي اشوفكم بجد اووووووووي
اه وشكرا للناس الى ردوا عندي وانا ما رديتش عليهم فرادى
ويوم سعيد ان شاء الله وناجح






السلام عليكم يا مدونينا الكرام


نحيطكم علما ( حلوه مووووووت فى الجوابات الرسمي انا )


من الاول بقى


نحيطكم علما ان المدعوه داليا قوس قزح والمدعوه البت خيخه واي كلام (طول عمرها ) والمدعوه آبي هانم بتنجاني (برضه طول عمرها )



عاملين دعوه للخلق كلها ان شاء الله يوم الجمعه 11 ديسمبر


يعنى الجمعه الجايه دي على طول لتجمع خيري تحت شعار بؤجة الخير


يعنى ايه بؤجة الخير ادخل هنــــــــــا وانت تعرف القصه كله


ودي التفاصيل عند داليا قوس قزح


وكمان عند خيخه


وكمان عند آبي




وسامعه البت داليا بتجز على سنانها وتقولي هاعضضضضضضضك لو ما جتيش


وشموسه حياتي مستنيانى اقولها هاروح ولا لا عشان تيجى لو انا هاروح


هاموت يا جودعان واشوف البشر كلهم


بس اعمل اييييييه مكبلة الايدى انا


عموما انا بحاول محاولات مضنييييييه


وقدامي 3 خيارات فشل منهم او خيار تمام


ربنا يسهل فى باقي الخياررررررريات بقى


ادعووووووولي احسن والله اقعد اعيط واقطع فى شعري يوم الجمعه كله


وافضل اكلمكم احقد عليكم واقول خووووووووووووووووونه
ادعوا بزمه بقى


هناك 24 تعليقًا:

صيدلانيه طالعه نازله يقول...

و الله يا حبيبتى انا حاقعد احقد جنبك و اجز على سنانى عشان هما فعلا واحشنى قوى بس برضه زى حضرتك مكبله الايدى يظهر انا وانتى متكبلين بنفس الكابل
كل سنه و انتى طيبه يا سكر

فاتيما يقول...

ربنا ييسر الأمور يا رب
و يهديك توافق بقى
ياللى ف بالى
إن شاء الله خير
و تقدرى تيجى
يااااارب

Appy يقول...

ابعت لكى اتنين يخطفوكى يا حجه ولا ايه ولا اجى اقوم بالواجب واعضك انا

صبرني يارب يقول...

صيدلانيه

وانتى طيبه يا جميل

طب باقولك ايه ما تبحبحى الكابل من عندك شويه جايز حد فينا يعرف يفك
ههههههههههههههه

منوره يا جميل

صبرني يارب يقول...

آبي

اه يلا تعالى ونعمل حفلة عض وانا اصلا عضاضه برغم طقم السنان الى انا مركباه
هههههههههههههه


نفسي اشووووووفكم يا عالم هاتجنووووووووني

ادعوا بزمه بقى

صبرني يارب يقول...

فاتيما

يارب يا اختي يارب

وحشاني اوي يا جميل

اووووووووووي

مصري جدا يقول...

خيار اية

انتي بتعملي سلطة

لو جيتي هاجي

متاخر شوية بس ربنا يسهل

من خيار ولا سلطة اهو

قوس قزح يقول...

اعملى حسابك انى جاية مع رحاب علشان اعضك و مش لوحدك و انتى عااااااااااارفة

صبرني يارب يقول...

مصري جدا

هى سلطه فعلا الحياه معايا

دعواتك

ويارب فعلا اعرف اجي وطبعا لو هاجي هازيط هنا فى المدونه قبل ما اروح

نفسي اشوفكم يا عااااااااالم اقطع نفسي يعنى

صبرني يارب يقول...

قوس قزح

وحياااااااتك عندي قلتله

بس معلش هو مزاجه مش رايق اليومين دول مش عارفه اطلع ضوافري كويس

دعواتك

بس والله هاحاااااااول ده انا هاتجننننننن

عاااااااااااااااا

وحشاني يا بت اوي

فتاه من الصعيد يقول...

الدال على الخير كفاعله

جزاكم الله خيرا وجعله في ميزان حسناتكم

تحياتي

ستيته حسب الله الحمش يقول...

شفتي قبل كده فيلم عودة الندلة
استندلي معاهم وتعالي
طب شفتي الراجل الكومبارس اللي بيطلع في كل فيلم يقول ضحينا بالأم والجنين علشان الزوج يعيش؟
إلبسي وش العبيط واقلبيه وتعالي :)
طب شفتي فيلم العزيمة؟
أه سيبي حسين صدقي وبرضه تعالي
اتصرفي
هو انت فاكرة انك لوحدك اللي بتحاربي علشان تقدري اليوم ده تروحي
انا عمالة اتحجج واقول ده مش عشاني ده علشان البؤج اللي في العربية
بس فاقسني يا اوختشي وتقريبا ها ياخدوا في الآخر فيلم عودة الندلة
ربنا يسهل لي ولك
عااااااااااااااااااااااااااااااا

bos bos بسمه عبدالباسط يقول...

حااااااااااااولى تيجى علشان أشوفك
وبالمرة نروح مع بعض

:))

Wanda يقول...

مع انى مش رايحة
بس و ماله ادعيلك
حد عارف جايز تلاقى الظروف سمحت :-)
اعتقد من مدونة خيخة اقدر اخمن
بس تتلموا و تنبسطوا و تبسطوا الخلق الغلبانة

يارب الكل يروح يارب يارب
، جايز تخبط الدعوة فيا الاقى نفسى فى مصر :-) و الله لانطلكم و اشترلكم بوجة على حسابى لانج

اقصوصه يقول...

لج عندي هدي

يا ليت تحضرين لاستلامها :)

قلم رصاص يقول...

ياااااااااارب تروحي

ههههههههههههههههههههه

حنين القلب يقول...

يا رب يا حبيبتى تعرفى تروحى وتسبينى انا عماله اقطع فى شعرى واصوت لانى نفسى اروح اووووووووى
وحشتينى يا صبرنى

فاتيما يقول...

هااااه ؟
إيه النوظام يا صبصوبتى ؟
اخبار المحادثات الدبلوماسية إيه؟!!
نعلق افيش عودة الندلة على باب الجمعية و هتيجى
و لا نعلق أفيش المرأة و الساطور
و نيجى احنا النيابة
و معانا محامى ؟؟
يا مسهل
تيجى .. مش النيابة

momken يقول...

انا شايف الناس كلها عاوزة تعضك وتوجست خيفه حاسس انى فى مدونه مصاصى الدماء

ربنا يكون فعونك يابنتى انتى هتجيبى درعات منين لكل دول

وجزاكم الله خير وكفاكم كل شر


تحياتى

Dr Ibrahim يقول...

ربنا يعينكم على فعل الخير

صبرني يارب يقول...

متشكره اوي من الجميع الى نوروني

ومتشكره اكتر للناس الى انتظروني

واسفه ليهم عشان مش هاقدر احضر التجمع ده

سجود يقول...

السلام عليكم
ههههههههههههه
هندعي اوك
كل سنه وانت طيبه

الشعب لابد له من حكومه تشكمه يقول...

هو انا كل مدخل هنا الاقى واحده عماله تستحلفلى وتقولى مممممممممممممم مممممممممممم...
مش فاهمه هتعمل ايه يعنى؟؟

مش هتروحى:( يعنى مفيش حد هيمثل المنصوره فى البطوله دى ولا ايه؟؟؟؟؟:(

يلا مره تانيه ان شاء الله فى نص السنه كده ان شاء الله ناخد فريقنا ونروح نشارك ..

الشجرة الأم يقول...

قال رسول الله (اللهم صلي على الحبيب) (الخير في أمتي إلى قيام الساعة).

بارك الله فيك ونفع الله بك الأمة الإسلامية العربية.