السبت، 3 يوليو، 2010

أنا جييييييييييييت

السلام عليكم يا اصدقائي الاعزاء

وحشتوني جدا جدا جدا

اولا كنت مسافره بقالي اسبوع
وثانيا ليا كتير ما رغيتش معاكم والرغي واحشني موت موت موت

شكرا لكل الناس الى سألوا عني على المدونه والميل وكل حاجه

وسوري انى ما قلتش لكل الناس انى مسافره بس  انا كنت متردده لاخر لحظه ونفسي اخلع من السفريه دي

والدروس المستفاده من اجازه المصيف السنه دي زي كل سنه تقريبا

والى هى

قلت للهم راحه اتفسح قال وراك وراك هو انا مكسح ؟؟!!

مش انا قلتلكم السنه الى فاتت لما تلاقوني راحه اصيف امنعوني يا جدعان

انا كل سنه باروح بمحض ارادتي وفاكره ان ممكن يكون الحال افضل

اما السنه دي والله مش بارادتي بضغوطات مختلفه

حسبنا الله ونعم الوكيل

المهم هاسترد قوايا العقليه والجسديه وارجع ارغي واكل دماغكم فى اقرب فرصه

تحياتي يا اصدقائي الاعزاء

هناك 34 تعليقًا:

مصري جدا يقول...

لا حول ولا قوة الا بالله

يعني لا قوى عقليه ورضينا وسكتنا وفلنا معلهش ربنا يشفي

كمان ما فيش عضلات!!!!!!!!!!!

طب يعني لو السخص مننا أتزنق في عاركه يروح يجيب مين يعني؟

ali younes يقول...

الاخت ندي
الف حمد للة علي سلامتك...
بجد وحشنا رغيك يا أجمل رغاية في الوجود ...
احنا جهزين لسماع الرغي الجميل ...
هاتي ما عندك
م / علي يونس

Shaimaa يقول...

أنا قلت كدة برده يا ندنود ... أكيد أجازة مصيف... ألا صحيح الواحد بيرجع مكسر من المصيف ليه...؟؟؟ يمكن عشان بننتقم من الأجازة خروج وفسح
لأ ولازم نرجع واحنا تخنانين على الأقل 5 أو 6 كيلو

المهم حمدلله على السلامة ووحشتينا

حاجات جوايا يقول...

نورتى البييييت
هههههههه
حمدا لله على السلامة يا ندود
معلش ده شعارنا كلنا يا اختى
اصل الهم بيخاف يقعد لوحده
هههههه
بس هى وصلت للحسبنة
ربنا يعينك
فى انتظار رغيك يا جميل

خواطر شابة يقول...

حمد الله على السلامة وحشتينا عزيزتي
مستننين ترتاحي ونحكي لنا فلا تتأخري علينا
دمت بود عزيزتي

محمود(باحث عن حب) يقول...

حمدا لله على سلامتك

richardCatheart يقول...

الف حمد لله على السلامه يا نودى

طبعا اتهديتى متاكده من دا هههههههههههه

يارب كل سنه وانت بخير وعقبال كل مره

بوسيلى الولاد

رحــــيـل يقول...

حمد الله ع السلامة يا جاى من السفر
وحشتنا الابتسامة ووووو الرغى بتاعك طبعا

----
هو انتى ايه موقفك من لقاء دمياااااااط ها ؟ اممممم اعوى تكونى ناوية تزوغى

ستيتة حسب الله الحمش يقول...

اتحججي اتحججي
قال لما تلاقوني مسافرة اصيف امنعوني
ما انتي مقلتيش علشان كده :)
والله يا ست انتي بقالك كتير جدا سايبة فراخ في البلوج
مش على قد الأسبوع بس
نؤ
انتي بقى لك فترة مريعة فوق الفظيعة مش بتكتبي حاجة
ما تقوليش لي الأحوال صادة نفسي على رأي زكي رستم
دي حالة عامة بس شدي نفسك
افردي طولك
الحصان ميحبش الفارس الخايف :)
وحشاني جدا
والماشنجر كل ما أنزله يبوظ ومش فاهمة معمول له عمل ولا ايه؟
بوسي العيال

ستيتة حسب الله الحمش يقول...

كفاية اني سمحت انادي لك ندى وانا نفسي مصدودة
ونفسي أنطق الإسم اللي بحبه اللي عامل زي المخضروات وممنوع علينا
يبقى تلمي الدور وتهشي التعابين وتعدلي شكل أم المدونة دي
من بعد البيت اللي فات اللي 3 أوض وصالة وكان شرح وبرح
كل ما أدخل هنا ألاقي نفسي في فسحة كده غير محددة الهوية
الستاير والسجاد الله يخليكي
حلي الكيس شوية :)

قلم رصاص يقول...

حمدلله على السلامه

بيتك ومطرحح ورجعتي له تاني

يلا منتظرين الرغي

ندى الياسمين يقول...

مصري جدا

عاركه ؟؟

اممممممممم

انا عندي فى هذه اللحظه فى البيت حوالي عشر عيال كده ابعتهوملك والله يطفشوا بلد

ندى الياسمين يقول...

م.علي يونس

ربنا يخليك يارب متشكره اوي
عنيه هاشتغل فى الرغي اهو

ندى الياسمين يقول...

شيماء

فسح ؟؟؟

اه ثم اه

شوفي يا بنتى اه تخنانين دي ممكن من كتر ا لاكل الى باطبخه لازم ندوق يعنى

فسح مين يا ماما ده الفسحه نفسها مشقه ما بعدها مشقه
تخيلى نفس خارجه كده وواخده معاكي سبع تمن عيال ومودياهم الملاهي
طبعا غطينى وصوتي يا امه

ندى الياسمين يقول...

حاجات جوايا

الله يسلمك يا جميل

ايووووووه يا فهمنى انت بيخاف يقعد لوحده

ندى الياسمين يقول...

خواطر شابه

مرسي يا جميل الله يسلمك عنيه حاضر

ندى الياسمين يقول...

محمود باحث عن الحب

الله يسلمك الف شكر

ندى الياسمين يقول...

قلب القطه

الله يسلمك يا جميل

اه والله العظيم ضايعه خالص

مرسي يا جميل وحشاني

ندى الياسمين يقول...

رحيل

لا لقاء ايه
صعب اوي

انا ما انا بقالي اسبوع هناك يا بنتى مش عارفه والله شكلها مش هاينفع خالص

ربنا يسهل عموما

هو امته يا ساره انا ما عرفتش رسيتوا على ايه

ندى الياسمين يقول...

ستيته

لا والله انا مش خايف ولا حاجه واه نفسي مصدوده

بس هاكتب برضه بس الليالي كانت شاغله المدونه انتى عارفه

ان شاء الله هارجع اكتب طبعاااااااااااا
طول ما فيا نفس

وما تفكرنيش باسمي القديم اصل انا بادخل مدوناتي وابص عليهم وعلى اسمي القديم

وافتكر اخرجونا من ديارنا وازعل اوووووووووووووووي بشكل لا تتخيليه والله
يلا نصييييييبى كده

ندى الياسمين يقول...

اه يا ستيته على فكره انتى وحشاني موت موت موت والله

والماسنجر هاقطعععععععععه ده رخم اوي بقى

ندى الياسمين يقول...

قلم رصاص

الله يخليك يا سيد متشكره اوي ربنا يكرمك

نورت يا باشا

فتاه من الصعيد يقول...

حمد الله ع السلامه :)

ومعلش في ناس التعب مكتوب عليها :)

مستنيين جديدك ..

تحياتي

Manar يقول...

حمد الله على السلامة ياقمر
نورتى المدونة :)

MR.PRESIDENT يقول...

حمدا لله علي السلامة يا راجع من السفر
وإن شاء تكون بخير
وترغي زي ماانتي عايزا :))
ربنا يوفقك في حياتك قادر يا كريم .

فتاه من الصعيد يقول...

على فكره

انا عملت انقلاب في المسلسل بس طبعا ماكنش منطقي فالريسه كتر خيرها وجهتني :)

عموما جريت الاحداث شويه ... وان شاء الله تلاقي اللي تتمنيه :)

تحياتي

Wanda يقول...

دردر
حمد الله على السلامة
اسمرت يا جميل ؟؟:-) روحتى فين بقى ؟؟

عايزنها قصة سواحلية ملتهبة بنار الشطأن بقى
بقالى زمن مش عارفة لا اقراء ليالي و لا اعلق عندك :-) ينفع كده برضه ؟؟؟

و بعدين الصيف الجى حبقى اقولك عودى يا هاميس :-)) اعقلى يا هاميس :-)))

غير معرف يقول...

حمد لله على السلامة
عبد الجليل

ندى الياسمين يقول...

فتاه من الصعيد

اه والله تصدقي يا بنتى فى ناس كده فعلاااا بيبقوا وش شقى

مرسي يا جميل ونورتي

ندى الياسمين يقول...

منار
الله يسلمك يا جميل ده نورك انتى يا قمر

ندى الياسمين يقول...

الريس

مرسي ربنا يخليك متشكره اوي

ندى الياسمين يقول...

فتاه من الصعيد

يا وهوي عليكم اعمل فيكم ايه

بنقول احداث

مش زلزال
هههههههههههههههههههه

ماشي هانشوف النهارده بقى ان شاء الله

ندى الياسمين يقول...

وندا

اسمريت بس

ده انا حمريت واسمريت ووشي بايظ خالص مع انى كنت بانزل البلاج بعد العصر

بس انا عندي حساسيه من الشمس

وانا مش وش بهدله انا فى الشمس خالص

وليه مش عارفه تقري ولا تعلقي لعله خير يا جميل

والصيف الجاي بقى محتاجه حد يخطفنى عشان النا راحه غصب والله
مجبر اخاك لا بطل

ندى الياسمين يقول...

استاذ عبد الجليل

الله يسلمك يا فندم متشكره اوي ربنا يخليك
نورت