الثلاثاء، 4 أغسطس 2009

كل مدوني المنصوره والجيران والحبايب اجمع عندي هنا



السلام عليكم ايها المدونين الكرام



صديقنا وبلدياتي مسدس صغير قالي ان فى حفل توقيع كتاب لمدون زميل هنا فى المنصوره وان شاء الله تعالى ان لم يحبسني مانع انا هاروح الحفل ده وعايزه اشوف اكبر قدر من المدونين


بجد يا جماعه انا نفسي فعلا اشوف كل المدونين الى اعرفهم والى ما اعرفهمش

وكان نفسي احضر التجمع بتاع يوم السبت مع ستيته بس مش نافع شكلها


المهم ربنا يسهل ونقدر نروح حفل التوقيع الى فى المنصوره ان شاء الله تعالى وحقيقى احب اشوف الناس كلها ياريت الى يقدر يجى يشرفنا



وانا غشيت التفاصيل دي من عند مسدس صغير عشان الى هايجى يعرف التفاصيل





فرصة لمدونين المنصورة والدول المجاورة ان احنا نشوف بعض ونعتبره لقاء مدونين مصغر يوم الخميس الجاى الساعة 7 مساءً
ياريت كلنا نيجى ونجيب عشرة جنيه معانا عشان نشترى ديوان الراجل ده ونشجعه واللى معهوش العشرة جنيه . ديوانه على حسابى وموقع منى كمان..( واللى عنده اقتراحات نخلّيه يوم من أوله مثلا يقولنا ياريت ).. بس على فكرة الحفل ده اجبارى لكل مدونين المنصورة خاصة المنصورة والمدن القريبة منها .. ياريت كلنا نبقى متواجدين والغايب يقول للحاضر.واللى عايز ييجى من بعيد يبقى العشا على حسابنا كمان. ياريت. ويبقى صاحبى وحبيبى وكفاءة ..
التفاصيل :-
حفل توقيع ديوان: " حدوتة الشاطر .. مافيش ". للشاعر الجميل مصطفى حسان يوم الخميس القادم 6/8/2009 الساعة السابعة مساءً بمكتبة بوكس اند بينز، 7 ش جزيرة الورد - المشاية السفلية - أمام نادي الجزيرة - المنصورة........................
أماكن التوزيعالقاهرة:-البلددار ليلىعمر بوك ستورزالديوان - الزمالكالسندبادالكتب خان - المعاديسنابلالإسكندرية:-دار أكمل مصرالمنصورة:-
بوكس آند بينز

هناك 28 تعليقًا:

reem يقول...

صبرنى

وحشانى اوى اوى اوى

انا فعلا هحاول انى اجى علشان اشوفك

انتى فين يابنتى مختفية ليه كدا

سلمي لى على مريم ورحمة وبوسة كبييييييرة لخلودي

ahmed_k يقول...

متجمعين عالخير دايما
أنا مش ححاول آجي علشان المشوار طويل والدنيا حر وعم خليل بيسقي الورد

بنوتة مصرية جداجدا يقول...

بالتوفيق ان شاءالله

ستيته حسب الله الحمش يقول...

ايه يا امو العيال يا اوختشي
اين ذهبتي واختفيتي؟
لعل القصة ماركة فله يا روحي؟
وانا اللي كنت فاكرة اني ها اشوفك في لقاء المدونين وها نقعد في الجونينة نقزقز لب جاي لي من مرسى مطروح
يا خسارة

بالله عليكي حاولي تيجي
والله كلنا ها ننبسط بوجودك انت تحديدا جدا

طوبه فضه وطوبه دهب يقول...

yarb ykon agmal wa7la tgm3 wttbsto kolkm feh ya rb awl zyara waked hrg3 a3rf 3mlto ah fl tgm3

حاسوباتيه يقول...

حلوه جدا الفكره ان شاء الله يكون يوم جميل ليكم

شمس النهار يقول...

صبرررررني
ياوحشه
والا ميل واحد بس
وماتقوليش انك ماتعرفيش الميل بتاعي محطوط علي باب المدونه ومع بنات البلوجر وعمرو
مالكيش حجه
ماشي ياصبرني ماشي
:) :)
وحشتيني
ووحشتني بوستاتك

مصري جدا يقول...

دة أنقلاب وتفتيت للوحدة الوطنية وتمرد على سلطات الريسة الكبيرة سوتيتة دة بالاضافة لانها محاولة لاصبات ان الوجوة الجديدة قادرة على تحقيق نجاحات لا تقدر عليها الوجوة القديمة


اية رأيك في الزومبة دي

لو فية شعر غذائي شيلي لي طبق قصدي كتاب

عاشقه وغلبانه يقول...

انهو خميس ده ياولاد...؟؟؟؟
ماتقولوش بكره احسن اتصدم وربنا
انا عندي شغل
اهئ اهئ
والله بتهزروا
مش تقولوا من زمان
ومش لازم الساعه 7
ماتخلوها اي يوم من اول اليوم في المنصوره
وابعدوا عن الخميسات بعد الضهر اصل ده يوم النباطشيه بتاعي
اهئ اهئ
اتصرفي ياصبرني
اقولك حددي اي يوم وانا اجي اشوفك حتي ولو لوحدك
بس بلاش خميس

صبرني يارب يقول...

ريييييييم يا حياتي هاستناكي ان شاء الله تعرفي تيجى


لو هاتيجى كلمينى عشان استناكي

صبرني يارب يقول...

بنوته مصريه


تسلمي يا جميل

صبرني يارب يقول...

استاذ احمد

ماشي ماشي


بس عم خليل كانت الدنيا عنده برد
هههههههههههههههه

صبرني يارب يقول...

طوبه دهب وطوبه فضه

ربنا يكرمك ونورتي ودايما منوره

صبرني يارب يقول...

ستيته

والله والله نفسي نفسي اجي

بس انتى عارفه ما اقدرش اسافر من غير القبيله
وزعيم القبيله اليومين دول مشغول جدا جدا جدا

اكيد لو عرفت اجي هاجي والله نفسي جدااااااااااااا اجي

قولي يارب يوم السبت يجيله مشوار فى القاهره

نيهاهاهاها

صبرني يارب يقول...

حاسوباتيه

تعيشي يارب طيب تعاااالي انا فاكره انك كنتى من المنصوره باين

ولا انا دخلت السلوك فى بعضها ؟

صبرني يارب يقول...

شموسه

والله والله لسه سأله عليكى امبارح

بصي الاميل بتاعك ده انا دخلت المدونه ادور عليه لما عمرو قالي وما لقتوش برضه
مش عارفه انا عنيه مش جايباه ولا ايه

خلاص هاخده من أستاذ عمرو

طيب ممكن ابعتلك من هنا ميت بوسه على ما ابعتلك ان شاء الله

وحشاااااااني مووووووت والله

صبرني يارب يقول...

مصري جدا

والله يا استاذ هانيء لو عملت ايه ما تقدرش توقع بين اعضاء الجمعيه
هههههههههههههههههه


انا هاروح لخالتي على عيييييينى ان شاء الله بس ربنا يسهل

صبرني يارب يقول...

عاشقه وغلبانه

نباتشيه ايه يا اختي

استاذنى وتعاااااااالي ماليش دعوه

الخمسي انهو ايه

النهارده ياامي


وعموما لو عايزه تقابلينى انا موجوده فى ملعب السله فى استاد المنصوره كل يوم سبت واثنين واربعاء
من سته ونص بعد العصر لحد الساعه 8

وطبعا ده لحد رمضان

تعالي هناك فى اي وقت واقفي فى نص الملعب وقولي يا صبرني

ههههههههههههههههههههههههه

بجد الكلام مش هزار لما تكوني جايه ادينى خبر عشان احط ورده حمرا فى الايشارب
ههههههههههههه

وده اميلى لو كان مش معاكي

sbarny_yarb@yahoo.com

مامة مازن يقول...

تجمع طيب ان شاء الله واتمنى النجاح للكتاب وكاتبه باذن الله ولو كنت من اهل المنصورة او قريبة كنت اكيد جيت انا اصلا نفسى ازورها من كلام حماى اللهىيرحمه عليها عاش فيها فترة وبيعشقها الله يرحمه
اصل انا من بنها هتنقى بعيد عليا قوى اتمنى لكم جميعا تجمع موفق ان شاء الله

قيس بن الملووووح يقول...

يسعدني كثيرا ترابط المدونين وياريت كنت من المنصورة

حلم بيعافر يقول...

للاسف مقدرتش اروح اللقاء ده

ياريت اللى راح يحكيلنا بقى التجمع ده شكله كان عامل ازاى

عمرو يقول...

و الله التجمعات دى بتبقى فرصه جيده جدا للتعارف و التقارب بين المدونين و خاصة لما بتكون لمناسبه رائعه زى توقيع كتاب او ما شابه مع تمنياتى بالتوفيق لصاحب الحفل :)
بارك الله فيكى يا أم خالد و فى أهل المنصوره الكرام اللى لا ينسى لهم التاريخ جدعنتهم و شهامتهم و عكشهم للملك لويس من قفاه و حبسهم له حبسة حرامى الغسيل فى الحجز ..
تقبلى تحياتى و تقديرى ..

خالد فوده يقول...

عرفت اوصل لعنوان المدونه
انا سعيد جدا ان اتعرفت علي حضرتك

واتمني حضرتك تزوري مدونتي

صبرني يارب يقول...

قيس بن الملوح


مستعدين نديلك الجنسيه
هههههههههههه

نورت

صبرني يارب يقول...

مامة مازن

المنصوره هاتنور بيكى يا جميل

بنها مش بعيد اوي يعنى لما تعمليها وتنزلي المنصوره ادينى اشاره بس يا قمر

صبرني يارب يقول...

حلم بيعافر


كده كده

ماشي ماشي الله يسامحكم

والله كان نفسي اتعرف على الكل فعلا


عموما الجيات اكتر من الرايحات

اكيد هانشوفكم ان شاء الله

صبرني يارب يقول...

خالد فوده

والله انا الى اسعد فعلا بمعرفتك

ومتشكره اوي انك دورت على المدونه

ومتشكره اكتر على الدعوه الى لبيتها امبارح ولسه هاجي بقى اقرا واقعد عندك اشرب شاي

نووووورت

صبرني يارب يقول...

استاذ عمرو

الله يكرمك يارب

لما تيجى المنصوره عندنا هابقى اوريلك لويس هناك حبسينه لحد دلوقتي


تمثال الشمع يعنى
ههههههههههههه


نورت يا فندم