السلاااااااام عليكم يا اصدقائي
انا مش قلتلكم من يجى اسبوع ان ابراهيم العدوي عاملكم دعوه تروحوا تشوفوا النيو لوك بتاع المجله عنده
ايه ده ما حدش بيسمع كلاااااامي ليه فى الدنيا دي
اقطع نفسي
يلا بقى روحوا مجلة رؤية
شوفوا الاطلاله الجديده لرؤيـــــــة
وانا ليا هناك قصه من فضلكم عايزاكم تقروها وتقلولي رايكم عشان انا اول مره انشر النوع ده
القصه اسمها شبح فارس الاحلام
يلا سمعوني رايكم هناك احسن ابراهيم يعضنا
هناك 31 تعليقًا:
علي فكره انا روحت وعلقت
بس مفييييييييييش اي رد نوهائي
بجد مجله حلوه اوي
ثواني اشوف بقي
مافيش اي رد فين
هناك
والله ما جربتش اعلق هناك
طب تعالي قوليلي رايك هنا لو مش ظهر هناك
بجد عايزه اعرف رايكم
فعلا يا سوني لقيتها مش شغاله
طب سمعوني هنا بقى لما ابقى اشوف ابراهيم ايه اقواله
المجلة جميلة فعلاً و مليانة مواضيع و أفكاااار..
بس بصراحة بصراحة يعني و مش هقولك رأيي بمجاملة كاذبة وامشي
المواضيع موجودة في طريقة تضيع الواحد يعني معرفتش أقرأ موضوع معين
حسيت انها متداخلة في بعضها!
بس...بما ان اسمها "رؤية" فأنا اكيد كلي احترام لرؤية صاحبها و بجد مجلة تزخم بالمواضيع المفيدة :)
وفكرتها جميلة..
اما بقى القصة:
حلوة وواقعية و تحدث مع نساء كثيرات وللأسف يتم الإكتشاف دائما متأخراً بأنه "قد فاتنا شيء" والمرآة وحدها هي صديقة المرأة لأنها تكشف كل التفاصيل الدقيقة التي نخبئها أحيانا كمحاولة لخداع الزمن و أحياناً اخرى نكتشف أنه تم خداعنا من الزمن نفسه!!
مش عارفة ليه فكرتني في كلام أحلام مستغانمي في نهاية قصتك وهي بتقول "مش فاكرة النص بالضبط بصراحة بس هقول اللي فاكراه" : بتقول ان الحب دايما بييجي متأخر و في الوقت الخطأ لذلك عندما تكون المرأة في كامل اناقتها و رشاقتها و في وقتها المناسب للحب فأنه لا يأتي! يأتي الحب دائماً عندما تكون المرأة في أسوأ حالاتها أو في وقت قد تكون لا تتوقعه ولا تنتظره ولا حتى تتمناه!!
معلش طولت عليكي في التعليق بس حسيت في نهاية قصتك في السطرين الأخيرين انها لما هتخرج غير مستعدة لشيء و مش حاطة ميك أب ولا زينة,وقتها يمكن تلاقي فارس أحلامها أو حتى شبح فارس أحلامها!!!
:))
يا ريت تتقبلي مروري D:
رنا..
رنا
حبيبتى تطولي براحتك
بصي هو بالنسبه لرؤيه هو من خلال تجربتي مع مواقع كتير
انتى بتاخدي فتره على ما تتعودي عليه
زي الجرنال بالظبط لما تكوني متعوده عليه تلاقي نفسك بتدخلي تضربي بعينك على الى انتى عايزاه تقريه وتمشي
بالظبط رؤيه كده
وبرضه فىالنهايا على رايك هى رؤيا
بالنسبه لاحلام مستغانمي مقريتش الى انتى بتتكلمي عنه فى الحقيقه ما قريتش لها نصوص كامله
لكن انا بالفعل كان قصدي كده
انها قد تكون الاقنعه بتاعتها حجبت جمالها الحقيقى كانثى
وده يمكن هى مش شايفاه فى نفسها
تحياتي ليكى يا جميل
ومنوره
هى القصة واقعيه ومنطقية وحلوه يا صبرنى واسلوبك حلو قوووى
لكن انا كنت مستنى نهايه مفاجاه اكتر من كدا
تسلم افكارك
محمد فؤاد
الاول مرسي
بس الحقيقه هى اصلها ما تعتبرش قصه بمعناها المعروف ولازم يبقى لها نهايه
ده مجرد موقف حتى موقف مع النفس
مش محتاج نهايه مبهره انما محتاج نهايه عقلانيه فلسفيه شويه
منووووووور يا محمد
معلش معلش .. مش هنعمل كده تاني يا ميس :)
المشكله يا ميس ان مش كلنا عايشين جوه مصر .. و صعبه شويتين حكاية اننا ننزل دي ... و كده مش عارف ازاي ممكن أقرأ القصة اللي انتي كاتباها .. :(
بس ان شاء الله لما أنزل الشهر الجاي هسأل عنها :)
اتشرفت بيكي .. اول زياره ليا و ان شاء الله مش الأخيره طبعا .. و يا ريت تشرفيني في مدونتي المتواضعه .. بس خلي بالك .. مش عايزين تريقه .. عشان انا لسه في كي جي ون تدوين :(
هنا
http://ahmedabdulmohsin.blogspot.com/2010/01/blog-post_25.html
نوريني
علم وجارى التنفيذ
وارجع اقولك رايي بقا
تحياتى
بصى هى قصة سطورها صغيرة شوية
بس فيها حكايات كبيرة اوى
عشت معاكى حكاياتها اوى
شفت فخرها بمقعدها اللى عاشت تحلم بيه ونالته
شفت صحابها اللى وحشوها
فرحت معاها بيوم تخرجها
وشفت وشها من غير اى مساحيق تجميل
بس القلب اللى حب اوى مرة
يقدر يحب ويتحب تانى وتالت
اكيد القلب اللى مبينساش حد بيحبه او حد دخله هيلاقى حد يفهمه ويحبه ويتمناه
قصة ممكن تكون بتحصل لناس كتير
عجبتنى اوى
تحياتى
قصة حلوة ياشيماء
تسلمى عليها
انا رديت هناك ولسة الرد ماظهر
ربنا يوفقك ويكرمك
مع خالص تحياتى
احمد لو خانتنيش الذاكره
ايه ده انا مش فاهمه حاجه
تنزل فين
هالبت انت فاكر انى كاتباها فى مجله مطبوعه ولا ايه؟؟
هى مجله الكترونيه دوس على اسم القصه فى الموضوع بره هاتروح هناك
وطبعا هاجي اتشرف بك ان شاء الله
نفين
متشكره اوي اوي ربنا يكرمك
وانا سعيده انها عجبتك
وفعلا انا احساسي وانا باكتبها كده ان كل لمحه من دول بتمثل لها مرحله او قصه فى حياتها
متشكره يا جميل ونورتي
تامر نبيل
متشكره لك يا فندم وهاروح هناك اشوف تعليقك طبعا
اتشرفت بك
تم يافندم....
عيب عليكي احنا بنسمع الكلام ...
بس تعرفي دي اول مرة اعرف اسمك الحقيقي... والقصة جميلة... بس فيها تحييز شوية ضد المرأة وانا بحب نوعية التحيز ده بصراحة..
تحياتي يا شي... اقصد ياندي..
سمع هوص
يا راااااجل
هو فى حد فى البلوج مش عارف اسمي واسم جوزي وعيالي كمان
ههههههههههههه
عموما هو اسمي مش سر بس هو الحقيقه الاداره العليا بتضايق لما حد يندهنى باسمي تقريبا حاسس ان اسم المرأه عوره
مش مشكله احنا بنقول السمع والطاعه ملايكه يا ناس تقولوا ايه
متحيزه للمرأه ؟؟
ما انا المرأه يا ابنى حد ما بيتحيزش لنفسه
هههههههههههههههه
بس على فكرة انا كلامي بيعتبره البعض مناهض لافكار حرية المرأه والمساواه والبتنجان وكده يعنى
انا شايفه انها ندمانه انه اهملت نفسها كانثى وعاشت حياه تانيه اتمنتها يوما بس لما وصلت لمبتغاها لقته مش كفايه
مش محقق لها سعاده كافيه
تحياتي لك يا باشا ونورت
لازمن ولابد نحترم قرارات ورغبات القيادة العليا... واحنا نقدر نكسرله أمر...
لفت انتباه: انا قلت تحييز "ضد" المرأة ... مش تحييز للمرأة...
علشان كده انا كنت مبسوووووط.... ههههههه...
بالمناسبة ... اسم اولادك ايه؟؟
لازمن ولابد نحترم قرارات ورغبات القيادة العليا... واحنا نقدر نكسرله أمر...
لفت انتباه: انا قلت تحييز "ضد" المرأة ... مش تحييز للمرأة...
علشان كده انا كنت مبسوووووط.... ههههههه...
بالمناسبة ... اسم اولادك ايه؟؟
ابو علي
تصور ما خدتش بالي
ضد المرأه
لا لا طبعا حد يبقى ضد نفسه
ده حتى المجنون بيبقى عاجبه حاله يا راجل
انما الحكايه انى شايفه ان الشعارات الفارغه دي ضرتها ما نفعتهاش
قست عليها وخلتها تتبهدل اكتر وتتعذب اكتر
عارف ما تخلي واحده ارستقراطيه تلم حطب من الغابه باديها الناعمه البسكويت ؟
اهو احنا عملنا كده فى الست وبدل ما تاخد حقوقها
شالت واجبات فوق واجبتها
وولادي اسمهم مريم ورحمه وخالد
اي خدمه يا ابو علي
هههههههههههههه
عندك حق... الست لما قعدت تطالب بحقوقها تطالب بحقوقها... كان طبيعي ان يبقي مع الحقوق دي واجبات... والواجبات دي كانت صعبة علي المرأة... مش علشان هيا ضعيفة... بس علشان هيا مرأة... ودي طبيعيتها ال ربنا خلقها بيها... مينعش احنا نعمل اب جريد للطبيعة دي... هههههه....
وربنا يخليهوملك... ويخليهم ل سي الاستاذ جوزك.... هههههههههه...
علي فكرة انا بحب اسم مريم... فلو مش مستعجلة علي جوازها... انا موجود... وبكون نفسي... علي مكون خلصت تكوين... تكون كبرت وبقت علي وش جواز ان شاء الله... بس مومكن تستناني برضو شويتين...ههههههههههه
ربنا يخليهوملك كمان مرة
لا الحقيقه مش هاينفع حكاية تستناك دي
اصل الحقيقه الطوابير حضرتك ماليه الشارع الناس مش عارفه تمشي
طوابير ايه ؟؟ العرسان طبعا يا ابنى
على فكره مريم عندها 10 سنين
يعنى ممكن ما تستنكش بصحيح شوفت بقى
هههههههههههههههه
طيب منا هقف في الطابور منتي عارفة اننا بقينا شعب تخصص طوابير... جت علي مريم.. نوقفلها هيا كمان في الطابور... يمكن تلعب معايا...
ثم ايه الاحباط ده... "يعنى ممكن ما تستنكش بصحيح شوفت بق" ... ينهار اسود... وانا هقعد كل ده بصحيح منغير جواز؟؟؟!!!
بس تصدقي ممكن فعلا.... لما يكون عندها 21 سنة -سن جواز- انا هبقي بلعب في ال 35... اكوون يدوب جبت خلصت اقساط الشقة... هههههههههههههه...
لا يستي يفتح الله... 10 سنين كبيرة عليا... انا عايز حاجة تكون 6 او 7 سنين بالكتير... ههههههههه
الحقيقه يا ابو علي
كان بودي السن ده محجوز
ابراهيم العدوي حاجز البت رحمه
ههههههههههههههههههه
اينعم سعد زغلول قال مافيش فايده
بس مصطفى كامل قال لا ياس مع الحياه ولا حياة مع الياس
هاتتجوز ما تقلقش الصبر بيبلغ الامل
هههههههههههههههه
فقري طول عمري.... هوووووووووووف....
طب شوفيلي عروسة من اصحاب رحمة بقي وخلاص..
بصى بقى يا دردر
انا كتبت تعليقى
لاقيته بيقولى 500 حرف بس
و انا بتغاظ من الى يحط ايده على الكى بورد :-))))
قولت انط اغلس هنا
اولا دردر
حتزعلى منى
بس و لا يهمك طالعية فى نوتى :-))) اصلى متغاظة منها شويتين :-))
اولا الحدوتة باللغة الفصحى
و حساها فيها كلمات بتقرص :-))
زى مثلا كلمة عار :-( دماغى و الف بوت جديد انها تكون انسب عارية
اكيد ليها دلال معنى اكبر كعار بس تقولى ايه الدماغ بقى :-)))
ثانيا فعلا تحيز ضد المرأة بشكل قاسى
امال سبتى الرجالة يكتبوا فى حياتها ايه :-))))
و بعدين عمر ما المكياج و الزينة ما بيخفى الحزن و الالم :-) ده لو حد بيبص بجد
هو مجرد قناع علشان الناس تستريح و ما تسالهاش مالك ؟؟ يعنى حيعملولها ايه هما؟؟ و كمان محدش عايز يشوف خلقة عكره على الصبح :-( عليه بكده محدش حيعبرها :-))))
و فى الاخر محدش بياخذ الا ايه :-)) نصيبه :-)))
بماانى زعلانة من المجلة و تعليقها ليا
فانى اطالب بفطيرة ترضية خصوصى :-)))
يعنى عملالى احتلال عندى و مش جايبه حاجة فى ايديكى طيب كوباية زبادى طيب :-(((
عموما
كل سنة و انت طيبة يا دردر :-))))
شجرات اخر زمن (زمان شجرة الدر كانت بتبتر ذهب على الرعايا زمن نرجعله ازى ؟؟)
ابو علي
اوك شد حيلك انت بس وقول انا جاهز
هههههههههههه
وندا
ازعل ليه ؟؟
أنا ما بازعلش من اي نقد محترم ابدا ابدا ابدا
حقيقى مش كلام والله
ندخل فى كلامك بقى
مش فاهمه بصراحه ايه وجه اعتراضك على عار
عار = عاري بس الياء حذفت (اسم منقوص)
انا مش ضليعه اوي فى قواعد النحو
بس اعتقد ان الاسم لو كان الى قبله مجرور وهو من غير الف ولام بتتحذف الياء ويحل محلها تنوين
انتى يظهر فهمتيها عار=sham
ابسلوتلي نوت
عارٍ بالتنوين تحت الراء
وعاري هنا عايده على وجه
بوجه عاري
نيجى لموضوع التحيز ضد المرأه
اطلاقا والله
انا بس شايفه انها ظلمت نفسها فى عصرنا الحالي
وبعدين بصرف النظر عن موضوع النصيب ده لانه مش مجال الفكره خالص
انا لا يمكن الوم البنت على تاخر سن الزواج لان مش هى السبب لواحدها حرام اشيلها الليله كلها
انما بطلة القصه هنا قررت بمحض ارادتها انها تستغنى عن الجواز والاسره واعتبرتهم معوقات لمسيرتها
وتوقعت ان وصولها للمكانه العاليه فى العمل هايعوضها عن الزوج والاسره والامومه
بس ده ما ينفعش لانه ضد الفطره اساسا
ضد فطرتها الى ربنا خلقها عليها
الفكره هنا انها حاسه انها ظلمت نفسها غير الى بتكون بنفس راضيه بتقول قدر الله وما شاء فعل والنصيب وكده يعنى
فهمتى حاجه ؟؟؟
انا مش ضد ان الست تشتغل وترقى علميا
بس ما تنساش نفسها وحياتها
الرجل بيشتغل ويترقى علميا بس ما بيعتزلش النساء عشان يثبت رجولته
هى كمان مش محتاجه تثبت انها تقدر تبقى راجل
عشان هى اساسا مش راجل هى ست وليس الذكر كالانثى
اوقات الانثى اجدع طبعا
ههههههههههههه
وبالنسبه للمكياج والاقنعه ده حضرتك شيء رمزي فى القصه مالوش اي علاقه بالخلق العكره
هههههههههههههههههه
الاقنعه الى هى بتستخبى وراها دي هى الى تعبت منها
مش قناع المساحيق تحديدا ده مجرد رمز
والفطيره يا وندتى نخليهم دسته يا ضنايا انا ليا كام واندا
وبعدين بصي امبارح اصله العفاريت كانت بتتنطط فى وشي شوفي كده تعليقات عند كل الناس تلاقيها شكل مع نفسي كده
عايزه زبادي طب الى عندي بايت يا اختي والنبى
بصي على المغرب كده هاتبقى فى جبنه طازه اجيبلك كيلو واجي واختي
ههههههههههههههههههه
القصه حلوة اوي
بس بقالك فتره فعلا عماله تكتبي لنا قصص هتخلينا نعيط ههههههههههههه
وشكلك مخططه تكتبي للتليفزيون والسينما
بالتوفيق دائما ياندى الياسمين
مين دي صحيح ههههههههههههه
تقبلي مروري وتحيتي
قلم رصاص
لا تعيطوا ايه بقى انتم لسه شوفتم عياط
ههههههههههههههه
تلفزيون والسينما الحقيقه بوضعهم الحالي لا اتمنى
جايز لما امسك الحكم بقى
والله يا سيد انا فعلا مش عارفنى والموضوع بجد يعنى
بس قدر الله وما شاء فعل
ازيك يا ندى
تحياتى
حاضر انا رايح مجلة رؤيه عشان اشوف ايه الموضوع ولا تقطعى نفسك ولاحاجه .. انا بحب اسمع الكلام من سكات
تحياتى
متشكره يا استاذ فشول ربنا يخليك يارب
لا حضرتك الى نسمع كلامك طبعا ونقول حاضر ونص
مستنيه اسمع رايك
إرسال تعليق