الخميس، 27 مايو، 2010

الليالي المصريه

السلام عليكم

الليالي المصريه  دي دعوه موجهه من الدكتور اسلام مدونة حانعيش يعنى حانعيش

حاجه على غرار ليالي الحلميه اهداء مننا للكاتب اسامه انور عكاشه  ربنا يشفيه

والحقيقه انا عاجبنى فكرته وفكرة العمل الجماعي اننا كل واحد هايكتب ليليه 

وهو الحقيقه مقترح انها تكون الف لليله مش عارفه بيعمل فينا كده ليه
هههههههههههه

وهو بدأ فعل امبارح وكتب الليله الاولى

وانا اتشرفت وكتبت التانيه  وانشاء الله ينشرها عنده

ياريت تبصوا علينا وياريت تشاركونا كلكم

هنـــــــــــــا    تفاصيل الفكره عند الدكتور اسلام

وهنـــــــا    اول ليله من الف ليله ان شاء الله

مش عايزه حد يكسل ويطنش كله يتفضل يشرفنا ويشارك معانا


هناك 18 تعليقًا:

مصري جدا يقول...

طبعا طبعا يا صاصا

أنا أول واحد

هيطنش

ahmed_k يقول...

فكره حلوه
ربنا يوفقكم
تمنياتي الطيبه لكم ولكل المشاركين

وأرجو من الله الشفاء للأستاذ أسامه أنور عكاشه

richardCatheart يقول...

جميله الفكره عجبتنى وعجبتنى اليله اللى كتبتيها

تسلمى ياندى وان شاء الله هاكون معاكم

هوبتي يقول...

انا معاااااااكم ان شاء الله
ويارب بس الليلة الي اكتبها ما تبقاش الليلة السوده او الليلة الحمره ههههههههه

بهزر

محمد عبد الغفار يقول...

بالتوفيق

خواطر شابة يقول...

عزيزتي انا بعدك بس حألاحق على مين ولا مين ميار ولا مدير الشركة اللي اتعينت فيها ولا فهمي افندي الغلبان ولا مراته زينب ولا احمد التلفان اللي ما بيعمرش في شغلانة ولا محمد الطيب طالب كلية الطب ولا حلوة المعشر دعاء طالبة كلية الاداب ياالله يا مسهل أدعيلي
تحياتي وودي

فتاه من الصعيد يقول...

موش فهمت :(

رحت قريت وموش فهمت

يعني هنكتب ابطال ليالي الحلميه باحداث تاني ولا ايه ؟؟

تحياتي

الازهرى يقول...

تمام سيادتك يافندم
حالا أكون هناك

غير معرف يقول...

وانا كمان هنطش
لان مليش في الكتابه الصراحه

ندى الياسمين يقول...

مصري جدا

ماشي ماشي خليك فاكرها
:)

ندى الياسمين يقول...

احمد كيه

ايه ده من بعيد لبعيد
لا لازم تشارك معانا هانستناك تحجز دورك

ندى الياسمين يقول...

قطقوطه
تسلمى يا جميل ومستنياكي تشاركي

وسمعت صوتك النهارده مبسوطه

ندى الياسمين يقول...

هوبتي

اي لون ولا يهمك

هههههههههههههههههه

ندى الياسمين يقول...

محمد عبد الغفار

شكراااا

مش هاتشارك معانا ؟

ندى الياسمين يقول...

خواطر شابه

هههههههههههههههه والله فتحتلك ابواب كتير اهو

وانتى كمان طلعتي شخصيات كتيره

تسلمي يا قمر

ندى الياسمين يقول...

فتاه من الصعيد

انتى بالذات هاكتفك واخدك تشاركي

بصي يا بطه

احنا لا مش هانعمل شخصيات ليالي الحلميه

احنا هانعمل شخصيات جديده وكتيره واحداث بس د اسلام ساماها كده على غرار ليالي الحلميه

يلا روحي احجزي دور بقىىىىىى

ندى الياسمين يقول...

الازهري

تمام يا باشا انت كمان هاتشارك بالعافيه

ايوه هانكتفك وناخدك هناك

ندى الياسمين يقول...

غير معرفه

طب ما تجربي جايز تظبط معاكي ؟؟