السلااااااااام عليكم يا شعب مصر
وصباااااح الخير عليكم
بس قلت اقول للناس مبروك وان شاء الله يكملها ربنا بالستر
حبيت بس اقول كلمتين لفوا فى دماغي امبارح
****************
شكلنا حلو اوي يا ولاد واحنا متجمعين على كلمه واحده
واحلى واحلى والكلمه دي بنقول فيها ياااااارب
احنا فيييييين مش كده على طول ليه
*********************
علم مصر والناس ماسكاه وبتقول مصر مصر حلو اووووووووي
ما عدناش بنعمل كده ليه ؟؟
انا اكتشفت ان علم مصر وحشنييييييييييييي
************************
الاغاني الوطنيه حلوه اوي يا ناس
من زمان جسمي ما قشعرش وانا باسمع اغاني وطنيه
عشان ما عادش فى اغاني وطنيه تحولت من مصر هى امي الى فوق دي والى كنت باغنيها فى حفلة المدرسه وانا صغيره
الى اخترنااااااك اخترنااااااااك
وياريتنا بصحيح اخترنااااااااه كانت تتبلع
لا يا ريتنا اخترنا اي حاااااااااااجه اصلا
********************
هانفضل طول عمرنا شعب غلبان وطيب وقريب
مزمار يجمعنا وعصايه تفرقنا
صعبنا عليا امبارح واحنا ما بنصدق اي حاجه عشان نفرح ونقول هيه هيه احنا مصريين ودي بلدنا وبنحبها
والله من حقنا اننا نحب بلدنا عشان حاجات تانيه كتير غير الكوره
ومن حق بلدنا تتحب برضه عشان حاجات تانيه غير الكوره
وعقبال الماتش الجاي ان شاء الله يعدى على خير
ونقول مبروك بصحيح بقى
هناك 35 تعليقًا:
حلوة الفرحة صحيح
يارتنا نفرح بحاجات كثير غير الكورة
حلوة الكليب و بالذات ميدان طلعت حرب و القاهرة و الناس و العربيات
ياه وحشنى كل ده
تخيلوا واحدة واحشها الزحمة و الدوشة و الناس :-) سبحان الله
يارب يكلموها فى السودان و يطول عمر الفرحة
ايوة يا صبصب
دا سمسم اللى من اشد المتشائمين لمستقبل مصر اللى بيقول على الشعب قبل الحكومة احنا فينا وفين
امبارح قال واللهى احنا شعب طيب
تخيلى لو الجزائر هى اللى تأهلت واحنا طلعنا من المجموعة من بدرى مش كنا هنشجعها
وشوفى ازاى كلنا واقفين على امل واحد وواثقين فيه لحد اخر لحظة بجد شكلنا كان حلو واحنا بنشيل بعض ومحدش فى الاستاد قعد على كرسى عشان يدى مساحة لواحد تانى يدخل يشجع معاه بجد روح عالية يارتها فى اى حاجة تانى غير الكورة كنا لمينا الزبالة من الشوارع ولا ساعدنا اولاد الشوارع ولا نظمنا المرور ولا حتى زرعنا شجر بالمجهود دا حتى سمعنا الكلام ولا حد دخل بصاروخ ولا نار ولا الكلام دا كنت مستغربة الحكاية دى اوى ببساطة كدا الشعب سمع الكلام عشان خاطر مصر عشان محدش يتلككلنا وفهم ونفذ بجد الماتش دا ادانا كلنا امل ان لسة احنا شعب جميل بس محتاجين مزمار عشان نتجمع ونلاقى روحنا بجانب فرحتنا طبعا الغير طبيعية ربنا يسهل الماتش الجاى ومنتغرش ويكون دى العصاية اللى تفرقنا :)
دمتى بكل خير
تقبلى مرورى
عندك حق
الناس دي لو اجتمعت على حاجه مفيده .... كانت البلد بقيت احسنن
ملحوظه
انا موش بحب الاغاني الوطنيه بتاعت الحروب يتحط عليها ماتشات وكده
ده استخفاف بقيمه حروب وشهداء
مبروووووك
تحياتي
السلام عليكم
مبرووووووك النصر وعقبال الماتش الجاي
صحيح كلامك
بس مع إني كنت من أول الناس الكارهه للماتش ده بالذات عشان الضجه والخلافات اللي حصلت
لكني كنت متابع من قبل الماتش بساعه قاعد ومستني
يمكن بس عشان أحس بالقشعريره اللي قلتي عليها
في الأول أو الأخر دي مصر
ألف مبروك
تقبلي مروري
ليا تحفظ
بس اة معاكي حق
الشعب
والشعب بس اللي يفرح
غيرة
يولع بجاز وسخ
والجاز عليا
هوة مفيش غير الكورة الى تفرحنا ....هو احنا مبنحبش مصر غير عشان الكورة
واندا
يا حبيبتى متخيله
انا اتغربت فتره كان بيوحشني حتى الدبان الى فى الشوارع
شوفي القرف بقى
هههههههههههههههههههه
طفلللله
اسم الله عليكى
سمعنا الكلام
اتجمعنا
كنا محترمين حتى والى قدامنا مش محترمين
ليه ها
ليييييييييييه
عشان الماتش ده الى لعبوا فيها ناس بتشتغل بجد عايزه تكسب بجد
مش بيمثلوا علينا
احنا محتاجين حد نشوفه بيشتغل بجد
محتاجين حد يقولنا كلام عشان نسممممممممعه
ناقصين كتيييييييير يا بنتى
فتاه من الصعيد
الاغاني الوطنيه مش بتاعة الحروب الشهداء بس والله
الاغاني الوطنيه للوطن اولا واخيرا
وصدقينى لو احنا ناس محترمين
كان يبقى انتصار الكوره ده له معنى برضه محترم جداااااااا
مش حاجه غلط ولا عيب ولا هايفه
ايام الرسول وخلفاؤه كان فى مسابقات رياضيه وكانوا بيولوها اهتمام وكل حاجه
تحياتي ليكى يا جميل ونورتي
blackshwak
انا كمان كنت حاسه ان كتر الرغي واللك بتاع الفضائيات ده هايوكسنا وكسه ما لهاش زي
بس ربنا ستر الحمد لله
مصري جدا
هو التحفظ بتاعك ان حد تاني يولع بجاز ؟؟
طيب وليه تحفظ ماهو ده طبيعى يولوعوا طبعا مليون مره
لا 80 مليون مره
انت على فكره بتستدرجنى وتوقعني فى الكلاااااااااام وده مش حلو كده
بعدين تقولي مش هاجيبش عيش وحلاوه
بليند سنايبر
تخيل ؟؟؟؟؟؟؟؟؟
اكتشفت كده
ان الناس ما افتكروش يقولوا مصر الا كده
حزنااااااانين عليها يا ابنى
تخيل لما يكون اب وله ابن صادد نفسه دايما
اهو احنا احساسنا كده برضه
هييييييييه دنيا بقى
انا مش عارفة انتوا فرحانيين على اية
ياريت تقروا بوست نوارة نجم
http://www.tahyyes.org/2009/11/blog-post_5456.html
والبوست بتاعى
http://salataa.blogspot.com/2009/11/blog-post_14.html
ربنا يشفى المصريين من التفاههة اللى بتسرى فى دمهم ياااارب
مروه
انا قريت بوستك ورديت عليكى امبارح
وقريت بوست نواره ورديت عليها دلوقتي
ياريت تروحي تقري ردي على نواره
وياريت تعتبري نفسك من الشعب المصري ايا كان شكله
عشان شئت ام ابيت انتى جزء منه ومتاثره به
خلي بالك من النقطه دي كويس
والكوره مش هى الحاجه الهايفه الوحيده
رغم انى شايفه انها ممكن ماتكونش هايفه لو احنا بنفهم وعندنا اداره كويسه
انما احنا زيرووووووووووووووووو
الفرحة جميلة
والالتفاف حول علم مصر اجمل
والمنظر كان رهيب
بعد المباراة حسيت ان التتار هجمت على مصر من كل حدب وصوب
الجماهير خرجت بكل طوائفها كبار وصغار حتى الاطفال خرجت للشوارع
سبحان الله
كان تفسى يفتحوا الطريق الى فلسطين كنا نروح نحتفل هناك وناكل اليهود ونرجع
مهو لو الشعب لاقى حاجه تانيه يجتمع عليها من غير مكل واحد يتفلحس عليه بكلمه ويمسكوا فى خناق بعض وانت مش بتفهم وانا بفهم اكتر منك,,
كان اجتمع من زماااااااااااااااااان...
لو الشعب شايف حاجه تانيه غير الكوره يقدر يحس فيها انه مش فاشل ,كان عمل من زمااااااااااااان...
لو الشعب شايف انه فى حاجه واحده فى البلد تخليه يقف يمسك العلم ويرسمه على وشه ويحس انه مبسوط من قلبه كان عمل من زمااااااااااااااااان...
ان شاااااء الله
بإذن الله
هيعدى على خير
قادر كريم اللى خلانا جبنا جون فى اخر دقيقه
قادر يكسبنا ماتش السودان
شيما الشعب
والله يا اختي صعبوا عليا عشان كده
هانعمل اييييييه
عاشقة الرومانسيه
يارب يا اختي يارب
اهو نكمل هيصه برضه
خالد همس الاحباب
والله ياابو همس انا قلت كدددددددده
اي حاجه اهو المعارك كتيره فى حياتنا
نعمل اي حاجه واحنا بنفس الرووووووح بس
الله!داحنا طلعنا اخوات
حلم بيعافر
اخوات طبعا مافيش كلام
انت الان دم تدوينى يا بوي
بس اشمعن تحديدا يعنى قلت كده الحين ؟
والله ياختشى ياصبرنى
انا عاوزه اقول كدا برده وصحيح يارب نقدر نتجمع كدا كلنا ونقول احنا هنا وموش متنا خلاص
اصل وربنا الكل بيدور ويلف وموش لاقى حد يتلم حواليه
يااااااااااااااه
فينك ياصلاح الدين
موش صاصا طبعا
ههههههههههههههه
مبرووووووووووووك ياحبيبتى وابقى اعملى لنا جاتوووه المره الجايه بالمناسبه الحلوه دى
ههههههههههههه
الفرحه حلوه اه معاكى
بس خيبه الامل ان مافيش غير الكوره الى نغنى ليها الاغانى الوطنيه
خيبه تقيله
هاتتكتب علينا فى التاريخ
واحفادنا هايقولوا اخص
ده الى هما عملوه
انتى عارفة ياصبصب ياجميلة
اللى حصل و تجمع الشعب بالشكل ده حتى ولو علشان كورة اكد الامل اللى جوايا اننا نقدر نتجمع فعلا على حاجة تصلح من البلد دى و ان الشعب ده لسه ماتخلاش عن حبه لبلده و ان الشعب المصرى مهما حصلوا تغيير الا ان جماله لسه جواه بس محتاج اللى يطلعوا
المنتخب قدر يطلع ده و يارب يجى اللى يطلع ده و يوجهه لاصلاح البلد فعلا
^_^
انا مبسوطة اوي والله ومش شايفة ان الكورة حاجة هايفة.. انا صحيح مليش اصلا في الكورة بس بحب اشوف المنتخب وهو بيلعب.. وبحس بالفخر لما يكسب.. خلينا نفرح يا اختي شوية بدل الهم اللي كابس على انفاسنا.. بس على فكرة لو كانو الاخين الحلوين محضروش الماتش كان بقى احسن كتير.. الواحد مكانش عاوز يشوف الخلق دي.. يلا ربنا يوفقنا في السودان وان شاء الله الاخين الحلوين ميقدروش يروحوا.. حد يقولهم ان السودان فيها بعوض بياكل الناس
بوسة وحضن يا قمر ليكي وللبنات
كان هيبئى حلو اكتر لو كنا ايد واحدة بنلعب لعبة هدفها التجمع مش التفرق
كان هيبئى احلى لو مكانش اخواننا عاملين كدا وزعلانين
كان هيبئى حلو اوي لو اعلامنا واعلامهم قدر يحتوي الأزمة
لكن الاعلام العربي اثبت غباؤه وفشله
ربنا يجمعنا على خير وميفرقناش أبدا أبدا
اللهم آميـــن
وحشاني ياصبرني : ))
امممممممممممممم
ممكن تقولى انا قلت كده دللوقتى طفاسة
اصلى سمعت انك كنت جايبة كيك معاكى فى التجمع الاخير
سكره
عونيه يا جميل انتى تامري بس
نودي
احفادنا بس يقولوا اخس ليه
احنا عملنا حاجه غلط
هو ده صح
بس مش وهو لوحده فاهمه ؟
سويت فيوليت
ايووووووووووه اهو ده كان احساسي
فضلت اقول فى نفسي الله ما احنا حلوين برضه اهو
ههههههههههههههههه
بوبو
تصوري يا بوبو نفس الكلمه الى قلتها
اول لما شوفت سحنتهم ساعة الفوز
قلت نكد عليك وعلى امك
انتم ورانا ورانا هاتطلعونا فى الحلم لسه ولا ايه
عاشقه الفردوس
وانتى اكتر يا جميل
وياااااااارب امين متجمعين على الخير
حلم بيعافر
هههههههههههههههههههه
ماشي ياعم عنينا لك
ياااااااااااااااااااااااااااااااااااااااااااااااااااااااااااااااااااااااااااااااااااااااارب
اعذرينى
اول تعليق ليا عندك داخل وكانى متسول
بس كلنا نفسنا مصرررررررررر تكسب
إرسال تعليق