الأربعاء، 16 ديسمبر، 2009

شكرا يا اصدقائي ... والكيك بالشيكولاته


الاول متشكره اوي لكل من طبطب عليا فى البوست الى فات


وبجد كلامكم فكرنى بكلمة فاتيما على البلوج بتاعها وهى بتقول كلام بيطبطب على روحي


شكرا لكم اوي اوي


وانا كويسه ما تقلقوش بس لسه عندي شوية هسهسه فى الدماغ بكره يروحوا برضه ان شاء الله لو فى نصيب



والدليل على ذلك انى عملتلكم الكيك بالشيكولاته يا بنات


عشان من يوم التجمع بتاع المنصوره وانا وعدتكم اعمله على المدونه




واي خدمه



هناك 39 تعليقًا:

الشعب لابد له من حكومه تشكمه يقول...

خلاص ان شاء الله هنضيعلك شوية الهسهس يو اللقاء التانى:)
شكله هيكون مش حوائى بس هيكون عااام:)
فى طلبات من ادم انه يجى لا وفى ناس مكسوفه تقولها على الهوا فى المدونه هههههههههههه...
هيموتوا ويجوا :)

هعمل انا الكيكه بالشيكولاته دى مفاجاه لماما علشان تفرح بيا:))

ستيته حسب الله الحمش يقول...

يووووووووووووووه يا أوختشي يا صبصب قصص الجمايل دي
اللي يضايقك شاوري بس :)
بالنسبة للكيكة ورغم اني امرأة غير مطبخية وبحب حلويات الشارع اكتر
لكن بما اي ورايا مشاوير كمان ساعتين
وقاعدة زي قرد واقطع
عليه ها اقوم اتشملل واعملها وامري لله
يالا سلاموز

صبرني يارب يقول...

شيما

ايوه يا ستى خلاص خليهم يجوا بدل ما يبقى عينهم فى اليوم انتى عارفه


ويلا اعملي الكيكه وانا هاجي اكل

صبرني يارب يقول...

ستيته

اد القول يا معلمي
ههههههههههههههههههه

طب انا هنا اهو للساعه سبعه اي حاجه بس صفريلي وانا اجيلك
ههههههههههههههه

الكيكه دي يا جميل الى لا يمكن اشتريها

اشتري ايه دى بتتعمل فى ربع ساعه وتحدفيها فى الفرن اقل من نص ساعه تكون استوت

ناقص كلمه هاموت واقولها بس هاقولهالك على الاميل بقى
ههههههههههههههههههه

واحدة مفروسة يقول...

وااااااااو
انا لسة من شوية كنت بقول عاوزة اعمل كيكة شيكولاته
بس مش بعرف اعملها
هههههههههههههههه
انتى قريتي افكاري؟؟؟؟؟
صبصب لا تدى ودنكلأي حد يا امي
انا قريت البوست اللى فات
و سيبتك مش طبطبت عليكي علشان تستاهلى وش مطلع لسانة
يابنتى مافيش حد اولا حيقدر اللى بتعمليه و ثانيا الناس خلاص بقت غريبة اوي
الصراحة بقوا يفرسوا اساسا
سلام حروح اشوف الكيك
بس على الله ما يكونشي متعب ولا فيه بيض كتير

عمرو امام يقول...

انا اول مرة بزورك بصراحة
جميلة مدونتك
مع فائق احترامى

اتمنى تشريفك

reem يقول...

ان شاء الله الهسهسة دى تروح خالص خالص

وترجعى زى الاول واحسن ياقمر

وميرسي على الكيك اوى كنت عاوزه طريقته بعد ما سمعت بتأثيره على كل الناس اللى كلو منه في لقاء المنصورة

هاروح اشوفه حالا حالا

منى يقول...

عرفتي نقطة ضعفي أي حاجة فيها شيكولاته تلاقيني حاجزة نصيبي فيها بس انا سمعت غن الشيكولاته بتخن بس ياختي مش بشوف الأثر ده عليا ليه مش عارفة.
بما إنها اول زيارة ليا ورغم إني مش فهمت ليه أنتي بالضبط مخنوقة بس هقولك كلمة ضغنونه ( لو حد ضايقك أعرفي إنك انتي الوحيدة اللي بتدفع تمن المضايقة دي بتفكيرك وحرقة الدم اللي بتحصل لك فحاولي تنسي وتكبري دماغك)

إذن الله هيكون ليا زيارة تانية هنا

صبرني يارب يقول...

مفروسه

اعمل ايه يا ولاد فى زعيمة الحريم الشلت

البت دي عايزه تعمل الكيك وهى فى السرير ما تتحركش انا عارفاهاااااااااا

انشاله ما طبطبتي هههههههههههه

هاوريكى انا

يلا قوليلى عملتي ايه فى الكيك

والمسكين جوزك جراله ايه

صبرني يارب يقول...

ريم

تسلمى يا جميل

طيب شوفتي الكيك ولا لسه

جربي فيهم بقى على طول وانت سخن كده
ههههههههههه

صبرني يارب يقول...

عمرو امام

متشكره اوي ربنا يكرمك

بس انا بتهيئلي زورتك قبل كده

وعموما ان شاء الله هازورك تاني

صبرني يارب يقول...

منى

كلنا هذا الرجل

قصدي هذه الست
هههههههههه

الشيكولاته الكيف بيذل يا بنتى

وبعدين انتى عايزه تتخني ومش عارفه ؟؟

حسبى الله ونعم الوكيل

تعالى نتلخبط على بعض ونقسم واوعدك هاتعملي رجيم بعد كده
هههههههههههههه

وعندك حق والله انا بس الى باحرق دمي انا عارفه

ميرسي لكى يا جميل ونورتي وتنوري دايما ان شاء الله

قلم رصاص يقول...


هو الكيك ده هيبقى صالح للاستخدام الآدمي .. ولا الحوائي بس ؟!

ده سؤال مهم ..هرتب عليه امكانية ترشيحي في الاستفتاء على اختيار ممثل فيلق آدم في الحرب .. لالالا قصدي اللقاء يعني !

هههههههههههههههههه

واضح جدا ان منصب الممثل اللي انا اخترعته أواااااااادم كتير طمعانين فيه ..وبدأو يعملوا حملات من ورايا للتحايل ع القانون والفوز بالمنصب .

المفروض انتوا معشر آل حوا تخليكوا جدعان وتقصروا التمثيل على العبد لله بس ..ع الاقل باعتبار اني مرشح لرئاسة الجمهورية في يوم من الايام .. ومفروض انتوا جزء من الشعب اللي مفروض برضه اعرض عليه برنامجي الانتخابي

ههههههههههههههههههه

ماهو يايبقى انا بس .. يابلاش ..وساعتها بس تقدروا تتكلموا نوشو

^_^

الكيك دخل دماغي خلاص ..وهخلي اختي تعملهولي بالعند فيكوا ههههههههه

بوست هايل

في امان الله


صبرني يارب يقول...

قلم رصاص

طب ما تسيبهم يجوا ياعم ما تجيش لواحدك انا باحذرك اهو ما تقولش ما حدش قاااااالي
هههههههههههههههههه

وبعدين هاتهم معاك عشان انتم الى هاتتكلموا نوشو اتفقنا بقى
ههههههههههه

نورت يا باشا

عاشقه وغلبانه يقول...

انا بنت حلال والله
لسه بقول لشيما خلي صبرني تعملنا كيك بالشيكولاته يوم التجمع
ههههههههههههههههه

تسلن ايديكي مقدما
هههههههههههه

كيكى عوووووو يقول...

ربنا يفرح قلبك دايما

بدراوى يقول...

ازى حضرتك
بقالى كذا بوست مش باجى
اصل كله كلام عن البؤجه و انا مجتش اصلاً
و بعدين اجى الاقى ناس مزعلنيك
مين دووول و انا اصاحبهم
:-)
و لا يهمك
خير
على فكرة انا و قلم رصاص بنتخانق على مين ممثل الأدميين فى اللقاء
بس ان شاء الله جاى
:-)

bos bos بسمه عبدالباسط يقول...

مش عارفة ليه ما بقتش بحب المطبخ ولا دخوله ولا انى اعمل حاجة
مع انى كنت شاطرة قوى وبحب اخترع وافنن

جالى أحباط مطبخى ما تعرفيش ليه

:(((

ahmed_k يقول...

الحمد لله أنك بقيتي أحسن دلوقتي
ومع مرور الوقت ستنسين كل ما مضى
ولسه ياما في الجراب يا حاوي
فالحياه مليئه بالخير والشر
ولولا وجود الشر لما عرف للخير قيمه

وشكرا على الكيك بالشيكولاته
بس مش حتنازل عن نصيبي لو قدر وجيت لقاء المنصوره

تقبلي تحياتي

واحدة مفروسة يقول...

هههههههههههههه
ما عملتهاش
كسلت
لاقيتها حتبقى شغلانة
قلت انزل اشتريها من هايبر احسن
هههههههههههههههه

مدونون من اجل الاقصي يقول...

السلام عليكم
بجد
خليلي حته كيك

قوس قزح يقول...

ايه الحكاية
استنى اما اروح اقرا اللى فات انا كنت فى غيبوبة باين

قوس قزح يقول...

يا بنتى الحكاية دى مالهاش علاقة بالنت بس
و ممكن تحصل فى الحقيقة عادى
دى ناس يا اما عندها فراغ و بتملاه او ناس مؤذية مش بتراعى ربنا و بتعمل اى شىء علشان توصل لحاجة فى دماغها

متزعليش
محدش فينا مش بينخدع فى اللى حواليه
انا كنت زيك الاول المتهم برىء حتى تثبت براءته
دلوقتى بقيت محدش برىء حتى المجنى عليه هههههههههههههههه
و بعدين اه خاليكى فى اللى تعرفيهم و شوفتيهم و اسمهم قوس قزح ههههههههه
وحشتنى يا مجرمة
انا مينفعش اعمل الكيكة دى
لانى عارفة طعمها من ايديكى
المقارنة هتبقى صعبة اووووووووى

المرة الجاية تعمليلى واحدة بالبرتقال ماليش دعوة هاه

صبرني يارب يقول...

كيكي عوعو

متشكره يا جميله

صبرني يارب يقول...

بدراوي

تنور وقتما تشاء

وان شاء الله نشوفك فى اللقاء

صبرني يارب يقول...

عاشقه وغلبانه

اااااااه خدتوا عليها بقى
ههههههههههه

ماشي ربنا يسهل

صبرني يارب يقول...

احمد كيه

حضرتك تشرف يا استاذنا وعنينا لك طبعا

ربنا يكرمك

صبرني يارب يقول...

بوسبوس

ليه كده يا ماما خلي بالك فى ربع كده فى دماغ الست مطبخي لو مش استعملتيه هايصدي انا ماليش دعوه
هههههههههههههه

هو الاحباط المطبخي ده له علاج لما اشوفك اقولك عليك بقى

نورتي يا جميل

صبرني يارب يقول...

مدونون من اجل الاقصى

حاضر عنيه ابعتهالك فى الدي اتش ال

صبرني يارب يقول...

مفروسه

نظرتي فيكى فى محلهاااااااااا شلت شلت يعنى

تنزلي تشتريها من بره اسهل ولا تعمليها فى ربع ساعه عندك اسهل

ناس غريييييييبه

صبرني يارب يقول...

قوس قزح

ماهو عشان كده انا كنت زعلانه يا داليا والله ان ليه ده يبقى موجود

وايوه خليها فى دولي وبس ههههههههههههههههههههه

وحشاني انتى كمان والله جدا جدا جدا

حتى الاميل مش باشوفك عليه ليه

!!! عارفة ... مش عارف ليه يقول...

إن شاء الله تكون الكيكة لذيذة

ويكون اليوم الذ ... الذ ... الذ



تحياتي :)
وليد

صبرني يارب يقول...

استاذ وليد

تصور مش عارفه ليه انا بقى انت جيت فى بالي امبارح
ههههههههههههههههههههه

اه والله العظيم قلت الله انا نسيت اسأل ستيته عليه هو عمل ايه اتجوز ولا لسه وده من يوم التجمع لما حضرتك كلمتنا

متشكره اوي لك وربنا يكرمك

Anonymous يقول...

هي فين الكيكة بالشكولاته
شكلك اكلتيها
هو المعدل الطبيعي للناس في الأكل كام مرة في اليوم
انا شكلي اتفجعت يا صبرني



تامر

الطائر الحزين يقول...

ايه اللى حصل تاااااااانى؟

قيس بن الملووووح يقول...

شاركونا الراي والخبره في جمعية مقاومة الطلاق

احساس طفلة محبة للرومانسية بس واقعية يقول...

صبصب هو فى اية ؟
انا مش فاهمة حاجة
بس واضح ان حد مضايقك :(
يارب يكون خير
ومجرد حالة وتعدى

دمتى بكل خير
تقبلى مرورى

فكرة من الزمن ده يقول...

انا عايزة اقولك اوعي الناس دي تغير منك
خليكي زي ما انتي
واوعي تفقدي ثقتك في ان في ناس فعلا محتاجة لك ومحتاجة انك تسمعيها
لان اللي زيك بيلاقي نفسه وسعادته لما بيخفف عن الاخرين ودي
شوية زعلولة بسيطة بسبب القلم اللي وجعك
وهترجعي تاني ان شاء الله

لان انا اتعرضت لنفس اللي بتقولي عليه والللللللللله بالظبط
الشخص لاصادق لكن اللي مايكلفش نفسه يقولك زي ما عكننتك وشغلتك احب اطمنك ان مشكلتي اتحلت


او الشخص اللي تكتشفي بالصدفة تلاعبه وامراضه اللي بينشرها بانه يختلق قصص او يعمل الناس كوبري عشان يوصل رايه لناس هو وهما ولا يساو شيء
فاتمنى ان القلم ده يخليكي فقط تقدري تفرقي بين المرضى والكدابين وبين اللي محتاجين فعلا قلب يسمعهم
انتي بجد حد حلو اوي
تحياتي

صبرني يارب يقول...

انا متشكره اوي يا جماعه

قلقكوا عليا عينى وراسي بس مافيش حاجه ما تقلقوش

وانا مش زعلانه من حد والله بس مضايقه شويه

متشكره اوي بجد