الخميس، 8 يوليو، 2010

حقيبة الاقنعة



لا تفارقها أينما ذهبت وحيثما كانت حقيبتها الصغيره

محتوياتها هى مجموعة من الأقنعة

والغريب انها تعتقد ان لا احد يرى حقيبة الاقنعة خاصتها سواها

وبالفعل ليس هناك كثيرا من الناس يراها

فكان هناك قناع الرقه وقناع المكر وقناع الغباء وقناع الوداعه والضعف وقناع القوه والبطش وقناع الحب

اقنعه كثيرة  تحتاج اليها كي تستطيع المضي فى حياتها
وكي تستطيع انت ترضى من حولها

وبلا شك كي تحقق اهدافها التى اعتقدت ان هذه الاهداف هى سبيلها للكمال للسعاده
واعتقدت ايضا ان هذه الاقنعه هى الاداه المناسبه

فكانت كلما احتاجت الى قناع تذهب الى حقيبتها وتبدل الاقنعه
فى  البدايه كانت ترتدي كل اقنعتها فوق وجهها الاصلي
بل وكانت تخلع جميع الاقنعه حين تخلو بنفسها او مع المقربين منها

ولكن بعد فتره وجدت ان القناع الاصلي اصبح يعيق ثبات الاقنعه الاخرى

فقالت لنفسها ولما لا اخلع هذا الوجه والذي اصبح لا يفيد شيئا بل يعيق عمل باقي الاقنعه فقط  واحفظه فى حقيبة الاقنعه
ولتقنع نفسها اكثر حتى انه فى الحقيبه سيكون اكثر امانا حتى لا يتضرر فى احد مرات التبديل

وخلعته وحفظته بعنايه فى حقيبة الاقنعه
فرغم انه قناع ضعيف لا يحقق لها امالها وطموحاتها ولا يرضى عنه من حولها جميعا
الا انه يظل هو اكثر قناع يشعرها بالراحه النفسيه
فحفظته حين تنتهى من الوصول لاهدافها المنشوده فسوف تعود اليه بكل بساطه

وظلت بكل ثقه تنتقل من قناع لقناع وسحبتها الايام والسنين
وانتقلت من هدف الى هدف
واعتادت  الاقنعه وتغيرت الوجوه من حولها
فقد قربت منها ما يخدم طموحاتها واحلامها ويعجبه اقنعتها
فاصبحت ترتدى الاقنعه فى كل وقت ومع كل الناس

وبعد سنين لا تعرف هى حتى كم عددها

وقد حققت اهدافا اكثر مما كانت تخطط له

ولكنها للاسف غير سعيده

فسألت نفسها
ماذا  فعلت ؟؟ اين السعاده التى تمنيتها ؟؟
الم اصل لكل ما خططت له واكثر
ولكن اين هى السعاده انا لا اشعر بها

وذهب الى حقيبة  الاقنعه
واخرجت قناع السعاده وارتدته ما اجمله

نظرت فى المرأه !!
هى شكلها سعيد

ولكن الحقيقه ؟؟ ما هى الحقيقه ؟؟
الحقيقه انا تعيسه ... فماذا تفعل

وفى لحظه تذكرت قناعها الاصلي وتذكرت كم كان مريحها عن هذه الاقنعه البغيضه

بحثت  عنه وسط الاقنعه فلم تجده بحثت اكثر واكثر
وجن جنونها اين ذهب هل سرقت ؟؟

وهي تبحث ثانية وجدت هناك فى ركن ما فى حقيبتها قناع سحبته
ولكنه كان دون معالم ... تسائلت ترى ما هذا  القناع ؟؟؟!!!

فتفحصته قليلا وصرخت
هل هذا وجهي  ؟؟!!!
ماذا داهاه ... اين ملامحي ؟؟؟؟ اين وجهي .... اين انااااااااااااااا

صرخت وصرخت وظلت تبحث  علها تجد وجهها الاصلي
ولكنها لم تجد الا هذا الوجه الممحى المعالم

وظلت تصرخ .. اين انا  ... اين انا

هناك 35 تعليقًا:

حالة ملل يقول...

يااااااااااااااااااه
ايه اللى انتى قولتيه ده
للاسف يا ندى كتييييييييير قوى وسطنا بيعملوا كده و للاسف بيقدروا يخدعونا و يضحكوا علينا نظرا لتوافر الاقنعه معاهم
بس صدقينى لو خدعونا بعض الوقت مش حيقدروا يخدعونا كل الوقت
اكيد حيتكشفوا
و ساعتها محدش حيرحمهم
الست دى اتخلت عن هويتها و كيانها الاصلى فاتحولت لمسخ لا معنى له و لا حياه

جميل قوى
و جاى فى وقته قوى

صوت من مصر يقول...

دى مش حدوتة شخصية لا حكاية مجتمع

Wanda يقول...

دردر :-)
ده فيلم رعب
و تلاقيها بتعيط و تقولى
كانت معايا
كانت معايا فى الشنطة
كانت معايا
:-))

و بعدين سيبك من الاقنعة عازة تعرفى الحقيقة بصى فى العين :-) حتفضح
و اعتقد ده احد اسباب انتشار النظارة السوداء بتاعت مادى فاكراها :-)

ali younes يقول...

طرح جميل وموجود بيننا

نعم ان المجتمع في بعض الاحيان ان لم يكن في أغلبها يتعامل بقصوة مع البسطاء .
لذا فمنهم من شدة بساطتة يلجئ الي التخفي وراء قناع يحاول من خلالة ان يخدع الناس ويخدع نفسة انة يمتلك ما يفقد .
وأكيد أكيد في النهاية هو الخسران الاوحد حتي لو كسب أشياء في الظاهر .
لكن كما قلت الرحة النفسية والسعادة الحقيقية لا تقدر بمال .
تحياتي لك وللطرح الجميل

م / علي يونس

مصري جدا يقول...

طب وعهد الله مأعرف اين هي

وخلي رضروض يفتشني طيب

وبعدين ايه الحقد دا؟

وليه متغيره كل شويه بحاله

عادي يعني

حنعيش يعنى حنعيش يقول...

ياااااااااااااااااه فكرتينى بوشى.... انا بقى بطلت ادور عليه ... على فكرة كلنا بيضيع وشنا .... فيه اللى بمزاجه وفيه اللى غصب عنه .... بس النهاية.... كله بيضيع منه نفسه .... واقعية وليست اكتئاب ... تسلم ايديك يا ندى

ندى الياسمين يقول...

حالة ملل

قولي للاسف ان كل الناس بقوا عندهم اقنعه وبالتالي الى من غير اقنعه مش عارف يعيش مرتاح برضه

نورتي يا لولو

ندى الياسمين يقول...

صوت من مصر

فعلا هى حكاية مجتمع لا تعرف مش مجتمع
دي حكاية البشر كلهم للاسف

الا قليلا وصدقنى هما كمان مش عايشين مرتاحين وسط اصحاب ا لاقنعه

ندى الياسمين يقول...

وندا

ايوه كانت معايا
ههههههههههههههههه

مش كل الناس تفهم العيون يا وندا

صدقينى محتاجه قلب نضيف

لا النظاره السوده حاجه تانيه

النظاره السوده من الوسائل الدفاعيه عن الوجه الحقيقى
لو انتى لابسه وش مش بتاعك مش محتاجه نظاره سوده اصلا
نورتي يا جميل

ندى الياسمين يقول...

م علي يونس

بالظبط ده الى انا اقصده لو كانت الاقنعه دي هاتحقق له مكاسب

لكن مش هاتحققله اكيد السعاده والرضاالحقيقى عن النفس

تحياتي لحضرتك ونورت

ندى الياسمين يقول...

مصري جدا

بريء يا متر طول عمرك
ههههههههههههه

ومين الى متغيره ؟؟

منور يا فندم

ندى الياسمين يقول...

حنعيش يعنى حنعيش

يا لهوي واقعيه

لا مش اوي كده

فى الحقيقه انا بس المشكله عندي انى مش لاقيه ولا وش يجى على مقاسي لو لقيت مش هاقول لا جايز يكون اريح برضه

تسلم يافندم ونورتنا

فتاه من الصعيد يقول...

الاقنعه مهمه اوي في هذا الزمان..

وبصراحه افضل ما يمكن عمله هو تقليلها مع الحفاظ على الاصلي بحاله جيده :) ..

حلوه اوي القصه ..

وصلك الايميل بتاعي ولا ايه ؟؟.... يا ريت تبلغيني :)

تحياتي

Shaimaa يقول...

مشموشة ...أخبارك ايه
مش تقوليلى على موضوع توقيع الكتاب ده كانت فرصة أشوفك وأتعرف عليكى...معقول نبقى من بلد واحدة ومنشوفش بعض..

المهم...البوست ده واقعى أوى... معظم الناس بقوا كدة... بيغيروا 100 قناع فى اليوم لدرجة انهم فى الآخر بيتوهوا عن حقيقتهم... بس محدش فيهم بيزعل أو بيحاول يرجع لطبيعته ويبطل نفاق نادر أوى يا مشمش

بنت وولد يقول...

للاسف الاقنعه بقت هيا السائد و الاصلى بقى القله القليله المندسه وسط الجماهير

بس لازم نتعلم نفرق بينهم عشان منتخدعش و نتجرح
و نرجع نعيط بعد كده


بنت

خواطر شابة يقول...

عزيزتي احتاجك على الميل للضرورة اميلي على المدونة

جنّي يقول...

السلام عليكم

احييكي على موضوعك القيم .. يرتدي الجميع الأقنعة إلا من رحم ربي ولكن بشكل متفاوت فمنا من يستخدم قناع واحد ومنا اثنان ومنا ثلاث ومنا مالتي اقنعة ..
واقول ان المسلم يجب ان يكون ظاهره كباطنه .. ولكن هناك اقنعة ايجابية لابد منها احيانا في التعامل مع الزوج او الزوجة او الاصدقاء بما يفيد ويصلح .. وكما ان الكذب يحا احيانا في الصلح وفي الحرب وفي الحياة الزوجية .. فكذلك استخدام الاقنعة قد يفيد احيانا ..

sony2000 يقول...

بجد حلوا جدااااااااااااااااااااااااا:)

قلم رصاص يقول...

فعلا فيه ناس عايشه بأكتر من قناع تمام زي ماوصفتي في البوست المره دي

احييكٍ على الطرح الرائع

تقبلي مروري وتحيتي

ندى الياسمين يقول...

فتاه من الصعيد

ايوه بالظبط كده

يعنى مش هاقدر اقولك انه غلط استعمال الاقنعه تماما
بالعكس فى ظل مجتمع زي مجتمعنا ده صعب تواجهي المجتمع دايما اوقات بتحتاجي تهربي
تخففي من الصدام مع المجتمع وده احياينا بيكون اصلا صعب توصليله لو مش متعوده على الاقنعه

انما اهم شيء انك ما تنسيش نفسك وما تبقيش كما ارادوا وبس ما تخسريش حقيقتك وطبيعتك

نورتي يا جميل

ووصل الميل وانا رديت عليه دلوقتي مرسي يا قمر تسلم اديكى

ندى الياسمين يقول...

شيماء

والله يا جميل انا نفسي ما كنتش اعرف ده انا عرفت صدفه كده قبل ما انزل

وعموما ملحوقه حددي معاد ومكان واحنا نتقابل يا جميل

ومرسي على كلامك عن البوست ربنا يخليكى

ندى الياسمين يقول...

بنت وولد

ده حقيقى الى ما عندوش اقنعه دلوقتي هو الى بيتعب
شكرا ونورت

ندى الياسمين يقول...

خواطر انا سبتلك اضافه ورساله معلش انا كنت بره ما شوفتش التعليق بتاعك الا من شويه

ندى الياسمين يقول...

جنى

اتفق معاك جدا يا استاذ سعيد ان استخدام الاقنعه قد يفيد احيانا وانت من لا يجيد استخدام بعضهم فى اوقات معينه بيعاني مشاكل اكثر

بس كل ده دون المساس بحقيقة الشخص الخوف من الاقنعه تسحبه بس

تحياتي يا فندم ونورت

ندى الياسمين يقول...

سوني

مرسي يا جميل ربنا يخليكى
نورتي

ندى الياسمين يقول...

قلم رصاص

ربنا يخليك متشكره اوي نورت يا سيد

سمو الامير يقول...

ما شاء الله

عندك قدرة ع الوصف والتصوير رائعة :)

richardCatheart يقول...

تصفيق يا ندى

جميل والمعنى اجمل

صرخت ليه هى اللى اتنزلت عن نفسها علشان بدايل شفتها اهم من نفسها
يبقى اللى يلحب الدح مايقولش افففففففف
هههههههههههه

مافيش حاجه تساوى ان الانسان يكون نفسه
بعيوبها قبل ميزاتها
تحياتى يا احلى ندى للياسمين

ندى الياسمين يقول...

سمو الامير

ربنا يخليك متشكره اوي

نورت يا فندم

ندى الياسمين يقول...

قلب القطه

قدامي على الاميل هاقطعك
هههههههههههههه
ايه البت دي يا ولاد

بس حقيقى فعلا مافيش حاجه تساوي ا نك تعيشي نفسك

منوره يا قمر

ستيتة حسب الله الحمش يقول...

ندى الياسمين والفل والقرنفل والورد البلدي

انتي كمان بتوحشيني جدا ويعلم ربنا بحبك ازاي

بالنسبة للأقنعة
أتحدى أي إنسان يعرف يعيش من غيرها
يعيش ازاي
بالفطرة؟!!!!!!!!!!!
وفين الفطرة
فين الطبيعة

الحب شح قوي يا ندى
ولولا بقايا حب من بشر سوية احاط الله بهم الإنسان
كان فعلا ضاع الوجه الحقيقي تماما

في زمن الهندسة الوراثية
تم هندستنا كلنا علشان نعيش

زمن المسخ

تحياتي على بوست يثير الشجون

ندى الياسمين يقول...

ستيتة حياااااتي

وحشاني بجد
طلتك عليا وحشتنى موووووت

انتى عارفه يا ستيته مره كان عندي مشكله كده وأخدت راي صديق له فى الطب النفسي قالي حلك الوحيد الاقنعه

استخدمي شوية اقنعه ما ينفعش تفضلي طول ا لوقت مواجهه الدنيا كلها

اعتبري انك بتاخدي الناس على اد عقلهم ... صدقينى حاولت

الفكره ما بقيتش قناع بقت جدار
باتجنب المواجهه بجدار مش بقناع غير حقيقى

انا مش معترضه على وجود الاقنعه الى ممكن تريح صاحبها نسبيا

انما معترضه على انها تتحول لحياه

يعنى لازم تفضلي محافظة علىوشك ا لحقيقى ويفضل عندك وقت وناس تقدري معاهم تعيشي نفسك
نفسك وبس

تحياتي يا جميل ووحشااااااني برضه

مصر اليوم يقول...

المجتمع كله باقنعه بس الاقنعه مختلفة

ندى الياسمين يقول...

مصر اليوم

للاسف دى حقيقه

نورت يا فندم وتحياتي

أبو ريان يقول...

والغريب انها تعتقد ان لا احد يرى حقيبة الاقنعة خاصتها سواها

وبالفعل ليس هناك كثيرا من الناس يراها




أعجبني كذلك هذا التفصيل..
يسلم قلمك يا ندى