السبت، 4 أكتوبر 2008

محسن ومحسنه

المكان : بيت محسن ومحسنه فى ساعة عصاري

محسنه : محسن اصحى بقى انت هاتفضل نايم طول النهار .

محسن : ايه يا محسنه عايزه ايه ما تسبينى انام شويه .

محسنه: لا يلا قوم بقى عشان انا عايزه اروح لماما .

محسن وفاق لها واتعدل لها: نعم ؟؟ ماما ؟؟ اشمعن ؟؟

محسنه : اصل اتصلت عليها فى التليفون النهارده لقيتها تعبانه هاروح اشوفها

محسن : يا سلام يااختي طب ما هو ماما هى كمان تعبانه من امبارح وانتى عارفه اشمعن ما قلتيش نروح هناك

محسنه : الله هو ايه ده ؟؟!!! اولا مامتك مكلماني الصبح وعاطياني كلمتين فى جنابي وما كانتش تعبانه . ثانيا طيب ما تروح لها هو انا قلتلك ما تروحش .

محسن : لا هانروح لماما النهارده ونبقى نروح لمامتك بكره .

محسنه: لانروح لماما الاول ماما تعبانه .

محسن : خلااااااااص مش راحين فى حته خاااااالص .

ويقوم وهو متنرفز ينط من السرير ويغسل وشه ويلبس ويخرج يروح لصحابه وهو بيشتم ويلعن على الجواز وسنينه وحماته والعيشه والى عايشينها .

=================
ايه كان يحصل فى الدنيا لو كان كل واحد راح لوالدته لواحده ؟؟؟

ليه لما مامته كلمته ما راحش هو لمامته وتاني يوم بيحاسب مراته انها ما قالتش تروح لمامته ؟؟؟ّّّ!!

رساله الى كل محسن فى الدنيا :

من فضلك انت عليك تبر امك وهى عليها تبر امها

ما حدش مفروض عليه بر ام حد تاني

لكن طبعا لا تنسوا الفضل بينكم

الفضل يعنى مش عافيه لا بالمحبه والحسنى

ومحسنه كمان غلطانه كان ممكن تقوله نروح لمامتك وبعدين نطلع على ماما مثلاااااا وتبقى ا تحلت المشكله لكن برضه الحق احق ان يتبع والاستهبال وحش .


وكمان كان ممكن لما عرفت ان مامته تعبانه تقوله روح زور مامتك من باب انها تحضه على بر امه وكان ممكن برضه تروح تزورها .

المهم نصفي النوايااااااااااا من الجميع

تحياتي لكم

هناك 26 تعليقًا:

romansy يقول...

ياريت بقى محسن يفهم
ولا هى جمايل وخلاص
جميل قوى اسلوبك
وياريت تستمر حكايات محسن
ومحسنه
بس على فكره
نص مصر محسن
والنص التانى محسنه
بس علينا نحاول وخلاص
يا رب كتر افراحنا

صبرني يارب يقول...

رومانسي

نورت نور سريع جدا ربنا يكرمك

وحقيقى انا ناويه استمر فى محسن ومحسنه
وحقيقى نص مصر وزياده محسن ومحسنه

وطبعا لازم احاول على الاقل نلحق الى لسه ما بقاش محسن ومحسنه

وشكرا لك ونورت

ahmed_k يقول...

والله معاكي حق
المفروض من أول ما عرفوا ان أمه تعبانه يروحولها مش يستنوا لتاني يوم العصر لحد أما امها ما تتعب !!!!

والزياره ممكن تاخد ساعه ساعتين قولي تلاته وبعد كده يروحوا للبيت التاني يعني الوقت مازال فيه متسع

بس العند يولد الكفر والعياذ بالله


رحمنا الله جميعا من داء العند

تقبلي تحياتي

صبرني يارب يقول...

استاذنا احمد نورت

مش بس كده النقطه الى نفسي ا ركز عليها ليه بيحملها هى عبء بر امه كل واحد يعمل الى عليه مش يستنى حد يعمله

نورت

حسن حنفى يقول...

يارب يفهم ويتعلم بقي

:d

صبرني يارب يقول...

حسن حنفي

يارب كل الناس تفهم

أنا إنسان يقول...

الحمد لله
مش ناوي يبقى ليا حماة
وده مبدأ اسلامي اسمه
درء المفسده أولى من جلب المصلحه
:)

صبرني يارب يقول...

أنا انسان

طب وبعدين وانت مامتك فين ؟؟؟
برضه اكيد ال لاهاتتجوزها هاتبقى عايزه واحد من غير ام .
ههههههههههههههههههه

لا قول ربنا يرزقك بناس طيبين وحما طيبه

وبعدين اكتشفت ان الوضع الحالي ان ام الزوج هى الى بقت تعمل قلق فىالقاعده
بعدين هانتكلم فى الموضوع ده .

نورت المدونه وصاحبتها

mostafa rayan يقول...

انا شايف انهم الأتنين غلطانين
ام مراتك يعني امك وام جوزك يعني امك
الأتنين يسألو عن امهات بعض مافيش حاجة اسمها كل واحد يسأل عن امه بس
في الجواز الراجل والست حاجة واحدة فلازم يكون مع بعض دايما
تحياتي لك وكل سنة وانت طيبة

صبرني يارب يقول...

مصطفى

تحياتي لك ونورت

لكن انا ما قلتش انه ما يسألش على امها
لكن ما يغصبهاش انها تروح لامه قبل امها يا بلاش الاثنين
لو حكمت يبقى كل واحد يروح لامه

حماتها مش ا مها هى زي امها
لان امها هى تسأل عنها يوم القيامه
امها مسؤله منها
انما حماتها مسؤله من ابنها واولادها الى ولدتهم

مش عايزين كلام شعارات احنابنتكلم فىحقوق وواجبات كل واحد يعرف الى له والى عليه

ولا تنسوا الفضل بينكم
فضل فضل فضل مش فرض

mony يقول...

اسلوبك شيق يا ام مريم

بس اشمعني محسن ما افتكرش ان امه عايانة الا لما مراته اتكلمت علي امها

هو غلطان انه مافكرش في امه

البر انه اول مايحس ان امه عيانة يجري عليها


و محسنة ماغلطتش

اه هي كانت ممكن تعالج الموضوع احسن من كده
لكن ماعليهاش غلط


"و ما تفعلوا من خير فلانفسكم"

صبرني يارب يقول...

موني

ما هو ده قصدي

البر ما نقحش عليه الا لما مراته قالت اروح لماما

وكأن هى المفروض تبر امه قبل امها
وده طبعا لاااااايمكن يكون صح

هانسأل عن بر والدينا قبل ان نسأل عن برنا لازواجنا واهاليهم

ده لا يمنع انى المفروض احض زوجي على بر والديه وصلة اهله واروح معاه
لكن مش غصب
فضل واخلاق مني

مصري بالغربة يقول...

اهو كده بقه بصراحة معاكي حق

هي المفروض لمى لقيت مامته تعبانه قبل مامتها

كانت قالت له نروح نزورها

صح كده

مصري بالغربة يقول...

يا جماعة محدش يعرف المدون الكبير

ابو خالد

راح فيين

اللي يعرف يا ريت يبلغني على مدةنتي

لانه مختفي ومدونته مقفولة

وجواله مقفول كمان

صبرني يارب يقول...

مصري فى الغربه

مين فرضه ده يا استاذنا ؟؟؟

مين قال انه المفروض تقوله روح زور مامتك ؟؟؟
لا هو من الافضل انها تذكره انما مش المفروض
وتزورها هي اه من باب ارضاء زوجها ومن باب عيادة المريض ومن اي باب تاني تحبه او شباك حتى
بس مش من باب انه بالعافيه ومساواتها بفرض زيارة امها وهى مريضه .

والمدون العزيز على قلبنا كلنا ابو خالد مش عارفه
انا فكرت ان الوصله الى عندي فيها حاجه غلط
لكن كمان الموبايل مقفول ؟؟؟
غريبه دي
اول ما يتنامي الى علمي شيء هاقولك

☼♫♪ عمــاد الدين يــوسف ☼♫♪ يقول...

هههههههههههههههههه
بوست حلو مش خيالي . من واقع بيعيشه اغلب الازواج والفوارق بينهم بسيطه
بس في ناس عاقله جدا ومتفاهمه والحمد لله رب العالمين انا من هؤلاء اللهم دمها نعمه
يعني عندي زوجتي مطيعه ولو انا حكمت رايي في حاجه وقت غضبي تخضع وتنفذها تخليني لما اروق اندم اشد الندم اني اتعصبت عليها وابقى عايز اشيلها من على الارض شيل لانها اتحملتني ساعة غضبي
وكمان مفيش مانع ان الراجل يتساهل في بعض المواقف ويلين في يد زوجته وده مش ضعف بالعكس ديه قمة القوه والإحتواء
تحياتي
بعد اذنك لينك المدونه عندي في المفضله

صبرني يارب يقول...

عماد الدين

عمر ما يكون اللين من الزوج مع زوجته ضعف
الرسول عليه الصلاة والسلام قال رفقا بالقوارير
واحنا لازم نستحمل بعض فى غضبنا بس بشرط ما يكونش الغضب رخصه للخطأ دايما .
وربنا يخليكم لبعض ويسعدكم ويبارك لكم يارب
ونورت يااخي الفاضل واتشرفت بك فى المدونه
والمدونه تتشرف انها عندك فى المفضله
تحياتي لك

الدفاع يقول...

كلامك مش محتاج تعليق انا معاكى بس هى فى نقطه واحده بس
ان الزوجات لازم يتعلموا ان عند الاختلاف بينها وبين زوجها لابد انها تلتزم جانبه وتطيعه فيما امر بالمعروف
والا فهى دائما الطرف الاكثر ضررا
وياريت كل بناتنا يجربوا بس حكاية طاعة الزوج دى وبلاش العناد
وكمان ياريت كل الرجال يترفقوا بزوجاتهم
خصوصا وان الزوجات كفايه عليهن ضغط البيت والاولاد ومن قبل الحمل والرضاعه والسهر وغيرها
تحياتى وكل عام وانتى بخير

صبرني يارب يقول...

الدفاع
ايه النور ده يا استاذنا

شوف حضرتك الطاعه واجبه اه لكن فيما امر الله ورسوله

السيده حفصه بنت عمر قالت لابوها لما سألها هل تراجعن رسول الله .
قالت والله لنرجعنه .

مش طاعه عمياء هي . واكيد كانوا بيرجعوه فى حاجه ما تغضبش ربنا والا ما كانش الرسول طلبها منهم .
ولا كانوا هما ناقشوه فيهاوراجعوه .

وبعدين هل منع الزوج للزوجه من زيارة امها حتى وهي مريضه واقران زيارتها لامها لزيارتها لامه فيها من الطاعه والصحه الشرعيه من شيء ؟؟؟

وليه هى الطرق الاكثر ضرارا ؟؟؟
عشان احنا كمجتمع الى بنحملها دايما الاسباب والاضرار
لكن الحق ان كل واحد يشيل فشله مش الست هى الى تشيل لواحدها
ويفضل الراجل ما يعبيوش شيء

فكر خاطيء لمجتمع بعد عن جوهر الفكر السليم الى اداه لنا الدين الحنيف

تحياتي لك استاذنا ونورتنا فعلا

الدفاع يقول...

المدونه منوره بصاحبتها يا ام مريم
انا قلت الطاعه بالمعروف
والطاعه بالمعروف يعنى فى فيما احل الله ولكن انا هنا بتكلم عن ذكاء المرأه انها لو بدأت الرجل بالطاعه هايكون رد فعله ايه غير انها تكون اثيره عنده ويحاول انه يرضيها
اما عن كونها هى الطرف الاكثر ضرر فانا اقصد ان المرأه اللى تغضب زوجها او تتسبب فى تنغيص حياتها عليها او لا قدر الله تتعرض للطلاق تكون غالبا اكثر ضررا من الرجل اذا نظرنا لواقع الحال وطبائع الامور
اما عن تحمل تبعات الفشل فكل منهما مسئول عما فعل ( كلكم راع وكلكم مسئول عن رعيته)
والرجل مسئول اكثر من المرأه لانه سيسأل عنها اما هيا فستسأل ليس عنه ولكن على معاملتها له فيما سيسأل هو عن كل ذلك وغيره
ولكن يا اختى بنظره سريعه على موضع الرجل من المرأه فى ديننا نجد ان المرأه يدخلها الجنه مجرد طاعتها لزوجها مع ادائها للفرائض فطاعتها لزوجها هى كاجهاد بالنسبه للرجل
فلما كان الجزاء الجنه كان الضرر على العكس كبيرا عليها
والحديث يقول( انظرى مكانك من زوجك فانما هو جنتك ونارك)
اما المراجعه فهى وان كانت من المنغصات الا ان زوجات النبى فعلوها ولكنهن كن يراجعنه حتى يبيت غضبان
ومعلوم ان الرسول لا يغضب من حق
وقد انزل الله فى ذلك (يا أيها النبي قل لأزواجك إن كنتن تردن الحياة الدنيا وزينتها فتعالين أمتعكن وأسرحكن سراحا جميلا وان كنتن تردن الله ورسوله والدار الاخره فان الله اعد للمحسنات منكن اجرا عظيما)
وانظرى يا اختى الى كلمة المحسنات فى الايه واللى دلالتها فلو كان من حق المرأه المراجعه والتوقف فى امر من اوامر زوجها فان للمحسنات الاتى يطيعن ازواجهن ولا يراجعنه هم صاحبات الاجر الاعظم
فالاحسان درجه اعلى ومن عيوبنا جميعا رجال ونساء اننا نتوقف فى احساننا حتى يحسن الطرف الاخر وهذا من سوء التفكير
والصحيح ان يبدأ كل فرد بنفسه وان يبادر هو دون انتظار المبادره من الطرف الاخر
مع ملاحظه ان المرأه تملك من الحنان ومن القدره على احتواء زوجها مالا يملك الرجل
وعفوا للاطاله
وجزاكى الله خيرا

صبرني يارب يقول...

الدفاع

اخي الفاضل مع احترامي لكلام حضرتك اجماعا لكن فى نقط بس

اولا الايه الى حضرتك ذكرتها

يا أيها النبي قل لأزواجك إن كنتن تردن الحياة الدنيا وزينتها فتعالين أمتعكن وأسرحكن سراحا جميلا وان كنتن تردن الله ورسوله والدار الاخره فان الله اعد للمحسنات منكن اجرا عظيما)

حضرتك دي مش كانت عشان كانوا بينغصوا عليه حياته .
لا ده كانت عشان تحريم الزوجات بعد وفاة الرسول .

واما المراجعه ليس المقصود بها عدم الطاعه
اطلاقا
ولكن النقاش وليه عشان ايه .

وعشان حضرتك تبقى عارف تسعين فى الميه من الرجال حاليا لو بدأت بطاعه عمياء بتنقلب حياتهم لتحكمات فارغه ما بتقدرش هى تستحملها على طول الخط
وما بيقدرش هو بعد كده يتقبل فكرة المعارضه والمناقشه .
وعليه بتحصل مشاكل اكبر
انا ما قلتش عصيان انا قلت مراجعه فى الكلام .

وحضرتك قلت لو نطيع من غير مراجعه احنا كده صاحبات اجر اعظم

طب زوجات الرسول ما كانوش صاحبات اجر اعظم ولاايه ؟؟؟

وعلى فكره بالنسبه لموضوع الجهاد
اسمحلي لم تساوى طاعة الزوج بالنسبه للمرأه بالجهاد بالنسبه للرجل
وانما احسان فراش الزوج

حضرتك راجع الحديث

حين ذهبت امرأه للرسول تقول بان الرجال مفضلين على النساء بالجهاد فقال لها الرسول اذهبي فاحسنى فراش زوجك

ما قالها روحي اسمعي كلامه وانتى مغمضه .


انا لا اختلف مع حضرتك ان كله بالود والمحبه بيمشي ويبقى زي الفل

بس على شرط
كل واحد يبقى عارف الى له والى عليه

وبالتالي لما الطرف ا لتاني يعمل اكتر من الى عليه ويتنازل عن حاجه من الى له
يشعر هو بالامتنان والامتنان يبقى متبادل والحياه تبقى وردي خالص

عشان كده الحق احق ان يتبع

تحياتي لك ونورت تاااااااني جداااااااا

واستمتعت بالنقاش مع حضرتك

وارجوك ما تقولش انك طولت هنا الموطن الاساسي للرغي يعنى كله يرغي براحته على الاخر

وكلي آذان صاغيه لحضرتك واي عقل واع يحب يناقش

مواطن مصرى نايم يقول...

و فيها ايه لو راحوا للاتنين فيوم واحد
ايه المشكلة يعنى ؟؟
لو كل واحد اتقى ربنا فمراته و كل واحده اتقت ربنا فجوزها حتبقى الحياة اسهل من كده معاهم
بس و الله المواقف دى موجوده بشكل كبييييير فعلا

ربنا يهدى محسن و محسنه

تحياتى

اسلام

صبرني يارب يقول...

مواطن مصري

ايه النور ده

حقيقى احنا ممكن نكون متفاهمين

بس فى الموقف ده بالذات الى يغيظ هو اقرانه لزيارة امها بزيارتها هى لامه.
مع ان مافيش وجه ارتباط اصلا

سومه...مجنونه فى بلد عاقل يقول...

ههههههههه القهوه يعنى زى الراجل اللى قابل عادل امام يقوله انت بقيت حرامى ليه يقوله اصل ابويا كان عاوزنى اطلع دكتور يعنى ان مكانش دكتور يبقى حرامى
اهو محسن عمل كدا برضك ...لو بلاش ماما يبقى انزل القهوه....حل سلبى طبعا بس..

بصى يا صبرنى انا معلش حختلف معاكى لاسباب الاتيه:
1 ابوك وابويا دى مش عندنا لا دين ولا مجتمع يقبلها لان سبحانه وتعالى لو تفحصتى الكلام اللى بيقال فى الزواج وجعلنا بينكم موده ورحمه ليه لفظ الجمع لان الكلام خاص بالاسرتين ودا اللى سمعته من المأذون فى احدى خطب الزواج وغيره من الكلام اللى بينص على ان الاسرتين اصبحوا فى عنق كل فرد يعنى انصبوا فى قالب اصبحوا اسره واحده
ويسحتسن تسالى فيها شيخ عشان يفهمهالك افضل منى لان انا للاسف الشديد بنسى ودى مشكلة كبيره لا اجد لها حلا
حتى انى اخشى انى اتجوز واخلف فى يوم انسى ابنائى:))

2 على كل طرف بر والديه فى الوقت ذاته لا يفرقوا شمل الاسره يعنى مينفعش انت روح لامك وانا اروح لامى ومحدش ليه دعوه بالتانى
لان الاتنين المفروض يعينوا بعض على طاعه ربنا فى بر والديهم

يعنى المفروض هى تقف بجانبه وهو يقف بجانبها يعنى يترفعوا عن الصغائر ويمروا بوالدته ووالدتها على السواء وربما ياتى هو بوالدته وهى ايضا تاتى بوالدتها الى بيت الزوجيه الى ان يتعافى ان شاء الله

لكن افرق شمل الاسره واقول كل واحد عند امه وكانه مش المفروض انى احسن لاهله فدا طبعا خطأ
وكمان مش معنى ان حماتى لسانها سليط اعاملها وحش لسبب بسيط ربنا سبحانه وتعالى بيقول ادفع السيئه بالحسنه تمحوها......
وعموما حوار محسن ومحسنه واقعى وبيحصل فعلا معاكى حق بس المشكله لازم تتحل بالتعاون وليس بقطع الصله بين محسنه وحماتها وبين محسن وحماته
وكل واحد يشيل قفته لوحده
تحياتى ليكى سومه_87

صبرني يارب يقول...

بصي يا سومه

لو كنتى قابلتينى من عشر سنين فاتوا كان ممكن يبقى كلامي وردي زيك كده

لكن الانصدام بالواقع شيء تاني

انتى لسه على البر يا قطه والى على البر شاطر

ده غير ان انا ما قلتش انهم ينفصلوا واشتت جمع الاسره
هههههههههههههههههه
ضحكتينى وربنا
عشان كل واحد هايزور امه على حده يبقى شتت
ايه راي حضرتك الخاص بقى ان حماتك هاتبقى اول واحده عايزه ابنها يروح يزورها لوحده ؟؟؟
وفي نفس ذات الوقت انتى تروحي برضه يعنى نوعي كده مره تروحي ومره تسبيه وتحلي عنه عشان تستفرد هي به

وبعدين انا مش شايفه اي جدوى من الاصرار على ان كل طرف لازم يزور مثلا اهل الطرف التاني زي ما بيزور اهله

شوفي يا بنتى عمر ما حد هايبقى فى معزة ولادك ولا حتى زوجاتهم وازواجهم

وعليه انسي انك تكوني بنتها

واصلا اصلا حتى مامتك انتى مش عاجبها هاتعجبي حماتك .

انا الى اقصده ان كل واحد يقوم بالي عليه فعلا
اسألي ا نتى شيخ بس يكون بيفهم وحياة والدك
او بلاش شيخ دوري ا نتى لو عندك كتب

بر الوالدين ملزوم منك انتىىىىىىى
لوالديكى انتي

عايزه بقى تشجعي جوزك على بر والديه على عينا وراسنا يبقى كتر خير

تحياتي لك يا سومه ونورتي

أحلى حياة يقول...

معاكي حق والله

جزاكي الله خيرا كثيرا يارب