الأربعاء، 10 فبراير، 2010

مروه وامجد(لجزء التالت)


قلنا الحب حلو وفضلنا نحب ونحب ونعطف ونسنسن ورسايل وتليفونات وفرح وحزن وضحك وبكا واهي كانت ماشيه .

بس بعد شويه يمكن سنه وتدريجيا ومش مره واحده الامور اتغيرت

كان امجد بيفتح عنيه كل يوم يتصل عليها ويتطمن عليها وطول اليوم رنات وكل شويه مسجات وقبل ما ينام لازم يتصل عليها
دلوقتي مروه هى الى بتسأل فى الغالب
دلوقتي مروه هى بتطمن فى الغالب
دلوقتي مروه هى الى بتصالحه لما يزعلوا على طول

تحس انهم كمان بقوا هاديين او بقوا مملين وسعات تبص تحس ان امجد زهقان ومروه قلقانه

المهم تبصلهم تحس انهم اتغيروا

مروه يوم كانت زعلانه من امجد امبارح خرج مع اصحابه ورجع متاخر اوي وما رنلهاش يطمنها ولما رنتله بعتلها رساله قالها ما رضيتش اقلقك لما اتاخرت مع انه عارف انها مش ممكن عنيها تغمض قبل ما تطمن عليه

مروه صحيت الصبح قالت مش هاتصل ولا ممكن ابداااااااا وانا زعلانه بقى

وتاني يوم ما اتصلتش

والحقيقه امجد كمان ما اتصلش ساعه ساعتين الظهر فات والعصر فات وهى قاعده بقى تقطع فى نفسها

ما سألش عني

ما كلمنيش ... ايه ده ما بقيتش مهمه ؟؟ نساني لما ما اتصلتش ؟؟؟

ولا جايز ما صدق !!!!!؟؟؟؟ معقوله كده ؟؟!!!!

وفيييييييين المغرب كده اتصل عليها امجد

أمجد : ايه انتى فين انتى تعبانه ؟؟

مروه ببوز 3 متر الا ربع : لا مش تعبانه ولا حاجه

امجد : امال انتى فين النهارده ما اتصلتيش ولا رنيتى يعنى

مروه: يا سلام ولسه فاكر تسأل دلوقتي؟؟

امجد : اه ده انتى نفسك هفاكي على خناقه ولا ايه

مروه بعصبيه : ده انا برضه ؟؟ يعنى ترجع امبارح وما ترنليش والنهارده ما تسألش عني لحد دلوقتي وانا الى غلطانه ؟؟

أمجد : انا قلتلك امبارح ما رضيتش اقلقك والنهارده انا كنت مشغول فى ميت حاجه من الصبح وانتى كل يوم بتكلمينى ما اتكلمتيش ليه

مروه : اه هى غلطتي انى عودتك اتصل انا كل يوم ما كنت بتتصل عليا انت كمان ولما كنت اتاخر عليك خمس دقايق كنت بتتصل انت ايه حصل

امجد : يووووووووووه بقى . ده موال بقى سخيف وخنيق انتى عايزه ايه بالظبط .

مروه : سخيف وخنيق طيب ايه جابرك ما بلاش منه .

أمجد وهو بيجز على سنانه : مرووووه قلتلك كذا مره انا ما حدش يقدر يجبرني على حاجه اصلا .
ويتابع وبدأ بكا مروه يكون له صوت تقريبا : مروه من فضلك انا اتعصبت دلوقتي وانتى كمان متعصبه مش هانعرف نتكلم خلينا نهدى ونبقى نتكلم بعدين .

وقفلوا فعلا التليفون ومروه ما كانتش مصدقه نفسها هو في ايه وايه حصل امجد ليه اتغير

ولا انا الى اتغيرت ولا ايه حصلنا

قفلت وهى مش عارفه الى على خدها دى دموع حسره ولا دموع خوف

حتى مش عارفه دي دموع ولا مطره نازله على دماغها تفوقها من الحلم الجميل


وفضلوا يومين لا بيتكلموا ولا بيتصلوا ببعض
امجد بيخانق دبان وشه الى اصلا شبه علبة الببسي المداس عليها بعربيه (فاكرينها؟)

ومروه بوزها مترين ومش بتخرج من اوضتها وقالت لهم فى البيت ان عندها برد
وفضلت يومين تقريبا نايمه فى السرير بتفكر فى مليون فكره وبتحسب مليون حساب والدموع مش بتفارق عنيها

تاني يوم امجد اتصل عليها لكن هى ما ردتش وما كررهاش تاني

مامة مروة راحه جايه عليها كل شويه تسألها اجيبلك تاكلي طب اشربي حاجه سخنه
مروه تقريبا ما بتاكلش ولا بتشرب
مامة مروه قلقانه مش عارفه فى ايه ما ياما جالها برد

مامة مروه دخلت عليها كالعاده وخدالها الاكل فتحت النور واصرت مروه تقوم تكلمها
مروه كانت مستغرقه فى العياط ساعتها ما عرفتش تداريه
مامتها اتخضت اوي وجريت عليها ومالك يا مروه فى ايه
وحاولت مروه تهرب

بس مامتها ضغطت عليها وهى كانت محتاجه تفضفض

وهى بقالها يومين مش بترد على التليفون ومش بتكلم حتى صحابها


كانت نفسها ترمي نفسها فى حضن مامتها وتبكى بحرقه
....
.
ونكمل المره الجايه يا شطار

هناك 39 تعليقًا:

سمع هوص (Abo 3li) يقول...

دنا اول تعليق
ههههههههههههههههههههه
يس يس اخيرا

سمع هوص (Abo 3li) يقول...

وهو التطور الطبيعي للحاجة الساقعة...
وابتدت الدنيا معاهم لونها يغير من الوردي .. للون الطبيعي للدنيا كحلي...


ربنا يستر بقي ... اوعي ياواد يا أمجد تكسفني.. وتطلع ندل....



مستنين الباقي..

تحياتي... وصباحك لطيف

Wanda يقول...

:-)))))))))))))))))))))
طيب اقولك ايه بس
صاحيا متنكدة لاقيت الحدوتة قولت بلاش ياوندا حتقريها بمود نكدى حتطلع نكد اكيد
و بعدين رايحه جايه على النت و امر ابص عليها فى الاخر (فضول بقى عارفة الستات :-)
قولت يالله اقراها و بعدين افكر فى الشغل نفصفصها ازى :-)))
لاقتها :-))))))))))))))))))))))
مش حقولك حرام عليكى :-) بس ليه بس التطور السريع قوى ده ، دا حتى منفسهمش يتخنقوا برومنسية شوية ؟؟
خاط خيط خوط كده :-))))

بس شكرا ضحتينى اقولك ليه المرة الجاية
لما ارجع من الشغل و ارجع انط اتناقش معاكى :-))))

محمد فؤاد (صاحب عمود النور) يقول...

ايه دا؟؟؟

ليه قلبتيها غم كدا؟؟؟
ماكنوا حلوين والجو كان ربيع والدنيا عنب وقولنا فى امل

رجعيهم لبعض بقى بسرعه

صبرني يارب يقول...

ابو علي

فرحان انت فى امجد عارفاك

ههههههههههههههههه

نورت يا ابو علي

صبرني يارب يقول...

واندا

يعنى اقطع نفسي بقى
مش لازم يبقى من ده على ده

يلا مستنياكي

صبرني يارب يقول...

محمد فؤاد

انا عايزه ذمتك عمرها مشيت ربيع وعنب على طول

ابسلوتلي نوت

منور يا باشا

احساس طفلة محبة للرومانسية بس واقعية يقول...

ممتاز يا صبصب
تطور مهم اوى
وحاسة انى فهماه
ومش شيفاه نكد على عكس المتوقع
شيفاه واقع بعده الامور بتتظبط

متابعاه معاكى
دمتى بكل خير
تقبلى مرور

صبرني يارب يقول...

احساس طفله


لا من ناحية نكد هو نكد
بس هاتتظبط ممكن برضه

نورتي يا جميل

أبو حميد يقول...

على فكرة: لغاية دلوقتى القصة ماشية بتسلسل منطقى (وده رأى شخصى)

فتاه من الصعيد يقول...

ده لازم يحصل

التطور اطبيعي للحاجه اللي موش مظبوطه اوي :)

تحياتي

star in the sky يقول...

دايما بيحصل كده

لا هى حاسة بيه ولا هو حاسس بيها

هو عاوزاها تفهمه على طول و تقدره و متعصبوش وتسمع الكلام وتبقى هادية ولما تحس انه هيضيع منها تعمل نفسها مش واخدة بالها ولا كانها هنا

وهى عاوزاه يفضل دايما زى الاول يكلمها على طول ويطمن على طول وهى اهم من كل حاجة او بمعنى اصح هى ومفيش غيرها عاوزه هى تتغير بس هو لا

مش عارفة بس يمكن اللى سبب كده التوتر اللى بينهم معرفش بصراحة

بس تقربيا اول فترة فى علاقتهم ودلوقتى زى الفرق بين الخطوبة وبعد الجواز بفترة
بيبقى خلاص اتعودوا على بعض وكل واحد اتاكد انه بيحب التانى وخلاص ده غير الحب فى اوله بيبقى مختلف عن بعد كده بفترة يعنى فى الاول بيبقى الواحد حاسس انه فى حلم واخيرا لاقى حب حياته والشخص اللى يكمل معاه حياته
وهى نفسها لو كانت صبرت عليه هو نفسه اول ما يقلق او يحب يطمن عليها هيتصل وهى نفسها اول ما تشتاق له هتتصل
كل شوية كل شوية تليقونات وايميلات واطمنئان مش هيبقى فى وقت انهم يشتاقوا لبعض يحسوا انهم محتاجين لبعض مش قادرين يبعدوا عن بعض

معلش بقى طولت عليكى من الصبح برغى

يلا مستنية الجزء الجاى متطوليش احسن رجلى توجعنى من الوقفة وانا مستنية هههههههههه

ستيته حسب الله الحمش يقول...

اه عادي بتحصل والله
الشوق الشوق
الحضن الحضن
الطيران لفوق
ثم الملل التام أو الموت الزؤام

بس شهلي شوية
خلصي قبل المدارس
مش اخلاق التعليقة دي
وكويس انها ها تحكي لمامتها وده الغريب
اصل اللي متعود ميحكيش وخاصة لماما وبابا مش بيحكي لهم تحديدا اذ فجأة مهما كان تعبان

صبرني يارب يقول...

فتاه من الصعيد

فى حاجات كتير مش مظبوطه

نورتي يا جميل

صبرني يارب يقول...

أبو حميد

لااسف ماليش الا فى المنطقيه مش عارفه ليه الواحد نفسه يبقى خيالي شويه بس ما باعرفش

نورت

صبرني يارب يقول...

ستار

والله كان بودي انزل التاني النهارده بس ما كتبتوش لسه

ربنا يسههههههههل

اما بالنسبه لاحداث القصه فانا شايفه ان المبالغه الزياده بتقلب دايما لضدها

صبرني يارب يقول...

ستيته

اهو الطيران لفوق ده الى بيجيبهم على جدور رقبتهم

والله يا جميل انتى عارفه الدنيا معايا عامله ازاي الايام دي

يا مسهل يارب انا ما كنتش ناويه اخليها تطول كده والله بس طولت مني مش عارفه ليه
يلا ادينا بنسليكم برضه
هههههههههههههههههه

منور يا جميل

Wanda يقول...

انا رجعت ثانى الحق قبل ما تنزلى الجزء الرابع بناء على هتاف الجماهير
:-)))))))))))))))))))))))

صبرنى عارفة حترجعيهم لبعض قريب
قوليلى لي ؟:-))))
اصل الفالنتين جاى يا ستى :-)))
و العالم الحبيبة ديه بيجيلها ارتكارية انها تقضيه لوحدها فيتصلحوا لحد ما يعدى و بعدين فين يوجعك ثانى :-))))

هذا من الفيلم الهندى الى عايشه جنبى مع جارتى :-))))))

المهم نرجع نفصفص
انا روقت و خلصت اشاشا بس قولت ابدا مش حاهنى صبرنى على راحة بعد الطاخ طيخ طوخ ده :-))

اولا الباشا كده شكله اتخرج صح :-) و يا اما فى التكليف على الاقل او فى صيدلية كمان و شغال ليل نهار
و اى وقت فاضى مابيصدق يصيع مع اصحابه الى لسه محدش فيهم ادبس و متطمن انه مش لازم يدور على قصة حب مروة موجودة
شغلاة نفسها بيه ، تطمن و تدادى :-)

اكيد مربط يسافر الخليج يلحق يعمله قرشين يفتح بيهم الصيدلية
مروة بقت عبئ مش مجرد تسليه بالنسبة له
خصوصا شكلها سنه قاعدة فى البيت عايزة حب ومشاعر و هو عايز يغير الصنف :-))و معندوش جديد يقولها

اقوى مشهد
وفيييييييين المغرب كده اتصل عليها امجد
أمجد : ايه انتى فين انتى تعبانه ؟؟

انت تعبانة ياراجل :-)) دا سؤال
يعنى حتى محطش فى دماغه انها زعلانة (شكله نسى انها بتحس ، انا الكلمة لو اتقليتلى بصراحة حاحسها لطشة قلم:-(

ايه ده غيرتى الاغنية
متامشية مع الجزء
دانت عملالنا فيلم مش قصة :-))

بس امها حست اخيرا ياه
احمد يارب :-))

من الاخر طلعتى الصيدلة باردين و بتوع تسالى و مشاعرهم بتبرد بسرعة :-))
حبعت جواب لنقابة ترفع عليك قضية رد اعتبار الصيادلة :-)))

و بعدين خلى مروة تشتغل بقى
الشغل بيورى الناس بشكل ثانى خالللللللللص ، اقنعة ثانية خالص بيلبسوها:-(

صبرنى انت اعتبرت و احنا معاكى ان الموضوع مشى بشكل مس سليم
بس خلى فى بالك هى مماثله لاغلب قصص الارتباط و خصوصا فترة الخطوبة
اللهفة ثم الرتابة ثم الممل
لو مكنوش النصين مناسبين لبعض

مستنين الجزء الرابع على الفالنتين ماشى متتاخريش :-))
عارفك حترجعيهم
امال مين حيشترى الدباديب و القلوب و الورد الاحمر
انا ؟؟:-))))))))))))))))))

عاشقه الرومانسيه يقول...

المملوك مذهود
ده باختصار

اما عن كلامها مع مامتها فانا موافقه على رايى ستيته جداااااااا
وعن تجربه

رحله البحث يقول...

السلام عليكم
ازيك اخبارك؟
من قلب الصحرا اهو باتابع
يا ستى امجد وصفوت دول وجعوا دماغى اقعد اقرا انا تلت بوستات كلها سنسنه
طيب راعى مشاعر اخواتك الغلبانيين اللى مش بيسنسنوا
لا حلوه بس عاوزيين القافله بقى
اتشطرى كده وكفايه سنسنه

mrmr يقول...

بتعجبنى قوى اسلوبك فى سرد مقالاتك وقصصك
وكل مره بتشوقت اكثر ان اعرف بقيت القصه
وعلى فكره ده تطور طبيعى جدا فى حياه اى اثنين

حنعيش يعنى حنعيش يقول...

ماشى ياعم شهرزاد ادينا مستنيين لولا ان القصة كدة داخلة فى منعطف تاريخى ماكنتش حستنى وعلى راى المثل القوى فية الاقوى منه ...ملحوظة توبة اعمل حلقات تانى
بس والنبى بسرعة الجزء الرابع الله يخليكى

صبرني يارب يقول...

عاشقة الرومانسيه

مش دايما بيبقى المملوك مزهود برضه

بس هى وجهة نظر برضه

منوره يا دودو

صبرني يارب يقول...

واندا

ايوه ايه رايك فى المؤثرات الصوتيه ؟؟؟

وبالنسبه للفلانتين يعنى اشعقول ابدا كده يا جماعه

والله هحاول اجعهم لبعض حاضر

بس خدي بالك عدي السنين شويه صح

تلاقيهم هما الاثنين فى اخر سنه دراسيه
هو في سنه خامسه وهى فى سنه رابعه

بتنسي انتى يا وندا

الحقيقه يا واندا مش بتوع صيدله بس ده الشعب المصري كله بقى كده وحياتك
ارفعي بقى قضيه موجهه لشخصي من الشعب كله
هههههههههههههههههههه

منوره يا جميل

مش عارفه من غيرك كنت قصص ومين يفصفصها يااختي والنبى

والنبى يا واندا تاخدي فرختين حطيهم فى البلكونه عندك الا الفريزر مش فاضي عندي
ههههههههههههههههه

صبرني يارب يقول...

رحلة بحث

اهلاااااا محمد ازييييك انت فين يا راجل
وازي الصحراء القاحله على حسك كده يااخويا


طيب يعنى مش باطري على قلبكم اهو

اقطع نفسي بقى

ههههههههههههههههه

نورت يا باشا

صبرني يارب يقول...

مرمر

ربنا يخليكى ياجميل

قولي ده التطور الطبيعى فى حياة اي اثنين زي مروه وامجد

نورتي يا جميل

صبرني يارب يقول...

حنعيش يعنى حنعيش

يا باشا احنا كلنا تلامذتك
هههههههههههههههههههه

والله غصب عني التاخير

منورنا يا دوك والله

أحمد عاطف يقول...

بصي انا قريت الجزء التالت بس لسه عايش في الجزء الاول والتاني

اصل الجزء التالت دا بيبشر بنهاية انا عارفها

وببساطة الجزء التالت دا مابيستمرش كتير كده بالايام لا لا

انا اللي شوفته انه مبياخدش اكتر من 3 ايام


يوم طناش

ويوم عتاب

ويوم ضرب بالجزم وخلصت الحدوته


بس دا المعتاد في جميع انواع الحب بتاعة الجامعه واللي بيكون اول حاجه بعد المراهقه

احلى تعبير عجبني

علبة الكانز المنداس عليها دي

Wanda يقول...

الفراخ
هاتى هاتى
حعلقهم بره الشبك من عينيا :-))) -4 جو ثلاجى مثالى
و لما اتزنق حرجع اجرب شوربة صبرنى الى عملتها فى الفتة اعتقد تنفع فى الفراخ برضه
اخخخخ
وقعت بلسانى كده مش حتبعتى حاجة :-((

هما لسه بيدرسوا :-( قولتيلى
معلش بقى اعذرى امجد اخر سنة بتكون روحنا طلعت :-)) مننا مش مشاعرنا بس:-))

عايزة عودة فلانتينية كده على سياق اغنية مع الجريدة بتاعت ماجدة الرومى :-)))

صحيح
حروح انطلك فى المدونتين الثانين استنينى :-))

bobo يقول...

وحشة التعليقة دي على فكرة.. بما اني جوزائية محترمة اصيلة فانا اعاني من افة العصر الحديث وهي سرعة الزهق.. خدي بالك اجازتي اخرها النهاردة والواد عمر ابني خلاص هيعمل العملية الاسبوع دا باذن الله وهتشغل في ستين حاجة يعني الاحسن تخلصي وتكتبي الجزء اللي فاضل - نهار ازرق احسن يطلع اكتر من جزء.. بصي انا هعمل حملة لحد المنصورة اخطف حد اول حرف من اسمه صبرني يا رب وارجع.. هاه.. هتكتبي ولا ننفذ الحملة؟

mostafa rayan يقول...

علشان بس ياصبرنى تعرفي قد ايه الرجاله مستحملين وصابرين وساكتين اهو الراجل متحمل بوز 3متر إلا ربع وبردو هي مش عاجبها .. لنا الله نحن معشر الرجال
ههههههه
صبرنى هو يعنى ايه نسنسن دي؟
تحياتى لك وسلام موصول لامجد وقولي لي له بالنيابه عنى الله يعنيك يا ولدي

عطش الصبار يقول...

اه
استر يارب الاغنيه كدا ما تطمنش
انت حاطه الاغنيه دى عشان نستعد للنهايه
خليكى كدا زى كتاب القصص وغيرى النهايه خليها بناء على طلب الجماهير نهايه سعيده

Wanda يقول...

بوبو
اقفى فى الطابور :-)))
انا واقفة على طبق قلقاس بقالى شهر اهو :-)))
و لا اقولك علشان خاطر عمر (و سلامته الف سلامة يخلص من العملية على خير و يقعد ياكل الجيلاتى و الجيلى :-)) باف هناء) حديلك مكانى فى الطابور يالله شوفتى الكرم بقيت جانب الباب
وانا حبطل اقعد اخبط :-) المسئولية ديه بقت عليك :-))) نشوف الجوزاء هما الى حيقدوا عليها ؟ اصل العذراء غلبوا قوى :-((
بس و النبى
لما تقوم الحملة ادينى خبر
حاهجم انا من ناحية البحر و نحتله المنصورة :-))))))))
ونخطف بتوع الفطير كلهم
:-)) بس المدونات تتقسم
النص بالنص ، ماشى :-))

صبرني يارب يقول...

احمد عاطف

لا مش دايما يعنى

لسه والله محتاره اعمل فيهم ايه ولا ايه
هههههههههههههه

واي علبة كانز تقابلنى منداس عليها هابعتهالك جايز تنفعك فى عيد الحب وكده
هههههههههههههههه

صبرني يارب يقول...

واندا

اه هو ده الى انا كنت خايفه منه بقى

لعلمك انا صورت الشوربه لحمه وفراخ ومش لاحقه انشرهم برضه
قطعوني بقى قطعوني

هههههههههههههه

صبرني يارب يقول...

عطش الصبار

والله نفسي انهيها نهايه سعيده عشان خاطركم بس
هههههههههههههههه

منوره يا جميل

صبرني يارب يقول...

بوبو

يا حبيبتى ربنا يطمنا عليه

والله انا بدأت اكتب الجزء الرابع وبافكر اقفله النهارده مش عارفه هايبقى النهايه ولا لا

غلطه برضه انى بدأت اكتب القصه وانا باخد الكورس والعيال فى اجازه وبيتسلوا عليا وعندي ضيوف كله مع كه يعنى

صبرني يارب يقول...

يا لهوي

بت يا واندا انتى يا بت وزعتي التركه كماااااااااان

يالهوي ياني القراء المتوحشين دول يا ولاد

صبرني يارب يقول...

مصطفى ريان

اه طبعا الرجاله غلابه مووووت والستات متوحشين انت عارف
ههههههههههههه

والسنسنه اي ا لتعطيف اي السهوكه

ايه بقى اي حد عنده مفردات تانيه يقول يا جماعه