الثلاثاء، 18 مايو، 2010

تاج الثأر للكرامه

السلام عليكم يا اصدقائي

الحقيقه عجبتنى فكرة ستيته جدا جدا  وهو تمرير تاج الثار للكرامه 

ملخص الفكره هى اننا كمدونين ننشر  الكليبات الى تحت  دي فى حمله للمطالبه بحقوق الاسرى  المصريين
والكليبات دي  اجزاء من برنامج سري للغايه
الحقيقه انا شوفتها من  سنين  على قناة الجزيره(ايام ما كنت باشوفها) اول ما اتذاعت واكأبتنى جدا

واول حد شوفت عنده الموضوع كان ستيته وهى دعت لتمرير  الكليبات دي بينا كتاج

والفكره عجبتنى  فعلا جدا
وادي الكليبات اهي

الجزء ا لاول



الجزء ا لتاني





حقيقى حاجه توجع القلب وحاجه تقرف اه حاجه تقرف الى احنا فيه

بس خلوا بالكم العالم كله عنده حق يدينا  على قفانا يا نااااااااااااس

مش  احنا الى مدينهم قفانا ؟؟؟

طب انا موقعي المتواضع ده انا عايزه حقي ومش  هاسيبه ومش  هتنازل  عنه ومش بانساه

ومن يوم  ما شوفت الحلقات دي من سنين ومش بانساها ومش هسامح فى حقى حتى الموت

اينعم انا مش عارفه اعمل  حاجه قاطعه بس ادينا بنقووووووووول وهانفضل ان شاء ا لله نقول 

ويارب يجي يوم ويجي حد يقدر يعمل حاجه اكتر من كده

وطبعا بامرر التاج  ده لاصدقائي












صيدلانيه طالعه نازله


اتفضلوا يا بهوات عايزه شغل شغل شغل  ايه النوم الى انتم فيه ددددددده حتى الاضراب بتاع 17 مايو كنتم نايمين نوم بشع ايه ده

اصحواااااااااااااااااااااااااا

هناك 23 تعليقًا:

خمسة فضفضة يقول...

لا يضيع حق وراءه مطالب
وزي ماهما بيهللوا للهولوكوست من سنة 45 لحد دلوقتي احنا كمان هانعمل زيهم واكتر

:))

محمد عبد الغفار يقول...

طب انا شفتهم ومروا على خلاص ، اعمل ايه بقى؟

ندى الياسمين يقول...

خمسه فضفضه

لا احنا اصل ما بنعرفش حتى نطالب بحقوقنا اصل مش فاضيين للكلام ده

تحياتي ليكى يا جميل

ندى الياسمين يقول...

محمد عبد الغفار

ولا حاجه يا باشا كافيه نورك
هههههههههههههههه


شوف يا سيدى تتفضل حضرتك تقبل التاج وتنزل موضوع عندك برضه بيتكلم عن نفس الموضوع وبيعرض نفس الفديوهات وتمرر التاج من عندك لعشره من اصدقائك او اي عدد تحبه

بس كده

اي خدمه :)

قلم رصاص يقول...

ايوووووووا هو دا الشغل ولابلاش
ناس متجيش الا بضغط ستيتاوي ههههههه

كفايه اننا نفضل فاكرين حقنا اللي بيثبت جرائم هؤلاء الاوغاد حفدة القرده والخنازير .. لأنه اكيد هيجي يوم من الأيام تكون فيه خطوات عمليه للقصاص

تحيتي لشخصك الكريم ياام مريم

تقبلي مروري

فتاه من الصعيد يقول...

ما ضاع حق وراءه مطالب

شكرا لتمرير التاج لي ... وانا هنشره قريب بعون الله بعد تصليح الداونلوود مانجر عندي

عايزين الموضوع ياخد خطوه اكثر ايجابيه... كمان للذاكره لأن الصهاينه بدأو يشيلوا الفيديوهات دي من النت خوفا من المسائله الدوليه

تحياتي

Wanda يقول...

دردر
انا رديت :-)
و ياريت مطوليش فى التجهيز للزيارة يا دردر
انت عارفة طابور البوستات يا دردر

و النبى و انت جاية صنية سمك صيادية كده و معاه الرز و الطحينة :-)))))

و تدخلى المدونة حافية
:-) مش لانها جامع لا علشان غرقانين و عندنا فيضان :-))

ahmed_k يقول...

برنامج سري للغايه كان برنامجا أكثر من رائع
ومقدمه يسري فوده بحق نجم يتلألأ في سماء الإبداع الإعلامي
وحقوق الأسرى المصريين لابد أن تسعى الدوله والشعب بالضغط من وراءها لأخذها وكفانا تنازلات

غير معرف يقول...

فعلا حاجه تقرف
جزاكي الله خير

ندى الياسمين يقول...

قلم رصاص

الف شكر يا باشا ونورتنا

ندى الياسمين يقول...

فتاه من الصعيد

لازم احنا نتحرك هما ما بيبطلوش حركه طبعا احنا نايمين فى العسل

تحياتي ليكى يا جميل

ندى الياسمين يقول...

وندتي

روحت يا جميل وشوووووووفت

سمك وصياديه استنى بقى اشحتلك من الجيران انا عندي النهارده بطاطس وفراخ

بس الجيران عندهم صياديه
الى هما ماما يعنى


حافيه ؟

طب البس بوت بلاستك طيب هههههههههههههههههههه

ندى الياسمين يقول...

احمد كيه

ايوه يا فندم انا كنت متبعاه زمان على الجزيره

ايام ما كنت باشوف الجزيره


التنازلات اصلهم ما باقوش مننا ما يهمهمش نتنازل ولا نتحرق

تحياتي يا فندم

ندى الياسمين يقول...

غير معرف

تسلمى يارب

(ست* جنى* الحسن) يقول...

سلامو عليكو ..
صدقينى اللى يفرط فى كرامته يحصلو اكتر من كدة.ربنا يعافينا
انى احبك فالله
برجاء قبولى صديقة للمدونة
لك تحياتى

richardCatheart يقول...

الله ينور يا ياسمين
الكل لازم يشارك ويقول
ونرجع تانى نقول ونفضل نقول

ممكن بس لوسمحتى اعرف منك ازى اخلى التيوب يظهر فى البوست

انا عرفت بالدعبسه ازاى الينك يظهر ويستخدم فى المشاهده

بس عايزه اخليه فديو يشاهد على طول من خلال البوست زى عندك

احسن انا متاخره فى عمايل الواجب اووووى شكلى كده هابقى طالبه مش ولا بد ههههههههههه

ندى الياسمين يقول...

ست جنى الحسن

الا قبولك ده انا اتشرف يا جميل

ومتشكره ليكى اوي ونورتي

ندى الياسمين يقول...

قلب القطه

اه دي بسيطه خالص

بصيى انتى تروحي على اليو تيوب طبعا اعملي كليلك على الفيديو عندي هايوديكى

وبعدين تحت الفيديو على صفحة اليو تيوب
هاتلاقي مكتوب embed

هاتعملي كليك عليها هاتيديكى صيغه اتش تي ام ال

تاخدي الصيغه كوبي

وتروحي على صفحة التحرير فى المدونه

الى بتكتبي فيها البوست

فوق كده هاتلاقي في خيارين

التاليف ... و html

تختاري html وتحطي عليه عليه الصيغه الى خدتيها من يو تيوب

وترجعي بقى على وضع التاليف تاني

وتكتبي البوست بتاعك عاااااادي جدا

وهايطلع فيه الفيديو

اي خدمه يا جميل

richardCatheart يقول...

ايه الحلاوه دى والناس الجدعه الجامده دى

عملت الخطوات وكله تمام ولما نزلت الينكات كبيره ومبئلظه بس بعمل معاينه ظهره لينك بس مش فديو شاشه ياعنى

هى كده صح وهاتظر لما البوست ينزل ولا فى حاجه غلط

ومتشكره اوى يا ياسمين على اهتمامك وتعبك
انت عارفه الغريب اعمى ولو بصير

reem يقول...

حبيبة قلبي تم النتفيذ خلاص

ميرسي على التوجيهات ياقمر

بجد الموضوع مهم اوى

وجزاكى الله كل حير انتى وستوتة ياااارب

richardCatheart يقول...

كتر الف خيرك ياندى الموضوع نزل بفضل الله ومساعدك ربنا يباركلك

ندى الياسمين يقول...

قلب القطه

معلش يا جميل انا كنت بره ماشوفتش التعليق الاولاني يا جميل معلش

والحمد لله ان حصل خير ونزل الموضوع هاروح ابص عليه حالا

ومش تقولي شكرا على ايه بس يا قمر ده اقل واجب قولى انتى بس

ندى الياسمين يقول...

ريم

حيااااااااتي

منوره يا جميل وشوفت الموضوع طبعا

اموووووووووووووووووه