الخميس، 12 نوفمبر 2009

التاج التاج التاج .... اوجاوبلك يا حبيبى التاااااااج

السلام عليكم مدونينا الكراااااااام
أولا وباديء ذ بدء
جائنا البيان التالي الى بيقول ان مفروسه الننوسه واحلى من البسبوسه عيد ميلادها النهارده
كل سنه وانتى طيبه يا مفروستي الجميله وعقبال ميت سنه سعاده وهنا يارب
وحشااااااااني يا بطه
وثانيا
جائنا برضه التاج التالي من دودو عاشقة الرومانسيه وحيث انها زنقتنى المزنق ده فانا مرقدالها برضه
هههههههههههههه
الى التاج السعيد
اسمك واسم مدونتك ؟
ما مكتوب على الصفه يا دودو بقى
احب الالوان ؟ الايام ؟ الارقام ؟
الالوان الازرق السمااااااوي
الايام والارقام عاااااادي كلها ايام ربنا والارقام برضه عااااادي
برجك ايه وتاريخ ميلادك ؟
ليه الاحراج ده
طب ينفع اقول تاريخ الميلاد بس ؟16 فبراير
الدلو يعنى من الاخر
اهم مميزاتك ؟؟
يووووووووه كتير ما انتم عارفين بقى ههههههههههههههه
لا اكتر حاجه باحبها فيها انى حقانيه الحمد لله تعالى ولو على رقابتي
واهم عيوبي ؟
ليه الفضايح دي كتيييييييير برضه فاضين لامته
عصبيه تقدروا تقولوا مجنونه . صوتي عاااالي حبتين . مش منظمه حبه واحده بس . وفى حاجات تانيه كتير مش فاكراها اكيد
حد جدع كده يعرفنى يطلع يقول هو
اكتر حاجه نفسها تبقى فيك ؟
نفسي اكون حاطه مراوح على قلبي واعصابي فى تلااااجه ويكون عندي قناعين ثلاثه كده ابدل فيهم عشان اعرف اعيش فى هدوء شويه
لا بس على فكره بعد التفكير العميق برضه كده مش هابقى مستريحه وانا اصلا ما نفسيش ابقى كده
لكن نفسي ابقى اكثر هدوءا فعلاااااااااااااا وابطل عصبيه وجنان حبه
ماهو مكانك المفضل ؟؟
مش هاقووووووووولكم عشان انتم قرارين بطبعكم
هههههههههههههههه
ايه هو هوايتك المفضله ؟
احتل النت المقام الاول حاليا فى قائمة هوياتي المفضله وبعد كده بقى يجى الطبخ والصيد والقرايه وفى حاجات كتير بس يعطوني حريتى
ما المقوله التى تؤمن بها ؟
يوووووه ده كتير اوي اقولكم شويه والنبى
اتقي فراسة المؤمن انه يرى بنور الله
ليس كل ما يلمع ذهبا
من يتقى الله يجعل له مخرجا ويرزقه من حيث لا يحتسب
وبشر الصااااااابرين
حرص ولا تخونش
اول عتبات السعاده هى الرضا
بس خلاص
اجمل هديه اتقدمتلك ؟
اممممممممممممم
مش هاقولكم برررررررضه لنفس السبب الى فوق عشان قرارين
اسعد يوم فى حياتك ؟واتعس يوم فى حياتي ؟
لا ما باحبش احسبها كده ابدا وما اعرفش ارد على السؤال ده ولسه الله اعلم بالاسعد والاتعس وربناما يجيبش تعاسه ابدا
موقف طريف لا يمحى من حياتك ؟
كتير يا اختي انا كل حياتي طريفه
ايه يا بت الاسأله دي
طيب اسمعي دي
مره كنت انا ورضا واحنا كنا مكتوب كتابنا خرجنا نقضي مشوار وبعدين قوم طلعت فى دماغنا نتمشى على الكورنيش
طبعا خالتكم صبرني ما تعرفش تمشي ساكته هاتك يا رغي ومناقشات بقى ايه من الى قلبك يحبها وحاجه يعنى موضوع عام بس ايه بقى المناقشه حميييييت وانا وهو شغالين بقى الله ينور واحنا ماشيين عاااادي جدا
قوم واد من الى بيمشوا على الكورنيش بورد مش عارفه مين ضحك عليه وقاله ان احنا بنعطف او كده هههههههههههههههههههههههه
فراح داخل علينا وبيقول لرضا ورد يا بيه
رضا بقى فى قمة الانهماك فى المناقشه الحاميه قاله ياعم اجري احنا لسه هنحب
الواد اتصدم ومشي وبعدين وقفنا كده احنا الاثنين بصينا لبعض وفتحنا فى الضحك
لسه مخطوبين وبيقوله احنا لسه هانحب امال بعد كده هاتقولي ايه يا واد عمي وكده يعنى هههههههههههههههههههههه
معاك ثلاث وردات تديهم لمين ؟
وبعدين فى هذا الاحراج
ورده لرضا وولادي يشموا فيها جماعه
وورده لبابا وماما واخواتي برضه جماعه
وورده لكل اصحابي القريبين مني اوي والى عارفين نفسهم ومش هاقولكم عليهم عشان نفسسسسسس السبب
معاك 3 رصاصات على من تطلقهم ؟
الاولى فى دماغ البقره الضاحكه
والثانيه فى دماغ ابنه
والثالثه فى دماغ الى يتشدد لهم
ايه رايك فى الحب ؟؟
الحب الحب الحب ؟ الحب حلاوته بالقنطار
ولمن تقول اجمل كلمة حب ؟ ده سؤال ده برضه
مش هاجاااااااوب عشان نفسسسسسسس السبب
هل من السهل انت تمثل الحب لشخص يحبك لعدم جرح مشاعره؟
لا طبعا اولا لانى مش باعرف امثل
ثانيا لانى لو عملت كده يبقى باجله جرح المشاعر فقط وكمان هاخلي الجرح يبقى اعمق واشد تاثيرا
المرأه فى نظر الرجل اهم شيء في حياته
الرجل فى نظر المراه هو محور حياتها اساسا
اسعد خبر سمعته هذا العام ؟ واتعس خبر ؟
مش عارفه مش لاقيه حاجه تعد خبررررررر جامد يعنى
اه استنوا لما البت حنين قالتلى انها حامل فرحت بشكل مش معقوووووووووول
عشان كده هاخليها تجيب بنت المره الجايه وتسميها على اسمي
هههههههههههههههههههههه
لمن تهدي التاج ؟؟
كل الى عايزه يتفضله مش عارفه بقى
عاجبك كده يا دودو بتدوسي على الزرار وتسبينى ارغي
اه نسيت اقولكم يا قراااااااااارين مين فيكم فقعنى العين التمام انا تعبانه من يوم ما سبتكم بؤي بيوجعننننننني
والدكتور قالي قدام اسبوع كده اعمل فيكم ايه دلوقتي
ماهو ما طلعتش من اديكم
يا حد عداااااااني يا حد فقعنى قرايه
اعترفوا بسرررررررعه الكرسي الكهربائي اهو على الجنب

هناك 42 تعليقًا:

مصري جدا يقول...

يعني نص الاجوبة مش مجاوبة عليها

والنص التاني جاوبة غلط

عيدي يا صاصا

انتي جبتي صفر

لكن لو كنتي تبع الحزن

مبروك 99.999%

بس برضوا ساقطة وهتعيدي

Zianour يقول...

والله انتي عسل ودمك شربات

بس فيه اجابات كان لازمن الاجابة عليها بس ولا يهمك
المهم مجبلكيش جوزك ورد تاني ابدا؟؟؟

صبرني يارب يقول...

زيانور

والله يا زيانور يا اختي

بعد الجواز انا الى باجيب ورد مش عارفه ليه
ههههههههههههههههههههههه

صبرني يارب يقول...

مصري جدا

لااااااا عيد انت اهديلك التاج ده من كل قلبيييييييي

يلا بسرعه جاوب عليه وعلى الله ترفضه

شاب فقرى يقول...

مبروووووووووووووك التاج

عجبنى اوى الموقف بتاع الكورنيش :$

هههههههههههههههههههههههههه

ربنا يكون فى عون الواد بتاع الورد


وبلاش نقاشات حامية اوى كدا :$

:))

فقرى يتحدث

والحمد لله انا مبقرش

ولا بحسد

انا بحكى للى بيقروا ويحسدوا :D

ههههههههههههههههههه

ربنا يخليكى لكل اللى بيحبوكى ويملى حياتك سعادة

شاب فقرى

محمد عبدالرحمن شحاته يقول...

مبروك التاج
وأهنئك على اجاباتك الجميله
انا برضه جايلي تاج من كوكب مهجور بس هدفع قصاده 35 قرش
تقبلي مروري

فتاه من الصعيد يقول...

حلو التاج ده

والاحلى اجاباتك

موقف لكورنيش جاااااااامد

انتم كنتم بتتناقشوا في ايه بالظبط

تحياتي

ستيته حسب الله الحمش يقول...

كل سنة ومفروسة طيبة

ثانيا يعني ايه بؤك واجعك دي؟
ده من الرغي ولا من ايه؟
يعني ايه الحدوتة دي؟
سلامتك يا ام العيال يا دايخة
ثالثا انتي مش بتسألي عليا ليه
متغاظة منك وها تتعضي مع طابور طويل من الناس اللي فارسني

صبرني يارب يقول...

شاب فقري

لا ما خلاص انا عرفتكوا كويس يا بلوجاريه يا قراااااارين

ههههههههههههههههههههههه

نورت

adel يقول...

ههههههههههه
نص الاسئلة مش متجاوبة
تاج ده ولا قاعدة عائلية :)
قوليلي و انا مش هاقول لحد نوهائي

صبرني يارب يقول...

محمد عبد الرحمن شحاته

35 ياااااااااه الواحد ما سمعش الاكسبرشن ه من زمان

الدنيا بقى غلا يا ولاد
ههههههههههههههه
نورت

صبرني يارب يقول...

فتاه من الصعيد

تصوري انا مش فاكره اوي كنا بنتناقش في ايه
السن بقى يا اختي

بس اعتقد يعنى الزمه الماليه المنفصله للمرأه
هههههههههههههههههههه
شوف ازاي بقى

صبرني يارب يقول...

ستيته يا حياتي

انا مش سألت ؟؟
والله سايبالك اوف لاين اقربها امبارح شوفي الميل بتاعك طيب

وبؤي يا سيتى عندي فايرس عاملي التهاب شديد فى اللثه والفم بس الحكايه زادت معايا عشان خدت انتى بايوتك
عاااااااااااااا مش عارفه اتكلم ولا اكل ولا اشرب يا خالتي

صبرني يارب يقول...

عادل

يعنى يا عادل المدونين القرارين دول لسه معلمين فيا اهو من يوم ما شوفتهم

قلت خليها تعدي على خير بقى

وبعدين ماشيها قاعده عائليه

Cute Kitty **sookra يقول...

اولا مبروك ماجالك
تاج ياختىىى ياخراشى شكله جميل عليكى
يالهوى مخطوبين وموفاضيين تحبوا امال دلوقتى بتعملوا ايه ياضنايا(وش بيغمز)
ههههههههههههههههههه
اجاباتك غير كل الناس
لذيذه اوى كدا زى الكيك بتاعك
ماتجبيلى كيك وتيجى
هههههههههه
انا عماله اتخانق مع كل اصحابك عشان اشم الورده ههههه

صبرني يارب يقول...

سكره

لا دلوقتي بنحب برضه

تعالى يا بت على جنب عشان اعرف ارد عليكى
ههههههههههههههههه

ايه البت دي

والكيكه عونيه يا جميل

بس وردة ايه مش فاهمه

مسدس صغير يقول...

والله تاج جميل
واجاباتك جميلة
حصلت معايا حكاية الورد
ماشى مع اختى بيقول لى وردد وربنا يهنيكو ببعض
قولتله امشى يالا انا عايزها تتجوز وتحل عن دماغى
ههههههه

ميمى واحمد يقول...

فى عيد ميلاد زواج نوارة عايزنكم تحتفلوا معانا

قلم رصاص يقول...


السلام عليكم

الاجابات نصها متكلفت

لالالالالالالالا ولن يمكن هخلي المحامي بتاعي يرفع

قضية .. عشان متبقاش سابقه في المدونات

وهو عارف نفسه .. الواد صاصا ماهو المحامي

بتاعي هههههههههههههه

اسلوبك سهل ممتنع وبيوصل على طول لهدفه

دمتي في ابداع وتميز

وزيارة بزياره بقى

ههههههههههههه

سلام عليكم

Dr Ibrahim يقول...

لا الف سلامة...ويكفيكى شر عيون الناس..

شوكولاتة يقول...

إزيك يا صبصب وحشاني والله

إيه ياباشا بس الإجابات الجاحدة دي معقولة كده باين عليكي حتة سكر والنعمة

ربنا يخليلك رضا وأولادك بس عجبني قوي الموقف ده لأ جديدة متهيألي إن الواد بتاع الورد أول مرة يشوف حد زيكم كده

سلام

عاشقه الرومانسيه يقول...

انا بقى عايزه اعرف اجابات الاسئله اللى انتى مش مجوباها دى
ايه الكروته دى؟؟؟!!
محدش هيقر عليكى ياصبصب مش تخافى
هنعلقوا خرزه زرقا على باب المدونه ياشااااابه
هههههههههههههههههه

احساس طفلة محبة للرومانسية بس واقعية يقول...

اية دا يا صبصب
القر مخلكيش تقولى اى حاجة كدا :)
ربنا يسعدك ويوفقك
وحياتك كلها تكون ورد ورد ورد
بس مش من اللى مجلكيش دا :)

دمتى بكل خير
تقبلى مرورى

أبو العريف يقول...

اول مره ادخل هنا

واااااااااااخر مره

لاني مش ناوي اخرج اصلا

المدونه متميزه

واجابات لذيذه

تقبلي مروري

يــوم جــديد يقول...

مين اللي عمل كده ؟
بس أما أشوفك يا دودو
حد يدي تاج لصبرني :)
احنا لسه هنحب D:
انتي بقى قلتي احنا لسه هنجاوب :)
سلامتك يا صبصب
ربنا يشفيكي ويعافيكي ويجعله في ميزان حسناتك
لابأس طهور إن شاء الله

بسنت صلاح الدين يقول...

هههههه فكرتينى بالورد ، انا كمان مش بيجيلى ورد دى لازملها وقفه احتجاجيه ، و بخصوص القر انا بقترح تعلقى خرزه زرقا على باب المدونه

صبرني يارب يقول...

مسدس صغير


ايه ياعم انت دي اختك

انما ما تعرفش الكلام ده عدى عليه يجى 11 سنه ومش سايبه رقابته انا لحد دلوقتي
هههههههههههههههههههه

افتكر الواد بتاع الورد اعتزل الورد كله من يومها

صبرني يارب يقول...

ميمى واحمد
اوووووووووك اكيد هاروح

صبرني يارب يقول...

قلم رصاص

يا باشا منوووووور

ماشي ما دام صلاح انا موافقه
هههههههههههههههههه

صبرني يارب يقول...

د ابراهيم

متشكره اوي ربنا يكرمك

نورتنا

صبرني يارب يقول...

شيكولاته

اه طبعا ده زمانه جاله ذهول يا بنتى

وانتى كمان وحشااااااني والله

منوره يا قمر

صبرني يارب يقول...

دودو

من هنا لحد ما تجيبوا الخرزه الزرقا وتعلقوها هابقى اقولك بينى وبينك بقى بلاش غتاته
هههههههههههههههههههه

صبرني يارب يقول...

احساس طفله

ايوووووووووه العالم دي قراره انا عارفااااااااااااهم


هههههههههههههههههههه

نورتي يا جميل

صبرني يارب يقول...

ابو العريف

يا باشا شاي كومبليت عشانك هنا تنوووووور

ده شرف لنا

شكرا لك اوي

صبرني يارب يقول...

يوم جديد

الله يكرمك يار ب

متشكره اوي يا قمر

نورتي

صبرني يارب يقول...

بسنت صلاح

لا تنازل ولا استسلام
خليه يجيبلك ورد يا بنتى

ههههههههههههههههههه

نورتي يا جميل

كيكى عوووووو يقول...

ياستى مش هنقر!!!
انتى بتضحكى علينا فى الاجابات

حنين القلب يقول...

صبرنى
انا عارفه مكانك المفضل
المطبخخخخخخخخخخخخخخخخخ
صح ولا لاء؟؟
هههههههههههههههههههههههه

ايه الاجابات الهايله دى
وبعدين مش تزعلى من رضا الراجل صريح يا ستى

وحشتينى يا صبصب

صبرني يارب يقول...

حنين

لا يا اختي مش هووووو

هو انا باحب اطبخ اه بس مش لدرجة مكاني المفضل

صبرني يارب يقول...

كيكى عوعو

لا اصل انا نصابه زي ما انتم شافين باخم
ههههههههههههههه

مروة الزارع يقول...

مدونة جميلة

هاجى كتير

صبرني يارب يقول...

مروه الزارع

شكرا